المساعد الشخصي الرقمي

مشاهدة النسخة كاملة : رجاء ........تمسكوا بحلمكم !!!!!!!!!!


Dona Nabil
29-09-2007, 11:47 AM
لماذا مكتوب علينا ان نرى احلامنا تسرق منا دون ان يكون لنا يد .
ربما نحن خائفون .
أو ربما نكون حائرون .
ولا من الجائز ان نكون غير قادرين ان ندافع عنها .......لو هذه هى الحقيقه نكون غير مستحقين لان نحلم من الاساس .........بل نستحق خسارتها وخسارة انفسنا معها .
يجب ان نؤمن اننا يحق لنا الحلم ...وواجب علينا حماية حلمنا .....حتى لو كان من يهدد حلمنا هم من احببناهم ونسونا ...أو من أحببناهم ولم يعرفونا .
ياااااا للغرابه هم من كون الحلم وهم من هدوه ... لكننا اقوى من ان نهدم أو نستسلم .
لقد بدأ الحلم مجرد حلم ولكننا بذلنا من أجله كثيراً من المشاعر ...وفيضاً من الافكار ..وصبغناه بلوننا .. احببناه ..عاش معنا ..تخيلناه تحقق..اعتبرناه واقع وتعاملنا معه .
أبعد كل هذا نتخلى عنه ...ننساه .. نطلق سراحه .. أبداً لن يكون ....
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه :t16: .

fullaty
29-09-2007, 12:13 PM
حاضر يا ماما دونا انا ماسكه فيه بايدى واسنانى وبجد بجتهد علشان يتحقق بس انا مستنيه توفيق ربنا ليا
مينفعش يتحقق الحلم بالجهد بس لازم التوفيق كمان من عند المسيح
والمهم منزعلش على عدم تحقق الحلم لانه جايز ده للخير
ميرسى يا قمر على الموضوع الجامد ده

بنت الفادى
29-09-2007, 12:21 PM
هو موضووووووووووووع جامد قوى
بس لو عايزين نحقق احلامنا يبقا
لازم نحلم احلام نقدر عليها
واحنا كتير بنصرح بيخيلنا اكتر من حدودنا
لاننا بنحلم

Dona Nabil
29-09-2007, 12:30 PM
حاضر يا ماما دونا انا ماسكه فيه بايدى واسنانى وبجد بجتهد علشان يتحقق بس انا مستنيه توفيق ربنا ليا
مينفعش يتحقق الحلم بالجهد بس لازم التوفيق كمان من عند المسيح
والمهم منزعلش على عدم تحقق الحلم لانه جايز ده للخير
ميرسى يا قمر على الموضوع الجامد ده

ايه ماما دى ده انا حتى اصغر منك :t32:
وبعدين ايه الكلام الحلو ده .......ربنا يكملك بعقلك يا بنتى ......لا من غير يا بنتى :pleasantr ميرسى يا فيبى يا سكره .

la Vierge Marie
29-09-2007, 12:35 PM
ياه يا دونا اد ايه كلامك الحلو اثر فيا
جميل جدا ان يحلم الواحد و يتمنى لكن الاجمل ان يتمسك بهذا الحلم و يحققه خاصة لو كان حلما عظيما
الواحد مننا لازم يخلي بصمته في الحياة لا ان يعيش سوري مثل الحيوان
كمان عندي اقتناع كبير ان اي حاجة يحلم بها الانسان ممكن تتحقق

موضوع هايل يا دونا
بار الله فيك

Dona Nabil
29-09-2007, 12:37 PM
هو موضووووووووووووع جامد قوى
بس لو عايزين نحقق احلامنا يبقا
لازم نحلم احلام نقدر عليها
واحنا كتير بنصرح بيخيلنا اكتر من حدودنا
لاننا بنحلم

صدقينى يا بنت الفادى احنا ربنا اعطانا نعمة العقل اللى نقدر نحقق بيه الكتير لكن المشكله مش وجود عقل كفايه المشكله اننا فى معظم الاحيان مش بنستخدمه كفايه .
وطبعاً اراده ومشيئه ربنا قبل كل حاجه ويجى بعد كده اسلوبنا فى التفكير وطريقة تعاملنا مع الامور اصل فى ناس مستسلمه بطبعها .....ميرسى لتعليقك وربنا ينولك كل اللى بتحلمى بيه :love45: .

Dona Nabil
29-09-2007, 12:43 PM
ياه يا دونا اد ايه كلامك الحلو اثر فيا
جميل جدا ان يحلم الواحد و يتمنى لكن الاجمل ان يتمسك بهذا الحلم و يحققه خاصة لو كان حلما عظيما
الواحد مننا لازم يخلي بصمته في الحياة لا ان يعيش سوري مثل الحيوان
كمان عندي اقتناع كبير ان اي حاجة يحلم بها الانسان ممكن تتحقق

موضوع هايل يا دونا
بار الله فيك

ميرسى يا حبيبتى على رقتك وانا مبسوطه جداً ان الموضوع عجبك .....ربنا يباركك يا قمرايه :flowers: .

sunny man
29-09-2007, 04:35 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه .

ما أروع هذا الموضوع

Dona Nabil
29-09-2007, 05:31 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه .

ما أروع هذا الموضوع
ميرسى يا sunny man ..... نورت الموضوع وانا مبسوطه حقيقى انه نال أعجابك ....... ربنا يباركك .

vamdracula2005
30-09-2007, 07:21 AM
شكرا لتعبك يا دونا

طب واللى مشكلته انه مش عارف ايه حلمه ؟ او بمعنى بيحلم ويحلم ويحلم لحد ما بقى عنده كومه احلام .. وميعرفش ايه الحلم من الوهم من الخيال ؟؟

قبل الحلم فى ما هو اصعب من الحلم .. تحديد الحلم ..
الخيال بحر واسع كبير .. لو سبناه هيصنع من الحلم مليون حلم ..

ازاى نحجم الخيال ( مع انى ضد حاجه اسمها تحجيم الخيال اساسا )

حد يقوللى ممكن احدد حلمى ازاى ؟!!!!!!!!!!!!!!!!!!!!!!!!!1

Dona Nabil
30-09-2007, 11:50 AM
شكرا لتعبك يا دونا

طب واللى مشكلته انه مش عارف ايه حلمه ؟ او بمعنى بيحلم ويحلم ويحلم لحد ما بقى عنده كومه احلام .. وميعرفش ايه الحلم من الوهم من الخيال ؟؟

قبل الحلم فى ما هو اصعب من الحلم .. تحديد الحلم ..
الخيال بحر واسع كبير .. لو سبناه هيصنع من الحلم مليون حلم ..

ازاى نحجم الخيال ( مع انى ضد حاجه اسمها تحجيم الخيال اساسا )

حد يقوللى ممكن احدد حلمى ازاى ؟!!!!!!!!!!!!!!!!!!!!!!!!!1

فعلاً انت بتتكلم فى نقطه مهمه جداً وهى ان اللى اصعب من تحقيق الحلم هى تحديد الحلم وبمعنى اصح السؤال الازلى انا عايز ايه ؟
والاجابه ببساطه لازم الشخص يكون عارف كويس امكانياته وقدراته .....ويكتشف فى نفسه الجوانب الغامضه فى شخصيته .....أد ايه فى ناس عندها مواهب وقدرات بتموتها بالاهمال وعدم العمل على تنميتها ....اكتر حاجه بتعطلنا وترجعنا لورا هى ان احنا منكونش محددين طريقنا .....تخيلوا فى ناس بتتعب وتشقى فى الثانويه العامه ولما بيجيبوا مجموع عالى بيستخسروا ينقوا لنفسهم الكليه اللى بيحبوها وبيسيبوا المجموع يتحكم فيهم وبالتالى كل اللى جاى بعد كده مش باختيارهم .......يبقى هيحلموا أزاى ..........احلم بالشىء اللى انت بتحبه وشايف نفسك فيه ....هتنجح بالاراده وطبعاً بتوفيق ربنا .......ميرسى يا دراكولا لتعليقك الهام وارجو انى اكون وضحت الصوره ومرحباً بالنقاش معك يا اهلاوى يا اصيل :t13:.

vamdracula2005
30-09-2007, 11:59 AM
العفو ... بين الاهلويه مفيش شكر ..

بس برضه تفتكرى ان الحل ان الواحد يعرف قدراته؟؟
فى ناس قدراتها تخليها تفكر فى مليون حلم .. بس تحقق حلم واحد منهم بس
..
ازاى الواحد يختار حلمه من بين الف حلم يناسبوا قدراته؟!!!!!!!!!

لانه لازم يركز فى حلم واحد ,,, حلم ضايع وسط بحر من الاوهام والمستحيل .. ويمكن المجتمع كمان يكون ليه اعتراضات ..
بس فى الاخر ممكن اخر حاجه يتصورها تبقى حلمه

معلش الموضوع معقد حبتين ومالوش اجابه ..
لان البشر لو فعلا وصلت للسر ده ازاى يعرفوا الحلم من مليون حلم متشابه .. كان زمان كل الناس من ايام ادم لدلوقتى سعداء ومبسوطين .. صح ؟؟

Dona Nabil
30-09-2007, 12:18 PM
العفو ... بين الاهلويه مفيش شكر ..

بس برضه تفتكرى ان الحل ان الواحد يعرف قدراته؟؟
فى ناس قدراتها تخليها تفكر فى مليون حلم .. بس تحقق حلم واحد منهم بس
..
ازاى الواحد يختار حلمه من بين الف حلم يناسبوا قدراته؟!!!!!!!!!

لانه لازم يركز فى حلم واحد ,,, حلم ضايع وسط بحر من الاوهام والمستحيل .. ويمكن المجتمع كمان يكون ليه اعتراضات ..
بس فى الاخر ممكن اخر حاجه يتصورها تبقى حلمه

معلش الموضوع معقد حبتين ومالوش اجابه ..
لان البشر لو فعلا وصلت للسر ده ازاى يعرفوا الحلم من مليون حلم متشابه .. كان زمان كل الناس من ايام ادم لدلوقتى سعداء ومبسوطين .. صح ؟؟
يا صديقى اى حلم نفسك تحققه هو حلم مشروع على شرط الا يكون يعارض تعاليم ديننا أو يعارض حريات ومصالح الاخرين .
بعد كده احلم زى ما انت عايز .......تسمع عن طارق بتاع الكشرى ( أبو طارق ).ابتدى بعربية كشرى وحلم بالمحل ......اجتهد ووصل الى انه اصبح اشهر محل للكشرى فى البلد .......فى شخص تانى ابتدى بعربية كبده ....اختار مكان صح .....لم يكتفى .......حلم بانه يكون رجل اعمال ومستورد .....اجتهد .....كون قرش سعى لتنميته ........النهارده هو من أكبر مستوردين قطع الغيار فى مصر والسبب انه حلم ولم يكتفى بالحلم أو انه عجز نفسه وقال انا فين والحلم ده فين .
الامثله من حوالينا كتير ......صدقنى مش خيال ....ابدأ بتحديد الحلم ومتفكرش فى أقصر الطرق فكر فى اكثر الطرق نجاحاً ...... وعلى فكره الفشل مش شىء وحش لو الانسان اتعلم من اخطاءه ده يبقى أول طريق النجاح .

vamdracula2005
30-09-2007, 12:27 PM
ماشى انا معاكى .. بس انتى رابطه الفلوس بالاحلام .. يعنى ممكن ابو طارق بالرغم من اللى وصله ، كان حلمه غير كده ؟!!... مين عارف

ويا بنتى انا مش بقول انى مشتغلش او محلمش .. انا بتكلم فى نقطه انتى عديتيها بسهوله ( ابدا بتحديد حلمك) .. دا دى اصعب حاجه ..
وعلى العموم انا مبقولش الشغل عيب .. اى حاجه عادى ..
بس زى ما قلت وانتى عديتى النقطه بسهوله ازاااى احدد الحلم من كذا اختيار ؟!!!

Dona Nabil
30-09-2007, 04:30 PM
ماشى انا معاكى .. بس انتى رابطه الفلوس بالاحلام .. يعنى ممكن ابو طارق بالرغم من اللى وصله ، كان حلمه غير كده ؟!!... مين عارف

ويا بنتى انا مش بقول انى مشتغلش او محلمش .. انا بتكلم فى نقطه انتى عديتيها بسهوله ( ابدا بتحديد حلمك) .. دا دى اصعب حاجه ..
وعلى العموم انا مبقولش الشغل عيب .. اى حاجه عادى ..
بس زى ما قلت وانتى عديتى النقطه بسهوله ازاااى احدد الحلم من كذا اختيار ؟!!!
+ طبعاً من غير المقصود ربط الاحلام بالماده .......ولذلك هديك مثل بعيد عن الماده لكن هيوضحلك ان احياناً الانسان هو أول من يقضى على حلمه ..طالب الثانويه العامه لو علمى وجاب مجموع عالى جداً فطمع هو وأهله فى كلية طب وهو من الاساس غير هاوى بالمره للعلوم الطبيه أو ليس من احلامه ان يصير طبيب مثل مئات الاطباء اللذين يتخرجون سنوياً ولكن فى داخله فنان عبقرى ومبدع ومن الممكن انه لو اهتم بفنه ان يصير من ضمن فنانين معدودين على اصابع اليد فى أى مجال مثل الموسيقى الرسم أى فن والسلام ........الست ترى معى ان باختياره كلية طب قد بدأ بالتخلى عن حلمه فى ان يصبح فنان ذو شأن .........وبقول قد بدأ لانه بعد التخرج اللى هيتقال خساره الشهاده وتعب السنين لازم تفتح عياده .........وبكده بيكون بعد أكتر وأكتر عن حلمه وبتمر السنين وبيموت حلمه وبيكون هو السبب لانه هرب منه ومساندهوش ودافع عنه ضد تقاليد وعادات باليه .....وبعد ما كان من الممكن ان يصبح متميز فى مجال يحبه اصبح فرد عادى فى طابور طويل لم ولن يدرى به أحد .......الفايده من المثل ان تعمل ما تحبه لكى تنجح ........ودى البدايه ....تانى خطوه دافع عما تحبه واتمسك بيه .........رقم تلاته لا تبخل بالجهد واجعل من أفكارك استثمار متجدد للمجال الذى تحبه ..........يا رب تكون قدرت أوضح لك وبجد النقاش معاك ممتع يا أهلاوى :fun_lol:

monlove
30-09-2007, 04:40 PM
لماذا مكتوب علينا ان نرى احلامنا تسرق منا دون ان يكون لنا يد .
ربما نحن خائفون .
أو ربما نكون حائرون .
ولا من الجائز ان نكون غير قادرين ان ندافع عنها .......لو هذه هى الحقيقه نكون غير مستحقين لان نحلم من الاساس .........بل نستحق خسارتها وخسارة انفسنا معها .
يجب ان نؤمن اننا يحق لنا الحلم ...وواجب علينا حماية حلمنا .....حتى لو كان من يهدد حلمنا هم من احببناهم ونسونا ...أو من أحببناهم ولم يعرفونا .
ياااااا للغرابه هم من كون الحلم وهم من هدوه ...لككنا اقوى من ان نهدم أو نستسلم .
لقد بدأ الحلم مجرد حلم ولكننا بذلنا من أجله كثيراً من المشاعر ...وفيضاً من الافكار ..وصبغناه بلوننا .. احببناه ..عاش معنا ..تخيلناه تحقق..اعتبرناه واقع وتعاملنا معه .
أبعد كل هذا نتخلى عنه ...ننساه .. نطلق سراحه .. أبداً لن يكون ....
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه :t16: .

بشكرك علي كلامتك
بس فعلا احلمنا بتتسرق مننا
اتمني تتجسن الاوضضاع بس في الوضع دة للاسف
معتقدش

Dona Nabil
30-09-2007, 04:53 PM
بشكرك علي كلامتك
بس فعلا احلمنا بتتسرق مننا
اتمني تتجسن الاوضضاع بس في الوضع دة للاسف
معتقدش

بايدينا منخلهوش يتسرق يا monlove وحتى تحسين الاوضاع برضه فى ايدينا.... واليأس بداية طريق فشل طويل بدون نهايه ......الفشل بيجر وراه فشل اكبر منه ........لكن استغلال الفشل واعتباره تجربه نستفيد منها ده أول طريق النجاح .........ميرسى لمرورك وربنا يباركك .

vamdracula2005
30-09-2007, 05:08 PM
موضوع فعلا يليق باسم واحده اهلويه ... ربنا يعوضك .
وهعمل نفسى مقتنع :t33:

Dona Nabil
30-09-2007, 06:49 PM
موضوع فعلا يليق باسم واحده اهلويه ... ربنا يعوضك .
وهعمل نفسى مقتنع :t33:

ميرسى ....بجد كلك ذوق ......لكن أيه هعمل نفسى مقتنع دى؟؟؟ ......لو عايز تكمل مناقشه مفيش مانع .......بس أسأل اللى انت عايزه ووضح ومتشمتش فينا الاعادى :a82:

MarMar2004
30-09-2007, 08:09 PM
موضوع جميل يا دونا حبيبتي بس احنا ممكن نتمسك باحلامنا ولكن الدنيا متيناش فرصة اننا نتمسك بيه وده السبب اللي بيخلي احلامنا تبعد عنا ونتخلي عنها غصب عنا وربنا يبار حياتك
صليو من اجلي كثيرا

Dona Nabil
30-09-2007, 08:17 PM
موضوع جميل يا دونا حبيبتي بس احنا ممكن نتمسك باحلامنا ولكن الدنيا متيناش فرصة اننا نتمسك بيه وده السبب اللي بيخلي احلامنا تبعد عنا ونتخلي عنها غصب عنا وربنا يبار حياتك
صليو من اجلي كثيرا

عارفه يا مرمر فى مقوله بحبها أوووى ويمكن قلتها كتير قبل كده .....هى ان ربنا مدينا عقل كفايه لكن مع الاسف مش بنستخدمه كفايه .....بالتفكير والاراده الانسان ممكن يعمل المستحيل ....صحيح احياناً الدنيا بتعاند ومبتديناش كل اللى احنا عايزينه لكن لازم نتمسك بحلمنا ونختار الوقت اللى نقدر نحققه فيه ......ميرسى يا مرموره وصلوات القديسين تكون معاكى آمين .

losivertheprince
01-10-2007, 02:02 AM
سلام المسيح :
في مثل صيني جميل قوي بيقول : كان ممكن اننا نحقق نصف احلامنا لو مضيعناش نصف وقتنا في الاحلام
الحلم حق للبشر جميعآ وحق لكل فرد ان يحلم ولكن قنن حلمك بامكانياتك اي ان هناك افراد منا تحلم بالملايين والسيارات وهي لاتتحرك حتي لتكسب قوتها المطلوب لها والمطلوب منها ........... لماذا نحلم ؟؟ هل لانه هو الشئ الوحيد الذي لم تطبق عليه ضريبه او لم يأخذوا عليه مخالفات ........ ربما وربما لاننا نهرب من الواقع المر الي الخيال الواسع
نهرب من الضيق الي الفضاء الواسع
لماذا احقق حلمي في حياة انا اساسا لست براغب بها
لماذا اكمل طريقي وحياتي بدون من تخيلت لاجلة

الموضوع كبير قوي وفيه كلام كتير قوي

الخيال عامل زي الشطة حلوة لكن كترها وحش
ربنا يعوضك يادونا علي الموضوع الجميل
الخيال يالهامن كلمة خياليه بحق

Tabitha
01-10-2007, 02:23 AM
دونا ........ انتي بتجيبي منين الكلام الحلو ده :dntknw:


مواضيعك يا دونا بجد روعة ... ربنا يباركك ...

Dona Nabil
01-10-2007, 12:17 PM
سلام المسيح :
في مثل صيني جميل قوي بيقول : كان ممكن اننا نحقق نصف احلامنا لو مضيعناش نصف وقتنا في الاحلام
الحلم حق للبشر جميعآ وحق لكل فرد ان يحلم ولكن قنن حلمك بامكانياتك اي ان هناك افراد منا تحلم بالملايين والسيارات وهي لاتتحرك حتي لتكسب قوتها المطلوب لها والمطلوب منها ........... لماذا نحلم ؟؟ هل لانه هو الشئ الوحيد الذي لم تطبق عليه ضريبه او لم يأخذوا عليه مخالفات ........ ربما وربما لاننا نهرب من الواقع المر الي الخيال الواسع
نهرب من الضيق الي الفضاء الواسع
لماذا احقق حلمي في حياة انا اساسا لست براغب بها
لماذا اكمل طريقي وحياتي بدون من تخيلت لاجلة

الموضوع كبير قوي وفيه كلام كتير قوي

الخيال عامل زي الشطة حلوة لكن كترها وحش
ربنا يعوضك يادونا علي الموضوع الجميل
الخيال يالهامن كلمة خياليه بحق

طبعاً هو فى فرق ما بين الحلم والخيال ......الحلم ده شىء واقعى لكنه لم يدخل بعد لحيز التنفيذ أو لم اتخذ خطوه لتحقيقه ....ولكنه ممكن ومن حقى ....ويستحق المحاوله .......ولكن الخيال هو امر غير واقعى وقد يضر بصاحبه لانه احياناً يقنعنا انه حقيقه ولكنه كالموجه العاليه لا تدرى الى اين يأخذك وقد يسبب لصاحبه الغرق لانه يعميه عن واقعه الذى يعيشه ........والر غبه فى الحياه كما وضحت يا برينس والرضا عنها هى دافع لتحقيق الحلم حتى وان كنا نراه مستحيل ......ميرسى لمرورك وتعليقك الرائع .

Dona Nabil
01-10-2007, 03:01 PM
دونا ........ انتي بتجيبي منين الكلام الحلو ده :dntknw:


مواضيعك يا دونا بجد روعة ... ربنا يباركك ...

ده بس من ذوقك يا جميله وقلبك الابيض ........ميرسى يا حبيبتى على مجاملتك الرقيقه وربنا يحميكى .

ماريان مرمر
05-10-2007, 06:01 PM
موضع حلوة اوى ياريت نقدر
marmr_marmr_4ever

ماريان مرمر
05-10-2007, 06:12 PM
http://img339.imageshack.us/img339/4292/34718937ni4.jpg
موضع حلوة اوى

Dona Nabil
05-10-2007, 06:57 PM
موضع حلوة اوى ياريت نقدر
marmr_marmr_4ever

ميرسى يا مرمر على مرورك وان شالله تقدرى تتمسكى بحلمك وكمان تحققيه ...ربنا معاكى يا جميله .

nonaa
05-10-2007, 07:08 PM
كلمات تشجيع جامدة جدا يا دونا
فعلا لازم نتمسك بحلمنا
ميرسى على صوت ربنا اللى جاى للكل عن طريقك يا دونا
ميرسى يا رب على تشجيعك لينا

tina_tina
05-10-2007, 07:50 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه :t16:
اكيد عمرى ما هفرض فى حلمى ابدا
لان ده املى اللى عايشة بيه من غيرة ابقى ميته
وبدعى واتمنى من ربنا انه يتحقق
حتى لو طال العمر بس يتحقق
ميرسى على الموضوع

Dona Nabil
05-10-2007, 08:30 PM
كلمات تشجيع جامدة جدا يا دونا
فعلا لازم نتمسك بحلمنا
ميرسى على صوت ربنا اللى جاى للكل عن طريقك يا دونا
ميرسى يا رب على تشجيعك لينا

ياااااااااه يا حبيبتى انا مستا هلش ده كله .......دا انااااااااا غلباااااااااان هههههههههه .....ميرسى يا نونا يا قمر على كلامك الرقيق وربنا يبارك حياتك .

nonogirl89
05-10-2007, 08:34 PM
طيب لو كان حلمنا معناه اننا نختار بين ناس بنحبهم ويحبونا
ولو كان حلمنا اننا نختار كليات مش هتفرح اهلنا نعمل ايه:smil13:

Dona Nabil
06-10-2007, 05:04 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه :t16:
اكيد عمرى ما هفرض فى حلمى ابدا
لان ده املى اللى عايشة بيه من غيرة ابقى ميته
وبدعى واتمنى من ربنا انه يتحقق
حتى لو طال العمر بس يتحقق
ميرسى على الموضوع

يا رب يا تينا تحققى كل احلامك ......ميرسى على مرورك وعلى التعليق وربنا معاكى .

Dona Nabil
07-10-2007, 08:12 AM
طيب لو كان حلمنا معناه اننا نختار بين ناس بنحبهم ويحبونا
ولو كان حلمنا اننا نختار كليات مش هتفرح اهلنا نعمل ايه:smil13:
بالاختصار المفيد جدا لو حلمنا مشروع لا يجب التخلى عنه طالما انه لا يضر احد ومن يهمه مستقبلنا سيعترف باحقيتنا لاحلامنا وسيشجعنا على تحقيقها .....وبالنسبه لاختيار الكليه التى سندرس بها لا اعتقد انه سيسر الاهل ان نختار حسب رغبتهم ويجدوننا نفشل فيما اختاروه لانها ليست دراسه ملائمه لميولنا وقدراتنا .........ميرسى يا نونو يا قمر على مرورك الجميل وربنا معاكى يا جميله .

*malk
10-10-2007, 12:29 AM
اكيد يا دونا كل واحد المفروض يتمسك باحلامة

انا عن نفسى عندى حلمين بعمل كل حاجة عشان اقدر احافظ عليهم واحققهم

لان لو ضاع فيهم واحد هتحصلى حااجة:smil13:

ههههههههههه

بجد الموضوع جميل

ميرسى يا دونا

mero_engel
10-10-2007, 01:24 AM
قبل كل شي بجد يا دونا عايزه اشكرك علي موضوعك الرائع اللي كل مره بتعملي موضوع احلي من اللي قبله
بصي بقي انا عايزه اقولك حاجه كلنا بنحلم وكتتيرررررر مننا بيسعي لتحقيقي احلامه مره واثنين وثلاثه ولما بيلاقي نفسه معرفش يحققه بيصيبه الياس وبيحس انه دي علامه من ربنا بتقوله انه يصرف نظر عن الموضوه دا عشان كده بقول حلو انه الواحد يحلم وحلو انه يتمسك باحلامه
بس يا تري لحد فين هبفضل متمسك بالحلم دا

Dona Nabil
10-10-2007, 06:12 PM
اكيد يا دونا كل واحد المفروض يتمسك باحلامة

انا عن نفسى عندى حلمين بعمل كل حاجة عشان اقدر احافظ عليهم واحققهم

لان لو ضاع فيهم واحد هتحصلى حااجة:smil13:

ههههههههههه

بجد الموضوع جميل

ميرسى يا دونا

ربنا يحقق كل احلامك يا كيكى اللى طبعا انا عارفاهم هههههههه
وبعد الشر يا حبيبتى عليكى ......ميرسى يا قمرى وربنا يباركك .

Dona Nabil
10-10-2007, 10:15 PM
قبل كل شي بجد يا دونا عايزه اشكرك علي موضوعك الرائع اللي كل مره بتعملي موضوع احلي من اللي قبله
بصي بقي انا عايزه اقولك حاجه كلنا بنحلم وكتتيرررررر مننا بيسعي لتحقيقي احلامه مره واثنين وثلاثه ولما بيلاقي نفسه معرفش يحققه بيصيبه الياس وبيحس انه دي علامه من ربنا بتقوله انه يصرف نظر عن الموضوه دا عشان كده بقول حلو انه الواحد يحلم وحلو انه يتمسك باحلامه
بس يا تري لحد فين هبفضل متمسك بالحلم دا
ميرسى يا ميرو على ذوقك ومجاملتك اللى بجد مستحقهاش .......لحد فين هيفضل متمسك بالحلم ....لحد ما ينجح ....ما احنا قلنا ان الفشل مش نهايه لا الفشل بدايه للوصول ....ما احنا لازم نتعلم من فشلنا ازاى ننجح ......ومره بعد مره هننجح ونحقق كل اللى بنتمناه ......ميرسى يا ميرو على مرورك وربنا يباركك .

nagi-faraaoon
10-10-2007, 10:54 PM
المزمور رقم 11
1 على الرب توكلت كيف تقولون لنفسي اهربوا الى جبالكم كعصفور* 2 لانه هوذا الاشرار يمدون القوس فوقوا السهم في الوتر ليرموا في الدجى مستقيمي القلوب* 3 اذا انقلبت الاعمدة فالصديق ماذا يفعل* 4 الرب في هيكل قدسه الرب في السماء كرسيه عيناه تنظران اجفانه تمتحن بني ادم* 5 الرب يمتحن الصديق اما الشرير و محب الظلم فتبغضه نفسه* 6 يمطر على الاشرار فخاخا نارا و كبريتا و ريح السموم نصيب كاسهم* 7 لان الرب عادل و يحب العدل المستقيم يبصر وجهه*

nagi-faraaoon
10-10-2007, 11:05 PM
اناحلمى كبير كبير +حلم حلموة ابلى كتير +ابقى زى القديسين امير+وابويا الملك واقف وبيحمينى + نازف مندق المصامير + والحربة فى جنبة بتهدينى كل مابعد واميل + عن طريق الحب الكبير +نفسى احقق حلمى + لو دقو فى عينى المصامير +واكون زى قديسية امير +++حلم كبير لاكن حقققوة كتير +++ صلو من اجل ضعفى وقلة حيلتى

Dona Nabil
11-10-2007, 12:54 AM
المزمور رقم 11
1 على الرب توكلت كيف تقولون لنفسي اهربوا الى جبالكم كعصفور* 2 لانه هوذا الاشرار يمدون القوس فوقوا السهم في الوتر ليرموا في الدجى مستقيمي القلوب* 3 اذا انقلبت الاعمدة فالصديق ماذا يفعل* 4 الرب في هيكل قدسه الرب في السماء كرسيه عيناه تنظران اجفانه تمتحن بني ادم* 5 الرب يمتحن الصديق اما الشرير و محب الظلم فتبغضه نفسه* 6 يمطر على الاشرار فخاخا نارا و كبريتا و ريح السموم نصيب كاسهم* 7 لان الرب عادل و يحب العدل المستقيم يبصر وجهه*

ميرسى يا ناجى وا خدنا بركه .

Dona Nabil
19-10-2007, 11:22 PM
اناحلمى كبير كبير +حلم حلموة ابلى كتير +ابقى زى القديسين امير+وابويا الملك واقف وبيحمينى + نازف مندق المصامير + والحربة فى جنبة بتهدينى كل مابعد واميل + عن طريق الحب الكبير +نفسى احقق حلمى + لو دقو فى عينى المصامير +واكون زى قديسية امير +++حلم كبير لاكن حقققوة كتير +++ صلو من اجل ضعفى وقلة حيلتى

ميرسى لمرورك يا ناجى وربنا يحققلك كل اللى بتتمناه .......وصلوات القديسين تكون معك .

kajo
02-12-2007, 04:34 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه


جمييييييييييييييييييييييييييييل اوى اوى بس انا هشيل اخر كلمه واقوله احقيتكم وجديتكم فى الحب وللحب

فراشة مسيحية
02-12-2007, 10:50 PM
موضوع جميل يا دنا و مشجع و حلو خالص

ميرسى حبيبتى ربنا يخليكى

الرب يباركك

Dona Nabil
05-12-2007, 06:42 PM
تمسكوا بحلمكم ...ابذلوا من أجله الكثير والكثير ..لا تتخلوا عنه ...لانه عندما يتحقق ...ستكونوا قد اثبتم احقيتكم للحياه


جمييييييييييييييييييييييييييييل اوى اوى بس انا هشيل اخر كلمه واقوله احقيتكم وجديتكم فى الحب وللحب

ميرسى يا كاجو بس اياااااك تشيل حاجه من موضوعى:ranting: ههههههههههه ......... ربنا يباركك .

Dona Nabil
06-12-2007, 12:44 PM
موضوع جميل يا دونا و مشجع و حلو خالص

ميرسى حبيبتى ربنا يخليكى

الرب يباركك
ميررررررسى يا فراشتنا لتشجيعك وكلامك اللى زى السكررررر :66:...نورتى الموضوع .......ميرسى يا حبيبتى وربنا يباركك .