نجم جديد ينضم للمنتدي

[Coptic Man]

اخي واستاذي الحبيب المفدي (elmafdy)

نورتنا في منتدانا المتواضع يارب يعجبك

وتفضل معانا دايما ونشوف مشاركاتك الجميلة والمتميزة دائما

وتكمل باقي السلسلة اللي بالي بالك :blush2:

انتا فاهمني :t17:

:yaka: الرب يباركك :yaka:

[My Rock]

مية اهلين و سهلين, فرحانين بانشمامك لينا

ربنا يزيد و يبارك بنجوم المنتدى

[blackguitar]

اهلا وسهلا بيك فى منتدانا المتواضع وارجو انه يعجبك وانك تضيف فيه اضافات جميله

[ezzzak]

مش ممكن مش معقول الاستاذ الكبير المفدي

انت نورت منتدانا الجميل يا استاذ

وزي ما مينا قلك عايزين باقي الموسوعه

ويارب تنبسط معانا في المنتدي

[Coptic Lady]

اهلا اهلا المفدى

انت تعرفنى كويس من كوبتس

اديك اماره

مين عمل كومبينه مع كيتى ولو اتلموا سوا يخربا بلد ؟؟؟؟؟


ههههههههههههههههههههههه

المهم نورتنا وطنش الشباب دول بلا مسوعه بلا بتاع اعملهم موسوعه جديده عن حقوق المرااه افضل هههههههههههه


امشى بدل مانضرب من ايزاك

[elmafdy]

أخوتى الاحباء فى المسيح

انا لسه النهارده بس فاتح المنتدى ده و الحقيقه بهرتنى محبتكم اكتر و اكتر , أنا أقصى ما كنت اتوقعه انه فى المنتدى اللى انا فتحته الاقى رساله او رسالتين ترحيب , لقيتهم فى عين العدو داخلين على عشرين مداخلة ترحيب كلهم محبه حقيقه و روح جميله .

بس اللى بهرنى اكتر ان حبيبى مينا يفتح منتدى مخصوص علشان يرحب بيا فيه و الاقى كمان ناس رائعين زى زيكو و حبيبتى اللدوده مدام حور محب - طبعا حبيبتى كأخت فى المسيح مش حاجه تانيه , خصوصا ان الافندى بتاعها صاحبى من ايام المنتدى التانى - , اللى كنت بأقوله انه بهرنى جدا انك مينا يفتح منتدى مخصوص يرحب بيا فيه و انكم تسارعوا بوضع مداخلات فيه ترحب بيا و تقول لى كلام مشجع و كله معانى جميله .

ناقص كمان شكر خاص لأخى العزيز ماى روك اللى كتب لى أول مداخلة ترحيب فى المنتدى , و اوعده انى ها اكون عند حسن ظنه و ظن كل اعضاء المنتديات , و اقوله له " ايش لونك يا خيى , ما بيك , تسلم حبيبى تسلم , شو . . . . " معلش , مش عارف كلام شامى غير الشويه دول .

اشكركم كمان مره و لنبدأ العمل فورا .

المفدى

[elmafdy]

تعقيب اخر سريع

شكر خاص جدا لأخى بلاك جويتار على مداخلته اللطيفه المهذبه , و اتمنى اكون عند حسن ظنه , و الحقيقه انا كنت ناوى اشكره فى المداخله السابقه بس وقعت منى الحته دى .

انا مش عارف ليه فى المنتدى ده كل ما اكتب مداخله اكتشف انى نسيت حاجات من اللى كنت عاوز اقولها , مش عارف هل الزهايمر بسبب السن , ولا انا لسه جديد فى المنتديات و مش واخد عليها , بس لما اتعود عليها ها اركز عن كده , كمان انا مش عارف ازاى لو نسيت حاجه فى مداخلتى ادخل عليها تانى و اعمل فيها أى تعديل انا عاوزه , و حياتكم تدلوا واحد غريب تايه يعمل كده ازاى و لكم الاجر و الثواب عند الله .

المفدى

[+Dream+]

اهلا بيك يا استاذ مفدى هنا و نورت المنتدى

[kittyy]

أهـــــــــــــلا يانجم .. أزيك يامفدى باشا.. وحيات طنط فتحية منور.. :ura1:

على فكرة ياجماعة . غالبا اعضاء كوبتس اتعملهم Automatic Divert على المنتدى هنــا . :new6:

المفـــدى دا بقى ياشباب من اقوى الأقلام العاقلة الراسية على الأطلاق . يعنى مالوش نسخة تانية بصراحة. :friends:

يارب المنتدى يعجبك يامفدى ونقدر احنا كمان بوجودنا وسط الناس الحلوة دى أننا نترك علامة جيدة ونعمل فرق جميل بالنسبه لهم . ونكون قد المسئوليه الكبيرة دى ..

منور مرة تانية ياعزيزنا المفــدى . وربنا يبارك تعب محبتك وخدمتك المباركة . أمين :new5:

ياجدعان ما انا اقترحت عليكوا قبل كدا نعمل موضوع مثبت متجدد بـــواردين كوبتس وانتو مش راضيين تسمعوا كلامى.

اهوا اتفضلوا ولا عشر مواضيع ورا بعض لتهنئة الأعضاء الجدد كلهم من كوبتس.

ربنا يزيد ويبارك يارب.. :smil5:

[My Rock]

هههه خجلتني عزيزي المفدي... شو بعمل يعني لغتي ثقيلة, بس خليني اقلب مصري... و لو مش فاهم علي, مينا و ميرنا و جمانة رقبتهم سدادة, على طول بيستغلوا مترجمين بيني و بين البقية


المهم, مية اهلا وسهلا فيك من جديد و الرب يباركك عزيزي

[†بشرى†]

اهلا بيك اخ مفدي في منتديات الكنيسة العربية

[بيشوى مجدى حلمى]

اهلا بيك