مساء الخير للجميع
لليوم التانى نتجمع فى منطقة شبرا مصر بالقاهرة بأعداد تتجاوز العشرين الف مسيحى
امبارح انتهت المظاهراة بسلام بعد ان مرت المظاهرة امام جميع كنائس شبرا من القديس مارمرقس فى جنوب حى شبرا الى كنيسة الشهيد مارجرجس بجزيرة بدران فى اول شبرا ومنها الى المقر البابوى بالانبا رويس
لكن رعب الامن من المسيحين واعدادهم الكبيرة وتصميم الجميع ع تخطى الامن المركزى اللى نزل بالالاف لحى شبرا
كل ده اثار رعب الامن واللؤات
انهاردة كانت الكارثة
عند مدرسة التوفيقية الثانوية بنين الموجودة بشارع شبرا وعند اقرب مكان لكنيسة العدرا بمسرة اتهجمت علينا قوات الامن المركزى واحنا بنتفاوض علشان نعدى بالناس لشارع شبرا لتانى مرة علشان نوصل لكنيسة العدرا اللى ظهرت فيها
الامن المركزى اتهجم علينا (بالحديد والاحجار والشوم )
وقع من عندنا اصابات بسيطة ( 8 اصابات اغلبها بالرأس )
كل ده دفع اخواتنا المتظاهرين بتكسير عربيات الامن المركزى عند التوفيقية لكن نشكر ربنا حوطنا على اخواتنا علشان ما يتمش استدراجنا الى استفزازهم المستمر لنا ونشكر ربنا نجحنا
وامام تصميمنا على تخطى شارع المستشفى علشان نروح الكنيسة انكسر طوق الامن المركزى وعدينا
الى هذا الحد وعدنا بأخواتنا المصابين وانا منهم من شارع شبرا العمومى
والمظاهرة مستمرة وقربت ع الكاتدرائية المرقسية والساعة دلوقت 1 صباحا
صلوا لاخواتكم جامد واتشفعوا بأم النور وبدماء الشهدا
سلام واذكرونى ف صلواتكم