منتديات الكنيسة

العودة   شبكة الكنيسة الكتاب المقدس Hebrew Old Testament (Tanach)

سفر المزامير - الأصحاح 10
  • 1. למה יהוה תעמד ברחוק תעלים לעתות בצרה׃
  • 2. בגאות רשׁע ידלק עני יתפשׂו במזמות זו חשׁבו׃
  • 3. כי־הלל רשׁע על־תאות נפשׁו ובצע ברך נאץ יהוה׃
  • 4. רשׁע כגבה אפו בל־ידרשׁ אין אלהים כל־מזמותיו׃
  • 5. יחילו דרכו בכל־עת מרום משׁפטיך מנגדו כל־צורריו יפיח בהם׃
  • 6. אמר בלבו בל־אמוט לדר ודר אשׁר לא־ברע׃
  • 7. אלה פיהו מלא ומרמות ותך תחת לשׁונו עמל ואון׃
  • 8. ישׁב במארב חצרים במסתרים יהרג נקי עיניו לחלכה יצפנו׃
  • 9. יארב במסתר כאריה בסכה יארב לחטוף עני יחטף עני במשׁכו ברשׁתו׃
  • 10. ודכה ישׁח ונפל בעצומיו חלכאים׃
  • 11. אמר בלבו שׁכח אל הסתיר פניו בל־ראה לנצח׃
  • 12. קומה יהוה אל נשׂא ידך אל־תשׁכח עניים׃
  • 13. על־מה נאץ רשׁע אלהים אמר בלבו לא תדרשׁ׃
  • 14. ראתה כי־אתה עמל וכעס תביט לתת בידך עליך יעזב חלכה יתום אתה היית עוזר׃
  • 15. שׁבר זרוע רשׁע ורע תדרושׁ־רשׁעו בל־תמצא׃
  • 16. יהוה מלך עולם ועד אבדו גוים מארצו׃
  • 17. תאות ענוים שׁמעת יהוה תכין לבם תקשׁיב אזנך׃
  • 18. לשׁפט יתום ודך בל־יוסיף עוד לערץ אנושׁ מן־הארץ׃

الساعة الآن 04:42 AM.



دعم خاص من vBulletin لمنتديات الكنيسة
©2000 - 2019، Jelsoft Enterprises Ltd
جميع حقوق الطبع محفوظة لمنتديات الكنيسة