غطاس يبقى قلقاس

[tina_tina]

اهلا ومرحبا بيكم :smil12:
فى يوم جديد من اسرار تينا
وكل سنة وانتم كلكم طيبين
ويارب تكون الحلويات عجبتكم
عارفة طبعا من غير ما تشكرونى لانها كانت روعة وانا عملتها كلها:dance:
والنهاردة واحنا بنستقبل عيد جديد هنعمل اكلته المشهورة
وهقولكم فى الاخر ليه احنا بناكل الاكل ده بالذات فى الغطاس
يالا بقى
القلقاسسس
ومعاه طبعا القصب
اوعوا تنسوا
المكونات
القلقاس حسب الرغبة
سلق قلقاس
كسبرة خضرة
شوربة مجهزة ( لحمة او فراخ )
التوابل بتاعتنا ( الملح والفلفل الاسود والبهارات )
ليمونة _ توم للتحمير
وكمان نكون محضرين 2 فوطة مطبخ( مش للاكل هقول ليه)


1- الاول بنجيب القلقاس ونجيب الفوطة ونبتدى نقشرالقلقاس وكل شوية نمسح السكينة علشان نعرف نكمل تقطيع كويس وكمان القلقاس يبقى ناشف ومش فيه ميه ( انتوا طبعا عارفين ليه) كل ما نقطع ننشف كويس السكينة
ونقطع القلقاس كله الى قطع مطولة علشان نعرف نحمرها وكمان قطع مكعبات للقلقاس نفسة
2- بعد ما قطعنا كله نعصر الليمونة عليهو كلهم وبعد كده بالفوطة التانية ناخد كل واحدة ونمسحها كويس من اللى فيها
3- نكون محضرين الشوربة سخنة وعلى النار وننزل فيها القلقاس كله علشان يتسلق
4- بعد ما يتسلق كله كويس نطلع القلقاس الطويل علشان نحمرة
5- نجيب السلق ونكون مجهزينةومعاه الكسبرة الخضرة
( السلق نجيبة ونضفة ونغسله وينشف كويس وبعدين يتقطع الى اجزاء صغيرة ومعاه طبعا الكسبرة الخضرة )
6- نكون مجهزين على النار القلاية ونحط فيها السلق والكسبرة المقطعة الى اجزاء ويتم تحميرهم وفى النص نضيف التوم ويتم تحميرهم مع بعض فى السمنة لغاية ما يبقوا زى المية خالص
7- لو معرفتوش تخلوهم زى الميه يبقى تزودهم شوية شربة ويتم ضربهم فى الخلاط
8- ويكون القلقاس جاهز وبيغلى ونضيف عليه السلق المحمر اللى احنا عملناه
وياخد غلوتين كله مع بعض مع اضافة التوابل
وبالف هنا وشفا
وبيقدم مع الارز او المحشى طبعا

سر بقى اكل القلقاس والقصب فى الغطاس
ان القلقاس بيتزرع فى كمية كبيرة من المية وكمان بيتعمل فى كمية كبيرة من الميه
وكمان القصب بيحتاج الى كمية كبيرة من المية وكمان انه بيحتوى على كمية كبيرة من المية
وده كله بيرمز الى الغطاس
بس كده
وبالف هنا وشفا
وكل سنة وانتم كلكلم طيبين :Love_Mailbox:

[mary]

كل سنة وإنتى طيبة يا تينا تينا وميرسى على طريقة القلقاس وسمعت إن فيه ناس بتعملوا بالدمعة كمان بس ده يتطلب غسله جيداً للتخلص من المادة المخاطية إللى فيه وفيه بيعملوه بالسلق برده والخضرة بس برضه بيغسلوه جامد للتخلص من المادة المخاطية إللى فيه بس أنا شايفة إمن طريقتك أحسن وإحنا بنعمله كده برضه
شكراً تينا تينا وربنا معاكى

[ابن الفادي]

كل سنة وانت طيبة يا تينا

و متكتريش من القلقاس
علشان انا مبحبهـــــوش
لكن لو مصممه انك تعزمينا
وعلشان ما بنحبش نتعبك
ممكن تبعتيلنا 2 كيلو لحمة
سلف ونردهملك ان شاء الله
في الغطاس اللي جاي

وكل سنة وكل المنتدي
بخير وسلام وبركة

[adel baket]

كل سنة وإنتى طيبة يا تينا تينا وميرسى على طريقة القلقاس وسمعت إن فيه ناس بتعملوا بالدمعة كمان بس ده يتطلب غسله جيداً للتخلص من المادة المخاطية إللى فيه وفيه بيعملوه بالسلق برده والخضرة بس برضه بيغسلوه جامد للتخلص من المادة المخاطية إللى فيه بس أنا شايفة إمن طريقتك أحسن وإحنا بنعمله كده برضه
شكراً تينا تينا وربنا معاكى
انا اعرف ان القلقاس ميتغسلش يتعصر عليه ليمون فقط ياريت حد يفهمنا والرب يبارككم:yaka:
وكل سنه وانتم طيبوان

[tina_tina]

كل سنة وإنتى طيبة يا تينا تينا وميرسى على طريقة القلقاس وسمعت إن فيه ناس بتعملوا بالدمعة كمان بس ده يتطلب غسله جيداً للتخلص من المادة المخاطية إللى فيه وفيه بيعملوه بالسلق برده والخضرة بس برضه بيغسلوه جامد للتخلص من المادة المخاطية إللى فيه بس أنا شايفة إمن طريقتك أحسن وإحنا بنعمله كده برضه
شكراً تينا تينا وربنا معاكى

ميرسى خالص على الرد
وجربى الطريقة دى هتبقى احسن بكتير

[tina_tina]

كل سنة وانت طيبة يا تينا

و متكتريش من القلقاس
علشان انا مبحبهـــــوش
لكن لو مصممه انك تعزمينا
وعلشان ما بنحبش نتعبك
ممكن تبعتيلنا 2 كيلو لحمة
سلف ونردهملك ان شاء الله
في الغطاس اللي جاي

وكل سنة وكل المنتدي
بخير وسلام وبركة


ميرسى يا فريد
متخفش دى عزومة مركبية
وبعدين القلقاس مش بيتعمل عليه لحمة
بيتعمل عليه بط وفراخ
ده اللى عندى تحب تجرب
ولا تحب الرومى
انا تحت امرك

[tina_tina]

انا اعرف ان القلقاس ميتغسلش يتعصر عليه ليمون فقط ياريت حد يفهمنا والرب يبارككم:yaka:
وكل سنه وانتم طيبوان
فيه كده وفيه كده
بس الاحسن يتعصر عليه ليمون
علشان اللى فيه
انت واخدلى بالك طبعا
وشكرا على الرد

[ابن الفادي]

بصراحة مكنتش اعرف انك بخيله كده
كمان انا مبحبش القلقاس وممنوع
يتعمل عندي بالبيت علشان كده
طلبت لحمة .. علي كل حال اكيد
فيه ناس كرما في المنتدي
وهيجيبو البط والرومي والحلو كمان

ربنا يباركك وتعيشي لكل سنة

[ابن الفادي]

بصراحة مكنتش اعرف انك بخيله كده
كمان انا مبحبش القلقاس وممنوع
يتعمل عندي بالبيت علشان كده
طلبت لحمة .. علي كل حال اكيد
فيه ناس كرما في المنتدي
وهيجيبو البط والرومي والحلو كمان
:8_5_17: :8_5_17: :361nl: :cake:
ربنا يباركك وتعيشي لكل سنة

[tina_tina]

بصراحة مكنتش اعرف انك بخيله كده
كمان انا مبحبش القلقاس وممنوع
يتعمل عندي بالبيت علشان كده
طلبت لحمة .. علي كل حال اكيد
فيه ناس كرما في المنتدي
وهيجيبو البط والرومي والحلو كمان
:8_5_17: :8_5_17: :361nl: :cake:
ربنا يباركك وتعيشي لكل سنة


بس كده انت تؤمر

[diana]

برافو يا تينا ودايما كدة فاكرانا بالاكل الحلو بتاعك وانا سمعت ان القلقاس كمان بيرمز لراس :yaka:

[diana]

يوحنا المعمدان

[tina_tina]

شكرا جدا يا ديانا
بس اشمعنا يوحنا المعمدان

[mr.hima]

شكلها حلو حكاية الليمون دى ,,علشان أنا اعرف ان بيتغسل بس ,,,, شكرا يا تينا

[tina_tina]

شكلها حلو حكاية الليمون دى ,,علشان أنا اعرف ان بيتغسل بس ,,,, شكرا يا تينا


سيبك من الغسيل
وادخلى على الليمون
شكرا على الرد

[lenysam]

كل سنة وأنتم بخير وسلام وكل عيد غطاس وأنتم طيبين هاقول لكم على طريقه حلوة لعمل القلقاس بس دى علشان يتاكل فى الصيام لو عملتوة مرة صدقونى مش هاتنسونى فى صلواتكم (( تجيبوا القلقاس وتقطعوة مثل الصوابع وماتكونش الصوابع لاعريضه ولا رفيعة تكون معقولة أو متوسطة المهم تسلقوا الصوابع مثل سلق المكرونةطبعا بعد ماتحطوا ملح علشان يعدل الطعم كل وحسب طلبة فى الملح المهم يتسلق وطبعا عارفين أن أثناء السلق هايبقى فى المادة المخاطية تتشال أولا بأول لانها لو أتسابت هايفور وومكن يطفى البوتجاز طبعا ده كلام حافظاه ست البيت بعد السلق تصفيه من المياة وتقلية فى الزيت )) أتحداكم لو ماأكلتوش مش صوابعكم وراه لكن هاتاكلوة أيديكم كلها أرجوكم ماحدش ينسانى فى صلواته وياريت تقولوا لى مين الشاطر اللى طلع من تحت أيدة قلقاس مقلى حلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياريت تجربوا

[tina_tina]

كل سنة وأنتم بخير وسلام وكل عيد غطاس وأنتم طيبين هاقول لكم على طريقه حلوة لعمل القلقاس بس دى علشان يتاكل فى الصيام لو عملتوة مرة صدقونى مش هاتنسونى فى صلواتكم (( تجيبوا القلقاس وتقطعوة مثل الصوابع وماتكونش الصوابع لاعريضه ولا رفيعة تكون معقولة أو متوسطة المهم تسلقوا الصوابع مثل سلق المكرونةطبعا بعد ماتحطوا ملح علشان يعدل الطعم كل وحسب طلبة فى الملح المهم يتسلق وطبعا عارفين أن أثناء السلق هايبقى فى المادة المخاطية تتشال أولا بأول لانها لو أتسابت هايفور وومكن يطفى البوتجاز طبعا ده كلام حافظاه ست البيت بعد السلق تصفيه من المياة وتقلية فى الزيت )) أتحداكم لو ماأكلتوش مش صوابعكم وراه لكن هاتاكلوة أيديكم كلها أرجوكم ماحدش ينسانى فى صلواته وياريت تقولوا لى مين الشاطر اللى طلع من تحت أيدة قلقاس مقلى حلو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياريت تجربوا


اهلا بيك فى ركن المطبخ
وشكرا على الرد
وانا بعملة على طول كده مع طريقتة العادية لازم الاتنين مع بعض
يالا بقى عاوزين نشوف بقية اكلك هنا

[lenysam]

طلعت قديمة كنت فاكر أنها جديده ياخسارة ماحدش هايصلى لى ماشى تتعوض مرة تانية

[lenysam]

:ranting:

[tina_tina]

طلعت قديمة كنت فاكر أنها جديده ياخسارة ماحدش هايصلى لى ماشى تتعوض مرة تانية

كفاية اوى انها منك انت
وربنا معاك

[tina_tina]

:ranting:

:smil12:

[merola]

الصراحة القصب عندى اهم من القلقاس

[tina_tina]

الصراحة القصب عندى اهم من القلقاس

الاتنين مع بعض اجمل حاجة
ميرسى على الرد

[candy shop]

شكرا على القلقاس الجميل ده وعلى فكره ممكن يتعمل صيامى بمرقه الخضروات تسلم ايدك

[بتول لرب]

http://img211.imageshack.us/img211/6682/elbabazc0.gif