اخواتى بنات المنتدى ..

[REDEMPTION]

+


سلام و نعمة ..

بما أننا فى الصيام - كل سنة و أنتم طيبين - و بما انى فى الغربة :) فياريت كل واحده فيكم تقولى على أكلة اعملها بنفسى فى البيت .. بس يا ريت بلاش الاسماء الغريبة ..

و كمان يا ريت تراعوا نقطة هامة جداً .. انى لا افقه أى شىء متعلق بالمطبخ .. يعنى يا ريت تتعبوا شوية وتوصفولى طريقة التحضير (( بالتفصيل )) :)


و اشكرك من اعماقى مقدماً :)

[بنت الفادى]

يسلام بس كدا
قولنا انت بس نفسك تاكل ايه واحنا موجودين فى الخدمه
ربنا معاك

[mrmr120]

ياعينى عليك
ههههههههههههههههه
طيب ياطارق فى اكلة سهلة جدا ومش بتاخد وقت خالص وحاجات
اكيد انتا عارفاها
المكونات :
زيتون اخضر مقطع
و 2 حبة بطاطس
و2 طماطم مقطعة
و2 حبة فلفل اخضر متقطع
وزيت وملح وفلفل اسود وحبيتين توم
وليمونة

الطريقة :

تجيب البطاطس وتقشرها عادى وطقتعها مكعبات
وتسلقها وبعد كدة تجيب طاسة وتحط فيها شوية زيت
وتحط التوم المفروم وبعد كدة تحط الفلفل والزيتون والطماطم المقطعين
وبعد كدة تقعد تقلب وبعديها ب 2 دقيقة تروح جايب البطاطس المسلوقة وتطلعها
من المية بتعتها وتحطها فى الطاسة وتقعد تقلب وبعد كدة تحط الملح والفلفل والليمونة
وبالهنا عليك ياطارق


الاكلة دى انا بموت فيها وانا بعملها لوحدى لانها سهلة جدا
مش هتاخد فى ايدك ربع ساعة

[REDEMPTION]

+

اى أكلة يا مارو بس يكون فيها توابل وبهارات لانى بحبها اوى ..

و أنا بصراحة باكل اى اكل بس يكون جنبه بهارات .. فلفل أو خضار ( طماطم وخيار و كده ) :)


برافو يا مرمر أنا بحب الاكل اللى فيه بهارات بس فيه شوية استفسارات معلش


التوم أفرمه إزاى ؟ ينفع اقطعه قطع صغيرة ؟

ولما أحط بعد كده الفلفل و الزيتون والطماطم .. بعد ما احمر التوم الاول و لا كله مع بعضه ؟ :love34:

ملحوظة هامة فيما بعد : ما عنديش فرن :)

[mrmr120]

+




التوم أفرمه إزاى ؟ ينفع اقطعه قطع صغيرة ؟

ولما أحط بعد كده الفلفل و الزيتون والطماطم .. بعد من احمر التوم الاول و لا كله مع بعضه ؟ :love34:




التوم قطعة صغير

وخلى التوم الاول وبعديها حط الفلفل والزيتون والطماطم
بس متحمرهوش لانة على مايستوى الباقى يكون التوم اتحرق

[ميرنا]

:t11:بتبقو كارثه انتو وتايهين كده انا داخله شماته مش اكتر :t11:

[candy shop]

لو حد بيحب الشلولو اللى هى ملوخيه ناشفه وارز صيامى وكيكه وبسبوسه صامى انا تحت امركوا بحد حد يقول اة انا منتظره الرد

[REDEMPTION]

لو حد بيحب الشلولو اللى هى ملوخيه ناشفه وارز صيامى وكيكه وبسبوسه صامى انا تحت امركوا بحد حد يقول اة انا منتظره الرد

+

آه .... :)

[mrmr120]

ها جربتها ياطارق

[REDEMPTION]

+

غداً بإذن الله .. سيتم تجهيز (( طبخة )) مرمر السابق ذكرها ..

و قد تم الإعداد لها كما يلى :


1 - تم شراء سبعة طن بطاطس

2 - تم التعاقد مع دير مارمينا بمريوط لتوريد شاحنات الزيتون

3 - بعد صعوبة شديدة وجدنا مزارع من أبناء الشرقية الماهرين لتوريد عشرة طن فلفل و نظراً لعدم وجود فلفل أسود فى الاسواق تم الاتفاق مع احد مصانع (( الصبغات )) لتوريد الكمية المطلوبة (( لتلوين الفلفل ))

4 - يتم الان التفاوض مع شركة (( امريكانا )) للصلصة لشراء خط إنتاج كامل منها لمدة إسبوع

هذا و قد تم إعلان حالة الطوارىء القصوى فى المنطقة كلها و تم إرسال فاكسات عديدة لهيئات المطافى و الأمن الصناعى و جمعيات حقوق الإنسان و شركات التأمين .. و هناك إحتمال أن تنعقد قمة عربية طارئة لدراسة الاوضاع الراهنة و المستقبلية فى ضوء ما ستسفر عنه الاحداث ..

[mrmr120]

كان معكم الطباخ طارق
من امام المطبخ المحروق
ههههههههههههه
بجد تحفة ياطارق

[sparrow]

انا عملت الاكله الي انتي وصفتيها لطارق
طلعت حلوة وسهله
شكرا كتير يا مرمر
ربنا يباركك

[بتول لرب]

http://img267.imageshack.us/img267/1628/elbabakl8.gif