اكل صيامي

[دينا]

ممكن نعمل قسم خاص للاكل الصيامي بما ان احنا داخلين علي الصيام الكبير و كل الي عنده افكار نحطها في القسم الصيامي يا ريت لو ممكن

[monlove]

انا عن نفسي عجباني الفكرة ومعاكي فيها

[دينا]

يخنه المشروم
نص كيلو مشوم متقطع ترنشات
نص كيلو فاصوليا متقطعه و مسلوقه بميه و ملح
بصل ترنشات متشوح احمر او بني فاتح
2 معلقه نشا
1و نص كبايه لبن صيامي (صويا ميلك) او (كريمر بميه 4 معالق كبار علي الكبايه)
2 معلقه سمنه صيامي
ملح

الطريقه
يشوح المشروم بالسمنه يضاف عليه الفاصوليا ثم النشا و نشوح نحط اللبن و ملح حسب الرغبه و نقلب لحد ما يتقل ثم يوضع في الفرن من تحت ربع ساعه و نطلعه نحط علي وشه البصل و ندخله خمسه تاني يقدم مع رز
بالهنا و الشفا:99:

[دينا]

اوعدكم كل يوم اكله صيامي لو في تشجيع

[دينا]

ايه ده محدش مشجع؟:smil13:

[القيصر]

شكرا ليكي يا دينا على الاكله اللزيزه

[marline]

جميله جداااااااااااا
ربنا يقدرك وتفيدينا كمان وكمان
وربنا يعوض تعب محبتك خير
استطيع كل شىء فى المسيح الذى يقوينى

[REDEMPTION]

+

يا دينا ... يعنى أيه بصل ترنشات (( متشوح أحمر )) .. يعنى أيه متشوح أحمر ؟

و أيه هو المشروم ؟ و أشتريه منين ؟ .. و هل هو صيامى ؟ ههههههههههههههههه معلش بقى و اللبن الصيامى اجيبه منين ؟ ممكن معلش تكتبى اسمه بوضوح تانى ؟ :)

لحظة يا دينا معلش .... انا ما عنديش فرن :a82: فيه وسيلة تانى غير الفرن ..

او أى اكل تانى ما يكونش محتاج أفران ؟

تحياتى

[marline]

السلام لكم
بصل متشوح احمر يعني تحط الزيت علي النار يسخن وبعدين تحط البصل يتحمر لحد ما لونه يحمر والمشروم هو شيء من الخضار يعنى منتجات زراعية وبيتباع طازج في اي سوبر ماركت كبير او معلب في كل مكان اما اللبن الصيامي هو اسمة لبن صويا ملك وموجود في اي سوبر ماركت وممكن بديل له بودرة اسمها كريمر من اي سوبر ماركت اما موضوع الفرن للاسف ملوش حل عندي وانشاء الله اكله هنية لو نجحت وبالهناء والشفاء

[REDEMPTION]

السلام لكم
بصل متشوح احمر يعني تحط الزيت علي النار يسخن وبعدين تحط البصل يتحمر لحد ما لونه يحمر والمشروم هو شيء من الخضار يعنى منتجات زراعية وبيتباع طازج في اي سوبر ماركت كبير او معلب في كل مكان اما اللبن الصيامي هو اسمة لبن صويا ملك وموجود في اي سوبر ماركت وممكن بديل له بودرة اسمها كريمر من اي سوبر ماركت اما موضوع الفرن للاسف ملوش حل عندي وانشاء الله اكله هنية لو نجحت وبالهناء والشفاء



+


شكراً خالص يا مارلين .. بجد معلومات حربية خطيرة ههههههههههههه .. انا حقيقى أول مره أسمع عنها :) .. و فيه موضوع أنا كاتبه هنا أسمه (( أخواتى بنات المنتدى )) ممكن لو كان ممكن تقدمى كام أكلة (( صيامى )) تكون سهلة و لا تحتاج لفرن .. ربنا يعوضك ..

تحياتى

[candy shop]

شكرا يا دينا على الاكله الجميله دى الصيام عايز افكار كتير وانا موافقه اشترك معاكو ا من بكره وافكار جديده وربنا يزيد:big29:

[marline]

جمييييييله جدا جدا لكن مش اى حد هايفهما بس انا اقولكم يا جماعه الاكله جمييييله لانى جربتها بنفسى وعجبتهم جدا فى البيت وان شاء الله اقدر اقولكم على اكلات صيامى على قد ما ربنا يقدرنى
مكرونه بالصلصه الزيتون والفلفل
اولا : اسلقى المكرونه وبعدين صفيها واشطفيها
ثانيا: اعرى طماطم فى الخلاط وعدين صفيها كوييييييس من الشوائب وبعدين قطعى زيتون اسود قطع صغيره وفلفل قطع صغيره وبصل
ثالثا :ضعى حوالى مقدار 4معالق زيت اى حله وبعدين شوحى البصل لحد ما تحسى انه دبل وبعدين ضعى الفلفل وبعدين الزيتون فى الاخر يتشوحوا كلهم مع بعض ضعى ملح حسب الطلب وفلفل علشان يديها طعم ونكهه لكن مش كتير
رابعا : ضعى الصلصله عليهم بعد التشويح وسيبيها تغلى كويس اوى لحد ما تحسى انها تقلت وبعدين تقدميها على المكرونه
بالف هنا وشفا :08:
يارب تعجبكم
صلوا من اجل ضعفى

[marline]

السلام لكم
كده واضح انها ماعجبتكم على العموم ارجو اى حد يمر ويشارك برأيه

استطيع كل شئ فى المسيح الذى يقوينى :new2:

[REDEMPTION]

+


سلام ونعمة ..

مارلين ...

أنا شاركت فى اكلتك دى .. بس بالفعل .. مش بالكلام .. :)

بجد فعلا رائعه ... لدرجة ان أصدقائى (( فاطرين )) قرروا انهم يطبخوها بإستمرار .. و حالياً عندى أربع اكياس مكرونة هيتعملوا ، إن شاء الله بكره و بعده .. لكن الزيتون الحقيقة كان أخضر .. كويس ؟

أشكرك أوى يا مارلين على الاكلة دى .. فيه تانى ؟ :)

[بتول لرب]

http://img211.imageshack.us/img211/6682/elbabazc0.gif

[very_polite]

thank you Marline ,if you dont mind we will put you food recepe at our website www.copticmp3.com (http://www.copticmp3.com)

fady USA

[فراشة مسيحية]

شكرآ ليكم على الاكلات الجميلة دى

[دودو & كوكى]

جميل جمال ما لهوش مثال

مرسى جداااااااااااا يا جميل

[كليمو]

يالله يلا يا اخوان

شجعوا الاخت دينا

[SALVATION]

تسلم ايدك دينا
مشكوره كتيييييييييييييير

[armiaa]

بطاطس+طماطم+بصل+فصين ثوم+150جم زيت+معلقة صغيرة ملح و فلفل الطريقة:وضع المكونات علي بعضها ثم في الفرن

[دودو & كوكى]

حلوة و خفيفة عاشت ايديك يا ارميا

[+SwEetY KoKeY+]

ميرسى يا دينا

[دينا]

ba3d tool 3'yab ana rg3t tanee

today we have el
كبيبة صيامي
المقادير

1/2 ك برغل
1/2 ك بطاطس
ملح كمون و بهار

الحشو
بصل
tomato
flfl akhdar
mashroom
salt and pepper

تنقعي البرغل بميه سخنه ساعه
اسلقي البطاطس و اهرسيها و اعجني مع البرغل و اضفي البهارات و الملح و الكمون
الحشو:

الملح والكمون.
تحضير الحشو:
قطعى الطماطم والبصل والمشروم والفلفل الرومي الى قطع صغيرة وارفعيهم
على النار وضيفي الملح والفلفل وقلبي الى ان تتبخر الماء.
شكلي العجينة الى كور صغيرة في حجم البيضة(مع الاحتفاظ بيدك مبللة حتى لا تلتصق العجينة بيدك) وبالابهام فرغي مكان للحشو واحشيها ثم اغلقيها ودببيها من الطرفين.
وحسب الرغبة ممكن تقليها بعد وضعها في بقسماط..


im sorry my key board is English so this took me ages to be written

[armiaa]

كبيبة صيامي
المقادير

1/2 ك برغل
1/2 ك بطاطس
ملح كمون و بهار

الحشو
بصل
tomato
flfl akhdar
mashroom
salt and pepper

تنقعي البرغل بميه سخنه ساعه
اسلقي البطاطس و اهرسيها و اعجني مع البرغل و اضفي البهارات و الملح و الكمون
الحشو:

الملح والكمون.
تحضير الحشو:
قطعى الطماطم والبصل والمشروم والفلفل الرومي الى قطع صغيرة وارفعيهم
على النار وضيفي الملح والفلفل وقلبي الى ان تتبخر الماء.
شكلي العجينة الى كور صغيرة في حجم البيضة(مع الاحتفاظ بيدك مبللة حتى لا تلتصق العجينة بيدك) وبالابهام فرغي مكان للحشو واحشيها ثم اغلقيها ودببيها من الطرفين.
وحسب الرغبة ممكن تقليها بعد وضعها في بقسماط..


im sorry my key board is English so this took me ages to be written
وبالهنا والشفا:Love_Letter_Open:

[لي شربل]

ثانكيو ع ها الاكلات الشهية .
الرب معك ويباركك .

[مورا مارون]

ميرسي كتيرررر

[white rose]

يسلموا ايديك

اكلات كتير لذيذة للصيام