سنه أولى مطبخ..!!!!

Desert Rose قال:

ههههههههه وانت اللى تاعبك ياجونى ؟ انا عايزة اتعلم بقا علشان اعمل الاكل اللى بحبه :a63:

ههههههه لالالا يادونا احنا ما صدقنا تفتحى الموضوع ابتدى ياستى بطلب الطالب الاول
بس بقا ياريت بعد كده تدخلى على الفراخ لانى بحبها اكتر حاجة والجمبرى كمان

أنقر للتوسيع...

Dona Nabil قال:

هسسسسسسسسسسسسسسسسسس انت وهى خلينا نبتدى الحصه ههههههههه
طيب الاول فى شوية نصايح كده عالماشى ..
1- الكميه لو لشخص واحد ولو انت من النوع اللى ممكن تضايق انك بتاكل نفس الصنف مرتين ورا بعض يبقى نقلل الكميه
2- الملح غدااار والاكل لو طلع ملحه قليل افضل كتييييييير من لو طلع مالح على الاقل له علاج
3- لو حاطط حاجه عالنار الافضل تتابعها باستمرار بدال ما تتحرق وتاكل الاكل محروق
4- لو هتعمل لحوم او طيور ومحفوظه عندك ف الفريزر طلعها وحطها فى الحوض قبل ميعاد الاكل بوقت مناسب علشان ميبقاش عبء عليك وانت بتحاول تفك تجميدها
5- اضافة الميه تكون بالمعقول يعنى لا تزودها والاكل يطلع مالهوش طعم ولا تقلل وتحرق الاكله منك
دى نصايح مؤقته وفى نصايح هتيجى مع الوقت واحنا بنتعلم ...

أنقر للتوسيع...

Dona Nabil قال:

البفتيك :-
-لو هنعمل كميه لشخص واحد يعنى بنتكلم مثلا عن 3 شرايح أو لو حابب اكتر براحتك
++لو حسيت الشرايح سميكه شويه حطها فى كيس ودق عليها باى حاجه بس بالراحه علشان مش تفرتكها ممكن ايد هون او اى حاجه شبهها
ده ليه بقى ..علشان تستوى كويس وعلشان كمان متلاقيش قطعة اللحم تقوست(اتعوجت من الاطراف) منك وهى بتتقلى
++بتغسل الشرايح فى مصفاه بس مش لدرجة انك تخليها تفقد كل عصارتها خد بالك
++بتجيب بصله صغيره وتبشرها وممكن واحدة طماطم وتبشرها (ممكن تستغنى عن الطماطم بحسب المزاج يعنى )
++بتحط عليها رشة ملح ورشة فلفل اسود ولو فى بهارات لحم وكام نقطة ليمون بس متكترش
++بتقلب الخليط ده فى وعاء يكون غويط شويه وتحط شرايح اللحم وتقلب جوه الخليط علشان يتشرب منه
++ملحوظه:- لو حابب ممكن تعمل كميه وتحفظها عندك فى التلاجه كل ما تحب تطلع منه على اد ما هتاكل وتحفظها تانى وده هيوفر معاك وقت كبير وهيكون عندك دايمااا حاجه جاهزه على الاكل
++وقت القلى بقى :-
طبق غويط صغير بتكسر فيه بيضه وممكن معلقتين لبن (وممكن الاستغناء عن اللبن ) ورشة ملح صغيره خالص وزيها فلفل اسود
وبالشوكه تقلب كويس علشان تمتزج مع بعضها
فى طبق تانى مسطح وممكن على كيس نضيف لو حابب تقلل مواعين علشان اكيد هترميه بعد ما تخلص هتحط شوية بقسماط ناعم وممكن اضافة فيجتار حار او عادى بيدى طعم جميل .
++بتجيب اول شريحه وتنفضها من الخلطه ومترميهاش (هقولك بعدين ليه)
بتحطها ف خليط البيض وتطلعها على البقسماط وتغطيها كويس اووى بالبقسماط
تكون محضر طاسه فيها زبده بسيطه وشوية زيت بسيط او حاجه واحده منهم بس بحسب مزاجك وتسخنها شويه وتحط الشريحه الاول
++ ميزة الصنف ده انه مش بياخد وقت كبير على النار دقيقه وتقلبها عالوش التانى
تعرف ازاااااى بى انه استوى هتلاقى الشريحه اخدت لون دهبى حلو ااوعى تحرقها
المشاركه الجايه هقولك تقدم البفتيك جنب ايه
لو فى اى استفسار اتفضلواااا ..

أنقر للتوسيع...

++بتغسل الشرايح فى مصفاه بس مش لدرجة انك تخليها تفقد كل عصارتها خد بالك

أنقر للتوسيع...

Dona Nabil قال:

طيب يا كسلان متقلقش احنا اتفقنا انها هتكون حاجات اغلبها بتستوى بسرعه فمش هتقف كتير جنبها ولا حاجه
وكمان المايكروويف مش صحى اوووى فالافضل تسيب الحاجه تفك لوحدها اكيد يعنى هتكون محدد هتاكل ايه قبلها
خليك انت شطور وقولها ربنا يسامحك ههههههههههه

أنقر للتوسيع...