قالوا سلف ... قالوا اخوان ... قالوا نجرب الاديان ...

مصر بلد الاحرار
بلد الامجاد والاسرار
بلد الفراعنه والاخيار


وقعت الان تحت الحِصار
وأصبحت في ورطه وأخطار
ومين هاينقذها من الدمار ؟؟؟


قالوا سلف ... قالوا اخوان ...
قالوا نجرب الاديان ...
قالوا نشوف النور والحريه والعداله ...
قالوا السلف خير خلف وهايرجع عصر الخلافه ...
والاخوان دول من زمان مخضرميين في السياسه ...


والجيش يا حرام في النص واقف حيران ...
بين شعب وسلف ولبيرالي واخوان ...
حد فهم حاجه طيب ولا نقول كمان ...




طب نقول كمان ...
مصر الطفله البريئه ... صاحبه البسمه الجريئه ...
ودلوقت بقيت غريقه ... في بحور الدمع الحزينه


بأيد ولادها بقيت غريبه ...
راموها للنار وسط الحريقه ...
بتنادي والكل واقف حواليها ...
يتفرج وسايبها تموت محروقه ...


محروقه ؟؟؟؟؟؟؟ طب ازاي لالالا معقول دا كلام ...
نوضح تاني وبلاش شغل الافلام ...


مصر العروسه الجميله ... في عُرسها سرقوا فرحتها
وقتلوا فيها اولادها ... وفي لحظه بدون سابق انذار
هدموا حريتها وسجنوها ... وبقيود سلف واخوان قيودوها
وقال ايه ... دول هما اللي بجد هايصونها


حد مصدق الكلام ؟؟؟؟؟؟؟؟؟
ولا نقول كمان




نقول كمان ...
الشعب في لحظه ضعف وخوف
قال كنا في ايد عسكر واهو خان
واللبيرالي شخص كافر ومالهوش امان
يبقي نجرب سلف واخوان ونجرب حكم الاديان
ومش اي دين يا جدعان
دا دين حسب شرع الله
وعلي رأي المثل
قال الله وقال الرسول
دي سُنه القرآن آخر الاديان
وكل حرف فيه هايكون له مفعول تمام
حد حرابه والقصاص العادل يا سلام
تطبيق شرع ومش محتاج اي كلام


وتعالوا بسرعه شوف الانجاز
مات عشرات بلا الالاف
ومفيش لحد الان قضاء
لكن وقت الانحراف
مش معقول نسيبه كدا
نعمل ايه طب يا جدعان
نطلع قانون جديد بحجب المواقع اللي مش هي
جايز هي دي الخطه الجهنميه
نبدأ بحجب موقع اباحي
وبعده نحجب موقع مسيحي
عمال يشتم في الاديان
خدوا بالكم من الكلام
اقصد هنا أخر الاديان وخاتم الانبياء
عرفتوا كدا اكيد علي مين الكلام ؟؟؟
طب تمام


نبطل بقي كلام
ونقول الخلاصه


قالوا سلف ... قالوا اخوان ... قالوا نجرب الاديان
والحال هو هو والامر بيسوء كمان ولحد الان
مفيش قرار صائب خرج من سلف ولا اخوان
مجلس فاضي بقرارات اي كلام
عضو بدقن نايم واهو كرسي مليان
دا منصب فعال وكله امان
وواضح هدفهم واهم عاوزين البرلمان
عاوزين الرئاسه والحكم وقال ايه هننشر الامان


انا عن نفسي مش شايف امان
وكل الموجود كلام في كلام واهو بان



واصلا العالم مش بيهمني
انا واثقه ان الهي معايا بيقودني



اتمني تنال اعجبكم
في انتظار ارائكم


​