كذا مشكلة

[ororniny]

أخوتى وحبايبى يمكن ربنا جعلنى معاكم علشان تصلولى
أنا عندى كذا مشكلة
1- مشكلة كبيرة فى الشغل وأنا اللى غلطانة إتنرفزت على صاحب العمل رغم أنه أنسان فى منتهى الإحترام لدجة أنه أغلق السكة فى وجهى وقفل موبايله والنهاردة تقريباً لا يكلمنى
أنا عارفة انى غلطانة بس أرجوكوا صلولى علشان انا لا أحتمل المعاملة القاسية أو التجاهل رغم أنى أستاهل أكتر من كده بكتير
2- مشكلة مع أسرتى
3- مشكلة مع أهلى وعدم تقدير لا لظروفى ( عندى ظروف خاصة) ولا لإحساسى ( أنا ما ليش حد غير أمى وخالى) وخالى بعيد عننا فى المكان لدرجة أنه كلم أمى ناشف جداً وأهانها أنها لا تصلح أم
4- مشكلة مع بناتى ومش عارفة أتعامل معاهم ومن كتر الضغط عليا بتنرفز عليهم وهما مالهومش زنب
5- الشيطان مستغل كل الظروف ومكرهنى فى نفسى بصورة جامدة جدا أرجوكوا صلولى بحرارة أرجوكوا أنا تعبانة قوى

[ميرنا]

ربنا معاكى يا نينى ويعدى ظروفك دى بسرعه وتكون افضل واحسن

[Moony34]

السد المسيح وعدنا وقال :
سلامي أترك لكم سلامي أناأعطيكم.
وقال كمان :
أطلبوا تجدوا، إقرعوا يفتح لكم.
يا ريت تصلي وتطلبي من ربنا إنه يديكي السلام من عنده وهو هيمنحك السلام.
أنا بقول الكلام ده عن إختبار وفعلا لما بحس بضيق شديد دايما باطلب من ربنا وهو بيعطيني سلامه بسخاء
أنا عارف ومجرب الإحساس بالضيق فيا ريت يكون عندك إيمان في كلمة ربنا وفي حلول نعمة السلام عليكي بس أطلبي بلجاجة وهو يستجيب وإن تأني فهو يستجيب.
ربنا معاكي

[ororniny]

ميرسى كتير يا ميرنا أنت ومونى ربنا أستجاب صلواتكو
أشكر كل أخواتى اللى صلولى من أجلى وأحب أطمنكوا مشكلة الشغل أتحلت بنسبة 75% أرجوكوا كملوا صلاه وربنا يتمجد فى باقى الظروف
أمانة ما تنسونيش

[Fadie]

امين ربنا يكمل و تعدى هذه الازمات و تستفيدى منها

[بنت الفادى]

ربنا معاكى يا نينى ويبارك حياتك ويجعلها مثمرة
ربنا يقويكى ويساعدك ويكمل معاكى المشوار

[تريزا]

حبيبتى العزيزة على قلب يسوع
ربنا معاكي و انشاء الله كل الظروف الصعبة اللى انت بتمرى بيها هتعدى في اسم يسوع حبيبي
بس انا عايزة اعلق لك على حاجة واحد من كلامك
5- الشيطان مستغل كل الظروف ومكرهنى فى نفسى بصورة جامدة جدا أرجوكوا صلولى بحرارة أرجوكوا أنا تعبانة قوى ( الكلام ده حضرتك قلتيه )
لو سمحتى ما تكرهيش نفسك ابدا ابدا ابدا
انت عارفة انت بكل ما فيكي غالية اوى على قلب يسوع هو بيحبك اوى اوى اوىهو خلقك بكل صفاتك اللي انت يمكن بتكرهيها بس هو شيفك كلك جميلة ولا عيب فيكي
حبيبتى وحبيبة يسوع انت ضغطة على نفسك اوى سلمي للرب كل همك
اطلبي محبته ورحمته و هو هيديك اكيد كل نعمة ومش هيمسك عنك اى شي
كويس انك عارفة انت ابليس عدو الخير هو اللى ورا كل اللاحاسيس دى انتهريه باسم الرب يسوع واطلبي حماية دم يسوع عليكي و على والدتك و على بناتك و انا واثقة دايما ان الرب هيتمجد في حياتك
يسوع حبيبك دايما يكون معاكى سلام