سوال برة المنتدا

[basbosa_3omry]

هل يوجد سحر للمسيحية بس مش السحر اللى هو الالعاب السحرية ؟

لا السحر اللى هو الاعمال الشريرة من فعل الشياطين ؟
وان وجد ماهو العلاج للمسحور له؟

[My Rock]

هل قصدك انه يوجد سحر في المسيحية؟

[basbosa_3omry]

لا للمسحين عماتنا

[My Rock]

قصدك انه في مسيحيين يعملون سحر؟

[basbosa_3omry]

اه بالضبط زى ماانت قولت كدة ياروك

[My Rock]

مستحيل, لان التعامل مع السحر و السحر مرفوض يا بسبوسة

[Zayer]

الاخ يقصد

هل هناك اشياء في المسيحية لعلاج السحر

يعني ابطال مفعول السحر


وان وجد ماهو العلاج للمسحور له؟

[My Rock]

علاج المسحورين او مسكوني الارواح كما نراه في الكتاب المقدس عندما امر المسيح الشياطين بالخروج, اذن هو الامر بسلطان المسيح باخراج الارواح الشريرة و ما غيرها, و عندي بعض الفيديوات لاخراج الشياطين باسم المسيح انزلها لكم لاحقا

[Coptic Man]

العلاج يكون بالصلاة والصوم

وقراءة الكتاب المقدس وحضور القدسات

ويوجد بعض العلاجات اللي تخلي الشيطان يكره نفسه هههههه

عندنا مثلا لما يكون شخص عليه روح شريرة نعمل ايه نروح لدير يوجد به جسد قديس وندخله الاوضه بالعافية طبعا ونقفل عليه المزار ويبقي لوحده جواه الشخص اللي عليه الروح الشريرة وجسد القديس ويبدا القداس من هنا ويبدا يصرخ باعلي صوت ممكن تتخيله لهاية لما الشيطان يتحرق جواه الشخص ده ويطلع

[basbosa_3omry]

مثلاااااا

ممكن لفتاه ان يتعملها عمل علشان متتجوزس ولو فية يتفك ازاى

[Michael]

هذا الجنس لا يخرج الا بالصور والصلاة

[Coptic Man]

مثلاااااا

ممكن لفتاه ان يتعملها عمل علشان متتجوزس ولو فية يتفك ازاى

في اباء في دير سمعان الخراز بالمقطم ودير الانبا انطونيوس والانبا بولا بالبحر الاحمر ممكن يساعدوكي

الرب معك

[artamisss]

على فكرة يا جماعه موضوع الاعمال والسحر دة موجود وللاسف ولاد المسيح لما بعدوا عن المسيح ولا اقصد هنا الابتعاد بمعنى ترك المسيح دينيا لكن ما اقصدة هو ان الانسان بروحه وباراااااااااااااااااادته الكامله اختار ان يتبع الشيطان وساعتها روح الشيطان هو اللى بيدخل جواة ونظرا لان الانسان اصلا غير محصن كويس من الوسائط الروحيه التناول ووالاعتراف والتوبه فا الشيطان بيلاقى الفريسه بتاعته بسهوله من غير متاعب لان خلاص ابواب البيت اللى كانت موصدة بترابيس واقفال بقت مفتوحه على مصراعيها
والمسيحين عرفوا المواضيع بتاعت السحر والشعوذة والدجل لما الاسلام دخل مصر اولا ولما توالت على مصر الاستعمار ممن قبل شعوب غريبه مسلمه برضه
وعلشان ماندخلش فى تفاصيل احب اقول ايووووووووووووووووة فى ناس مسيحين بيعملوا اعمال سحر لبعضهم وبعض المسيحين بيلجأوا لغير المسيحين علشان يوقفوا حال حد او يسببوله مشاكل فى شغله او حياته
ودة نتيجه ايه ان معدش فى محبه بين المسيحين بقوا عاوزين يأذوا بعض بشتى الطرق لكن احب اقول برضه حاجه الانسان ادام ماشى مع ربنا فى طريق صحيح مهما طالت الايام ربنا مش هايسيبه ابدا
ولزيادة المعلومات كمان اسالوا الرهبان فى الاديرة
واسالوا عند القديس سمعان الخراز زى ما الاخ مينا قال على مااعتقد

وربنا يبعد عننا الشيطان واعماله :yaka: