لقاء مع gomana [الأرشيف] - منتديات الكنيسة

مشاهدة النسخة كاملة : لقاء مع gomana

ارووجة

11-05-2006, 06:19 PM

mrmr120

11-05-2006, 06:48 PM

†gomana†

11-05-2006, 10:20 PM

http://www.alamuae.com/gallery/data/media/123/0043.gif

سلاااام ونعمة

اهلا وسهلااااا ياغاليين

انا اليوم اخترتلكم مشرفة متميزة في حضورها وفعليتها

المشرفة "" gomana"" اهلاا ياغالية نورتي كرسي الاعتراف
ورح تبئي معنا لمدة اسبوع اي ليوم الاحد القادم

طبعا ياغالية انا رح ابدا بالاسئلة الخفيفة التمهيدية

عرفينا عن حالك

اسمك الاول

عمرك

دراستك

بلدك

مجال دراستك او مهنتك

هوايتك

طباعك وشخصيتك

كيف تعرفتي على المنتدى

من اكتر عضو في المنتدى بتعرفيه

وشو المنتدى بالنسبة الك

ومن متى انتي بالمنتدى

وباذن الله برجع بعدين

سلااااااامو

ميرسي ع الترحيب الغالى ده يارووجة
بس صبرك عليا وبراحة وانا شايفة ان الاسئلة مش خفيفة خالص
ماعلينا ياموسهل

اسمك الاول

اسمى جيرمين

عمرك

لازم يعنى بس عشان صريحة
23 صغيورة لسة

دراستك

بكالوريوس تربية موسيقية

بلدك

فى صعيد مصر

مجال دراستك او مهنتك

مجال دراستى الموسيقى اكيد
وبشتغل مدرسة موسيقى ابتدائى
وصلولى لان طالع عينى من العيال

هوايتك

بحب العزف ع البيانو والكمان اوى
وبحب ارسم وحاليا الفوتوشوب طبعا
وبحب اسمع الموسيقى الكلاسيك الهادية
واقرا الشعر جدا

طباعك وشخصيتك

طباعى نرفوزة وعصبية اوى ومتسرعة جدا
بس بسامح وبنسى لما اهدا
بس طيبة جدا وقلبى طيب بشكل غبى

شخصيتى بقى انتوا اللى تحكموا مش انا

كيف تعرفتي على المنتدى

الحقيقة عن طريق مينا هوت
هو اللى عرفنى بعالم وخدمة المنتديات
واشكره كتير لانى حبيت الخدمة دى اوى
وبخدم بكل حياتى وطاقتى

من اكتر عضو في المنتدى بتعرفيه

ديانا ورامى اخواتى من الكنيسة دول اعرفهم اوى
ومينا وميرنا وبلاكوتا ومرمر قريبا من المنتدى

وشو المنتدى بالنسبة الك

طبعا حياتى كلها وبيتى التانى وخدمتى الجميلة

ومن متى انتي بالمنتدى

انا من شهر 12 / 2005

واخيرا ميرسي اوى يا رووجة يا حبيبتى ع الاسئلة العسل دى
بس انتى مش شايفة اسبوع ده كتير
ماعلينا اوعى المرة الجاية خلى الاسئلة قليلة شوية

ربنا يباركك حبيبتى

†gomana†

11-05-2006, 10:52 PM

جومانا الى على الكرسى

اهلا اهلا اهلا
الاسئلة واسئلتى سهلة ومعروفة
مين شفيعك ؟
بتحبى اية فى حياتك ؟
مش بتحبى اية فى حياتك ؟
اية الحاجة الحلوة وعايزة تفتكريها على طول ؟
اية الحاجة الوحشة الى مش عايزة تفتكريها ؟
بتحبى لبس الجيبات ولا البنطلونات ؟
اية نوع البرفان الى بتحبية ؟
اية الحاجة الى حلمتى بيها وحققتيها ؟
اية الحاجة الى حلمتى بيها ومش حققتيها ؟

بس ربنا معاكى بقى

ميرسي يا مرمر ع الترحيب والتظبيط ده
بس حملك عليا دى كلها اسئلة بسيطة
اوك اوك

مين شفيعك ؟

شفيعى البابا كيرلس ومارجرجس

بتحبى اية فى حياتك ؟

ده عموما ولا ايه بالظبط
حددى

بحب الاصدقاء المخلصين بجد
وبحب خدمة المنتديات وخدمة اخواتى المحتاجين

مش بتحبى اية فى حياتك ؟

مش فاهمة السؤال يعنى ايه
تقصدى فى الدنيا عموما ولا ايه؟؟

اية الحاجة الحلوة وعايزة تفتكريها على طول ؟

الذكريات الجميلة اللى عدت فى حياتى
ونجاحى فى خدمتى او فى الالحان (المعهد)

اية الحاجة الوحشة الى مش عايزة تفتكريها ؟

لحظات الفراق وبالذات فراق ناس غاليين جدا عليا

بتحبى لبس الجيبات ولا البنطلونات ؟

لا البنطلونات اكتر لانى سريعة فى خطوتى

اية نوع البرفان الى بتحبية ؟

انواع شركة ايفون كلها وعايزة بالاسم كمان
اقول تاشا وسيليبر

اية الحاجة الى حلمتى بيها وحققتيها ؟

اش عرفك انى بحلم وبيتحقق سوسة مرمر هههه
دايما كنت احلم بالنجاح فى دراستى والتفوق كمان
والحقيقة فى اى دراسة سواء الحان او كورسات
بنجح دايما نشكر الله
واصدقاء حلوين بكتسبهم بسرعة

اية الحاجة الى حلمتى بيها ومش حققتيها ؟

حلمت باخويا كتير اللى فى الغربة ولسة مش اتحققت
ومتضايقة جدا

شكرا كتير مرمر ع مرورك واسئلتك الجميلة
ربنا معاكى

†gomana†

11-05-2006, 11:00 PM

وأهلاً بالاخت المشرفة جومانا على كرسى الاعتراف

وأنتظرى منى القادم من الاسئلة :t32:

ميرسي يا مدحت بمرورك الجميل
مستنياك بس خليك حلو واسئلة حاجات سهلة
ربنا يباركك

pooh

11-05-2006, 11:11 PM

انت سعيده خاليا فى حياتك ؟
ماذا تريدين انا يفعل الله بك ؟
هل انت جربتى الحب ؟

†gomana†

11-05-2006, 11:35 PM

انت سعيده خاليا فى حياتك ؟

نشكر ربنا ع كل شىء

ماذا تريدين انا يفعل الله بك ؟

سؤال صعب جدا ومش فاهماه
اى حاجة يعملها ربنا ليا اكيد هاتكون حلوة
ياريت تفهمنى السؤال عشان مش فاهماه

هل انت جربتى الحب ؟

كل الناس جربته محدش مجربش الحب
احلى حاجة الحب صدقنى
يسلام لو كل تخب الحب وتحس بيه
مش هايكون فى كراهية ولا غيرة ولا حسد

يعنى اول مرة تشارك وتدخل سخن كدة عليا
اوك يابوووه
منور المنتدى ياعسل

واى خدمة ياجميل
ربنا يباركك

bent_yaso3

11-05-2006, 11:52 PM

جومااااااااااااااااناااااااااااااااااااااااااا
منوره كرسى الاعتراف
هاسألك شويه اسئله خفيفه
ايه هو اكتر قسم من اقسام المنتدى بتحبيه ولازم تفتحيه كل يوم؟
مين العضو الى دايما بتعجبك اراؤه؟
تفضلى تهاجرى بره ولا تفضلى الحياه فى مصر؟
مين الانسان الى قابلتيه فى حياتك واتمنيتى تكونى زيه؟
ايه اكتر حاجه لو حصلت بتولد عندك شعور شديد بالغضب؟
ايه اهم صفه لازم تكون فى شريك حياتك ومتقدريش تتنازلى عنها؟
شكرااااااااااااااا يا جيرمين ويارب ما اكون طولت عليكى

oesi_no

11-06-2006, 07:43 AM

يا هلا يا هلا
جومانا عندنا
طبعا من غير مقدمات ولا حساسيات نبدأ الاسئلة وانا بطبعى مقل جدا فى الاسئلة
السؤال الاول
هل انتى لديكى عادة معينه لازم تتعمل يوميا
بعيد عن الحياة الروحيه

السؤال التانى
هل انتى راضيه عن حياتك الروحيه

السؤال الثالث
ما هو اهم شئ لكى فى الحياة الارضيه

االسؤال الرابع
هل تستطيعى ان تصفى نفسك فى كلمتين

السؤال الخامس
ما رأيك فى العبارة اللى بتقول
(عيش ندل تموت مستور )

انتهت الاسئلة

tina_tina

11-06-2006, 10:15 AM

اهلا بيكى يا جومانا
الكرسى منور
واسئلتى بسيطة
ممكن تقولى بالتفصيل الممل مين هى جيرمين؟
الانسانة
الصديقة
المحبوبة
الام(انشاء اله)
بنت ربنا
وما هى رؤية جومانا فى نفسها بعد سنتين؟
وما هو اكتر سؤال عجبك فى اسئلة الاعضاء اللى قبلك؟(اللى كانوا قاعدين على نفس الكرسى)
بتحبى جومانا اكتر ولا جيرمين؟
وللحديث بقية

†gomana†

11-06-2006, 12:29 PM

جومااااااااااااااااناااااااااااااااااااااااااا
منوره كرسى الاعتراف

ربنا يخليكى يا حبيبتى ميرسي عقبالك

هاسألك شويه اسئله خفيفه

اسئلى يا عسل عنيا ليكى

ايه هو اكتر قسم من اقسام المنتدى بتحبيه ولازم تفتحيه كل يوم؟

منتدى الصور الدينية بحبه اوى

مين العضو الى دايما بتعجبك اراؤه؟

روك وطارق ودودو

تفضلى تهاجرى بره ولا تفضلى الحياه فى مصر؟

الحقيقة زى ماربنا يريدلى الحياة ونشكر ربنا بس كان نفسى اوى اقدم فى هجرة امريكا بس ماما بقى ومش ينفع اسافر لوحدى طبعا

مين الانسان الى قابلتيه فى حياتك واتمنيتى تكونى زيه؟

سؤال جميل اوى.. هو الحقيقة صديق واخ غالى بس مش موجود معانا هنا

ايه اكتر حاجه لو حصلت بتولد عندك شعور شديد بالغضب؟

العنف والكدب واللى عامل نفسه ملاك وهو وحش اوى من جوا سواء بنت او ولد .. ونظام معاملة الناس بالكوسة وعدم المحبة بين الناس بتخنقنى اوى.. واللى عامل نفسه مهتم بيك وبيجبك قدام الناس وقدام نفسه منافق

ايه اهم صفه لازم تكون فى شريك حياتك ومتقدريش تتنازلى عنها؟

طيبة القلب والصبر وطولة البال والتواضع وحاجات كتير

شكرااااااااااااااا يا جيرمين ويارب ما اكون طولت عليكى

ميرسي اوى يا عسل وانتى مش طولتى ولا حاجة
انا موجودة اهو هاروح فين
ربنا يباركك حبيبتى

†gomana†

11-06-2006, 12:37 PM

يا هلا يا هلا

جومانا عندنا

ميرسي ميرسي ياجورج عقبالك ياجميل

طبعا من غير مقدمات ولا حساسيات نبدأ الاسئلة وانا بطبعى مقل جدا فى الاسئلة

خد راحتك ع الاخر

السؤال الاول
هل انتى لديكى عادة معينه لازم تتعمل يوميا
بعيد عن الحياة الروحيه؟

عادة وحشة اوى وهيا قعدتى طول النهار ع المنتديات وخدمتى عليها
حتى بنسى اكل ومش بعمل شغل البيت هههه

السؤال التانى
هل انتى راضيه عن حياتك الروحيه

الحقيقة لاء لانى اهملت فيها جامد اوى
وقلقلت جامد من صلواتى
صليلى بجد

السؤال الثالث
ما هو اهم شئ لكى فى الحياة الارضيه

اهم شىء طبعا ماما وبابا وباقى عيلتى

االسؤال الرابع
هل تستطيعى ان تصفى نفسك فى كلمتين

طيبة ونرفوزة

السؤال الخامس
ما رأيك فى العبارة اللى بتقول
(عيش ندل تموت مستور )

مقولة غريبة بس انت بتوجهها لمين؟؟؟
مش عاجبانى طبعا لان الندلة
دول استغفر الله العظيم مجرباهم كتير

انتهت الاسئلة

ميرسي اوى يا جورج لتنويرك الموضوع
واى خدمة انا موجودة
ربنا يباركك

ارووجة

11-06-2006, 02:10 PM

مرسي اووووي حبيبتي جومانة على اجوبتك الصريحة

بتقدري ماتجاوبي على السؤال المحرج اوكي ياغالية ^_^

ربنا معاكي

Twin

11-06-2006, 07:06 PM

سلام ونعمة للكل
هاااااااااي جومانااااااااااااااااااااااا
منورة الكرسي بجد

أنا بقي هسألك سؤلين ثلاثة بس

السؤال الأول
بما أنكي رومانسية "من كلامك"
ما هو أكثر مكان في العالم بتحسي فيه أنك بتلاقي نفسك بكل ما فيها

السؤال الثاني
بما أنك صغنونة شوية
أيه هي أهدافك الحاليه التي ترتبط بسنك

السؤال الثالث
بما أني رومانسي زيك "شوية"
وبحب الأنطلاق في الحياة الروحية والنفسية
ما رأيك في أنا بجد وبدون مجاملة
وما هي عيوبي التي ظهرت لكي من كتابتي وما هي عكسها

مطولتش أهه
ههههههههه

سلام

†gomana†

11-06-2006, 09:28 PM

اهلا بيكى يا جومانا
الكرسى منور

اهلا بيكى انتى ياقمر

واسئلتى بسيطة
ممكن تقولى بالتفصيل الممل مين هى جيرمين؟

الانسانة : طيبة اوى وعاطفية جدا لأبعد حد ونرفوزة اوى

الصديقة: مخلصة اوى وفعلا الصديق وقت الضيق جدا وفى اى وقت كمان

المحبوبة: سؤال صعب بس الاجابة عسولة بس زى الاطفال جدا ولمضة اوى

الام(انشاء اله) : ربنا هو المرشد

بنت ربنا : حلوة ومطيعة

وما هى رؤية جومانا فى نفسها بعد سنتين؟

مهما كبرت وعدت سنين بتعلم برده من اى حاجة او تجربة ربنا بيسمحها تعدى عليا.. نشكر الله

وما هو اكتر سؤال عجبك فى اسئلة الاعضاء اللى قبلك؟(اللى كانوا قاعدين على نفس الكرسى)

هههههههههه الاسئلة المحرجة .. بس الحقيقة مش شوفت غير مينا هوت بس
لما كان قاعد ومشرف

بتحبى جومانا اكتر ولا جيرمين؟

الاتنين بحبهم اوى
لان جيرمين هو اسمى الحقيقى وحياتى الى عيشتها كلها بين اصحابى
وجومانا ده الدلع اللى بيقلهولى اخويا الصغير واللى بتخدم فى المنتديات بمحبة ومن غير تعب ولا ملل وعن طريقها اتعرفت ع احلى ناس زيكم واطعم اخوات

وللحديث بقية

اى خدمة يا حبيبتى انا موجودة فى الخدمة

ميرسي اوى يا جميلة ع الاسئلة والمرور الجميل
ربنا يباركك وصليلى كتير

Fadie

11-07-2006, 10:58 AM

جومانا

شوية اسئلة كدة عشان اعرفك عشان انا مش اعرفك اوى

1-)الحياة الروحية

نشيطة؟فى نمو؟فى ثمار؟

2-) فى نظرك كيف يمكن للأنسان ان يتقرب لله؟

3-) هل فى خطية معينة بتحسى انك تكرريها دايما سواء عمدا او سهوا؟لو نعم ايه هى؟

4-) بتكونى صريحة مع اب اعترافك فى كل شىء؟هل فى حدود للصراحة معه؟

:748pf:

girl_in_jesus

11-07-2006, 07:57 PM

ربنا معاكى يا جى جى انا بقي هسألك شوية اسئله :::::

1- ارتبطى قبل كده؟؟؟
2-ايه الحدث اللى حصل فى حياتك مش بتنسيه ؟؟
3-بتفكرى فى ايه دلوقتى؟؟
4- عيوب كل من :::::: اسئلتى كالعاده

روك
كوبتك
ميرنا
رامى
ديانا
جيرل
جومانه

5- ايه السؤال اللى مكنتش متواقعاه ومن مين؟؟؟
6- سؤال فى بالك ومحدش سأله ايه هو ؟؟ ولو موجود اجابته؟؟
7- ذكره من الطفوله؟؟؟
8-انجرحتى قبل كده من اصحاب من حبيب ؟؟؟

وربنا يبارك حياتك وسورى مطولتش عليك

†gomana†

11-07-2006, 09:17 PM

سلام ونعمة للكل
هاااااااااي جومانااااااااااااااااااااااا
منورة الكرسي بجد

بنورك انت يجميل عقبال يارب تتزنق الزنقة دى

أنا بقي هسألك سؤلين ثلاثة بس

السؤال الأول
بما أنكي رومانسية "من كلامك"
ما هو أكثر مكان في العالم بتحسي فيه أنك بتلاقي نفسك بكل ما فيها

بحب جدا مارمينا عند البابا كيرلس
والكس بليل
وغروب مطروح احساس تانى

السؤال الثاني
بما أنك صغنونة شوية
أيه هي أهدافك الحاليه التي ترتبط بسنك

عادى مش بالسن
بس اهدافى الحالية دراستى فى معهد الالحان وتفوقى الدائم

السؤال الثالث
بما أني رومانسي زيك "شوية"
وبحب الأنطلاق في الحياة الروحية والنفسية
ما رأيك في أنا بجد وبدون مجاملة
وما هي عيوبي التي ظهرت لكي من كتابتي وما هي عكسها

انا الحقيقة صريحة مووت
بس انت رائع اوى فى كلماتك فى كتاباتك ودى حاجة جميلة اوى فى صراحتك الروحية
واحساسك الجميل اللى بيوصل من طريق كتابتك

الحقيقة مفيش عيوب ابدا لان صراحتك جميلة اوى ومعبرة جدا

مطولتش أهه

يسلام لا كنت تاخد راحتك ع الاخر
ههههههههه

سلام

ربنا يباركك اخويا المحبوب ويزيدك نعمة فى حياتك الروحية
صلى من اجل ضعفى

†gomana†

11-07-2006, 09:56 PM

جومانا

شوية اسئلة كدة عشان اعرفك عشان انا مش اعرفك اوى

1-)الحياة الروحية

نشيطة؟فى نمو؟فى ثمار؟

الحقيقة كنت فى نمو بس تكاسلت جامد اوى
صليلى كتير لاجل ضعفى

2-) فى نظرك كيف يمكن للأنسان ان يتقرب لله؟

عن طريق الصلاة المتواصل وصلاة يسوع "ياربى يسوع ارحمنى انا عبدك الخاطىء" والانجيل اساسى ان ده اللى نقدر نتكلم بيه مع بابا يسوع والتناول والميطانيات ولو كتب روحية تساعد برده

3-) هل فى خطية معينة بتحسى انك تكرريها دايما سواء عمدا او سهوا؟لو نعم ايه هى؟

الحقيقة نعم بس مش خطية كبيرة اوى
بكدب ساعات غصبن عنى بس سهوا طبعا

4-) بتكونى صريحة مع اب اعترافك فى كل شىء؟هل فى حدود للصراحة معه؟

الحقيقة كان ليا اب اعتراف واتنيح ده كان صديق ليا اوى وكنت بعترف بكل حاجة انما اب اعترافى الحالى مش دايما اعترف عن كله لانى حاسة انى غريبة عليه ومش بيسال عنى او يفتقدنى

:748pf:

ميرسي ليك كتير يافادى عالمرور الجميل
ويارب اكون جاوبت ع اسئلتك
ربنا يباركك وصليلى كتير

ارووجة

11-08-2006, 10:05 AM

سلام ونعمة

هلا حبيبتي جومانا
بدي اسالك كم سؤال وان شاءالله يكونو حلوين ^_^

1-لما تسمعي خبر جميل اوي وتكوني فرحانة لاي مكان بتلتجئي او مين اول شخص بتخبريه هالخبر ؟
وبالعكس , لما تسمعي خبر سيء او لما تكوني حزينة اوي لاي مكان او لاي شخص بتلتجئي؟

2- نسبة السعادة في حياتك غالبة على نسبة الحزن والا بالعكس, وليه؟

3- لما بتشوفي طفل بيبكي هيكون شعورك ايه ,وهتعملي ايه عشان ترجعي البسمة على شفتيه؟

4- برأيك,

ما هو طعم الفرح؟
طعم الحزن؟
لون الخير؟
لون الشر؟
لون المحبة؟
لون الصدق؟
لون الايمان؟

5- رتبيهم على حسب الاهمية لديك:

العلم
الشهرة
الصدق
المال
العزلة
الايمان
المحبة
الوقت
السلطة
بسمة طفل

†gomana†

11-08-2006, 10:47 PM

ربنا معاكى يا جى جى انا بقي هسألك شوية اسئله

اتفضلى يابسمة ياعسل

1- ارتبطى قبل كده؟؟؟

الحقيقة لا طبعا لسة صغيورة

2-ايه الحدث اللى حصل فى حياتك مش بتنسيه ؟؟

موقفى ده وانا ع الكرسى عمرى ماهنساه ابدا

3-بتفكرى فى ايه دلوقتى؟؟

دلوقتى دلوقتى انى عايزة انزل موضوعات كتير اوى والجروب كمان بس زهقانة مش ليا نفس

4- عيوب كل من :::::: اسئلتى كالعاده

روك: مش بيسال عليا
كوبتك : عيبه رغاى كتير ورويتر وده يخسر منه ناس كتير
ميرنا : زيى طيبة اوى وبتثق بسرعة فى كل الناس
رامى : عنيد ومش بيسمع الكلام
ديانا : سوسة ولسانها قد كدة
جيرل: اسئلتها كتيرة اوى
جومانه : نرفوزة وعنيدة وطيبة بغباء

5- ايه السؤال اللى مكنتش متواقعاه ومن مين؟؟؟

انى حبيت قبل كدة ,,, ومن pooh
وانى ارتبط قبل كدة ,,,, منك ياجيرل

6- سؤال فى بالك ومحدش سأله ايه هو ؟؟ ولو موجود اجابته؟؟

انى بخدم ولا لاءة محدش ساله

7- ذكره من الطفوله؟؟؟

وانا فى ابتدائى كنت فى مدرسة النوتردام الراهبات يعنى فكانت الامتحانات بعد العيد فالكل طبعا لابس لبس العيد وجاى يمتحن وكان النظام روتين فظيع يعنى اليونيفورم والشوز الاسود فاكنت لابسة شوز ابيض فالراهبة شافتنى انا وكل البنات طبعا راحت مقلعانة الشوز وكان الدنيا تلج ساعتها وطلعتنا بالشراب امتحنا ونزلنا اخدنا الشوز كاننا داخلين الجامع بالظبط هههههههههههههههه

8-انجرحتى قبل كده من اصحاب من حبيب ؟؟؟

الحقيقة فى مين مننا مش انجرح من الاصدقاء كتير اتعلمت وكتير انجرحت ونشكر ربنا بيعديها دايما بسلام

وربنا يبارك حياتك وسورى مطولتش عليك

لا عادى خالص انتى اسئلتك حتى كانت قصيرة انا عمالة ارد فيهم بقالى ساعتين مشعارفة اركز

ميرسي اوى بسمة عالمرور الجميل
ربنا معاكى

†gomana†

11-08-2006, 10:49 PM

بكرة اكمل اسئلتك يا رووجة لانى تعبت خالص
ربنا معاكم

ارووجة

11-13-2006, 01:52 PM

اوكي ياغالية بتقدري تكملي اجوبتك عن الاسئلة متى مابدك وبريحك

هلئ الاسبوع على كرسي الاعتراف تاعك انتهى ورح اختار شخص تاني

شكرا ليكي حبيبتي على موافقتك وعلى صراحتك في الاجوبة ربنا يباركك ويحميكي من كل شر

ربنا يوفقك ^_^

هو ابوى

01-07-2009, 11:10 AM

جومانة او جيرمين الاتنين اجمل من بعض بس ممكن تقبلينى صديق ليكى او اخ يكون احسن لو قبلتينى ممكن اساليك علشان انا مبحبش اكون تيقيل على قلب حد