صوت صارخ
New member
أنا لا يسارى ولا كنت يميني ... بس العسكر طلَّع عيني
ومش هيفيدك كاب وبيادة ... إنتو جهنم واحنا شهادة
ومش هيفيدَك غاز ورصاص ... حكم العسكر بح خلاص
... يا اللي بتسأل ع التمويل ... المجلس خاين وعميل
يا اللي بتسأل عايزين إيه ... حقي وحقك عند البيه
نفسك تحكم مصر يا جيش ... كان على عيني حكم مفيش
قول لي يا مجلس مين اختارك ... يا عصابة معينها مبارك
يا طنطاوي قول لرويني .. اللي اداك الكيف يديني
ياطنطاوي اقول لك حاجة .. إحنا كمان عندنا تلاجه
اضرب نار اضرب حى ... يا طنطاوي دورك جاى
و ياللي بتحبس في الثوار .... قبلك حسني عملها وغار
فى التحرير أجواء النصر.....فى التحرير بنحرر مصر
خافوا منا كلاب القصر...عسكر شرطة مثال مش حصر
مش ح نسلم ولا راجعين...فى التحرير عندنا بطاطين
مسقعناش مسقعناش .... الحريه مش ببلاش
يا اللي بتسأل ع الخيام ... جرب وسط الضرب تنام
رش الماية و الألــــوان ...بكره نشيلك م الميــــدان
أنا لانا قابض ولا متموِّل ... أنا مش لاقي يا مصر أفوِّل
لا برادعاوي ولا إخوان ... مصري وبايت في الميدان
أيوَه بدقن ومش إرهابي .... ليه العسكر سرقوا شبابي
مش بلطجي ولا وش مشاكل ... بس تراب مصر يستاهل
الانتخابات ع العين والراس ... بس نحِس بفَرْق يا ناس
اضرب غاز اضرب خرطوش ... قلبنا ميت ما يهموش
المصدر
http://masrstars.com/vb/showthread.php?t=385307