المساعد الشخصي الرقمي

مشاهدة النسخة كاملة : لقاء مع coptic man



ارووجة
10-10-2006, 03:07 PM
http://www.alamuae.com/gallery/data/media/123/0179.gif


سلام ونعمة

اهلا ياغاليين

هلئ انتهى الاسبوع الاول

ولازم نحط عضو او مشرف جديد على كرسي الاعتراف

ولهالاسبوع انا اخترت يكون الضيف هو المدير Coptic man

طبعا كلنا منعرف الاخ كوبتك مان شخص محترم ومتألق في مشاركاته


اهلا وسهلا اخي المصري كوبتك مان نورت كرسي الاعتراف لهالاسبوع

بالتووووفيق اخي ربنا معاك

ويلا بيناا

انا رح ابدا بالاسئلة


الاسم (الاول يعني ههههه)


عمرك

الحالة الشخصية

دراستك

مقولة او حكمة المفضلة لك

هواياتك


وهدفك في الحياة



لهون بوئف اسئلتي بعدين بكمل

بتمنى من الجميع المشاركة ^_^



بايووو ياحلوين



REDEMPTION
10-10-2006, 05:54 PM
+

سلام ونعمه ..

احب أن اضيف ثلاث تعليقات .. إن سمحتم لى

أول تعليق خاص بالاخت العزيزه أروجه :

جميل أن يجد المرء براءه طبيعيه وقلب بسيط مثل قلبك .. احيى فيكى طفولة القلب .. ونضج العقل .. فحقيقتاً أشعر بشعور غريب عند قرأتى لمشاركاتك ... و بالتأكيد هو شعور جيد :) .. ربنا معاكى

التعليق الثانى خاص بالاخ الحبيب السمردلى :

(( رأى شخصى )) قلماً نجد نضج وحكمة وحب فى هذا العصر .. ولكن اعتقد أننى وجدتهم .. مجتمعين ..

التعليق الثالث خاص بالضيف لهذا الاسبوع .. الحبيب .. كوبتك مان = مينا

تشدد وتشجع .. لا ترهب ولا ترتعب :)

سأضع أسئلتى لاحقاً .. بأذن المسيح

صلواتكم
Coptic Man
10-10-2006, 10:55 PM
كوبتك مان : مثقف جدا ... أستغرب ان كان صغير ألسن ( كما في ملفه ألشخصي ) ... تلميذ ( عانى ) في مدرسة ألحياه !! !! أفضل ميزاته ( تفهم ألآخرين ) !! ( بيته أولويته ) - محب للتطوير
و ألتعلم دائما ........... يصلح كمدرس ممتاز جدا ( للأطفال و ألمتوسطي ألسن من طلاب ألمدارس ) ............ خدوم !! مساعد جيد في بيته !


ميرسي خالص لذوقك يا سمردلي

بس بجد انا مش عارف انتا عرفت منين ده كله كانك تعرفني يا راجل بجد :dntknw:

معادا الثقافة انا علي قدي كلنا بنتعلم من الدنيا :new2:

والسن انا فعلا مش كبير اوي سني 20 سنة :smil12:

والدنيا علمتني كتير اوي اوي اوي اوي اوي اوي اوي اوي

ومريت بخبرات سيئة كتير وكل خبرة تاركة بصمة علي وشي بس نشكر الرب يسوع انه دايما معايا ومش بيتخلي عني وفعلا انا استفدت من كل اللي مر بيا

وانا مدرس مدارس احد بدي اطفال متوسطي السن زي ما بتقول

وبجد تحليلك ممتاز لكل الاعضاء ويشابه لحد التماثل افكاري عنهم

الرب يباركك
Coptic Man
10-10-2006, 11:04 PM
ولهالاسبوع انا اخترت يكون الضيف هو المدير Coptic man

طبعا كلنا منعرف الاخ كوبتك مان شخص محترم ومتألق في مشاركاته

اهلا وسهلا اخي المصري كوبتك مان نورت كرسي الاعتراف لهالاسبوع

بالتووووفيق اخي ربنا معاك

ويلا بيناا

انا رح ابدا بالاسئلة


- اختيارك ليا شرف كبير يا ارووجة و ميرسي لذوقك

واتمني اكون عند حسن ظنكم

الاسم (الاول يعني ههههه)

مينا :smil12:


عمرك

20 سنة

الحالة الشخصية

اعزب ويعول ( اطفالي في الخدمة يعني مش حد غريب :yahoo: )

دراستك

الخدمة الاجتماعية وبهتم بشكل خاص بدراسة علم النفس والفسيولوجي

مقولة او حكمة المفضلة لك

هو اجمل مقولة وحكمة بحبها وبتعامل بيها دايما

هي

" عامل الناس كما يحبوا ان يعاملونك "

هواياتك

هواياتي كتيرررر ها اكتبهم بالترتيب

القراءة . مساعدة الاخرين . الكمبيوتر . يستهويني بشكل خاص التعامل مع كل انواع التكنولوجيا المختلفة . تاليف قصص قصيرة . البحث في كل ماهو غريب ومنافي للعقل ( لهاية لما اتجننت :t33: )

وهدفك في الحياة

امنية حياتي وهدفي هو

" كل ركبة هتسجد ليك كل لسان هيعترف بيك "

نفسي الكل يعرف يسوع ويعرف انه مات علشانه وانه بيحبه جدااا

ويتمني رجوعه اليه نفسي كل المسلمين وكل من هو بعيد عن الرب يرجعه ولايحزن القلب اللي فداه

هدفي اعلاء راية الصليب عاليا جداا

واتمني اني اقدر


اتمني ردودي تكون مناسبة للرد علي كل الاسئلة

سلام المسيح
Coptic Man
10-10-2006, 11:06 PM
+


التعليق الثالث خاص بالضيف لهذا الاسبوع .. الحبيب .. كوبتك مان = مينا

تشدد وتشجع .. لا ترهب ولا ترتعب :)

سأضع أسئلتى لاحقاً .. بأذن المسيح

صلواتكم

حبيبي طارق

عاوزك تفكر كويس انك اجلا او عاجلا هتبقي مكاني

فا اعمل خير هتلاقيه :t33:

فاهمني :spor22:
KERO KINGOOO
10-11-2006, 01:40 AM
مينا هوووووووووووووووووووووووووووووووووت جالك الموت على ايد كيرو
كيرو وبس
هبتدى معاك الاول بشوية اسئلة سريعة

1- اقرب شخص الى قلبك ؟
2- اقرب انسانة الى قلبك وعقلك وعاطفتك ؟
3- اية الحب بنسبالك ؟
4- هل انت فى حاجة الى من تضمك وتعتنى بيك ؟
5- لو قدامك فرصة انك ترد واحدة مش مسيحية الى المسيح بس هدمر حياتك الارضية وتنعش السمائية تختار اية بصراحة ؟.
6- اكبر غلطة عملتها فى حياتك ومش مسامح نفسك ؟
7- اشياء فعلتها تفتخر بها ؟ واشياء لا تريد تذكرها اساسا ؟
8- هل انت قوى الارادة بدرجة الصمود وحدك فى معركة ضد الاسلام ؟
9- ما هو واجبك نحو المسيح الذى تشعر بة ؟
10- مينا هوت انت ومضايق اية اول حاجة تفكر تعملها ؟
جاوب دول وبعدين نتفاهم فى بقية الاسئلة
قلم حر
10-11-2006, 06:46 AM
مبروك أخي مينا على ( ألكرسي ) أظن لساه ما بردش!!
سؤالي ألأول :
صف لنا شريكة ألمستقبل ( اذا كانت معروفه أم في علم ألغيب ) !!
يعني اذا معروفه : صفها كما تراها .
في علم ألغيب : كما تتمناها .
طبعا ألوصف يكون لشخصيتها و فكرها ............... بما لا يقل عن ( 3) أسطر !!
و أتمنى ان يكون سؤالي ( خفيف عليك ) ........... وهذا ما أتوقعه !!
مباركون جميعا بنعمة ألرب.
mrmr120
10-11-2006, 12:33 PM
انا الى عليا الدور
اية الحاجة الحلوة الى بتحبها فى حياتك ؟
اية الحاجة الوحشة الى فى حياتك ؟
اية الحاجة الى عايز تفتكرها دايما ؟
اية الحاجة الى مش عايز تفتكرها ؟
اية الحاجة الى بتغيظك ؟
اية الحاجة الى بتعصبك ؟
بس كفاية عليك كدة
ارووجة
10-11-2006, 01:10 PM
+

سلام ونعمه ..

احب أن اضيف ثلاث تعليقات .. إن سمحتم لى

أول تعليق خاص بالاخت العزيزه أروجه :

جميل أن يجد المرء براءه طبيعيه وقلب بسيط مثل قلبك .. احيى فيكى طفولة القلب .. ونضج العقل .. فحقيقتاً أشعر بشعور غريب عند قرأتى لمشاركاتك ... و بالتأكيد هو شعور جيد :) .. ربنا معاكى

التعليق الثانى خاص بالاخ الحبيب السمردلى :

(( رأى شخصى )) قلماً نجد نضج وحكمة وحب فى هذا العصر .. ولكن اعتقد أننى وجدتهم .. مجتمعين ..

التعليق الثالث خاص بالضيف لهذا الاسبوع .. الحبيب .. كوبتك مان = مينا

تشدد وتشجع .. لا ترهب ولا ترتعب :)

سأضع أسئلتى لاحقاً .. بأذن المسيح

صلواتكم


مرسيييي كتير اخي طارق على كلامك الجميييل ^_^

ربنا يحميك من كل شر
Coptic Man
10-11-2006, 01:34 PM
مينا هوووووووووووووووووووووووووووووووووت جالك الموت على ايد كيرو
كيرو وبس
هبتدى معاك الاول بشوية اسئلة سريعة


- بالراحة عليا كيرو ده انا حبيبك مينااااا :smil13:

1- اقرب شخص الى قلبك ؟

- صديقان ليا واحد اسمه باسم والتاني اسمه جورج

- دول اكثر اشخاص قريبين لقلبي ومعاهم برضه في نفس المستوي 2 اباء كهنة بطلع عينهم وبيطلعوا عيني والامور ماشية تمام وهما بيفكروا يشلحوني حاليا من كتر المحبة :t33:

2- اقرب انسانة الى قلبك وعقلك وعاطفتك ؟

- الحقيقة انا مريت بخبرات منيلة بستين نيلة مع الجنس الناعم وحاجات تعقد بجد

- والنتيجة اصبحت انسان معقد انما ايه يعجبكم :1073lg:

- اقرب انسانة لقلبي تفرق عن اقرب انسانة لعقلي وعاطفتي ومش قادر اجمعهم لهاية دلوقت في انسانة واحدة للاسف

3- اية الحب بنسبالك ؟

- الحب هو شئ جميل يربط بين قلبين برابط شفاف لايري ولكنه اقوي من اي رباط اخر رباط يشبه ارتباط الروح البشرية بالجسد ويا بخت اللي يقدر يلاقيها ويحصل عليه

4- هل انت فى حاجة الى من تضمك وتعتنى بيك ؟

- لو قولت لاء ها ابقي كاذب , اي راجل في حاجة لمن تضمه وتعتني با اموره وبترتيب حياته لاني الرجالة بطبعها مش بتهتم بذاتها ممكن تهتم باللي قدامها اكتر واي واحد برضه محتاج للحب والشعور بالاهتمام لما حد يضمه كلنا في حاجة الي ذلك :wub: ولو كان من واحدة بيحبها يبقي مفيش احلي من كدا غير السماء طبعا :t33:

- بس اهم حاجة الواحد ما يستعجلش :old:


5- لو قدامك فرصة انك ترد واحدة مش مسيحية الى المسيح بس هدمر حياتك الارضية وتنعش السمائية تختار اية بصراحة ؟.

- بكل صراحة ها اوفق بدون لحظة تردد واحدة بس اكون متاكد طبعا انها اختارت المسيح مش بتتسالي او بتهرب من شئ يعني اكون واثق من ايمانها بالرب يسوع واستعدادها لتحمل الموت ذاته لاجله ساعتها ممكن اضحي علشانها بحياتي بلا مبالغة


6- اكبر غلطة عملتها فى حياتك ومش مسامح نفسك ؟


- اننا مش اهتميت بدراستي في ثانوية عامة :36_1_38:

- وكنت الي حد ما مشاغب ومطلع نيني عين المدرسين :smil4:


7- اشياء فعلتها تفتخر بها ؟ واشياء لا تريد تذكرها اساسا ؟

- انا بطبعي مش بحب الافتخار فمن انا كي افتكر حياتي لاتستحق ذلك

- ولكني الحاجة اللي انا مبسوط بيها وراضي فيها عن نفسي هي خدمتي

- اشياء لا اريد تذكرها هي فترة شقاوة المراهقة :585fc:

8 - هل انت قوى الارادة بدرجة الصمود وحدك فى معركة ضد الاسلام ؟

- هو بدايتا حواري مع الاسلام ليس معركة قد ما هو امنية انهم يعرفوا يسوع وواجبي كا انسان مسيحي لاننا عارف اني اللي مش هيقبل يسوع مخلص شخصي لحياته ويقبل فداءه له
- سوف يكون مصيره جحيم ابدي فا لازم احذرهم واكلمهم وافهمهم خطورة ذلك وانهم بيضحوا بالابدية فا مش بعتبر عمل بطولي قد ما هو واجب علي شخص مسيحي

- وطبعا انا بشخصي الضعيف لا استطيع ان افعل شئ ولكن هي نعمة الله فا هو يقول " مجاوبين كل من يسألونكم علي سبب الرجاء الذي فيكم "

- ربنا هو اللي بيدينا نعمة اننا نرد وهو اللي بيساعدونا ولسنا من ذاتنا وبعدين انا اجئ ايه قدام الاخوة المباركين روك ومحبة وفادي وطارق و داني وريمون واندرو ولاكي وانسر مي مسلم الي اخره كلهم اخوة مباركين اجدر مني مليون مرة انا بس بحب المواضيع الغريبة في الاسلام اللي مش معتاده علي الاصح افتحها واناقشهم فيها وعلي وعسي :a82:



9- ما هو واجبك نحو المسيح الذى تشعر بة ؟


- اننا اكلم الكل عنه واعرفهم انهم جه للعالم لاجلهم واتصلب لاجلهم وقام ايضا لاجلهم لتحريرهم من سلطان الخطية الذي تسلط عليهم وينزع عقوبة الموت الابدي اعرفهم قد ايه هو بيحبهم وبيتمني انهم يرجعوا ليه وفاتح ذراعيه وقلبه لهم ومستعد لغفران كل خطياهم ونسيان الماضي و ان يقبلهم في ملكوته الابدي مع قدسيه الابرار

10- مينا هوت انت ومضايق اية اول حاجة تفكر تعملها ؟

- انام ههههه , لما اكون مضايق بحب اسمع ترانيم مفرحة لبيتر لايف او انهار الحياة او اقرئ ايات تحسسني بالقوة والنعمة

جاوب دول وبعدين نتفاهم فى بقية الاسئلة

- ربي اني لا اسائلك رد القضاء ولكني اسائلك اللطف في :smil13:

- اتمني اكون رديت علي اسائلتك كويس يا كيرو

- وانا تحت امرك يا حبيبي في اي سؤال

:1068ze:
Coptic Man
10-11-2006, 02:19 PM
مبروك أخي مينا على ( ألكرسي ) أظن لساه ما بردش!!

- ميرسي يا اخي الحبيب السمردلي الكرسي لسه سخن فعلا وربنا يستر :yaka:



سؤالي ألأول :
صف لنا شريكة ألمستقبل ( اذا كانت معروفه أم في علم ألغيب ) !!
يعني اذا معروفه : صفها كما تراها .
في علم ألغيب : كما تتمناها .
طبعا ألوصف يكون لشخصيتها و فكرها ............... بما لا يقل عن ( 3) أسطر !!


- اولا طبعا تكون بنت ربنا علي الاخر و السيد المسيح في حياتها رقم 1و مش مجرد كلام لاء افعال وتصرفات تليق ببنات ربنا وتكون بتحب خدمة الكنيسة ومحبة للعطاء ومساعدة الاخرين وبرده فعل مش كلام

- وفي المرتبة الثانية تكون بتحبني موووووت وبتهتم بيا وبتحرص علي مشاعري وتكون دايما متفهمة ليا ولظروفي المختلفة وحالتي العقلية :yahoo: وهتلاقي المثل طبعا انا مش اناني وكمان احب انها تكون ذكية وبتحب القراءة و مثقفة



و أتمنى ان يكون سؤالي ( خفيف عليك ) ........... وهذا ما أتوقعه !!

مباركون جميعا بنعمة ألرب.



سؤلك جميل وسهل يا سمردلي ياريت الكل كدا :t33:

ربنا معاك ويباركك
KERO KINGOOO
10-11-2006, 02:44 PM
مينا يا حبيبى
بالراحة عليا كيرو ده انا حبيبك مينااااا
اوك حاجة فى اللعبة دى مفيش احباء ده كرسى اعتراف

- ربي اني لا اسائلك رد القضاء ولكني اسائلك اللطف في
- اتمني اكون رديت علي اسائلتك كويس يا كيرو
- وانا تحت امرك يا حبيبي في اي سؤال
ايوة يا مينا انت رديت على كل اسئلتى وباجابات رائعة ونقنع
ولكن لازم هنال المزيد

1- تقصد اية يا مينا بـــ بس اهم حاجة الواحد ما يستعجلش (تقصد شخص معين انا اعرفة )
2- هل انت مختار شريكة حياتك ومجرد انك حاططها فى بالك ولا لسة مخترتش ؟
3-هل كل البنات اللى بيتعامل معاهم كوبتك معاملة واحدة ولا الثقة درجات ؟
4-
رايك فى الاعضاء دول
هايدى - مارى - مرمر - امير - مينو - فيرس - مارسلينو - سمردلى
رايك فى المشرفين دول
ميرنا - جومانا - جيرل - ارتميس - كيرو - رامى - طارق - روك - فادى


ولسة هناك اكيد بقية للاسئلة
heidi
10-11-2006, 03:30 PM
هاقول الى جه على دماغى
و كل ما افترك حاجة هاسألها
ما هى فرصه بقى

1- هل انت اجتماعى ؟
2-المنتدى بالنسبا ليك ايه؟
3- كيرو بالنسبه ليك ايه؟
4- اللون المفضل عندك ايه؟
5-يتخاف من الحسد؟
6- الكتاكيت بالنسبه ليك ايه؟


7-كمل الاتى :

انا بحب .................عشان................... لذلك................... و نفسى..............


8-ايه سلبياتك و عيوبك؟
9- و ايه مميزاتك ؟
10 - اكتر شخصيه بتحترمها فى المنتدى ؟
11- اكتر شخصيه بتحبها فى المنتدى ؟
12- اهدافك و طموحاتك؟
13- الرب يسوع بالنسبه ليك ايه؟
14- لو معاك عصايا سحريه هاتعمل بيها ايه؟
15- لو قدامك تهاجر و لازم تاخد واحد بس معاك تاخد مين؟
16- احلى كتاب قريته؟
17- احلى ترنيمة سمعتها؟

انا مش لاقيه حاجة تانى دلوقتى اول ما افتكر قاقول علطول
Coptic Man
10-11-2006, 03:31 PM
انا الى عليا الدور


نورتي يا مرمورة


اية الحاجة الحلوة الى بتحبها فى حياتك ؟

بنوته صغننه في الخدمة ( kg2 ) عندي با اعتبرها اكتر حاجة بريئة في حياتي وانقي انسانة عرفتها وهي بتحبني كمان :yahoo:


اية الحاجة الوحشة الى فى حياتك ؟

الفضول :smil13:
مش بيقولوا الفضول قتل القط :new2:
نص خبراتي المنيلة كان سببها الفضول

اية الحاجة الى عايز تفتكرها دايما ؟

اني يسوع مات علشاني انا بالتحديد واني مهما عملت مش ها اقدر اوفي الدين اللي عليا

اية الحاجة الى مش عايز تفتكرها ؟

خطاياي الكثيرة اللي بتحزن قلب الفادي وبتصيبني بكئابة مميته

اية الحاجة الى بتغيظك ؟

كتيرررررررر

السلبية و اللامبالاة في الشعب المصري دول اكتر حاجة وكمان لما تحبي تنصحي حد علشان حاجة مهمة يفكرك عاوزة تضريه او بتضحكي عليه لهدف في ذاتك ويفكر سوء النية فيكي دي بتحرق دمي بقي مش بتغظني وبس :ranting:

لاني مش بكون قاصد غير مصلحته فقط

اية الحاجة الى بتعصبك ؟

بالاضافة للي فاتوا
اني حد يفكرني اننا مش فاهمه او يكون بيضحك عليا وممكن اكون سيبه لغرض في ذاتي بس هو يفكرني عبيط ومش فاهمه ده بيعصبني اوي :a82:
لاني كمان مش بقدر اصرح له باللي جوايا لهاية لما اكمل هدفي بالطبع



بس كفاية عليك كدة

شكرا لمشاركتك الجميلة يا مرمورة
heidi
10-11-2006, 04:10 PM
الكلمات دى بالنسبه ليك ايه:

1-الرب يسوع
2- الحياه
3- النعمة
4- الحب
5-الجمال
6-الدراسه
7- البيت
8-الكنيسة
9-الصليب
10-النجاح
11-الفشل
12-المنتدى
13-الصداقة
14- الشهامة
15- الجدعنة
16- الجرى
17- الكلاب




كفايه كده
و جار البحث عن اخرين
REDEMPTION
10-11-2006, 08:45 PM
+

سلام ونعمه ..


كوبتك مان ..

تمنطق .. وتقلد سيفك .. و إستعد :)

1 - كيف تعرفت على المنتدى ؟
2 - كيف تقضى يومك ؟ بالتفصيل .. الامور الثابته
3 - أشعر بأنك رومانسى .. ورغم ذلك تقول بأنك غير مرتبط ... لماذا ؟
4 - لماذا بدلت أسمك من مينا هوت الى كوبتك مان ؟ أن كان أمر شخصى فأنت فى حل من الاجابه :)
5 - من هو مثلك الاعلى ؟

والبقية تأتى

تحياتى ..

وصلواتك
ميرنا
10-11-2006, 11:30 PM
مين شار عليك انك تقعد يا كوبتك بس منظرك حلو وانتا كده متبهدل اسئله وخد بالك الصفحه اللى فاتت فيها اسئله بلاش نصب فرحانه فيك جداا
heidi
10-11-2006, 11:38 PM
مش اجتر منى يا ميرنا

هههههههههههه انا كمان فراحنه غيه موووووووووت

هههههههه حلو مينا و اهو مطحون كده و متبهدل
ههههههههه
Coptic Man
10-12-2006, 01:04 PM
مينا يا حبيبى
بالراحة عليا كيرو ده انا حبيبك مينااااا
اوك حاجة فى اللعبة دى مفيش احباء ده كرسى اعتراف


- يا كيرو افتكر انك في يوم ها تتحط مكاني واعمل لدنياك يا ولدي :t32:


- ربي اني لا اسائلك رد القضاء ولكني اسائلك اللطف في
- اتمني اكون رديت علي اسائلتك كويس يا كيرو
- وانا تحت امرك يا حبيبي في اي سؤال
ايوة يا مينا انت رديت على كل اسئلتى وباجابات رائعة ونقنع
ولكن لازم هنال المزيد


- اسئلة تاني : لاتعليق http://www.freecopts.net/forum/images/smilies/070104~242.GIF

1- تقصد اية يا مينا بـــ بس اهم حاجة الواحد ما يستعجلش (تقصد شخص معين انا اعرفة )

- صدقا لا اقصد شخص معين ولكني اقصد التأني في الاختيار و اخذ مشورة ربنا والتفكير الجيد في الموضوع فهو ليس لعبة او تقضية وقت وانما هو حياة وعمر كامل لاثنين اختاروا بعض عن حب .

2- هل انت مختار شريكة حياتك ومجرد انك حاططها فى بالك ولا لسة مخترتش ؟

- لم احسم الموضوع بعد لذلك لا استطيع الادلائل باي تفاصيل .

http://www.freecopts.net/forum/images/smilies/014FDA~117.GIFno comment http://www.freecopts.net/forum/images/smilies/014FDA~117.GIF

3-هل كل البنات اللى بيتعامل معاهم كوبتك معاملة واحدة ولا الثقة درجات ؟

- بالطبع درجة الثقة مختلفة جداااا .

- كل شخصية ولها تعامل خاص بيها لفروقهم الشخصية .

4- رايك فى الاعضاء دول : هايدى - مارى - مرمر - امير - مينو - فيرس - مارسلينو - سمردلى

- هايدي : انسانة طيبة جداا و وديعة لدرجة قد لا يتخيلها البعض بالذات اللي يشوف مواضيع الاكل بتاعتها وناكفهاا معايا بيحس انه يشاهد فيلم المراة والساطور :beee: ذكية بتحب الاخرين وتعامل الجميع بمحبة و يتقال عليها بنت المسيح بجد مش اي كلام مسالمة الي اقصي حد ودايما قلبها مليان بالسلام والمحبة للاخرين .

- ماري : عضوة شقية جدااا وبتحب المناكفة في خلق الله بس شكلها بنت عسولة :smil12:.

- مرمر : دي بنوته شقية وزي العسل وصغننه و بيعجبني اوي بساطتها في التعامل مع الكل وكمان تصميماتها الجميلة في منتدي الصور الرب يباركها .

- امير : شخصية جميلة اوي ومتعمق في الكتاب المقدس وبيعجبني اوي انه بيستخدم في اغلب مشاركاته ايات من الكتاب المقدس حتي في الالعاب وده شئ رائع .

- مينو : واد عسول وشقي موووووووت وبيحب يناكف معايا نظام بيلعب في عداد عمره ههههه واوقات بفهمه واوقات لاء يعني لسه متردد في امره برضه .:dntknw:

- فيرس : مش عارف مين ده اكتب الاسم بالانجليزي .:dntknw:

- مارسلينو : عضو جديد معاك يشارك فترة و يبعد فترتين بس مشاركاته لذيذة واتمني اشوفها دايما معانا .

- سمردلي : بحسه اخ كبير خبراته كبيرة في الحياة وذكي بيتعامل مع الكل بمحبه وبساطة جميلة علي درجة عالية من الثقافة .


رايك فى المشرفين دول
ميرنا - جومانا - جيرل - ارتميس - كيرو - رامى - طارق - روك - فادى


- ميرنا : اخت حقيقي جميلة جداا وطيبة علي الاخر وبسيطة الي اقصي حد تحب تخدم علي قد ما تقدر و مش بتحب اني يتذكر اسمها انها تعبت مش بتحب حد يمدحها علي الرغم انها تستحق اكثر من المدح الرب يباركها وهي بنت حقيقة للمسيح .

- جومانه : مشرفة نشيطة وطيبة بتتعامل مع الكل بحبة ومش بتتنازل عن حقوقها ببساطة شخصيتها قوية الي حد ما .

- جيرل : مشرفة لذيذة و مواضيعها كلها جميلة وتمتاز بخفة الدم .

- ارتاميس : اللهة وثنية قديمة اوبس قصدي مصيبة متحركة وبتخبط في الصعايدة كتير :t32: بس طيبة علي الاخر وانا عن نفسي بحب اتناقر معاها جامد واعاكسها ههههه.

- كيرو : http://www.freecopts.net/forum/images/smilies/019F3B~14.GIF كنت بحبه قبل ما يموتني بالاسائلة هههه كيرو بعتبره اخ ليا بجد صغير في السن بس كبير في المخ طيب جداا ودمه خفيف وذكي .

- رامي : ده بتاع يوم الخميس مش كدا ههههههه رامي شخصية جميلة ومهذبة اوي دمه خفيف وطيب الي اقصي حد وذكي جداا كمان وبيحب يخبط في الجنس الناعم وده اكتر حاجة عجباني الرب يقويه .

- طارق : اخ جميل اوي وانا بعتبره اخ كبير بحاجة بسيطة خالص علي فكرة يعني محدش يفكر انه كبير طيب جداا ومتواضع ردوده كلها دبلوماسية مش بيحب يخسر حد ومش بيخسر لتعامله المهذب مع الجميع وبمحبته المعهودة .

- روك : شخصية مشوفتش قبلها ولا هشوف متواضع جداا علي قلبه خدمة رب المجد وبيحبها جداا مستعد يخدم اي شخص اي كان بدون سؤال بدال لاجل مجد المسيح ذكي جداا وطيب الي حد محدش يتخيله الرب يباركه ويقويه ويديله نعمة اكثر واكثر .

- فادي : بتعجبني ردوده في الاسلاميات علي الرغم اني مفيش بينا احتكاك بس هو شكله شخصية لذيذة ومقنعة ومثقفة جدا .


ولسة هناك اكيد بقية للاسئلة


- تحت امرك يا كيرو يا حبيبي :a82:

http://www.freecopts.net/forum/images/smilies/1286B2~161.GIF
Coptic Man
10-12-2006, 02:45 PM
هاقول الى جه على دماغى

و كل ما افترك حاجة هاسألها
ما هى فرصه بقى


- انتي ها تقوليلي طبعا دي فرصة وجاتلك لهاية عندك . :t32:

1- هل انت اجتماعى ؟

- اجتماعي بنسبة كبيرة بس في الغالب بكون علي حسب الجو يعني لو مع ناس برتاحلها تلاقيني مصيبة متحركة اجتماعي جداا , ولكن مع ناس نص نص او مش مرتاحلها علي الاصح ومش قابلها تلاقيني سمكة مقولش كلمتين علي بعض لدرجة ممكن يفكروني مش بتكلم ههه. :smil12:


2-المنتدى بالنسبا ليك ايه؟


- المنتدي بالنسبة ليا خدمة جميلة اوي وكنيسة صغيرة بنجمتع فيها وبلاقي فيه مجالات كتير بتساعدني علي البناء في الحياة الروحية وكمان بيزودني بمعلومات وكل حاجة .

3- كيرو بالنسبه ليك ايه؟

:t32: :spor22: :budo: :gun: :bud: :nunu0000: :act19: :bomb:

:ranting: الصور احسن من الوصف مش كدا :ranting:

4- اللون المفضل عندك ايه؟

- اللي بتكتبي بيه :smil12: الكحلي وكل درجات الازرق بحبها اوي .

5-يتخاف من الحسد؟

- لاء مش بؤمن بيه ابداا .

6- الكتاكيت بالنسبه ليك ايه؟

- كائنات رقيقة جداا ووديعة وكنت بحب اتفرج عليها و امسكها والعب بيها بس بعد انفلونزا الطيور مفيش كتاكيت .:smil13:


7-كمل الاتى :

- انا بحب " سيدي ومخلصي يسوع المسيح " عشان " هو فداني علي خشبة الصليب " لذلك " انمحي عاري وصرت انسان جديد مخلص بالدم الثمين و " نفسى " اخدمه بدمي وحياتي كلها هتبقي رخيصة قصاد الثمن اللي دفعه فيا ".

8-ايه سلبياتك و عيوبك؟

- اوقات بكون قليل ذوق و عندي زهايمر :smil13: بنسي بطريقة بشعة مش بقدر اسامح بسهولة .


9- و ايه مميزاتك ؟

- عندي سرعة بديهة وتصرف سريعة و مثابر وطموح و بتطلع للمستقبل بنظرة مشرقة عندي طاقة كبيرة و بحب الجميع .

10 - اكتر شخصيه بتحترمها فى المنتدى ؟

- الحقيقة كتير اوي بس بدال واحد بس ممكن نقول رقم 1 my rock

11- اكتر شخصيه بتحبها فى المنتدى ؟

- بامانة شديدة بحبهم كلهم بلا تميز حتي الاعضاء المسلمين .


12- اهدافك و طموحاتك؟


- هدفي : خدمة رب المجد واعلا راية الصليب في اي مكان ,
-------------------
- طموحي : اسافر بره مصر اي دولة اوربية جميلة اكمل فيها دراستي لاني مش مقتنع بشهادتي اللي ها احصل عليها وبعد كدا اكون اسرة مسيحية صغيرة محبة لبعضها البعض واربيهم علي مخافة ربنا ومحبته .

13- الرب يسوع بالنسبه ليك ايه؟

- الرب يسوع بالنسبة ليا هو الحياة نفسها هو احلي حاجة في حياتي هو كل حاجة في حياتي هو الالة اللي احبني الي المنتهي الي الصلب هو اللي بيحبني رغم خطاياي الكثيرة وينظر لي دائما علي اني ابنه الغالي عنده جداااا وبيتغاضي عن اخطائي ويمحيها .


14- لو معاك عصايا سحريه هاتعمل بيها ايه؟

- ها احول بيها الكمبيوتر بتاعي لبانتيم 10 ههههه .

- واهددك بيها يا هايدي اني اسخطك خافي علي عمرك بقي .

15- لو قدامك تهاجر و لازم تاخد واحد بس معاك تاخد مين؟

- اخد ماما :beee:


16- احلى كتاب قريته؟


- في الكتب الدينية : هو طبعا الكتاب المقدس ده اولهم بدون شك او منازع وبعده بحب كتب قداسة البابا وكتب الاب دانيال وجويس ماير بس اكتر 3 كتب عجبوني هما بالترتيب التالي :
1- وهم غلبوه
2-الفخ انكسر
للاب دانيال
3- معركة الذهن
لجويس ماير

- الكتب العالمية : بصفة عامة بحب الخيال العالمي والتاريخ الخاص بالحضارات القديمة زي الفراعنة والمايا والاغريق والتراث الاغريقي والاساطير واحلي كتب قريتها هي حرب طرودة و جلجاميش وكتاب بيتكلم عن الزونج في اميركا بس نسيت اسمه لاني الكتاب ضاع مني لو حد لاقه يقولي ياريت :new2:

17- احلى ترنيمة سمعتها؟

- هو كل شوية بغير رائي في الموضوع ده بس اكتر ترنيمة حاليا عجباني اسمها " في الجلجثة " بتتكلم علي اننا كنت هناك في الجلجثة وشوفت السيد المسيح بيتصلب وانا اللي با ايديا حطيت المسامير في ايده ترنيمة جميلة اوي في شريط ليك كل ايامنا لبيتر لايف .



انا مش لاقيه حاجة تانى دلوقتى اول ما افتكر قاقول علطول

- انا تحت امرك دايما يا هايدي في اي سؤال

:36_22_25:
ارووجة
10-12-2006, 03:03 PM
اهلا وسهلا خيي كوبتك



1-بدي اياك توصف لنا شعورك بهاي الايام:


يوم ممطـر
يوم تخرجـك من المدرسة
يوم فشـلت فيـه
يوم حـار
يوم فاتك فيه الباص
يوم كنـت فـيه مريضـا
يوم ميـلادك
يوم دعـوت فيه اربعين شخص او اكثر على الغداء
يوم ودعت فيه صديق مـسافر
يوم استقبلت فيه حبيـب غائب
يوم صليت فيه
يوم العيد
يوم حملـت فيه طفـلا
يوم سـاعدت فيه مـحتاجا
يوم حصـلت فيه مشكلة بينك وبين صديقك
يوم خفق فيه قلبك
يوم تعطلت فيه سيـارتك هههههه
يوم دعـت لك فيه أمـك
يوم خطف الموت فيه احد احبـابك
يوم ضاعت فيه محـفظة نقودك
يوم شعرت فيه انك مخـدوع

يوم فاجئك احدهم بهدية غير متوقعة



وبدي منك كمان تحطلي مرادف لهدول الكلمات:


كوبتك مان:

الحيااة:


الاطفال:

الكنيسة:

الأم:


الضعف:

الكلمة:


لغة العيون:

الحب:
قلم حر
10-12-2006, 03:15 PM
حبيبي مينا
أنا معنديش سؤال ( بعد أللي شفته ) !!
مــــــيــــنـــــــــــــــــا :
ربنا يعينك ........... روح خدلك أجازه أسبوع يمكن تلحق ترد على ألأسئله كلها !!!
أشكر ألرب على كثير من ألأشياء !! ومنها ............. ماعنديش شعبيتك !!!
ألرب يقويك ............و يزيد من صبرك !!!!!!!!
Coptic Man
10-12-2006, 08:43 PM
الكلمات دى بالنسبه ليك ايه:


1-الرب يسوع


- هو الحياة نفسها والماضي والحاضر والمستقبل هو الخلاص والمجد والكرامة والعزة والقوة هو المخلص اللي احبني الي المنتي هو كل شئ وبدونه لم يكن شئ مما كان البداية والنهاية .

2- الحياه

- هبة من ربنا لنفعل بها مشئيته و ينبغي ان نستغلها لمجد اسمه وليس العكس , الحياة ممكن تكون جميلة لو ابتسمنا ليها وسخرنا من مصاعبها ومشاكلها فالعالم يمضي وممكن تكون بغيضة لو اتعاملنا معاها كعدو او كاننا في صراع معها عجبني الفيلسوف مش عارف مين اللي قال اني الحياة زي المراة الجميلة تبتسم ليها تبتسملك تكشرلها تخبطك بال ... احم .


3- النعمة

- هي عمل الرب بداخل المؤمن ليكون منارة للاخرين نري فيه شخص يسوع الممجد ونشعر بالسلام .


4- الحب

- اجمل ما في الحياة بعد الرب يسوع له المجد بالطبع , الحب ذلك الرابط الجميل الذي يربط بين قلبين با اقوي واعمق صلة في الدنيا وقليلين من يحصلون علي الحب وهناك من يبحث عنه طول ايام حياته ولايجده وانتا وحظك يا بني ادام .

5- الجمال

- كائن يعيش في الصحراء ويطلق عليه العرب سفينة الصحراء ويتغذي علي الاعشاب والصبار ويعتبر من الحيوانات المجتزه كما ان........اوووبس :t33:

- الجمال صفة رائعة من الصفات اللي بتميز المخلوق الجميل اللي قام بعمل بطولي وهو انه خرجنا من الجنة بنجاح حواء اللي رغم كل مصايبها اللي بتعملها فينا بنحبه ومش نقدر نستغني عنه ابدا و الجمال مش كل حاجة انا عن نفسي افضل الجمال الهادئ واهم شئ بالنسبة لي القلب الدافئ الملي بالحب والمشاعر الجميلة

- وبرضه عجبني الفيلسوف مش عارف ايه اللي قال المراة سبب سعادة وشقاء الرجال :smil12:

6-الدراسه

- هم تقيل لو في مرحلة المراهقة والضياع و امنية لو بدأت حياتك العملية ( فكروا في العبارة كويس )

- انا عن نفسي نفسي ابدا من ثانوية عامة تاني

7- البيت

- المكان الوحيد اللي برتاح فيه بعد دير الشهداء وبيمثل لي الحماية والامن و الشعور بالطمانية والسلام والجو العائلي الحميم اللي كلنا عارفينه .

8-الكنيسة

- مكان بتغذي فيه وانمو بالروح واتلاقي بالفادي في محضره واكون سعيدا وانا اشعر بالدنوا منه في محضره فها انا في منزل الاب السماوي علي الارض ومحضر القديسين والملائكة والشهداء والمعترفين .


9-الصليب

- فخر لي وعزي وترسي فالصليب هو اداة الرب التي سحقت الشيطان سحقا وحررتني من فك ابليس الذي كان قد اطبق علي هللوليا الفخ انكسر وانفرجت انفسنا بشعر بالقوة وهو معايا ودايما بيفكرني بخزي الشيطان وفي نفس الوقت بيفكرني بالالام المخلص لاجلي انا البائس الغير مستحق شيئا سوا الجحيم لاجل خطاياي الكثيرة دايما لما يجي في ذهني الصليب اتخيل الفادي وهو بيتحط عليه بكل قسوة ويتم غرس المسامير في يديه ورجليه لاجلي :smil13:

10-النجاح

- هو تكليل لمجهود قمت به وهو مكافاة علي حرصي واهتمامي بالامر الذي نجحت فيه غير ذلك فلا طعم له ولا معني ولا لون ايضا :t33: ( محدش يقولي الماء هههه ) .


11-الفشل

- مرارة والم عميق وليس من السهل ان اتغلب علي هذه المشاعر عندما تكتنفني الا بمساعدة الرب .


12-المنتدى


- تم الرد عليه في مشاركاة سابقة :smil12:

13-الصداقة

- مفهوم جميل لارتباط شخصين او اكثر بمحبه غير جسدية وغير مادية وغير استغلاية وانما هي محبة خالصة وللاسف اصبحت عملة نادرة جدا ونادر لما اشوفها علي حق .

14- الشهامة

- خلصت من السوبر ماركت :t33:


15- الجدعنة

- الجري اجدع من الجدعنة هههههه
- الجدعنة اننا استغل ذكائي اكتر من عضلاتي وعندما ارئي موقف لاحد يتعرض لمكره وادرك اني استطيع تغيير ذلك ان اساعد غير ذلك لاء فيتعبر تهور :new2:

16- الجرى

- بيستخدم في المواقف الصعبة وبيكون اداة فعالة في النجاة ويقولون الجري نص الجدعنة وانا اصدق علي هذه المقولة العظيمة والمميزة هههههههه .

17- الكلاب

- حيوانات ظريفة ليها اسنان حادة و بتجري بسرعة كبيرة ومفيش بيني وبينها عمار كل ما نتقابل في الشارع لازم حد يجري وممكن حد يجري وراء التاني ومش عاوز اسائلة ذكية في الموضوع ده من عينة مين اللي بيجري وراء مين هههههههه .


كفايه كده

و جار البحث عن اخرين


- اللي يسمح بيه ضميرك انا موافق عليه ده لو كان فيه حاجة عندك بالاسم ده :beee:
Coptic Man
10-12-2006, 09:04 PM
+

سلام ونعمه ..


كوبتك مان ..

تمنطق .. وتقلد سيفك .. و إستعد :)


- مستعد وسانن قلمي اهوه :yahoo:


1 - كيف تعرفت على المنتدى ؟

- اتعرفت عليه بطريقة غريبة خالص , و هي اني شوفت في منتدي اسلامي انهم بيخططوا لتدمير المنتديات المسيحية والهجوم عليها ولقيت منها منتدي الكنيسة العربية والكلام ده من سنة ونص تقريبا رحت دخلت المنتدي لقيته بسيط خالص ولسه في بدايته خوفت عليه اكثر وخصوصا اني روك وقتها كان بيستعمل اسم دودي فكرة المديرة فتاة قولت اكيد مش هتعرف تحمي المنتدي كويس ههههه روحت قولت انا لازم احذر ها و قولت يمكن تحتاج لمساعدة في موضوع صد الهاكر ده ههههههه اول مفاجاة اني عرفت انه رجل مش فتاة التانية انه استاذ هكر وحماية انا مش اجي فيه شكة هههه بس كدا يا سيدي ومن وقتها وبدائت اشارك في المنتدي وبسم الصليب المنتدي بقي حلو وكبير ومشهور نشكر الرب علي نعمته الغنية ونشاط الحبيب روك واهتمامه بالمنتدي .


2 - كيف تقضى يومك ؟ بالتفصيل .. الامور الثابته

- ههههههههه ليه الفضائح دي .

- ماشي يا سيدي اقولك :

-اصحي من النوم كل يوم بالشبشب اغسل وشي واقول مزمور ال 91 واشرب نسكافيه واشوف المنتدي وبعدين اجيب طلبات البيت بعدين انزل الجامعة لو كان ورايا دراسة او اروح كافي شوب مع صديق ليا جراني وبعدين ارجع ادخل علي المنتدي واشغل ترانيم لهاية الغداء اتغدا واتفرج علي فيلم اجنبي او لو لقيت حاجة حلوة او اقعد اقرا وبعدين انزل بليل اتمشي شوية واقابل اصحابي ونقعد شوية علي كافي وارجع ادخل علي المنتدي وبعدين اخد شاور واغسل سناني واصلي واقعد اقرا لهاية لما انام حلو كدا :smil12:

بس طبعا ده مش علي طول والا ها ابقي ممل :t33:

3 - أشعر بأنك رومانسى .. ورغم ذلك تقول بأنك غير مرتبط ... لماذا ؟

- الحقيقة انا مريت بقصة حب فاشلة دمرتني كليا حسيت فيها اننا مش عندي الشجاعة اللازمة اللي اكون فيها جدير با انسانة ما او اتحمل فشل علاقة او ضغوط علاقة الي اخره وانا فعلا رومانسي بس علي قدي :smil12:

4 - لماذا بدلت أسمك من مينا هوت الى كوبتك مان ؟ أن كان أمر شخصى فأنت فى حل من الاجابه :)

- اسم مينا هوت كان اول استخدم له سنة 2002 لما اشتركت في اول منتدي كان منتدي اقباط الولايات المتحدة واخترت الاسم لاننا اعجبت بموقع الهوت ميل وقتها فا حبيت اربط اسمي بيه علي سيبل الحظ الحسن والنجاح اللي لاقي هذه الشركة المميزة ليس اكثر او اقل وبعدين صار اسم الشهرة بتاعي :yahoo:وبعد فترة ادركت اني الوقت حان اني اغيره لكوبتك مان لاننا بحب مصر اوي وبفتخر بجنسيتي المصرية ونفسي تبقي قدامي دايما وحتي اسمي رجل قبطي ده فخر و شرف ليا .


5 - من هو مثلك الاعلى ؟

- السيد المسيح له المجد بالطبع

- وبعده فيه شخص اسمه ناجي ومشترك معانا في المنتدي باسم ديميدس لو شارك هتعرفوا انا اخدته ليه مثل اعلي استاذ في كل حاجة بحس بصغر النفس معاه هههههه قليل من يعرفوه علي المنتدي لو حد عينه مدورة ياريت يخدمني ويخطبه عين :t33:



والبقية تأتى

تحياتى ..

وصلواتك


- في الانتظار يا عزيزي طارق شكرا لاسائلتك اللطيفة الخفيفة علي المعدة دي :Love_Mailbox:
Coptic Man
10-12-2006, 09:06 PM
مين شار عليك انك تقعد يا كوبتك بس منظرك حلو وانتا كده متبهدل اسئله وخد بالك الصفحه اللى فاتت فيها اسئله بلاش نصب فرحانه فيك جداا

- مسيرك ها تتحطي مكاني وتعرفي :t33:

- وخدت لبالي من الصفحة السابقة :t32:

- عرفتي منين اننا ممكن ازوغ :smil12:
Coptic Man
10-12-2006, 09:08 PM
مش اجتر منى يا ميرنا


هههههههههههه انا كمان فراحنه غيه موووووووووت

هههههههه حلو مينا و اهو مطحون كده و متبهدل
ههههههههه


الحقيقة الفرحة واضحة عليكي

لدرجة نسيتي فيها اللغة العربية السلمية هههههههههه

فطستيني من الضحك يا هايدي

عماتا مسيري في يوم ها اشوفك علي الكرسي المولع ده :ranting:
†gomana†
10-12-2006, 09:44 PM
انت لسة ع الكرسى ولا قومت يا مينا

طيب نسال بقى ع السريع

1- ايه اكتر هوايتك اللى بتحبها؟؟

2- ايه ترنيمتك المفضلة ؟؟

3- ايه كتابك المفضل او الكتاب اللى ممكن تقراه لما تكون فاضى او زهقان؟؟

4- لما بتكون متضايق ومخنوق من حد بتقوله ع اللى مضايقك منه ولا تسيبه كدة ومش مهم؟؟

5- تقول ايه ل5 اعضاء معاك فى المنتدى بتعزهم او بتحبهم اوى ؟؟

6- ايه اكتر حاجة بتحبها فى شخصيتك؟؟؟ واكتر حاجة مش بتحبها ؟؟

استنى الباقى جاى فى السكة هامخمخ
ميرنا
10-12-2006, 11:31 PM
بجد صعببت علياا اهروه اسئله
REDEMPTION
10-13-2006, 11:04 AM
- مستعد وسانن قلمي اهوه :yahoo:


ما تفرحش أوى كده :) .. أستنى أعيد ترتيب أفكارى وهتضطر أسفاً انك تغير الشكل ده :)




-اصحي من النوم كل يوم بالشبشب


عاوز توضيحة للعبارة دى من فضلك :t33:



اغسل وشي .................... اخد شاور واغسل سناني واصلي واقعد اقرا لهاية لما انام حلو كدا :smil12:


شـــــــــاطر :):)






- في الانتظار يا عزيزي طارق شكرا لاسائلتك اللطيفة الخفيفة علي المعدة دي :Love_Mailbox:


مش دايماً .. هناك مفاجأت .. :)
KERO KINGOOO
10-13-2006, 01:11 PM
مينا انا مش هعلق ولا اسال بس هقول
ربنا معاك بجد
وانا كان ليا سؤال واحد بس واخير عشان متقلش عليك
متى اكتر مرة شعرت فيها بالذنب الشديد ولماذا ؟
كم صديق غدرت وكم صديق غدر بك؟
Coptic Man
10-13-2006, 03:56 PM
اهلا وسهلا خيي كوبتك


- اهلا بيكي يا ارووجة نورتيني علي الكرسي الساخن ده :new2:


1-بدي اياك توصف لنا شعورك بهاي الايام:


- ها احاول اوصف علي قد ما اقدر .

يوم ممطـر

- انا عن نفسي بحب الايام اللي بتبقي فيها مطر وبحس فيها بالشجن والحزن والفرح ومشاعر مختلفة خالص , بس بكون سعيد بيها واواقات احب اتمشي تحتها من غير مظلة بالطبع .


يوم تخرجـك من المدرسة


- انا اتخرجت من الثانوية العامة بس , وطبعا كانت فرحتي لاتتصور لاننا خلصت من قرف المذاكرة وغلاسة المدرسين وبرضه كانت فرحت المدرسين لاتصور انهم خلصوا مني هههه .

يوم فشـلت فيـه

- اشكر الرب اني اوقات فشلي كانت قليلة يمكن علشان سني مش كبير اوي :smil12:


يوم حـار


- مش فاهم حار من اني نوع بس انا بكره الحر جدااا احب البرد اكثر .


يوم فاتك فيه الباص


- اخد تاكسي هههههههه .

- انا مش بستعمل باص اساسا دايما تاكسي او ميكروباص .


يوم كنـت فـيه مريضـا


- افتكر يوم كنت فيه مريض في البلد اللي كانت فيها دراستي قبل ما انقل علي بلدي الاساسية و كنت مريض جداا وحاسس بالوحدة وكنت مكتئب جداا ومضايق وقعدت بيني وبين نفسي اقول برضه اتعب هنا ومفيش حد يساعدني او حتي يكلمني كل واحد من اصحابي مشفول في حاجة و بعدها بشوية لقيت كل صحابي لوحدهم قعدوا معايا وغلسوا عليا لدرجة كنت عاوز انشهم وقولت فينك يا وحدة انا اللي اتبطرت عليها ههههه :yahoo:


يوم ميـلادك


- بيبقي يوم عادي جداا مفيش غير صحابي بيعزموني علي قعدت حلوة وممكن يتتخللها كيكة صغيرة وهدايا .

يوم دعـوت فيه اربعين شخص او اكثر على الغداء

- ما حصلتش الا كنت فلست هههههههههه .

يوم ودعت فيه صديق مـسافر

- مرة كان اعز صديق ليا اللي بنقعد دايما سوا مسافر يشتغل في بلد تانية وقتها كنت بودعه وانا شوية وهعيط بس تماسكت والحمد لله مش لقي شغل كويس ورجع :t33:

يوم استقبلت فيه حبيـب غائب

- لم يحدث بعد .

يوم صليت فيه

- مش بفتكر اوي لاني اعمال ربنا معايا لما اصلي صعب اننا احصرها بس ايام بصلي فيه واحس اني ربنا بيكتنفني بحبه وقريب مني اوي اوي وبكون فرحان وسعيد جداا .

يوم العيد

- مع الاسف يوم العيد كان حلو جداا وانا طفل صغير كنت بشعر بالسعادة فعلا وانا باخد العيدية ولابس اللبس الجديد وخارج ومعايا دينمايت رايح العب بيه هههه اخر مرة استمتعت فيها بالعيد كانت وانا 3 ثانوي بعدين بقي تقليدي لدرجة لاتتخيل بس الحاجة الوحيدة الي بتفرحني حاليا اني في عيد الميلاد بفكر اني في اليوم ده السيد المسيح اتولد علشاني وفي عيد القيامة بفكر في شعور القيامة وبحس بفرحتها والنصر علي الشيطان وحب ربنا ليا اللي فاق التصور والحدود انما غير كدا عادي جداا .

يوم حملـت فيه طفـلا

- مرة طفلة وقعت عليها حديد في الخدمة وانا اول واحد جريت وشلتها كانت ايديا بتترعش وها اموت من الرعب لانها مش كانت بتتحرك ولا بتنطق وخفت احسن تكون ماتت وكانت فرحتي لاتتخيل لما لقيتها سليمة مش فيها حاجة غير خدوش بسيطة نشكر الرب .


يوم سـاعدت فيه مـحتاجا


- مفيش حاجة معينة اذكرها في الموضوع ده .


يوم حصـلت فيه مشكلة بينك وبين صديقك


- كانت حصلت مشكلة مع اعز صديق ليا واتخانقت منه اوي وكنت نويت مش اكلمه تاني و نمت عادي اول ما صحيت لقيت ورقة علي المخدة جنبي منه ورسالة في الموبايل بيقولي انه بيحبني واسف جداا انه ضايقني كانت فرحتي كبيرة .

يوم خفق فيه قلبك

- اول مرة قولت للانسانة اللي بحبها انا بحبك وقتها خفق قلبي جداا وحسيت اني اقوي انسان علي العالم وبعدين حصلت النكسة :new2:

يوم تعطلت فيه سيـارتك هههههه

- مش عندي سيارة علشان تتعطل اساسا ههههههههه .

يوم دعـت لك فيه أمـك

- ماما طيبة كل ما اخرج تقولي ربنا معاك وتدعيلي بالذات في ايام الامتحانات .

يوم خطف الموت فيه احد احبـابك

- يوم وفاة والدي كان يوم صعب جداا عليا وحسيت بفقدان الامل والحياة خصوصا اني كان سني صغير حسيت وقتها اني الدنيا وقفت وخلاص كله انتهي نشكر ربنا .

يوم ضاعت فيه محـفظة نقودك

- الحمد لله محصلتش لهاية دلوقت .

يوم شعرت فيه انك مخـدوع

- عرفت حاجة معينة عن شخص قريب مني وبقوله كل حاجة وكل اسراري عنده وكان المفروض اعرفها من زمان ومنه مش من حد غريب واول ما عرفتها اتصدمت فيه وكانت صدمة مؤلمة جداا لهاية دلوقتي مش قادر اتخطاها مش ها اقدر اقول المزيد من التفاصيل .

يوم فاجئك احدهم بهدية غير متوقعة

- دايما اصحابي بيفاجوني بهدايا واكون فاكر انهم نسيوا عيد ميلاد وطبعا بكون سعيد انهم فاكراني وانا علي بالهم وبيهتموا انهم يجبولي هدية .

وبدي منك كمان تحطلي مرادف لهدول الكلمات:

- ياموسهل :smil13: .

كوبتك مان : انسان عادي جدا وغلبان وممكن تضحك عليه كمان بسهولة وممكن يتقال عليه ساذج بس في حالة انك تقرب من ناحية احباءه ومن ناحية دينه اللي بيحبه تلاقيه شرس جداا وبيعض كمان هههه , بحب الكل في حالي في الغالب ومسالم لاقصي حد .

الحيااة : عرفت النقطة دي من قبل يا ارووجة .

الاطفال : اجمل وابرأ حاجة في الدنيا انا عن نفسي مدمن اطفال بحبهم بطريقة بشعة لدرجة انهم ناويين يطرودني من الخدمة علشان بلعب معاهم دايما وبنفض للخدمة نفسها ههههه.

الكنيسة : تم تعريف النقطة دي من قبل يا ارووجة .

الأم : هي الحنان والامومة والاهتمام مفيش بعد حب الام لابنائها .

الضعف : صفة انسانية طبيعية وكلنا بنمر بيها في بعض الاوقات بس الاهم انها مش تتغلب علينا وتكسرنا .

الكلمة : مش حاجة سهلة بالنسبة ليا بعتبرها قانون غير مكتوب ولازم الكل يصدقها ويلتزم بها كانها صك مختوم .

لغة العيون : لغة متبعة بين المحبين و بتكشف حاجات كتير ودايما بتفضح :yahoo:

الحب : تم تعرفيه من قبل يا ارووجة .

اتمني تكون ردودي مناسبة لاسائلتك يا ارووجة
Coptic Man
10-13-2006, 03:58 PM
حبيبي مينا

أنا معنديش سؤال ( بعد أللي شفته ) !!
مــــــيــــنـــــــــــــــــا :
ربنا يعينك ........... روح خدلك أجازه أسبوع يمكن تلحق ترد على ألأسئله كلها !!!
أشكر ألرب على كثير من ألأشياء !! ومنها ............. ماعنديش شعبيتك !!!

ألرب يقويك ............و يزيد من صبرك !!!!!!!!


ههههههههههههههه

طبعا علشان كنت قبلي بترفق بيا عارف اللي فيها

ربنا يباركك يا سمردلي ونشكر الرب علي محبة اخوتي دي بالنسبة ليا حاجة كبيرة اوي

وانا بحبهم كلهم ربنا يباركهم ويحفظهم ويكون معاك يا عزيزي السمردلي
ارووجة
10-13-2006, 04:09 PM
يسلمووووو اخي كوبتك على اجوبتك لاسئلتي

ولي عودة مرة تانية

لما تخلص من اسئلة غيري

ربنا معاك

سلالالالالالالام
Coptic Man
10-13-2006, 04:16 PM
انت لسة ع الكرسى ولا قومت يا مينا

طيب نسال بقى ع السريع


- شكلي لزقت انا لسه علي الكرسي :t33:

- اتفضلي يا جيجي تحت امرك .

1- ايه اكتر هوايتك اللى بتحبها؟؟

- بحب القراءة بشكل بشع واوقات ممارسة الرياضة زي كمال الاجسام .

2- ايه ترنيمتك المفضلة ؟؟

- ترنيمة في الجلجثة والمرة دي ها اكتبهالكم هي من شريط ليك كل ايامنا .

في الجلجثة كنت انا هناك وبيدي سمرت يداك
سمعتك تصرخ للاب وانت تحمل عني العقاب
اسلمت الروح وانشق الحجاب اعلنت لي الان فتح الباب
هل استطيع ان اتعامي عن حبك الذي تسامي
واعيش عمري ناسيا خلاصك واسير دربي هاربا من وجهك
ولو حاولت لن استطيع ان اتاجهل ذلك الصنيع
فحب الفادي سر حياتي وذا الصليب طوق نجاتي
عند الصليب عندي الصليب اليوم اتي
لك الهي ساعيش عمري وصليب العار قد صار فخري
وساخبر كم صنعت بي من وحل الخطية قد نشلتني
عند الصليب ... عند الصليب اليوم اتي

3- ايه كتابك المفضل او الكتاب اللى ممكن تقراه لما تكون فاضى او زهقان؟؟

- مليش كتاب مفضل بس ممكن نقول كتاب الكل صار جديدا للاب دانيال

- والكتاب اللي ممكن اقراه لما اكون زهقان ميكي جيب :yahoo:


4- لما بتكون متضايق ومخنوق من حد بتقوله ع اللى مضايقك منه ولا تسيبه كدة ومش مهم؟؟


- اوقات مش بحب المواجهة خصوصا لما اكون واثق اني اللي عمله غلط وضايقني فا مش بحب ازود نسبة العدواة والكره بينا وابعد من سكات وبهدوء وبعتبره حل استراتيجي ناجح :smil12: .

5- تقول ايه ل5 اعضاء معاك فى المنتدى بتعزهم او بتحبهم اوى ؟؟

- مش ينفع اقول لل3 الالاف عضو اصلي بحبهم كلهم . :yahoo:

- بس نحاول نختصرهم علي قد ما نقدر .

- اقول لروك : ربنا يقويك علي الخدمة الكبيرة دي ويكون معاك ويبارك حياتك وعملك فا انت اخ فاضل بالفعل ونادرا ما اجد شخص متفاني مثلك في خدمة , الرب يعوضك .

- ميرنا : انتي اجدع صديقة واخت قابلتها بس زودي جرعة الثقة بالنفس شوية .

- طارق و رامي : اخين بمعني الكلمة وبحبكم جدااااااااااااااا .

- هايدي : اطيب والذ بنت عرفتها واكتر واحدة بحب اتناقر معاها ووشق الاستبس بيقولها نفس الكلام برضه ههههههه.

- جومانه : احب انك مش تكوني زعلانة مني ابدا واسف لو كنت ضايقتك في يوم من الايام .

6- ايه اكتر حاجة بتحبها فى شخصيتك؟؟؟ واكتر حاجة مش بتحبها ؟؟

- بحب المثابرة والنظر لبعيد والمرونة وبكره التسرع والاتفعال .

استنى الباقى جاى فى السكة هامخمخ

- خدي راحتك يا جيجي :Love_Mailbox:
Coptic Man
10-13-2006, 04:17 PM
بجد صعببت علياا اهروه اسئله

شكرا لرفعك من روحي المعنوية يا ميرنا :ranting:
Coptic Man
10-13-2006, 04:22 PM
ما تفرحش أوى كده :) .. أستنى أعيد ترتيب أفكارى وهتضطر أسفاً انك تغير الشكل ده :)

- ليه كدا يا طارق ده انا بحبك وبقول طارق وبس حبيبي :t33:

- لو اهون عليك ماشي .


عاوز توضيحة للعبارة دى من فضلك :t33:




شـــــــــاطر :):)




- شكلي هونت عليك :smil13:

- الشبشب هو اداة تستخدم بدال الشوز في المنزل وتعتبر اداة فعالة في الفتك بالصراصير والنمل والذباب لو انتا سريع هههه .

- وتعتبر اداة تهديد لكوبتك علشان يصحي من النوم :yahoo:

- هو مش بضرب بيه يعني بس توضيح اننا بصحي بصعوبة ونومي تقيل زي اهل الكهف

زي لما واحد يقولك انا بصحي بالجزمة كل يوم انا خليتها شبشب كنوع من حفظ حقوق الملكية لصحاب الجزمة اتفضل المايك معاك :polling:




مش دايماً .. هناك مفاجأت .. :)


- ربنا يرحمني بقي :yaka:

- ربك كبير ومش بينسي الغلابة اللي زيي وهيسندني اكيد :dntknw:
Coptic Man
10-13-2006, 04:27 PM
مينا انا مش هعلق ولا اسال بس هقول
ربنا معاك بجد


- هههههههههههههه

- الحمد لله في ساعة صفا رديت علي كل الاسئلة اللي فاتوا نشكر الرب .

وانا كان ليا سؤال واحد بس واخير عشان متقلش عليك

- تقل ولايهمك يا باشا .

متى اكتر مرة شعرت فيها بالذنب الشديد ولماذا ؟

- لما كنت بهزر معا ناس بحبهم جداااا جداا وهم جيراني واتاخد هزاري علي انه جدية وحصلت مقاطعة بينا حسيت بالذنب وانا مش فاهم اتعاملت ليه كدا :dntknw:

كم صديق غدرت وكم صديق غدر بك؟

- عمري ما اغدر بصديق ليا مش حصلت من قبل ومش ها اتحصل لاننا بقدس الصداقة .

- اتغدر بيا مرتين بس بدون ذكر ما حدث .
heidi
10-14-2006, 06:34 AM
مينا

اخر مرة اسأل ههههههههه:

1- عصيرك المفضل
2- اكلتك المفضله
3- عاوز تقول ايه دلوقتى
4-نفسك تشوف مين دلوقتى
5-لو قالوا ليك معاك عصايه سحريه تعمل بيها ايه


كفايه كده يالا مش مكشله
هاجى على نفسى و مش هاسأل تانى
bent_yaso3
10-15-2006, 03:24 AM
مينا بجد انا اتفاجأت لما عرفت انك عندك 20 سنه الى يقرأ كلامك يفتكر انك اكبر من كده
انا لسه عضوه جديده ومش عارفه الناس كويس اسمح لى اشترك واسالك كام سؤال
1 _ اسم كوبتك مان يدل على اعتزازك بمصريتك وانت قلت كده قبل كده ايه رأيك فى اعاده احياء اللغه القبطيه ؟
2_ هل اعاده احياءها هايكون ليه تأثير ايجابى على هويه الاقباط المفقوده؟
3_ ايه فى رأيك الخطوات اللازم اتباعها لاحياء لغتنا القبطيه؟

اسئله شخصيه بقى

1- شايف نفسك ازاى بعد 10 سنين؟
2_ تعمل ايه لو امر مهم جدا فى حياتك تمنيت تحقيقه ولم يريد الله ذلك؟

اوعى اوعى اكون تقلت عليك
Coptic Man
10-15-2006, 01:36 PM
مينا

هايدي :11azy:


اخر مرة اسأل ههههههههه:

ربنا يجعل ديار المحسنين عمار :big4:

وتشكري يا ذوق :nunu0000:

بعد ما طلعتي عيني بتقولي كدا:ranting:

1- عصيرك المفضل

المانجو :smil5:

2- اكلتك المفضله

انا بطبعي باكل اي حاجة يعني ممكن اعيش علي المعلبات

بس الاكلة اللي بحبها اوي هي السمك بكافة انواعه وبالذات المشوي

3- عاوز تقول ايه دلوقتى

عاوز اقول حسبي الله ونعم الوكيل

:223se:
4-نفسك تشوف مين دلوقتى

اشوفك علشان اعملك كفته :8_5_17:

5-لو قالوا ليك معاك عصايه سحريه تعمل بيها ايه

- ها اشيل بيها بدعة الاسلام واشيل الفساد اللي انتشر في مصر ( وربنا يستر ):vava:

:36_1_66:

كفايه كده يالا مش مكشله
هاجى على نفسى و مش هاسأل تانى


ربنا يجعله عامر واللي عملتيه فيا يقعدلك في ولادك قادر يا كريم :budo:

:36_22_25: :big37: :36_22_25:
Coptic Man
10-15-2006, 01:59 PM
مينا بجد انا اتفاجأت لما عرفت انك عندك 20 سنه الى يقرأ كلامك يفتكر انك اكبر من كده

- ميرسي يا بنت يسوع كلامك شهادة اعتز بيها.

انا لسه عضوه جديده ومش عارفه الناس كويس اسمح لى اشترك واسالك كام سؤال

- اتفضلي طبعا ده شرف ليا .

1 _ اسم كوبتك مان يدل على اعتزازك بمصريتك وانت قلت كده قبل كده ايه رأيك فى اعاده احياء اللغه القبطيه ؟

- فعلا انا بعشق كل ذرة رمل في ارض مصر .

- علي رائ قداسة البابا " مصر وطن يعيش فينا " .

- وطبعا اعادة احياء اللغة القبطية دي امنية حياتي كفاية اني اللغة القبطية لغة اجدادي الشهداء بتتدرس في اميركا وبريطانيا واسرائيل ولا تدرس فيكي يا مصر حيث وطنها و منبتها ( حاجة تحرق الدم :new2: )

2_ هل اعاده احياءها هايكون ليه تأثير ايجابى على هويه الاقباط المفقوده؟


- اكيد مفيش وطن من غير لغة ام , واحنا مصريين مش عرب واجدادنا ضحوا بكل غالي ونفيس علشان هويتنا القبطية اللي مع الاسف ضاعت بفعل الزمن والجحود من قبل بعد ابناءها سواء بالاكراه او بعد الوعي و مرارة الاحتلال العربي البغيض الهمجي وان كره الاخرين ولن نتنازل عن جنسيتنا ولساننا القبطي الاصيل ومن رائي كمان اني اللي مش يعرف قبطي او حتي مش بيدرس وبيحاول يتقنه يبقي بالنسبة ليه الهوية المصرية لاء شئ .

3_ ايه فى رأيك الخطوات اللازم اتباعها لاحياء لغتنا القبطيه؟

1- ان اللغة بتاعتنا تدرس في الكنيسة علي نطاق اوسع مما هو عليه .

2- القداس يصبح كله باللغة القبطية , او تكون هناك قداسات خ