قداسه البابا يأمر بفض الاعتصام أمام ماسبيرو !!!!

marcelino · 15 مايو 2011

قداسه البابا يأمر بفض الاعتصام أمام ماسبيرو !!!!

خبر عاجل اُذيع على المصريه الاول وبعدها على قناة ctv !!!

فى أنتظار التأكيد اللى لو حقيقى انا هيجرالى حااااااااااجه

[YOUTUBE]-F5bbwIBfNI&feature=player_embedded[/YOUTUBE]

هام موقف اتحاد شباب ماسبيرو من بيان قداسه البابا شنوده

[YOUTUBE]JOdiwygvX_I&feature=player_embedded#at=16[/YOUTUBE]

عاجل : وفد ماسبيرو فى طريقه للكاتدرائية الآن لمقابلة البابا شنودة بعد قليل

[YOUTUBE]-YYYkVdRyFY&feature=player_embedded#at=20[/YOUTUBE]

besm alslib · 15 مايو 2011

انا لسا منزله مقطع فيديو بخصوص الموضوع ده بالمباركين

وكمان بقول يا رب يطلع كذب

sparrow · 15 مايو 2011

بامانه ياريت يبقي صح

Bent Christ · 15 مايو 2011

لييييييييييييييه ؟؟؟؟

zezza · 15 مايو 2011

كلام كتير بيتقال على لسان قداسة البابا مش بيبقى صح
بس لو صحيح الكلام ده اتقال على لسانه يا ريت نثق فى حكمته و كلامه و ننفذه

johna&jesus · 15 مايو 2011

m a r e e n قال:
لييييييييييييييه ؟؟؟؟

علشان يحافظ على ولاده يا مارين
اهم حاجة عنده هما ولاده
ربنا يكون معاك يا سيدنا ويقويك على حملك دا

marcelino · 15 مايو 2011

حرررررام

حبيب يسوع · 15 مايو 2011

كلام فى منتهى العقل وتحمل المسؤلية

يوليوس44 · 15 مايو 2011

لازم نسمع كلمة قداسة البابا لان ام النور معة دائما واكيد لة حكمة فى ذلك لازم نسمع كلمة قداسة البابا ابن الطاعة تحل علية البركة واكيد هو خايف على اولادة زىما قال الصديق والاخ السابق
اخوكم الخاطى
يوليوس

tamav maria · 15 مايو 2011

انا كنت لسه باشوف قناة الحقيقه والسي تي في
ما قالوش حاجه غير ان البابا راح امريكا زياره رعاويه

Dona Nabil · 15 مايو 2011

رجاء التأكد من صحة الخبر لان جريدة المصرى اليوم كان عنوانها كده من كام يوم وتم تكديبها بعدها بيوم
يا رب دبرنا
احنا خلاص تعبنا ومحتاجين نعرف مشيئتك

Bent Christ · 15 مايو 2011

[YOUTUBE]joNv_BuOXOQ[/YOUTUBE]

Dona Nabil · 15 مايو 2011

الكلام واضح والسبب معلن وسط الكلام
الصبر نفذ
يعنى تهديد بالتعامل من الامن والجيش مع الاقباط
لا تعليق اكتر من كده

napel · 15 مايو 2011

صدق او لا تصدق هل معقول ان البابا يامر بفض الاعتصم
على ما اعتقد ان البابا له حكمه فى الامر
او من الممكن المستشارين علمو بشى فقالوه لسيدنا

marcelino · 15 مايو 2011

البيان دة كدة يعطى الاعتصام صفه غير مشروعه !!

Dona Nabil · 15 مايو 2011

marcelino قال:
البيان دة كدة يعطى الاعتصام صفه غير مشروعه !!

اكيييييد بسبب التطورات وده طبيعى
احنا منعرفش صيغة التهديد كانت عامله ازاى
مش كل الحقيقه بتوصلنا

ساجد لربي يسوع · 15 مايو 2011

اول حاجة يا دوناا الامن والجيش واضح لحد دلوقتي ان التعامل حماية الاعتصام مش فضه

غير كدا مع احترامي وحبي وثقتي الشديدة فى البابا شنودة بس لامتي هنسكت على حقوقنا !! يعني هيحصل ايه اكتر من الى بيحصل !! انا اشك فى الخبر لان البابا شنودة اكيد مقدر حالتنا وصلت لايه

Dona Nabil · 15 مايو 2011

ساجد لربي يسوع قال:
اول حاجة يا دوناا الامن والجيش واضح لحد دلوقتي ان التعامل حماية الاعتصام مش فضه

غير كدا مع احترامي وحبي وثقتي الشديدة فى البابا شنودة بس لامتي هنسكت على حقوقنا !! يعني هيحصل ايه اكتر من الى بيحصل !! انا اشك فى الخبر لان البابا شنودة اكيد مقدر حالتنا وصلت لايه

حماية اييييه !!!
واللى حصل امبارح بليل ده كان ايه
شهود العيان بيقولوا استنجدوا بالامن قالولهم مالناش دعوه روحوا للجيش والجيش جه امن فعلا ع المكان بس بعد اللى حصل
لو كانوا زى ما بتقول بيأمنوا وبيحموا مكانش اللى حصل ده حصل
وبعدين اقروا بين السطور
الصبر نفذ دى كلمه ليها الف معنى ومعنى والحدق يفهم
هو الصح يعنى يسيب ولاده ف النار بدون حمايه ولا تأمين
اكيد ليها حلول تانيه

سمعان الاخميمى · 15 مايو 2011

طالب البابا شنودة الثالث، بابا الإسكندرية وبطريرك الكرازة المرقسية، شباب الأقباط المعتصمين أمام ماسبيرو بفض اعتصامهم "فوراً"، قائلاً فى بيان أذاعه التلفزيون المصرى ظهر اليوم الأحد: "إن صبر الحكام قد نفد.. وأنتم الخاسرون إذا استمر اعتصامكم".

وقال البيان الذى ألقاه الأنبا يوأنس، نيابة عن البابا شنودة: "أطالبكم يا أولادى المتواجدين أمام ماسبيرو بفض الاعتصام، نظرا لاندساس عناصر بينكم قامت بضرب النار وإلقاء الحجارة، وبذلك يكون الاعتصام خرج عن نطاق التعبير عن الرأى".

وأضاف البيان: "أصبح هناك شجار وضرب نار وكل هذا يسيىء إلى سمعة مصر وسمعتكم أيضا لذلك يجب فض هذا الاعتصام فورا".

جاء ذلك على خلفية الاشتباكات التى جرت بالأمس وخلفت عشرات الجرحى والمصابين وقطع الطريق وتدخل قوات الأمن لفض الاشتباك، وإحالة 44 شخصا للنيابة.

اليوم السابع

ساجد لربي يسوع · 15 مايو 2011

Dona Nabil قال:
حماية اييييه !!!
واللى حصل امبارح بليل ده كان ايه
شهود العيان بيقولوا استنجدوا بالامن قالولهم مالناش دعوه روحوا للجيش والجيش جه امن فعلا ع المكان بس بعد اللى حصل
لو كانوا زى ما بتقول بيأمنوا وبيحموا مكانش اللى حصل ده حصل
وبعدين اقروا بين السطور
الصبر نفذ دى كلمه ليها الف معنى ومعنى والحدق يفهم
هو الصح يعنى يسيب ولاده ف النار بدون حمايه ولا تأمين
اكيد ليها حلول تانيه

دوووونا انا قصدي حماية حاليا امبارح كان فى تقصير امني غريب ووزارة الداخلية عليها علامات استفهام كتير اوي

بس حلول تانية ايه طيب ؟؟ دووونا احنا بشر وصبرنا نفذ من الى بيحصل فينا كل يوم

عندك فكرة ان فى امبابة ناويين اول ما الجيش يطلع هيولعوا فى كنايس امبابة ؟؟

والكلام دا وصلني من ناس فى امبابة نفسها يا دووونا ومؤكد لانه من اكتر من شخص

قداسه البابا يأمر بفض الاعتصام أمام ماسبيرو !!!!

آآآه يـــارب

لتكن مشيئتك

علي صدرك ربي تتكاني

عضو نشيط

يا رب ...&#9829;

صليلى

آآآه يـــارب

عضو مبارك

عضو نشيط

مشرف سابق

خادمة الرب

عضو نشيط

خادمة الرب

New member

آآآه يـــارب

خادمة الرب

عضو نشيط

خادمة الرب

صحفى المنتدى

عضو نشيط

يا رب ...♥