المساعد الشخصي الرقمي

مشاهدة النسخة كاملة : عاجل الأقباط يستنجدون بالسيسي


Coptic4Ever2
07-04-2013, 03:21 PM
عاجل الأقباط يستنجدون بالسيسي


http://img.ch-news.com/article13653438906dc4594c82cea9f0c6f6bd799fcf5c181 .jpg يتوجه الآلاف من الأقباط نحو وزارة الدفاع، لمطالبة الفريق أول عبدالفتاح السيسي القائد العام للقوات المسلحة وزير الدفاع والإنتاج الحربي‏، بنزول الجيش لإدارة شئون البلاد، وقدموا رسالة إلى السيسي نصت على:

السيد الفريق اول / عبد الفتاح السيسي

وزير الدفاع


بعد خالص التحية ...

نحن اقباط مصر شركاء هذا الوطن والتي سالت دمائنا مع دماء اخوتنا المسلمين ابان حرب اكتوبر المجيدة كما سالت دمائنا وامتزجت مع دماء اشقاءنا المسلمون فى ميادين مصر كافة ابان ثورة الخامس والعشرون من يناير.


لكن سيادة الفريق حرام وكل الحرام ان يهرق دماء اقباط مصر لا بسبب ذنب قد اقترفوه او أثم قد فعلوه او تقصير فى حق وطنهم وانما تسال دماء الاقباط لا لشئ الا لهويتهم الدينية فلقد شهدت الشهور الستة الماضية اضطهادا وتمييزا للاقباط لم يشهده الاقباط عبر ثلاثة عقود قد مضت فلقد هدمت وحرقت كنائسهم فى صول والماريناب وامبابة وتم الاعتداء على الاديرة وعلى الرهبان العزل فى الصحراء وحوصرت الكنائس والاقباط فى منازلهم فى كومونبو والواسطى وتم تهجير الاقباط فى قرية النهضة بالاسكندرية ودهشور والعامرية ورفح حتى ان جدران كنائسهم الايلة للسقوط والتى تمثل خطرا عليهم اثناء صلواتهم لم يستطع الاقباط ترميمها بسبب عدم وجود قوانين تسمح ببناء الكنائس حتى ان كنيسة واحدة لم تبنى منذ وصول التيار الاسلامى للحكم ناهيك عن الاقصاء المتعمد والتهميش الممنهج للاقباط فى ظل حكم الرئيس مرسى الذى قال وبغير حق انه رئيس لكل المصريين حتى بات الاقباط تنزف دمائهم وتسلب اموالهم وتخطف بناتهم ويعتدى على كنائسهم ولم تقدم حكومة مرسى احدا من هؤلاء الجناة الى المحاكمة وكما لو كان لسان حالها هواستباحة اموال ودماء الاقباط .


سيدى وزير الدفاع لم يبقى لنا فى مصر من ملاذ وحمى بعد الله سوى جيش مصر الباسل الذى لا يرضى بظلم ولا بمواطنة منقوصة .


سيدى وزير الدفاع لقد فقدنا كل الامل فى استجابة الرئيس مرسى الى حماية وكفالة حقوق الاقباط حتى ضاق بهم الذرع من جراء مخاوف تنتابهم الى هجرة الالاف منهم الى خارج البلاد مما استنزفت معه مصر ثروات بشرية وكفاءات علمية قبطية نادرة مما اخل بالتركيبة السكانية للبلاد.


وفى النهاية اننا نناشدكم سيادة الفريق اول عبد الفتاح السيسى ان تضعوا الاقباط نصب اعينكم وهم مواطنون لا يجب ان تهدر مواطنتهم وتهرق دمائهم وتسلب اموالهم ان العالم كله ينظر الى سيادتكم والى جيش مصر الباسل بانكم لم ولن تنحازوا الا الى الشعب وما يصبوا اليه من مواطنة كاملة غير منقوصة .

WooDyy
07-04-2013, 03:47 PM
مش عايزييييييييييين من وشه حاجه .. يغور زى اللى قبله واللى بعده كمان

حبو اعدائكم
07-04-2013, 03:54 PM
يا ريت الكل يستنجد بالرب و نرفع صلاه بلجاجه كلنا مع بعض ---
مفيش غير الرب هو الى يقدر يحل---
هو وحده....

Strident
07-04-2013, 03:55 PM
!!!!!

هي الناس دي بتشرب ايه!! وهو الجيش كان عمل ايه لبتوع العامرية ولا صول ولا دهشور ولا الماريناب!!

هنفهم امتى بقى!! لا مبارك ولا شفيق ولا الجيش هيساعدونا بحاجة!! محدش هيساعدنا الا احنا ومفيش مخلص هيجيلنا م السما!!

ElectericCurrent
07-04-2013, 04:05 PM
أنا قبطى وأنا أقوم بإبلاغ السيسى أننى لا أريد منه أى شئ
لان إتكالى على إلهى
ولان المسئؤل المسلم متواطئ بعقيدته الايمانية التى تعلمه الطمطمة والطرمخة على جرائم طائفته العنصرية
وشكراً وإلى اللقاء

ElectericCurrent
07-04-2013, 04:07 PM
تنبيه اما ازالة هذا الموضوع السئ او اقوم بالتصويت عليه بمشاركة سيئة وتاخذ تقييم سئ
أرجوك إحذف هذا الموضوع المسسيئ المستفز عاجلا جدا

Strident
07-04-2013, 04:18 PM
انا مستنكر زيك يا اخي العزيز...

بس لماذا الحذف؟

هو ذنب الراجل يعني انه بينقل الخبر؟

+GOSPEL OF TRUTH+
07-04-2013, 07:43 PM
موضوع مستفز ليه؟

الجيش المصري الي هو عقبه في سبيل هيمنه الاخوان الكامله بغض النظر عن طنطاوي و عنان بقي مستفز؟

عارفه انه كتير مش هيحبوا ردي و هيقولوا اني غلطانه

بس يا حضرات العباقره الافذاذ كدا

لو الجيش المصري الي مش عاجبكوا انمحي من الوجود و ترك الحبل علي الغارب كدا البلد هيبقي شكلها اييييييييييييه؟

ازبل من كدا الاف المرات و هتبقي صومال لاند او افغانستان

انتوا بس مش حاسين بحاجه لان كله بيجري وراء الستار

الاخوان منكادين من الجيش قوي لعلمكم و نفسه و مني عينه يغير قائد الجيش عشان لاقيين انه عقبه او علي الاقل علي الاقل مش موافقهم الف في الميه زي ما كانوا متمنيين

دلوقتي الجيش المصري بقي مستفز و اخباره مستفزه....والله عال!

sha2awet 2alam
07-04-2013, 08:44 PM
كلمونى اكتر عن اللى داس ولادنا فى ماسبيرو كان مين ياترى ؟؟ و حقهم رجع مش كدة ؟؟ معلش اصل ذاكرتى ضعيفة

لو هتقولو لجوء للسيسى ولا للجيش و عايزين تتحمو بيه .. احب افرحكم انه لو حصل و عبرنا مش عشان سواد عيونا ولا حبًا فى شركاء الوطن .. هنبقى مجرد كارت يتلعب بيه و يعملو بطولة على قفانا و هيفضل اللى فى القلب فى القلب يا كنيسة :) العيب لا هو فى رياسة ولا اخوان .. العيب فى دين شربهم كرهنا لحد ما اتكرعوه .. اذا كانو مش عارفين يحبو روحهم هيحبونا ؟؟؟؟

ElectericCurrent
07-04-2013, 08:56 PM
نحن لا نلجأ لغير الله الحى القادر على كل شئ
لا سيسي و لا أؤباما بن لا دن

+GOSPEL OF TRUTH+
07-04-2013, 09:42 PM
العيب فى دين شربهم كرهنا لحد ما اتكرعوه .. اذا كانو مش عارفين يحبو روحهم هيحبونا ؟؟؟؟
جبتي من الاخر في السطر دا هو دا مربط الفرس

بس تخيلي بلدك بقي بدون جيش خالص...حتي لو كان متعصب و همجي و متخلف

تفتكري ساعتها احنا هيجري لنا ايه؟

جماعه التكفير و الهجره ساعتها هتبحبح و تاخد راحتها علي اخر اخرها و امير المؤمنين ساعتها هيبقي له حق يغصب اموالنا و يستحل عرضنا....الواحد لازم يبقي حذر من امنياته

اما بخصوص مين الي دهس الناس في ماسبيرو انا لا استبعد تسلل الاخوان و الاسلاميين لكل المؤسسات بما فيها الجيش و بعدين يا ستي خبر ظبط القماش العسكري الي بيروح غزه و ليبيا ما يوديش فكرك لمكان معين؟ رايح ليه؟ موضه؟ و لا عشان يسهل الاندساس وسط الجيش؟

شعره معاويه موجوده و اتمني الا تقتطع بسبب التهور و بسبب التراكمات القديمه

اما عن من يحمينا هقول ان لينا رب يحمينا ...الرب يدافع عنكم و انتم تصمتون

بس برضه لازم نوصل صوتنا للعالم برا و جوا

فاكرين بقي لما كنيسه القديسين ضربها نظام مبارك ايه الي حصل بعدها لمبارك و العادلي؟

الرساله وصلت....

و علي فكره ابراهيم عيسي بيناقش في جزئيه كدا حكايه ماسبيرو و الي حصل

يالا باي...

+Nevena+
07-04-2013, 10:01 PM
اهو دا الخبر اللي ينطبق عليه المثل اللي بيقول
هم يبكي وهم يضحك

بقي هو الجيش اللي يحمي المسيحين برده ومن مين ؟؟؟؟؟؟؟؟؟؟

الحامي هو ربنا
هو اللي شايف وعارف وفي الوقت المناسب هايتدخل وينقذ اولاده

girgis2
07-04-2013, 10:13 PM
والله لا جيش نافع ولا مظاهرات نافعة ولا أي حاجة نافعة في المخروبة دي

في كل الأحوال ميـتـيـن ميـتـيـن ميـتـيـن يــا ولدي

هنبقى مجرد كارت يتلعب بيه

الكارت ده دائماً وأبداً بيتلعب بيه على فكرة

+Nevena+
07-04-2013, 10:15 PM
والله لا جيش نافع ولا مظاهرات نافعة ولا أي حاجة نافعة في المخروبة دي

في كل الأحوال ميـتـيـن ميـتـيـن ميـتـيـن يــا ولدي



الكارت ده دائماً وأبداً بيتلعب بيه على فكرة


الله يرحمك يا حليمو
صدقت لما قولت في اغنيه مش فاكر ايه كدا

طريقك مسدود مسدود مسدود يا ولدي
:t17:

كليماندوس
08-04-2013, 01:35 AM
فعلا احنا بننسى ..
مش هو برضو الجيش اللى فى الاول خالص بعد الثوره " سلم البلد للاخوان ؟ "
مش برضو الجيش هو اللى دهس بمدرعاته متظاهرى ماسبيرو " العزل " ؟
مش هو الجيش ده برضو اللى قتل العساكر المسيحين ابان المخلوع و ياتى الجسمان فى علم و ممنوع فتح النعش لانه متشمع و مختوم بامر النيابه العسكريه ؟
مين قال ان الجيش ممكن يحمى المسيحين ؟

كليماندوس
08-04-2013, 01:41 AM
الى كل من نسى ما فعله الجيش فى ( مجزره ماسبيرو ) اضع له رابط المقطع الذى يوضح بلا اى رتوش غل و كره الجيش للمسيحين ايام ما كان ماسك البلد بعد ثوره الربيع العربى فى مصرنا
http://www.youtube.com/watch?v=UbUInFMZLNg&sns=fb