(¯`•.+.•[ لقاء مع فادية]•.+.•´¯) [الأرشيف]

المساعد الشخصي الرقمي

مشاهدة النسخة كاملة : (¯`•.+.•[ لقاء مع فادية]•.+.•´¯)

ارووجة

05-20-2007, 03:27 PM

استفانوس

05-20-2007, 03:31 PM

الفكرة حلوة

ارووجة

05-20-2007, 03:35 PM

يبقى انت من بعد فادية يافريد هههههه

استفانوس

05-20-2007, 03:46 PM

ماعندي مشكلة ابدا
ماعدا الدلالة عن شي يدل علينا
لانك تعلم ان اعوان ابليس في كل مكان يتربصون لإلحاق الاذى والضرر فينا

فراشة مسيحية

05-20-2007, 03:48 PM

فادية منورة الكرسى

اسئلتى

بتحبى ؟

اية الاكلة المفضلة ليكى ؟

اية الاكلة اللى بتحبى تعمليها انتى ؟

اية اكتر حاجة بتزعلك ؟

واكتر حاجة بتبسطك ؟

و اية اللى عايزاة يتغير فى المنتدى شايفاة مش عاجبك ؟

اقرب 5 اعضاء ليكى مين ؟

أكتر 3 آيات من الانجيل بتحبيها و تتعزى بيها

اية هى ترنيمتك المفضلة ؟

و كفاية كدا انا تقلت عليكى قوى كفاية لحسن تكرهينى بعدين

فراشة مسيحية

05-20-2007, 03:48 PM

فادية

05-20-2007, 08:55 PM

http://gallery.egyptsons.com/data/media/12/WwW_7OoB_COm_9.gif

سلاام ونعمة
هلاااا ياغاليين
اليوم هنبدا مع شخصية جديدة
مشرفة جديدة زي العسل
وقلبها طيب اوووي
ومن اول ماتتكلم معاها تحبها:love34:
ومميزة بمشاركتها وبمواضيعها

"فــاديـــة"

اهلا وسهلا حبيبتي معانا على كرسي الاعتراف لمدة اسبوع تقريبا

ميرسي يا حبيبتي اروووجه على المقدمه الحلوة دي ربنا يخليكي يا رب
وهنبدا بالاسئلة التقليدية

بسم الاب والابن والروح القدس الاله الواحد امين

اسمك الاول

فابيولا

عمرك
انا عجوووووووووووز هههههه
37 سنه

بلدك
انا عراقيه وعايشه في هولندا

الحالة الاجتماعية
عزباء

دراستك\مهنتك
بكلوريوس ادارة واقتصاد تخصص محاسبه
حاليا مش بشتغل لظروف والدتي الصحيه

هواياتك
انا بعزف اورك وبحب اسمع موسيقى (كلاسيكيه طبعا مش موسيقى الايام دي )
وكمان شويه سباحه

طموحك
ابني لي مستقبل جميل صغير هنا طبعا في الغربه

مقولة متمسكة بيها
ماذا ينفع الانسان لو ربح العالم كله وخسر نفسه

وبتمنى من الجميع يشاركنا زي دايما
وبتقدري ياجميل ماتجاوبي على السؤال
اللي مابتبحبي تحكي عنه
وربنا معاكي ياغالية ^_^
http://www4.0zz0.com/2007/05/20/14/78817748.jpg

ميرسي يا حبيبتي اروجه
وبالمناسبه القعده على الكرسي دا مريحه ههههههههههههه:ura1:
يلا يا فريد شد حيلك وحضر نفسك عشان تقعد عليه بعدي
صدقني مش هتندم هههههههه

فادية

05-20-2007, 09:13 PM

فادية منورة الكرسى
ميرسي يا فرفوشه النور نورك يا حبيبتي
اسئلتى

بتحبى ؟
حب غرام يعني لا مفيش حد في حياتي

اية الاكلة المفضلة ليكى ؟
بموت في حاجه اسمها (دولمة) دي اكله عراقيه طبعا انتو بتسموها محشي ورق عنب بس احنا بنعملها بطريقه مختلفه عنكم شويه

اية الاكلة اللى بتحبى تعمليها انتى ؟
بعمل كل الاكلات لاني عايشه مع والدتي وهي مش بتقدر تعمل حاجه فلازم انا الي اطبخ
وعامتة انا مش بدقق في الاكل لاني بعتبر الاكل نعمه من ربنا فمعنديش اكلات بقول مش هاكلها او مش بحبها

اية اكتر حاجة بتزعلك ؟
الغربة مرة قوي

واكتر حاجة بتبسطك ؟
لما بعزف وبرنم في الكنيسه بنسى اني عايشه على الارض وبحس اني في عالم تاني

و اية اللى عايزاة يتغير فى المنتدى شايفاة مش عاجبك ؟
المنتدى اكثر من رائع وعاجبني بكل ما فيه وعوضني كتيييييييير عن حاجات فقدتها من يوم ما خرجت من العراق

اقرب 5 اعضاء ليكى مين ؟
روك
ميرنا
انتي
السريانيه
قلم حر

أكتر 3 آيات من الانجيل بتحبيها و تتعزى بيها
اكرم اباك وامك فيطول عمرك على الارض
من ضربك على خدك الايمن فحول له الاخر ايضا
تعالو الي يا جميع المتعبين والثقيلي الاحمال وانا اريحكم

اية هى ترنيمتك المفضلة ؟
كتيييييييييييييير
بس اكتر واحده بحس بيها
( اليك دوما ارجع يا خالقي الكريم )

و كفاية كدا انا تقلت عليكى قوى كفاية لحسن تكرهينى بعدين
بالعكس يا فراشه اسئلي على راحتك واسئلتك عسل على قلبي
اكرهك ؟؟؟؟ معقوله اكره حبيبتي دانا لو كرهتك هبقى مصابه بانفصام في الشخصيه لاني بحبك موووووووووووت يا بت انتي :wub:

فراشة مسيحية

05-20-2007, 09:31 PM

عسل يا فادية ردودك حلوة كتير

طيب سؤالين تانى

موقف محرج حصلك

و مقف مضحك حصلك

فادية

05-20-2007, 10:09 PM

عسل يا فادية ردودك حلوة كتير
ميرسي يا سكر

طيب سؤالين تانى
سؤالين بس ؟؟؟ ربنا يكرمك

موقف محرج حصلك
لما كنت في الجامعه كان اخويه دكتور بيدرس كمان في الجامعه بس في قسم تاني فاحيان كتيرة كنت برجع معاه على البيت بالعربيه لما يصادف اننا بنخلص محاضراتنا مع بعض
فمرة رحت عليه على غرفته في الجامعه فاداني مفاتيح عربيتو وقال لي اسبقيني انتي لحد مجيلك فاخدت انا المفاتيح ورحت على العربيه
ومنين ما احط المفتاح مش راضي يدخل اصلا وبقيت على الحاله دي لحد ما جيه اخويه قالي بتعملي ايه عايزة تلبسينا قضيه قلتلو ليه قالي دي مش عربيتي عربيتي هناااااااااااك في الموقف التاني اصلها كانت شبه عربيتو بالضبط بس نمرتها كانت مختلفه ومن يومها اول حاجه بتأكد منها في العربيات هي النمرة :w00t:

و مقف مضحك حصلك

بصي يا ستي
كمان في سن الجامعه مرة اتصل راجل غريب على تلفون البيت بيسال على اخويه
انا صوتي رفيع شويه فلما رديت عالتلفون قالي في حد كبير في البيت اتكلم معاه يا بنتي:2:

فراشة مسيحية

05-21-2007, 10:03 AM

هههههههههههههههههههههههههه

تحفة

romyo

05-21-2007, 02:00 PM

عزيزتى فادية
دى أول مرة أشارك فى كرسى الاعتراف علشان خاطرك
منورة كرسى الاعتراف
هما كام سؤال كده ع السريع

من هو مثلك الاعلى فى الحياة؟
هل انتى راضية عن نفسك؟ وعن حياتك؟
ما هى جوانب الضعف والقوة فى شخصيتك" الايجابيات والسلبيات" ؟
مالذى يمدحك أو ينتقدك الناس فيه وانتى ترى انه غير موجود فيكى؟
ما الذى يعجبك فى نفسك لكن الناس لا تراه فيك؟
أهم حدث فى حياتك " كويس أو وحش" ؟

كفاية كده لحد ما افكرك فى شوية تانى
ربنا يقويكى علينا

ارووجة

05-21-2007, 03:39 PM

موقف محرج حصلك
لما كنت في الجامعه كان اخويه دكتور بيدرس كمان في الجامعه بس في قسم تاني فاحيان كتيرة كنت برجع معاه على البيت بالعربيه لما يصادف اننا بنخلص محاضراتنا مع بعض
فمرة رحت عليه على غرفته في الجامعه فاداني مفاتيح عربيتو وقال لي اسبقيني انتي لحد مجيلك فاخدت انا المفاتيح ورحت على العربيه
ومنين ما احط المفتاح مش راضي يدخل اصلا وبقيت على الحاله دي لحد ما جيه اخويه قالي بتعملي ايه عايزة تلبسينا قضيه قلتلو ليه قالي دي مش عربيتي عربيتي هناااااااااااك في الموقف التاني اصلها كانت شبه عربيتو بالضبط بس نمرتها كانت مختلفه ومن يومها اول حاجه بتأكد منها في العربيات هي النمرة

هههههههههههههههههههههههههههههههههه مصيبة

فادية

05-21-2007, 06:46 PM

هههههههههههههههههههههههههه

تحفة

هههههههه شفتي يا فراشه

فادية

05-21-2007, 08:12 PM

عزيزتى فادية
دى أول مرة أشارك فى كرسى الاعتراف علشان خاطرك
اهلا اهلا اهلا يا روميو منور الموضوع
ميرسي يا عزيزي
دي حاجه تبسطتني جدا
منورة كرسى الاعتراف
ميرسي عزيزي النور نور الحاضرين ونورك انت بالذات لانك اول مرة تشارك في الموضوع
هما كام سؤال كده ع السريع
اتفضل
من هو مثلك الاعلى فى الحياة؟
الرب يسوع المسيح
هل انتى راضية عن نفسك؟ وعن حياتك؟
عن نفسي ايوة راضيه كثير الحمد لله
اما عن حياتي فلا مش راضيه مش معنى كدا اني مقصرة في حق نفسي بس عندي ظروف في البيت اقوى مني بتخليني ااقصر في مجال الشغل وبناء حياتي عشان كدا احيانا كتيرة بحس ان حياتي عبارة عن روتين قاتل مفيش اي تطوير فيها.

ما هى جوانب الضعف والقوة فى شخصيتك" الايجابيات والسلبيات" ؟
الضعف : انا عاطفية كثير وساعات كتيرة العاطفيه دي بتخليني ضعيفه ومتسامحه لدرجه اني بتنازل عن كتير من حقوقي في ابسط الاشياء .
القوة : انا صريحه دائما حتى لو كانت صراحتي بتجيبلي مشاكل اهم حاجه اني مكذبش لان الكذب حبالو قصيرة جدا

مالذى يمدحك أو ينتقدك الناس فيه وانتى ترى انه غير موجود فيكى؟
مدح : مفيش حد بيمدحني في حاجات مش موجوده فيه
ينتقدونني : في انني مقصرة في حق نفسي في نواحي معينه من حياتي مع العلم ان دي مش حاجه باختياري لكن مجبرة عليها ويا ريتهم كانو يشيلو المسؤوليه الي انا شيلاها عشان يحسو ويبطلو يقوليلي الكلام دا.

ما الذى يعجبك فى نفسك لكن الناس لا تراه فيك؟
سرعه البديهة:love34:

أهم حدث فى حياتك " كويس أو وحش" ؟
الكويس : يوم ما اتخرجت من الجامعه وخلصت دراستي
الوحش : يوم ما فقدت والدي في وقت انا كنت بامس الحاجه ليه

كفاية كده لحد ما افكرك فى شوية تانى
مستنياك يا باشا انت واسئلتك
ربنا يقويكى علينا

ميرسي يا عزيزي على الدعوة الحلوة دي وربنا يبارك حياتك انت كمان

فادية

05-21-2007, 08:13 PM

هههههههههههههههههههههههههههههههههه مصيبة

ههههههههههههههههههههه
ومش اي مصيبه يا اروجه

Tabitha

05-23-2007, 10:00 PM

سلام ونعمة فادية,
كيفيك؟
فادية أنا أسئلتي حاتكون عبيطة شوية,
إستحمليني,
أعمل إيه صحابك اللي سبقوني خلصوا الأسئلة مني !
:t33:
ياللا نبدأ ..
إيه أكتر حاجة بتحبيها ؟
إيه اكتر حاجة بتكرهيها ؟
إيه هي أحلى نكتة سمعتيها ؟
إيه هي أهبل نكتة سمعتيها ؟

أنا حذرتك من الأول وقولتلك أسئلتي حاتكون عبيطة
ماليش دعوة

فادية

05-24-2007, 12:51 PM

سلام ونعمة فادية,
كيفيك؟
اهلا يا نانا منورة

فادية أنا أسئلتي حاتكون عبيطة شوية,
معلش مش مشكله:w00t:
إستحمليني,
اكيد هستحملك امال استحمل مين يعني :gy0000:

أعمل إيه صحابك اللي سبقوني خلصوا الأسئلة مني !
:t33:
ياللا نبدأ ..

إيه أكتر حاجة بتحبيها ؟
الموسيقى :08:

إيه اكتر حاجة بتكرهيها ؟
الخداع والكذب :t26:

إيه هي أحلى نكتة سمعتيها ؟
انا بسمع نكات كتيرة بس مش بحفظها :close_tem

إيه هي أهبل نكتة سمعتيها ؟
نفس الجواب الي فوق :vava:

أنا حذرتك من الأول وقولتلك أسئلتي حاتكون عبيطة
ماليش دعوة
انتي عسل يا نانا واسئلتك كمان زيك عسل

ميرسي يا نانا على الاسئله العسل دي
ربنا يبارك حياتك

Dioscorus

05-25-2007, 03:20 PM

انا مش جاي اسئل
انا جاي اقولك ربنا يباركك و يسعدك

فادية

05-25-2007, 03:38 PM

انا مش جاي اسئل
انا جاي اقولك ربنا يباركك و يسعدك

ميرسي جدا جدا جدا على الدعوة الحلوة دي يا عزيزي
رينا يبارك حياتك

lovebjw

05-26-2007, 10:15 PM

فادية

05-27-2007, 12:35 AM

استاذتى فادية بجد انا مش عندى اى اسئلة
انا بس لم شفت اجابتكى
كنت على كل اجابة تقوليها اقول ربنا يباركها
فانا بس حبيت اقولكى ربنا يبارككى اوى بجد فى كل حاجة بتعمليها وربنا يكون معاكى اوى فى خدمتكى لمامتكى
وربنا يسندكى اوى ويساعدكى اوى بجد فى كل حاجة بتعمليها

ميرسي ميرسي ميرسي يا عزيزي على الكلام والدعوة الحلوة دي
وانا مش استاذه ولا حاجه انا اخت للكل زي ما الكل اخواتي
ربنا يخليك ويبارك حياتك ويحفظك

Tabitha

05-30-2007, 02:46 AM

إيه هي أحلى نكتة سمعتيها ؟
انا بسمع نكات كتيرة بس مش بحفظها

ماعاجابتنيش النكتة دي :thnk0001:

إيه هي أهبل نكتة سمعتيها ؟
نفس الجواب الي فوق

ولا حتى دي :36_1_3:

ميرسي يا نانا على الاسئله العسل دي
ربنا يبارك حياتك

أنتي اللي عسل يا فابيولا
ربنا يسوع يكون معاكي دايماً ويعطيكي فماً وحكمة :flowers:

Dark_Angel2008

05-30-2007, 07:03 AM

هههههههههه إزيك يا فادية منظرك يجنن على كرسي الإعتراف
بس أنا عندي سؤال ليكي ما هي مواصفات رجل أحلامك أو شريك حياتك ؟؟؟؟؟ سؤال محرج مش كده
وربنا يبارك حياتك يا فادية

jojo_josiph

05-30-2007, 09:17 AM

عامله ايه يافاديه مع الناس دى ربنا يكون فى عونك

انا جيبلك النهارده بقى شوية اسئله صغيرين خالص

يلا نبتدى

انا عايزك تبعتى 3 رسائل لـ3 اعضاء او مشرفين هنا فى المنتدى وهتقوليلهم اييه؟؟

حلم نفسك يتحقق؟؟

ازاى اتعرفتى على المنتدى ؟

ايه رايك فى بنات و ولاد اليومين دوووول ؟

ايه اكتر حاجة بتحبى تعمليها فى وقت فراغك ؟

انا عايزك توصفى :
1- روك
2-مينا
3-ميرنا

ايه اكتر حاجة مش بتحبيها فى اصحابك ؟؟

عدت عليكى كام لحظة حسيتى فيها انك ضعيفه؟

اكتر ماده كنتى بتحبيها فى الثانوية؟؟

انتى متسرعه فى قرارتك ولا حكيمه فيها؟

حاجة عملتيها وندمتى عليها ؟؟

امنية اتمنتيها واتحققت؟؟

الكلمات دى بالنسبالك ايه

1- الرب يسوع

2-الكنيسه

3-المنتدى

4- الخدمه

5-النت

6- الحب

7-الصداقه

يلا بقى كفايه كده على ماافكر فى اسئله تانيه ....

فادية

05-30-2007, 09:50 AM

ماعاجابتنيش النكتة دي :thnk0001:

ولا حتى دي :36_1_3:

أنتي اللي عسل يا فابيولا
ربنا يسوع يكون معاكي دايماً ويعطيكي فماً وحكمة :flowers:

خلاص يا جميل
انا جبتلك نكته واحده يا ريت تعجبك
اصلي لسه سمعاها دلوقتي حالا ومنستهاش هههههههههههههه
شوفي يا قمر
احنا في العراق عندنا اكراد واخواتنا الاكراد دول دايما بيفهمو الحاجات بالعكس
وكمان عنيدين لدرجه مش معقوله
خدي بقا النكته دي
مرة شافو حمار عمال يجري من كردستان (كردستان هي المنطقة التي بيعيش فيها الاكراد في العراق ) فسألوه ايه مالك بتجري كدا ليه
قالهم اصلي الاكراد بيدبحو الطيور بكل انواعها
قالولو طيب انت حمار مش طير خايف ليه
قالهم مين الجدع ابن الجدع الي يقنع الاكراد بأني حمار ومش طير :w00t:
اتمنى يا عزيزتي تكون عجبتك النكته دي
ولو اني عارفه انها ش قوبه
بس اهي الي افتكرتها بقا
سامحيني يا نانا يا عسل
وميرسي على دعوتك ليه يا قمر
ربنا يخليكي

فادية

05-30-2007, 10:21 AM

هههههههههه إزيك يا فادية منظرك يجنن على كرسي الإعتراف
عقبالك يا دارك لما اشوفك متربع على الكرسي الجميل دا
على فكرة دا كرسي مريح جدا وبيشتغل بالريمود كنترول :w00t:

بس أنا عندي سؤال ليكي ما هي مواصفات رجل أحلامك أو شريك حياتك ؟؟؟؟؟ سؤال محرج مش كده
انا مش خياليه في مواصفات شريك حياتي يا دارك لان مفيش انسان كامل في الدنيا دي
اهم حاجه ان هو يكون مثقف ومؤمن ومتفهم
مش مهم يكون عندو فلوس كتيرة او عربيه اخر موديل او او او او
لاني مؤمنه جدا بان ربنا بيرزقنا الي احنا بنحتاجو يوم بيوم وكمان بحب المقوله المشهورة القناعه كنز لا يفنى ودا مش كلام وبس دا تفكيري الحقيقي
واحنا اصلا مش عارفين بكرا هنعيش والا هنموت يبقى احنا نفكر في النهاردة وبكرا لو جيه علينا اكيد هيجي بخيرو وبشرو ومش هنقدر نغير فيه حاجه وما دام ربنا معانا فاكيد هو مش هيخلينا نحتاج لحاجه
واهم حاجه ان شريك حياتي يحبني جدا ويقدر حبي ليه ويستحمل عيوبي
وربنا يبارك حياتك يا فادية

ميرسي يا دارك ربنا يخليك ويبارك حياتك

فادية

05-30-2007, 11:49 AM

عامله ايه يافاديه مع الناس دى ربنا يكون فى عونك

اهلا يا جوجو منور الموضوع يا عزيزي
متخافش عليه يا جوجو انا قدهم وقدود :99:

انا جيبلك النهارده بقى شوية اسئله صغيرين خالص

اهلا بيك وباسئلتك بس يارب متكونش صعبه
يلا نبتدى

يلا انا معاك اهو
انا عايزك تبعتى 3 رسائل لـ3 اعضاء او مشرفين هنا فى المنتدى وهتقوليلهم اييه؟؟

امممممممممممممممممم
انا بحب كل الاعضاء وكلهم اخواتي وحبايبي
طيب هختار 3 حسب طلبك
روك : انا بحترمك جدا جدا وبشكر ربنا ان هو ظهر في حياتك لانك انسان تحمل صفات المسيحيه الحقيقه واكيد ربنا اختارك من بين كتير من الناس لان هو عارف معدنك الاصيل ربنا يخليك ويوفقك في حياتك وتكون سبب خلاص نفوس كتيرة
قلم حر : انت انسان مثقف جدا وخدوم جدا وبشكرك جدا لمساعدتك ليه في اول مشواري في المنتدى ولحد النهاردة كمان مش بتبخل باي مساعده ربنا يخليك ويحميك ويوفقك في حياتك
فراشه مسيحيه : حبيبة قلبي سندي وظهري في مقاومة الشريرة ميرنا هههههههههه بقولها ربنا يسعدك يا حبيبتي ونشوفك عروس قريب قوي ونشيل عيالك

حلم نفسك يتحقق؟؟

حلم شخصي بحلم اني اكون لي مستقبل بسيط في بلد الغربه بعد ما فقدت المستقبل الي بينتو في العراق وبقا حاجه من الماضي
اما حلمي العام فهو ان العراق يرجع زي ما كان واحسن وان اهلنا الي هناك يعيشو مرتاحين ومن غير خوف ولا حزن ولا يأس

ازاى اتعرفتى على المنتدى ؟
كنت بدور على مواقع مسيحيه على جوجل واول موقع فتحتو كان منتدانا الجميل دا وقعدت وتربعت فيه ههههههههههههه

ايه رايك
فى بنات و ولاد اليومين دوووول ؟

الانسان بيتاثر بالمحيط الي هو عايش فيه يا عزيزي جوجو
وبنات وولاد النهاردة ربنا يكون فعونهم من كل الي بيشوفو حواليهم
بس يا ريت يسيبو حته ولو صغيره لله في حياتهم وسط كل الزحمه الي همه عايشين فيها زمن العولمه بقا خلا الحياة حاجه تانيه خالص
حقيقي الله يكون فعونهم

ايه اكتر حاجة بتحبى تعمليها فى وقت فراغك ؟

بحب انوع في الحاجات الي بعملها في وقت فراغي
مرة اقعد عالنت (سواء كان مطالعه او منتدى او شات)
ومرة اعزف شويه اورك
ومرة بخرج بالبسكليته رياضه يعني (طبعا لما بيكون الجو حلو هنا )
وكمان بشوف تلفزيون
انا عايزك توصفى :
1- روك مسيحي بمعنى الكلمه
2-مينا صعيدي دمو خفيف ههههههه
3-ميرنا مصيبتي وكارثتي الي بموت في المناقرة معاها حبوبه وطيوبه
ايه اكتر حاجة مش بتحبيها فى اصحابك ؟؟

انا هنا تقريبا معنديش اصحاب يا جوجو لان مجتمع اوربا غير مجتمع الشرق هنا كل واحد مشغول في حياتو وفي شغلو
لكن صاحباتي في العراق بحب فيهم الوفاء والحب الحقيقي لانهم بالرغم من اني بقالي 6 سنين مشوفتهمش الا انهم لحد دلوقتي بيتصلو بيه وبيعاتبوني لاني سافرت عنهم وطولت الغيبه وبيستنو رجعتي للعراق (زيارة طبعا مش اقامه) بس الظروف دلوقتي مش مساعده خالص وانت عارف

عدت عليكى كام لحظة حسيتى فيها انك ضعيفه؟

كتير يا جوجو كتيييييييير

اكتر ماده كنتى بتحبيها فى الثانوية؟؟

كنت بحب الرياضيات ( الحساب يعني ) وعلوم الحياة

انتى متسرعه فى قرارتك ولا حكيمه فيها؟

لا اوقات كتيرة بكون متسرعه

حاجة عملتيها وندمتى عليها ؟؟

الحمد لله مفيش حاجه عملتها وندمت عليها

امنية اتمنتيها واتحققت؟؟

اخر فترة كنت عايشه فيها في العراق كانت صعبه جداااااااااااااااااااااااااااااااااااااااااا
واتمنيت اني اخرج من العراق باسرع وقت والحمد لله اتحققت امنيتي [/FONT
[/COLOR]

الكلمات دى بالنسبالك ايه

1- الرب يسوع
[FONT="Arial Black"][SIZE="4"]مدبر لحياتي وطريقي الوحيد

2-الكنيسه
امي والمكان الي بحس فيه اني عايشه في مكان تاني غير الارض

1-المنتدىبيتي التاني

4- الخدمه
نعمه كبيرة من ربنا

5-النت
صديقي الوحيد في الغربه

6- الحب
حياة كامله
7-الصداقهحاجه نادرة صعب الواحد يصادفها بسهوله في حياتو يلا بقى كفايه كده على ماافكر فى اسئله تانيه ....

[/COLOR]

ميرسي يا جوجو على الاسئله الخفيفه دي
ربنا يبارك حياتك وفكر يا سيدي براحتك وانا مستنياك

ارووجة

05-31-2007, 10:38 AM

مممممممم سوري عالتأخير

ميرسي ليكي ياغالية فادية على مشاركتك الصريحة معانا في الموضوع
يتقدروا تكملوا اسئلة لفادية
وربنا يباركك ويوفقك بحياتك
ربنا معاااكي

وكمان شوي هنكون مع عضو جديد

kety22

08-10-2007, 06:00 PM

انتى عسل اوى يا ................................
:smil12:بصراحة مش عارفة اقولك اية اصل انا صغيرة اوى عليكى :smil12: بس المهم انى نفسي تكونى صحبتى:smil12:

فادية

08-10-2007, 08:22 PM

انتى عسل اوى يا ................................
:smil12:بصراحة مش عارفة اقولك اية اصل انا صغيرة اوى عليكى :smil12: بس المهم انى نفسي تكونى صحبتى:smil12:

منورة يا كيتي
ميرسي يا حبيبتي على كلامك الجميل
وايه يمنع اني اكون صحبتك احنا هنا كلنا اخوات واصحاب
ربنا يبارك حياتك

kety22

08-10-2007, 09:22 PM

:new5::new5:ميرسيييييييييي خالص على محبتك دى وربنا يباركك:new5::new5:

sallyf

08-11-2007, 10:36 PM

فكرة حلوة خاااالص:new8:

ماريان مرمر

10-06-2007, 01:45 PM

http://img179.imageshack.us/img179/797/jesusap8cj6.gif

الانبا ونس

10-06-2007, 11:08 PM

سلام اخت فاديا ربنا معاكىىىىىىىىىى

سؤال هل حبيتى قبل كدا شاب ؟؟

بس مش هتقل عليكى

بتول لرب

10-09-2007, 03:48 PM

:smil12::smil12:
http://img401.imageshack.us/img401/9177/elbabaar3.gif

mylove_h_love

بتول لرب

10-10-2007, 03:22 PM

http://img211.imageshack.us/img211/6682/elbabazc0.gif

بتول لرب

10-10-2007, 03:22 PM

http://img211.imageshack.us/img211/6682/elbabazc0.gif

وردة السلام

10-20-2007, 08:50 PM

مواقف حلوة

mena1986

12-13-2007, 03:56 AM

طب معلش معلش لو ما فيهاش رخامة امتي كنتي وثقة من نفسك اوي في موقف و دافعتي عنة و بعد كدة اكتشفتي انك غلطانة و طبعا كان شكلك ......... خخخخخخخخخخ
:smile01:smile01

محامي مسيحي

12-13-2007, 11:17 AM

سلام رب المجد معكم

ازيك يا فاديا

كل سنه وانتي طيبه..

سؤالي:

نفسك تعيشي في بلدك تاني؟ ولا في الغربه احسن؟

فادية

12-13-2007, 11:04 PM

مواقف حلوة

مرورك الاحلى عزيزتي
ميرسي على المرور

فادية

12-13-2007, 11:05 PM

طب معلش معلش لو ما فيهاش رخامة امتي كنتي وثقة من نفسك اوي في موقف و دافعتي عنة و بعد كدة اكتشفتي انك غلطانة و طبعا كان شكلك ......... خخخخخخخخخخ

:smile01:smile01

عمري ما حصل معايا موقف زي دا و الحمد لله :yahoo:

استفانوس

12-13-2007, 11:11 PM

سلام ونعمة
قد اكون اتيت متأخر
ولكن المهم انني عندي سؤال صغير جدا واريد ان تجيب عليه بسطرين

ماذا يعني لك هذا التاريخ
25/12

فادية

12-13-2007, 11:15 PM

سلام رب المجد معكم

سلام المسيح معاك اخي العزيز

ازيك يا فاديا

تمام نشكر الرب ازيك انت يا محامينا العزيز

كل سنه وانتي طيبه..
وانت طيب يا رب

سؤالي:

نفسك تعيشي في بلدك تاني؟ ولا في الغربه احسن؟

اكيييييييييييييييييييييييييد يا عزيزي نفسي اعيش في بلدي تاني
بس للاسف مش هينفع خالص لانه تقريبا مبقاليش حد من اهلي هناك غير اخ واحد ومسيرو يطلع هو كمان :smil13:
بالنسبة للغربة فيها حاجات كويسة وحاجات صعبه كتيييييييييير
بس نشكر ربنا على كل حاجة :love34:
شكرا على المشاركة الحلوة :flowers:

فادية

12-13-2007, 11:22 PM

سلام ونعمة
قد اكون اتيت متأخر
ولكن المهم انني عندي سؤال صغير جدا واريد ان تجيب عليه بسطرين

ماذا يعني لك هذا التاريخ
25/12
بالنسبه ليا شهر 12 شهر جميل جداااااااااااااا
بحسه بيه بالدفأ بالرغم من البرد القارس
بس مش عارفه ليه بحس بدفئ غريب في الشهر دا
وكمان عشان هو شهر ميلادي انا كمان :t19:
بس يوم 25 بالذات يوم رائع بحس فيه احساس غريب مش عارفه اوصفه
فيه احساس بالتجدد واحساس بان الرب موجود وقريب واحساس بفرح كبير
دا الي اقدر اوصف بيه احساسي بس احساسي الحقيقي اكتر من كدا بكتيررررررررر بس مش عارفه اوصفه
شكرا على السؤال الجميل عزيزي استيفانوس

يوحنا/نصر

12-14-2007, 12:12 AM

فادية
انا اسف انى اتأخرت كتير فى الدخول
بس ما كنتش اعرف مين فادية
بجد انتى من اكتر الناس اللى خلونى ارتبط بالمنتدى ده اكتر
انتى وفراشة و مرمر و سيزار بجد اكتر اربعة
بادور على وجودهم فى المنتدى
انتى و فراشة قربتونى كتير من ربنا فى وقت انا محتاجله قوى
فى موضوع لعبة جماعية
اللى ما بيعديش يوم و نتشارك فيه احنا الثلاثة مع بعض
لما قريت المشاركات اللى هنا كلها و ردودك عليها
مش لاقى سؤال اسئله ليكى
لكن بجد ربنا يعينك فى حياتىك و يرتب ليكى مستقبل مشرق
انا حاسس باللى انتى فيه لأنى بامر بنفس ظروفك بس على اصعب
انى محبوس فى بلدى و مش عارف امشى رغم ان معايا التأشيرة
بجد با حس انك العاقلة الخفيفة الظل المسئولة
وفى نفس الوقت انسانة تؤتمن على الذهب
طولت عليكى سامحينى
بجد باشكر ربنا انى اتعرفت على المنتدى بتاعنا
و باشكره اكتر انى اتعرفت على انسانة زيك
ربنا معاكى يحفظك فى دخولك وخروجك

فادية

12-14-2007, 12:24 AM

فادية

انا اسف انى اتأخرت كتير فى الدخول
بس ما كنتش اعرف مين فادية
بجد انتى من اكتر الناس اللى خلونى ارتبط بالمنتدى ده اكتر
انتى وفراشة و مرمر و سيزار بجد اكتر اربعة
بادور على وجودهم فى المنتدى
انتى و فراشة قربتونى كتير من ربنا فى وقت انا محتاجله قوى
فى موضوع لعبة جماعية
اللى ما بيعديش يوم و نتشارك فيه احنا الثلاثة مع بعض
لما قريت المشاركات اللى هنا كلها و ردودك عليها
مش لاقى سؤال اسئله ليكى
لكن بجد ربنا يعينك فى حياتىك و يرتب ليكى مستقبل مشرق
انا حاسس باللى انتى فيه لأنى بامر بنفس ظروفك بس على اصعب
انى محبوس فى بلدى و مش عارف امشى رغم ان معايا التأشيرة
بجد با حس انك العاقلة الخفيفة الظل المسئولة
وفى نفس الوقت انسانة تؤتمن على الذهب
طولت عليكى سامحينى
بجد باشكر ربنا انى اتعرفت على المنتدى بتاعنا
و باشكره اكتر انى اتعرفت على انسانة زيك

ربنا معاكى يحفظك فى دخولك وخروجك

ياااااااااااه يا يوحنا ميرسي على الكلام الجميل دا
ربنا يخليك يا عزيزي ويدبر امورك بما فيه الخير ليك
الف شكر على كلامك وشعوردك الحلو
ربنا معاك وانا تحت امرك فاي حاجه تحتاجها في المنتدى

يوحنا/نصر

12-14-2007, 12:28 AM

ميرسيى يا فادية على كلامك الجميل
بس بجد انا فعلا اللى تحت امرك
فى اى حاجة فى المنتدى او فى مصر
او فى امريكا و يارب يفرح حياتك ويكون معاكى على طول
وصدقينى طول ما احنا ماسكيين فيه عمره ما هيسيبنا
و اكيد بعد الضيق ده ربنا هيعوض بكتيييييير اكتر مما نتوقع
ربنا معاكى يا احلى فادية

فادية

12-14-2007, 12:36 AM

ميرسيى يا فادية على كلامك الجميل

بس بجد انا فعلا اللى تحت امرك
فى اى حاجة فى المنتدى او فى مصر
او فى امريكا و يارب يفرح حياتك ويكون معاكى على طول

ربنا يخليك يا يوحنا
ميرسي قوي قوي قوي

وصدقينى طول ما احنا ماسكيين فيه عمره ما هيسيبنا
و اكيد بعد الضيق ده ربنا هيعوض بكتيييييير اكتر مما نتوقع

ربنا معاكى يا احلى فادية

اكيد طبعا يا يوحنا الانسان لما بيحس ان ربنا موجود وقريب منه صدقني كل الآلآم والصعوبات بتهون عليه وبيشوفها حاجات بسيطة
ربنا معاك ويحفظك ويدبر حياتك