الشيطان لم شنطته وهيسيب مصر

[blackguitar]

إبليس قرر يجهز شنطته ويرحل نهائي عن مصر.الناس عرفوا الخبر فعملوا مظاهرة
كبيرة وذهبوا إليه ليقنعوه بالرجوع عن قراره....
فقالوا له : خليك معانا بلاش
تسيبنا....احنا بقينا كذابين ، غشاشين ‘ منافقين.. ورؤسائنا كمان بقوا مجموعة
مرتشين ولصوص ......حتلاقي فين أتباع احسن مننا؟
قال لهم : انتم ناس ناكرين للجميل .... الواحد منكم يجي لي لابس جلابية مقطعة
وشبشب زنوبة ويبوس ايدي علشان أعلمه ، مأكدبش خبر وأديله المفيد ... بعد شوية
يبقي غني وصاحب نفوذ ....اروح له علشان أهنيه ...الاقيه
قاعد في مكتبه ومعلق وراه برواز كبير
مكتوب فيه
هذا من فضل ربي

[koki]

كده يا بولا انا كنت اول مشاركه لى فى المنتدى كنت هاكتب القصه دى لانى قريتها فى زيارتى لكنيسة مارمرقس بجزيرة الوراق لانها عجبتنى اوووى لكن احنا اصدقاء انت تكتبها انا اقراها عادى لكن ابقى قولى قبلها . ماشى . ربنا معاك ويحافظ عليك. كوكى

[emad_hanna]

حلوة كتير ...... وبين السطور كلام كبير قوي

[blackguitar]

معلش يا كوكى حقك عليا اكيد هشوف منك حاجات اجمل واجمل من دى بكتير اوى

كيرسى اوى يا عماد على مرورك

[ezzzak]

حلوه مووووووووووت دي روعه يا بلاك

[blackguitar]

الف شكر يا ايزاك ده بس من زوقك الحلو

[engy_love_jesus]

تحفة يبلاك ربنا يعوض تعب محبتكك
صلى لاجلى اختك انجى

[come with me]

هههههههههههههههههه
هههههههههههههههههههههه
ههههههههههههههههههههههه
انا فاكر حاجة زى دى قبل كدة بس ماكنتش فاكر انها هتلاقى جمهور كدة
بس روعة يا استاذى ربنا يبارح حياتك