الله بيحضنك ويطبطب عليك بقلم / القيروانى
فى وقت ولادتك الروحيه بتحس بقوه كبيره وكأنك ابن ملك او ابن وزير لكن انت ابن ملك الملوك ورب الارباب بتمر عليك ايام الناس اللى يعرفوك يقولوا يااااااااااااااااااااه حتى ( رأفت ) هيعمل فيها قسيس ياعم دا كان وكان و كان ووسط محاربات العالم وظروفه وكمان وسط همومك ومشاكلك الجسديه والعالميه وكمان بتمر عليك فتره تنسى فيها تاخذ الغذاء الروحى بتضعف زى الشجره اللى موش مرويه بينبوع الميه تنسى تصلى فتنقطع صلتك بالله تنسى تقرا الكتاب المقدس ينقطع عنك ينبوع المياه الروحيه تضعف ويمكن ورقك ينشف ويجف تتعب قوى ويقولوا اهو بتاع الكنيسه بيغلط اهو بتاع الكنيسه شوفوا بيعمل ايه بصوا شوفوا الاخت فلانه اللى كانت عامله قديسه لابسه ايه وحاطه ايه وناس تيجى تقولك انتى سببت عثره لى ماكنتش متخيلك انك وحش قوى كدا وبدل مايواسيك علشان تقوم ويسندك يجى عليك وبايده يفطسك ويغرقك ويكرهك فى اليوم اللى شوفته فيه ولو هو من النوع اللى بيخدم ويوعظ تلاقيه ماصدق وقع فيك وكل يوم يوعظك وعاوز تبقى فى حاله الضعف دى علشان ياخد فرصته فى الوعظ عليك وعلشان تخلص منه اتصل باى كنيسه مافيهاش خدام واعظيين وابعته ليهم لكن وسط الكلام دا كله مفيش معزى ولا شافى ولا رافع الا ربنا هو وحده اللى بيحبنى بكل قذارتى وخطيتى هو وحده اللى يطبطب على وياخدنى فى حضنه هو وحده اللى يقدر يمسح دمعتى هو وحده اللى يقدر يسدد عنى كل ديونى لو صرخت وناديت عليه بصدق لو انكسرت قدامه وقولت له خلاص موش قادر انا تعبت ومفيش غيرك منقلبك هايسرع صدقنى وتحس بايده شايلاك وايده التانيه بتحضنك وتطبطب بحنان وكأنك فى السما وهتحس فعلا بحضنه الحنون لانه هو الله الحاسس بيك بس مفيش غيره احلى احساس لما الام يكون عندها طفل مريض وتهتم بيه لحد مايخف ويشفى بالظبط ربنا بيعمل معانا كدا لما نكون تعبانين ولا محتاجين لحنانه لو ما حسيتش الاحساس دا يبقى انت لسه بعيييييد عن ربنا صلواتكم من اجل ضعفى يستمر علشان احس بحنانه اكتر وموش خايف لانى موش هاضيع من ايده لانه هو حفر اسمى فى سفر الحياه والذين هم فى يديه لا يخطفون ودا وعده يمكن اضعف يمكن اتعب لكنى ابنه اللى طهرنى بدمه ونطلب كل يوم وكل ساعه توبه عن خطايانا يارب اقبل توبتنا وتوبنا عن خطايانا ارحمنا لانك انت الرحوم ولا غيرك منقذ ولا غيرك مخلص نشكر جلالك ومحبتك من اجل كل شىء
