- إنضم
- 21 نوفمبر 2009
- المشاركات
- 30,377
- مستوى التفاعل
- 2,099
- النقاط
- 0
- الإقامة
- Je rêve que je suis un papillon
طريقتين للسبانخ ..!!
اولا اللحمة تقطع ترنشات
حنجيب بصلة كبيرة ونحمرها
ولما تصفر انزلي بالحمة والفلفل الاسمر وقلبي كويس
ولما تتشوح
حطي السبانخ ال هيا متقطعة طبعا ووطي عليها وغطيها لغاية ماتنزل مايتها خالص
يعني سيبيها لغاية المية ماتبدا تنشسف
تكوني ضربة الطماطم في الخلاط
وحطيها وحطي حبة فريك صغننين
لغاية ما اللحمة تستوي
دقي ثوم والكسبرة وحمريهم وحطيهم
وحتدوقي احلي سبانخ
+++
أول حاجة جبت حزمتين متوسطين سبانخ ونصف حزمة كسبرة خضرا لو كانت الحزمة كبيرة تبقى نصفها لو كانت صغيرة ورفيعة كدا تبقى الحزمة كلها
ثانيا بصلة متوسطة
ثالثا طماطميتين و3 ملاعق صلصة
رابعا ملعة كبيرة مليانة رز مصري
خامسا توم
سادسا كام طرطوفه كدا من حزمة الكسبرا من تحت
الطريقة بقى:
أولا حاجة نغسل السبانخ والكسبرا كويس جدا ونحطهم في مصفاه يتصفوا.
تاني حاجة نقطعهم رفيع بيكون طعمهم أحلى
وبعدين جبت البصلة قطعتها رفيع وصفرتها في شوية سمنة وبعدين حطيت عليها الطماطم المعصورة في الخلاط والصلصة
وأول لما الصلصة غليت وبدأت تتسبك حطيت الملح والفلفل الأسود وبعد كدا سقطت السبانخ والكسبرا مع بعض وقلبت تقليبة
وتوطي النار ونغطي الحلة بعد كدا نجيب ملعقة الرز ونغسلها كويس ونحمرها في شوية زيت صغيرين زي الشعرية بالظبط والدتي بتعملها بالحمص
وأول ما يتحمر الرز أصفيه من الزيت وأحطهم في حلة السبانخ وأقلب تقليبه وأغطي تاني
نيجي بقى لسر النكهة
هنجيب طرطوفة الكسبرة زي ما قولتلكم وهنقطعهم كويس قوي كأنك بتخرطي ملوخية مع 3 فصوص توم مفرومين ناعم جدا ونحطهم مع حته زبدة ونحمرهم زي بالظبط طشة الملوخية بس من غير شهقة هههههه
ونطشهم على السبانخ وشمي بقى الريحة واااااااااااااااااو
نقلب تقلبتين كدا ونطفي عليه
