غــــدر الحـــب ..

[kittyy]

من أجمل ما قرأت..


قال لها أحبك
فأغمضت عينيها نشوة
وحين فتحتها..لم تجده أمامها


قال لها أحبك
فمنحته عينيها
وحين رأى الدنيا بشكل أوضح
اكتشف وجود أخريات أجمل منها
فعشق امرأة سواها


قالت له أحبك
فكانت تزرع في صباح كل يوم وردة حمراء في طريقه
وكان يقطف الوردة في مساء اليوم ذاته
ليهديها لامرأة أخرى قال لها أحبك


قالت له أحبك
فازداد ثقة
وفخرا
وتضخما وانتفاخا وغرورا
وانفجرت ذات يوم في وجهه
فشوّه أجمل ما فيها


قالت له أحبك
وأوصته بكتمان السر
فنشر الخبر بين رفاقه
ومنحهم تذاكر مجانية للدخول إلى حياته
ومتابعة أحداث حكاية عاطفية بطلها ..هو


قال لها أحبك
ومنحها وردة حمراء
فمنحته عمرها كله
وعاشا تجربة حب جميلة
ومع مرور الأيام فشلت التجربة
فخسر هو وردة
وخسرت هي عمرا


قال لها في الصباح الباكر احبك
فطارت وحلقت بأجنحة الخيال فرحا
وهمس في أذنيها في مساء اليوم ذاته
إننا يا حبيبتي في الأول من أبريل
فسقطت على أرض الواقع .. وأنكسر الجناح


قال لها أحبك
وتزوج بأخرى
فأدركت أن الحب لدى البعض شيء
والزواج شي آخر


قال لها أحبك
فأنت اجمل امرأة رأيتها في حياتي
فوثقت به ثقة عمياء
ومنحته بلا حدود
وفي غمرة سعادتها به انسحب من حياتها كلصوص الليل
فاكتشفت أنها أغبى امرأة رآها في حياته


قال لها أحبك
وأخلص لها بإصرار
فخانته بالإصرار ذاته
فطلقها بلا تردد
وأصبح يخون بعدها كل امرأة يلقاها


قالت له أحبك
وخشيت أن يقتلها ردّه
تأخر عليها في الرد كثيرا..فقتلها الانتظار
قال لها أحبك
وسأمنحك طفلا جميلا
فكانت تتحسس بطنها في كل يوم
وتحلم بالطفل المرتقب
وليلة البارحة تحسست ظهرها
فوجدت خنجر الغدر مغروس فيه


قال لها في لحظة الوداع
أحبك .. وسأحبك للأبد
ولن أنساك ما حييت
وبعد سنوات ( قليلة ) التقاها صدفةٌ
فحدّق في وجهها طويلا
وسألها : مـــــن تكونـــــــــي

---------------------------------------------------

[koki]

بجد بجد يا كيتى مش ممكن كلام رهيب وفعلا بيحصل وانا شخصيا عجبتنى المقطوعه اللى بتقول
قال لها أحبك
فأنت اجمل امرأة رأيتها في حياتي
فوثقت به ثقة عمياء
ومنحته بلا حدود
وفي غمرة سعادتها به انسحب من حياتها كلصوص الليل
فاكتشفت أنها أغبى امرأة رآها في حياته

هو ده وهم الحب هى كانت صادقه لكن هو كان لص ومخادع واشر انسان فى العالم كله ولا يستاهل

اما الانسان الخاين اللى يستاهل اغانى اصاله اللى بتقول حبيتك رجعتلها او اغنية ارجع لها هو الجزء اللى قولتى فيه
قال لها أحبك
فمنحته عينيها
وحين رأى الدنيا بشكل أوضح
اكتشف وجود أخريات أجمل منها
فعشق امرأة سواها

انا شايفه ان اللى يحصل لها كده تقول له اغنية اصاله اللى بتقول اسفه
ولا يهمك

[Coptic Man]

قال لها في لحظة الوداع
أحبك .. وسأحبك للأبد
ولن أنساك ما حييت
وبعد سنوات ( قليلة ) التقاها صدفةٌ
فحدّق في وجهها طويلا
وسألها : مـــــن تكونـــــــــي

ههههههه خطيرة يا كيتي

[ezzzak]

ايه الحلاوه دي يا كيتي

بجد موضوع رائع

بس بدل الكلام الكتير ده كله وهو ندل وهي ندله من الاخر

كان واحد منهم يقتل التاني ونخلص من الحوار ده كله :smile01

[Coptic Lady]

صبـــــــــــــــــــــــــــاح نداله الرجــــــــــــــــــــاله :smil8:


عادى مهو مجتمع ذكورى متخلف:11azy:


الحمد لله الحكومه مش بيدخل هنا اخد راحتى بئى:t11:

[Coptic Man]

صبـــــــــــــــــــــــــــاح نداله الرجــــــــــــــــــــاله :smil8:


عادى مهو مجتمع ذكورى متخلف:11azy:


الحمد لله الحكومه مش بيدخل هنا اخد راحتى بئى:t11:

رسالة خاصة سريعة الي انا حر فورااااااا :crazy_pil

وصباح الندالة :t11:

[Coptic Lady]

مااااشى افتكرها بس ها

منرجعش نعيط

[ميرنا]

عاوزين دم يا مدام عاوزين مينا شهيد على يدك بازن ربنا

[†gomana†]

موضوع رائع جدا يا كيتى

فعلا هو ده اللى بيحصل من الرجالة

ربنا يرحمنا منهم

[artamisss]

الرجاااااااااااااااااااال ويلاً لكم ايها الرجااااااله:t37:
كفاكم الحاق الاذى بنا ابعدو عنا يارجااااااااااااال كفاكم ظلما وقسوة .....كفاكم شرا وعنوة :t36:

من الاخر كدة احنا خسارة فيكم الله الوكيل

[Coptic Lady]

اتشاهد على روحك يا مينا

[ميرنا]

يا دودو زى ما فى رجاله ندله احنا فينا عرق نداله بردو بس كل همنا نطلعهم هما اندال بس فى شويت بنات اندل من اندل راجل بس اعقدى ساكته بس لحسن اتكلم واسيح واضرب فى الاخر

[kittyy]

koki ميرسى على مرورك ياجميل وربنا يخليكى .. :t25:

انا بقى الجزء اللى بحبه اوى هوا :

قال لها في لحظة الوداع
أحبك .. وسأحبك للأبد
ولن أنساك ما حييت
وبعد سنوات ( قليلة ) التقاها صدفةٌ
فحدّق في وجهها طويلا
وسألها : مـــــن تكونـــــــــي

فعلا مش كل الكلام يتصدق . وكلمة الحب دلوقتى بقت رخيصة وكل من هب ودب بيعرف يقولها ويلعب بيها ويستغلها فى الضحك على عقول البنات الصغيرة .. ربنا يحافظ على كل أولادة يارب :yaka:

[kittyy]

ههههههه خطيرة يا كيتي

مينــــــــا .. ربنا يخليك ياباشا .. نورتنى فى الكلمتين دول :smil12:

[kittyy]

ايه الحلاوه دي يا كيتي

بجد موضوع رائع

بس بدل الكلام الكتير ده كله وهو ندل وهي ندله من الاخر

كان واحد منهم يقتل التاني ونخلص من الحوار ده كله


أيــزاك .. ميرسى ياعســـل ياجوز بنت أختى .. :D

بس بلاش العنف دا وخليك رقيق شويـــة . عشان حماتو تحبه وترضى عنه . ويابخت من رضيت عنه حمــاتو.. :pleasantr

ماتقلقيش ياحور .. على ما البنت تكبر نكون قدرنا نعمل حاجة فى موضوع الرقة بتاعة زيكو دى . وربنا قادر على المعجزات. :smile01

[kittyy]

حــــور . جميلة الجميلات بكل المنتديات .:give_rose . حلوة الجملة دى تنفع مطلع فى بيت شعر .. :t33:

ميرسى ياحبيبتى على مرورك . وربنا يبارك حياتك يارب :new5: :new5:

[kittyy]

عاوزين دم يا مدام عاوزين مينا شهيد على يدك بازن ربنا

ميرنا . ميرسى على مرورك ياقمر .

بس هوا فيه سؤال . هوا انتى تقربى لأيزاك ؟:smil4: هوا يقول حد يموت حد ونخلص وانتى تقولى عاوزين دم . هوا احنا فى بيت فرنكنشتاين هنا ولا ايه .. :gun:

[kittyy]

موضوع رائع جدا يا كيتى

فعلا هو ده اللى بيحصل من الرجالة

ربنا يرحمنا منهم

جومانا . حقيقى ميرسى لذوقك بجد . وعلى فكرة . انا بصيت فى السريع على فهرس موضوعاتك ولقيت صور تحفه فنية بجد . دا انتى فنانة يابنتى . احييكى فعلا :give_rose

وربنا يبارك حياتك ويديم المحبة :new5:

[kittyy]

الرجاااااااااااااااااااال ويلاً لكم ايها الرجااااااله:t37:
كفاكم الحاق الاذى بنا ابعدو عنا يارجااااااااااااال كفاكم ظلما وقسوة .....كفاكم شرا وعنوة :t36:

من الاخر كدة احنا خسارة فيكم الله الوكيل

أرتميس .. شكرا لمرورك اختى العزيزة .:) . بس هوا انتى من العيلة ولا ايه انتى كمان ؟

دخلى أنتى بس السكينة ألا السلاح يطول :new6:. احنا عاوزينك ياحبيبتى.. يلا ياماما ربنا يهديكى شيلى السكينه وارشمى الصليب كدا وانتى هتبقى كويسة.. :D

[Miro]

قالت له أحبك
فكانت تزرع في صباح كل يوم وردة حمراء في طريقه
وكان يقطف الوردة في مساء اليوم ذاته
ليهديها لامرأة أخرى قال لها أحبك




نداله رجاله

:t36:

[مينا 188]

:t32:ان ملاحظ من الاول هو بيقول انا بحبك وهى تقول انا بحبك وتقريبا ده مش حب بناء على النتائج الجميلة اللى شفناها فى الاخر واللى وصلت احيانا للقتل . انا اعتقد ان ده مش حب بالمرة

بس موضوع جميل

[nonogirl89]

بيظلمونا كتير ....وبيخونونا كتيييييييييييييييير
ساعات ساعات بحس ان لو بايدى كنت اموت قلبى فمايحبش اى مخلوق قاسى من اللى بيسموهم رجالة
ميرسى على الكلام المليان احساس دة
ربنا يباركك

[وليم تل]

حقا فهذا ليس ذنب الرجل
وانما اختيار غير موفق من المرأة
لانها احبت ندل
وشكرا كيتى
على الموضوع الجميل
مودتى

[Dona Nabil]

قال لها في لحظة الوداع
أحبك .. وسأحبك للأبد
ولن أنساك ما حييت
وبعد سنوات ( قليلة ) التقاها صدفةٌ
فحدّق في وجهها طويلا
وسألها : مـــــن تكونـــــــــي
افتكر انه وقتها لازم تعرف انه مكانش حب صادق لان الحب الحقيقى والصادق مبيغلبهوش الزمن وبيفضل عايش وحى جوانا .......ميرررسى يا كيتى على الموضوع الجميل وربنا يباركك .