المنتدى يقدم..فقرات . بمناسبة: عيد ميلاد الشهيد† بولا عاطف يسى† وكل سنه وانتم طيبين

BeBo0o0o

عضو مبارك
عضو مبارك
إنضم
4 فبراير 2009
المشاركات
371
مستوى التفاعل
4
النقاط
0
oou_ou10.png


نقدم
...فقرات حلوه كتير...
بمناسبة: عيد ميلاد الشهيد
† بولا عاطف يسى†
وكل سنه وانتم طيبين

39879_417715692405_541242405_4855153_1476672_n.jpg

Marian Gamal

معلش النهاردة هطول عليكو بس اصلوه يوم مش عادي ، طبعا انتوا عارفين عيد ميلاد الشهيد بولا . ففكرت اقدم له حاجة تليق به بس مالقيتش غير اني اكتب جزء مخصوص عنه كنت كتباه في بحث عن شهداء نجع حمادي في الكرازة .

بولا شاب في اولي معهد حاسب الي بسوهاج ،مواليد 1\10\1991
بولا كان شاب طيب ، محبوب يحب الضحك و الفرح.و كان يتمني ان يري كل من حوله سعيد و فرحان .

في ليلة العيد صلي بولا مع والدته و اشعل شمعة امام صور الشهداء و القديسين التي تملا منزله و صلي لاخوته .

ثم نزل الي الكنيسة و تناول من الاسرار.

ثم خرج مع اصحابه ليتنزه بعضهم و يفرح بالعيد معهم و كان معه من اصدقائه الذي رافقه اسم الاستشهاد الشهيد ابانوب كمال.

و اثناء تنزههم جاء المجرم بالرصاص ، فاصيب بولا بطلقتين واحدة في قلبه و الاخري في الصدره.

فعندما رآه ابن عمه ناداه بصوت عالي فقال له بولا و هو كان مازال واقفا :ماتخفش انا مفيش في حاجة.

قالها و سقط عالارض شهيدا ،دون ان يقول شيء اخر.

فاتصل بوالده ابن عمه و قال له :الحق بولا مضروب عند ميدان لوكاس.

يقول والد الشهيد : رحت عند ميدان لوكاس بعد ماتصل بي ابن عمه لكن مالقيتوش فذهبت للمستشفي و هناك لاقيته جثة هامدة.ثم يقول بولا كان لابس و كان زي العريس و كان صايم.

ثم تقول اخته ماريانا عاطف: ماما تاصلت بي فنزل زوجي مع بابا و ماكنتش متخيلة ابدا انها توصل لموته انا اتخيلتها في ايده او رجله يعني حاجة خفيفة . فجه زوجي بليل فسألته عن بولا قالي انه كويس لكن هو لسة في المستشفي فقلتله ازاي كويس و لسة في المستشفي فقالي لان رجله اتصفت . و معرفتش غير الصبح.حتي بعد الصلاة متخيلتش ان بولا يكون مات لان بولا دا كان ابني مش اخويا لان اختي اتجوزت و سافرت البحيرة فبقيت انا و هو بس فارتبط بيه جدا.

ثم تقول: كان لازم يحكيلي لما يجي من المعهد ايه اللي حصل معاه هو واصحابه . ثم تقول متذكرة : في يوم الحادث طلبت منه طلبات ثلاث مرات فطلع الدور السادس ثلاث مرات دون ان يشتكي . و قعد قال لي لبسه الجديد شكله ازاي .

و تقول والدته :بولا كان شاب جميل و كل صوره بيضحك فيها ،و انا كنت معاه في كل حاجة حتي مذاكرته كنت بذاكرها معاه.ثم تقول و ابتسامة علي وجهها :ربنا اخده في وقت حلو كان صايم و بيخدم في سوهاج و كان يتصل هو ينظم مواعيد الاجتماعات.

ثم تقول : حلمت بيه في يوم التالت لابس ابيض و فرحان بتوبه الابيض اوي و بيقول لي جميل قوي توبي الجديد و انت السبب في المكان اللي انا فيه دلوقتي . ففرحت و قلت خلاص يا بولا ياحبيبي مش راح ابكي عليك ابدا تاني.

وانا وضعت صوره بين الشهدا و القديسين في البيت عندي . و كانت كلها ايمان ان ابنها رآي مالم تراه عين. و كانت تنشر التعزية لكل من حولها فتقول ماريانا ابنتها : ماما بتصبرنا و النظرة ليها بس كافية بانها تصبرنا و كانت تقولنا بولا في السما و تعزينا لو عدت علينا لحظات ضعف.

يقول احدي اصدقائه :بولا كان طيب جدا و كان في الصيف لازم امر عليه و نروح نلعب في نادي الكنيسة و كان معانا الشهيد ابانوب كمال.

و يقول اخر : بولا عمره مازعل من حد ولا عمره زعل حد وكان لما حد بيتخانق معاه كان بيهزر منعاه و ينسيه الزعل. و كان يروح يصال كل الناس حتي لو هما اللي غلطوا في حقه.

و يقول اخر : بولا حجرته كانت تختلف عن باقي الشباب فكانت شبه قلاية بسبب كثرة الكتب الدينية و صور الشهداء و القديسين الذين احبهم و احبوه حتي اصبح واحد منهم.

و تقول والدته: كان بولا بيعمل ابحاث كتير و خصوصا عن الشخصيات الكتابية و اخر بحث كان بيعمله و لم يكمله حتي الان كان عن داود النبي.

و تقول ماريهن عاطف اخته : بولا كان اصغر مني بسنة وكان هادي جدا و عمره ماتخانق معانا و كان بيحب ربنا جدا.

و تقول والدته : بولا كان حافظ كل المزامير كان قارئ الكتاب المقدس كله قبل استشهاده و كان حافظ القداس كله.

و يقول خاله : انا قابلته قبل استشهاده بيوم و سلمت عليه و بولا ده كان ابني انا اللي مربيه و كان لازم يزورني كل ماينزل من المعهد . ثم يقول بدموع : بولا كان كل اصحابه و جيرانه يحبوه.


line19.gif

كلمة من اصحاب الشهيد بولا

الشهيد بولا عاطف أحد أطفال بيت لحم6/1/2010
الشهيد بولا عاطف .عاش ملاك فى الارض وذهب ملاك للسماء
احب الكنيسه فأحبته الكنيسه
كان طفل وديع لم تفارق الأبتسامه والضحكه وجهه
عيد عيد الميلاد المجيد لعام 2010 مع الملائكه والقديسين فى أحلى مكان فى السماء
فعلا كما قال الانبا موسى أسقف الشباب لنا سحابه من الشهود
هنيئا لك الفردوس يا شهيد المسيحيه فى القرن الواحد وعشرون
أذكرنا أمام عرش النعمه يا بولا
ومش هننساك ابدا انت فى قلوبنا
الشهيد بولا عاطف .عاش ملاك فى الارض وذهب ملاك للسماء
احب الكنيسه فأحبته الكنيسه
كان طفل وديع لم تفارق الأبتسامه والضحكه وجهه
عيد عيد الميلاد المجيد لعام


مع الملائكه والقديسين فى أحلى مكان فى السماء
فعلا كما قال الانبا موسى أسقف الشباب لنا سحابه من الشهود
هنيئا لك الفردوس يا شهيد المسيحيهفى القرن الواحد وعشرون
أذكرنا أمام عرش النعمه يا بولا
ومش هننساك ابدا انت فى قلوبن

line19.gif

كلمات:شاعرة الشهداء
ناهد فاروق شاروبيم


عيد ميلاد مييين يا ترى؟؟
دا عيد ميلاد الشهيد بولا السكرة
دا كان ملاك وعاش ع الارض فترة قصيرة
لكن كتب بدمه شهادة ميلاد فالسما منورة

يللا بينا ننور شمعة للشهيد
ونهنيه سوا بالعيد
ونقوله اننا فاكرينه حتى ان كان بعيد
وان حبه ف قلبوبنا كل يوم بيزيد

كل سنة وانت يا بولا فرحان ف السما
بتسبح وبتصلى علشانا كلنا
قد ايه يا بولا انت وحشت عيونا
بس يا غالى صورتك محفورة جوة قلوبنا

عيد سعيد عليك
والملايكة كلها حواليك
عيد سعيد للسما وليك
يا بولا ..يسوع ..اكيد فرحان وبيفتخربيك

line19.gif

كلمات:مريم فهمى



بدايتى 1اكتوبر زى النهاردة عيد ميلادى
نهايتى كانت 6 يناير ف شوارع نجع حمادي


نهاية جسدى اللى اترمى بالرصاص مجروح
وادى فرصة بموتة ونهايتة لانطلاق الروح


زى النهاردة اهلى كانوا بيا سعدا وفرحانين
زى النهاردة كنت هطفي شمعتى العشرين


عارفكم عاوزين تشوفونى كلكوا وتعيدوا عليا
وانتوا كمان وحشتونى وعاوز اجيلكم الليلة دية
بس انا مش هسيب السما وارجع للارض الفانية
هنابحتفل بعيد ميلادى ويسوع نفسه هو الهدية


احلى عيد ميلاد حضرته وضيوفي هما القديسين
والزينة هما طغمات الملايكة وكل صفوف السمائيين


زى ما يسوع اختارنى احضر معاة يوم عيد ميلاده
هو حاضر معايا النهاردة ومعايا الشهدا صحابي وولاده


زى ما حضرنا انا والشهدا عيد ميلاد يسوع
هما معايا هنا وهنطفي كلنا سوا الشموع


عاوز اقولكم كل سنة وانتم كلكم طيبين
سلمولى على بابا وما ما واخواتى البنتين


line19.gif

تصميمات جديده للشهيد

40698_417746332405_541242405_4856090_2307232_n.jpg



59487_431306657405_541242405_5197240_1626643_n.jpg


29293_389065742405_541242405_4123078_5471371_n.jpg


20936_314615832405_541242405_3645104_1890832_n.jpg





23494_01192072578.jpg
 

MIKEL MIK

لتكن مشيئتك ...
عضو مبارك
إنضم
16 أغسطس 2008
المشاركات
41,589
مستوى التفاعل
1,035
النقاط
113
الإقامة
حضن العدرا ام النور
مش عارف اقول ايه بجد
ربنا يرحمه ويصبر اهله
خصوصا انه اول عيد ميلاد له
بعد وفاته واستشهاده
شكرا ليك بيبوو
 

+Bent El3dra+

بيك هقدر يارب
مشرف سابق
إنضم
15 أغسطس 2008
المشاركات
13,814
مستوى التفاعل
639
النقاط
0
الإقامة
فى حضن امى العدرا
اكيد ده اكتر عيد ميلاد فرح فيه :)
فى حضن المسيح
ربنا يصبر اهله ويعزيهم
 

BITAR

ابن المصلوب
مشرف
إنضم
8 ديسمبر 2006
المشاركات
23,093
مستوى التفاعل
785
النقاط
113
ربنا يرحمه
ويصبر كل زويه
ويمنع كل ما هو
غول
من طريق اولادنا
 

govany shenoda

صلوا من اجلي
عضو مبارك
إنضم
21 ديسمبر 2009
المشاركات
6,937
مستوى التفاعل
39
النقاط
0
الإقامة
منقوش علي كفه
مع الملائكه والقديسين فى أحلى مكان فى السماء
فعلا كما قال الانبا موسى أسقف الشباب لنا سحابه من الشهود

هنيئا لك الفردوس يا شهيد المسيحيهفى القرن الواحد وعشرون
أذكرنا أمام عرش النعمه يا بولا
ومش هننساك ابدا انت فى قلوبن


ربنا يرحمه ويصبر اهله
خصوصا انه اول عيد ميلاد له
بعد استشهاده
شكرا ليك بيبوو
 
أعلى