مفاجأة العيد من اسرار تينا( ادخلوا ببركة ربنا)

[tina_tina]

اهلا ومرحبا بكم فى يوم جديد ويوم سعيد من اسرار تينا
واهلا بكل واحد وبكل واحدة
بكل مسيحى وبكل مسلم
وكل سنه وانتم كلكم طيبين
وربنا يبارك للجميع بالسنه الجديدة
مطولش عليكم
النهاردة هقدم ملف كامل لحلويات العيد
ويارب يارب يعجبكم


كحك العيد
المقادير
1 كيلو دقيق
ملعقة صغيرة ريحة كحك او كعك
2 كوب سمن
1 كوب ماء دافئ
قطعة خميرة بيرة
ذرة ملح
ملعقة سكر سنترفيش
2 ملعقة كبيرة سمسم محمص

1- تهرس الخميرة مع السكر ويضاف اليها نص كوب ماء دافئ ثم تغطى وتترك فى مكان دافئ
2- ينخل الدقبق مع الملح ويضع فوقة رائحة الكحك وذرة الملح والسمسم
3- يقدح السمن شوية بس ما يسخنش اوى ويصب فى وسط الدقيق بمقصوصة علشان التهوية
حتى يهدأ وبعد ذلك يبس باليد ( واالى بتعمل الكحك عارفة يعنى ايه يبس ) يعنى يدعك بالراحة على كفة اليد
4- يضاف الخميرة ويعجن مع اضافة الماء الدافئ حتى تحصل على عجينة لينة متماسكة مع بعضها لتشكيلها حسب الرغبة
5- يترك العجين يختمر لنبدأ عملية التشكيل

انواع للحشو

1- ممكن يحشو الكحك بولا حاجة ( العادى بتاعنا ) ههههههههههه
2- وممكن نحط جوة عجينة ملبن ( ملبن مع ملعقة سمن بلدى ) يعجن مع بعض ويحشو بيه الكعك
3- العجمية
3 ملعقة كبيرة سمن _ 2 ملعقة كبيرة دقيق _ ملعقة سمسم محمص_ كوب عسل ابيض _ نصف ملعقة صغيرة رائحة الكعك

طريقة عمل العجمية
اقدحى السمن ثم اضيفى اليه الدقيق ورائحة الكعك وقلبى حتى يصفر لون الدقيق
ثم ارفعىىىىىىى الاناء من على النار واضيفى العسل بالتدريج مع التقليب الجيب
اعيدى الاناء على النار الهادئة مع الاستمرار فى التقليب الجيد حتى يغلظ قوام العجينة وتنضج ( لاختبار نضجها خذى قطعة منها وضعيها فى اناء فإذا تكورت ولم تلتصق بالاصابع فهى ناضجة )
ارفعى الاناء من على النار واتركيه حتى يبرد واحتفظى بالعجينة للحشو

4- ممكن نحشى كمان باللوز
نضع اللوز ونقفل العجينة كويس ونشكلها

6- بعد الحشو نكون شكل الكحك حسب الطلب وننقشها بالمنقاش
7- رصى الكحك فى الصاج ويدخل فى فرن متوسط الحرارة ويكون متسخن
ويخرج ويوضع من فوقة سكر البودرة


وده اول حاجة
وننقل على نوع تانى من الكحك
:smil12:

[tina_tina]

كعك العيد بالكينج بودر

المقادير
2 كوب سمن
1كوب لبن
1 كيلو دقيق
2 ملعقة صغيرة بيكنج بودر
1 ملعقة كبيرة ريحة الكحك
والحشو كما سبق

الطريقة
1- يوضع السمن مع اللبن فى الخلاط حتى يسيل ( ويمكن استعمال المضرب الكهربائى)
2- يضاف البيكنج بودر للدقيق وينخلا معا ثم يضاف اليهم رائحة الكعك والسمسم
3- يضاف الدقيق للسمن واللبن ويقلب جيدا حتى تتكون عجينة مثل عجينة الكعك تماما
4- تقطع العجينة وحدات صغيرة وتحشو كما قلنا سبق
5- ترص فى صينية وتدخل الفرن حتى يحمر الوجه
6- يرش عليها السكر وتقدم

مجربة والنتيجة رائعة فوق الوصف
وننتقل الى البسكويت

[tina_tina]

البسكويت
المقادير

كيلو دقيق
ملعقة نشادر
7 بيضات
فانيليا
كوب سمن
2 كوب سكر بودرة
لبن حسب ما تعوز العجينة
ذرة ملح

1- يخفق السمن مع السكر جيدا ثم يضاف البيض بالفانيليا مع الاستمرار فى الخفق
2- تذاب النوشادر فى اللبن فى لبن
3- ينخل الدقيق مع ذرة ملح ويضاف للخليط بالتدريج بالتبادل مع اللبن
حتى نحصل على عجينة ممكن تشكيلها
4- توضع العجينة فى المكينة الخاصى بالسكويت وتلف وتقطع اجزاء اجزاء صغيرة وتلف قليلا وتوضع فى الصاج المدهون بالسمن او الزيت
ويدخل الفرن
ويقدم بارد

هلما الى البيتى فور:dance:

[tina_tina]

البيتى فور
المكونات
2 كوب سمن
كوب سكر بودرة
ملعقة صغيرة بكنيج بودر
فانيليا
2 بيضة
دقيق حسب الطلب
كاكاو
ذرة ملح

1- يخفق السمن حتى يصير مثل القشطة السايبة ثم يضاف السكر مع الاستمرار فى الخفق
2- يوضع البيض بالفانيليا ويخفق حتى يتجانس الخليط
3- يضاف الدقيق وذرة الملح والبكنج بودر ويقلب جيدا حتى نحصل على عجينة لينة يمكن تشكيلها كويس
4- ناخد نص الخليط ويضاف له الكاكاو
5- ونكون مجهزين الماكينة الخاصة بالبيتى فور وناخد قطع كبيرة ونحطها ونختار الشكل اللى يعجبنى ولون العجينة ونعمل بيها
ونرص فى صينية وتدخل الفرن وتطلع ترش بالمكسرات
او نعمل لها اشكال حلوة اوى بالمربى والشكولاته وجوز الهند تعالوا اقولكم ازاى

1- نجمع كل شكلين زى بعض
2- ونحط المربى فى الوسط بين الاتنين
3- ونضغط عليهم ونغطسهم فى الشكولاته المبشورة او السايحة او جوز الهند
ويترك حتى ينشف ويرص فى صوانى التقديم
ويقدم ويبقى احلى عيد بالبيتى فور

وتعالوا نعمل الغريبة وانواعها التحفة

[tina_tina]

الغريبة
المقادير
2 كوب من الدقيق الفاخر
كوب من السمن
نص كوب سكر بودرة
ملعقة فانيليا صغيرة
لوز او ملبس فضى

1- يضرب السمن جيدا حتى بصير هشا" كالقشطة السايبة
2- يوضع السكر بعد ذلك مع الاستمرار فى فى الضرب
3- نضيف الدقيق بالتدريج حتى تتكون لديك عجينة يمكن تشكيلها
4- تشكل على شكل كرات مستديرة صغيرة ونجملها باللوز او الفضى او ممكن ناخد جزء من العجينة ونعمله بالكاكاو ونزين بيه الغريبة
5- تدخل الفرن ويادوب تحمر بسيط علشان متتحرقش
وتقدم باردة
وبالف هنا


نيجى بقة على الغريبة ب


















الويسكىىىىىىىىىى
فظيعة:yahoo:

[tina_tina]

الغريبة بالويسكى
المقادير
3 كوب سمن
3/4 كوب سكربودرة
فنجان من كونياك او الويسكى
بيضة كاملة ويحذف بياض بيضة اخرى
باكو بيكنج بودر
فانيليا
قرنفل للتجميل
دقيق حسب طلب العجينة

1- يخفق السمن كويس اوى ليصبح هاشا"
2- يوضع السكر ويضرب مع بعض جيدا
3- توضع البيض ويضرب الخليط جيدا بالفانيليا
4- ثم نضع فنجان الويسكى بالتدريج ( اوعوا تشربوه انا بقول اهوا كفاية اوى اللى هيحصل بعد كدههههههههههههههههههههه اسالونى انا)
5- يوضع الدقيق والبيكنج بودر بالتدريج حتى تصبح العجينة لينه سهل تشكيلها
6- وتقطع قطع صغيرة وتحشو بالقرنفل وترص فى صينية
7- تدخل الفرن ويادوب تصفر
وتقدم باردة
وسمعونى احلى سلام بعد كده ده لو كنت فايقين هههههههههههههه

نيجى بعد كده على ايه

اللانكنشير:Love_Mailbox:

[tina_tina]

اللانكنشير
المقادير
3 كوب دقيق
2 كوب كورن فلور
2 كوب سكر بودرة
2 كوب سمن
5 بيضات
باكو بكنيج بودر
ذرة ملح

1- يخفق السمن جيدا
2- ثم السكر ويضرب ايضا جيدا
3- ثم البيض مع الفانيليا
4- ثم الدقيق بالتدريج مع الباكو البكنيج بودر والكورن حسب ما تاخد العجينة وتبقى سهل تشكيلها
5- تقطع قطع صغيرة وترص فى الصينية متباعدة علشان هتفرش بعد كده
6- تدخل الفرن وتحمر قليلا
وتقدم باردة
وممكن تزويدها من فةق باى حاجة انا عاوزاها

ها نعمل ايه
نعمل
شكلمة:yaka:

[tina_tina]

:yahoo: :yahoo: انتظرونى غدا
لانى ايدى وجعتنى من كتر الكتابة
وهجيب اصناف تانية كتير:dance:

[tina_tina]

اقولكم
بلاش الشكلمة لان بنت الفادى عملتها
ممكن تروحوا تشوفوها
المقادير كويسة
وانا هحضر حاجات تانية
باى:smil12:

[بنت الفادى]

هايل يا تينا
ربنا يعوضك

[tina_tina]

هايل يا تينا


ربنا يعوضك


ميرسى خالص خالص
شكرا لردك
وياريت الحلويات تعجبكم:dance:

[mrmr120]

ادى بقى دة
ادى ياتينا
تحفة
ماما بتعمل الحاجات دى وانا بساعدها
وبتعمل حاجات حلوة اوى اوى
اسمها غريب
وانا هخليها تكتب الطريقة واحط هلكم وجربوها
مرسى ياتينا ياقمر

[tina_tina]

ماشى يا مرمر يا عسل
وانا مستنية اللى اسمها غريب
شكرا على الرد

[sharihan]

برافو عليكى تينا ميرسى جدا جدا

[tina_tina]

برافو عليكى تينا ميرسى جدا جدا



ميرسى اوى يا شيرى
يا رب يعجبك

[K A T Y]

جدعة يا تينا انتي ست بيت شاطرة

ومش هاتحرميه من حاجة

نادر الولد يلاقي بنت شاطرة كدا بقت عملة نادرة

[diana]

الله باين عليها حاجات حلوة اوى :smil12:

[tina_tina]

جدعة يا تينا انتي ست بيت شاطرة

ومش هاتحرميه من حاجة

نادر الولد يلاقي بنت شاطرة كدا بقت عملة نادرة


ميرسى يا كاتى
اكيد مش هحرمة بس يجى
هو مش نادر انك تلاقى بنت كده
انت نادر دلوقتى ولد يقدر ده

[tina_tina]

الله باين عليها حاجات حلوة اوى :smil12:


اى خدمة يا ديانا
ميرسى على المرور

[candy shop]

بصراحه يا تينا حاجات تجنن بجد تسلم ايدك وانا انشالله قبل العيد هعمل كل ده ربنا يبارك حياتك وكل سنه وانتى طيبه:36_3_15:

[tina_tina]

بصراحه يا تينا حاجات تجنن بجد تسلم ايدك وانا انشالله قبل العيد هعمل كل ده ربنا يبارك حياتك وكل سنه وانتى طيبه:36_3_15:

ميرسى خالص
وانا مستنية النتيجة بس اكيد هيعجبك

[جاسى]

بجد فظييييييييييييييع تينا انتى مجهودك رائع
شكرا ليكى بجد
ربنا يباركك

[tina_tina]

بجد فظييييييييييييييع تينا انتى مجهودك رائع
شكرا ليكى بجد
ربنا يباركك

ميرسى خالص
ده من زوقك وبرضوا مستنية النتيجة

[بتول لرب]

http://img211.imageshack.us/img211/6682/elbabazc0.gif