المساعد الشخصي الرقمي

مشاهدة النسخة كاملة : شعر حلو أوى ......... بس


beromessiah
24-05-2006, 08:13 PM
يا ســــــلام سـلِّـم عـا السـلا مــــات طــول الـسـنـه نـعـمـل حـفــــلات
وأمَّّا نقـــابـل بـعــض بـنــجري نـاخـد بــعـــضــنا بـالـقـبـــلات
دى حقيـقه وللا مجاملات؟ جد ده وللا كلام شعــارات
طب ليه يوم والتاني بنلقي كُشح جديده وعديسات!!

في المدرسه وف حصة ديــني
الأستــــــــاذ بيــطــلّع عيــــني
نــخرج أنا وزمــايلي يا عـيني في الشـهر يـجي أربــع مرّات

الأســتاذ يشـخـــط فـي ودانـــنا
ويـقـول برَّه دي حِصِّة ديــــننا
ومـفـيـــش حِصِّة ديـن علشاننا حتى فـ مدرستي إضطهادات

وقت طابور الصبح ضـروري
لازم أزعــــق وأنـبـــح زوري
ومَحدِّش بــيـهــمُّه شـــــعوري مظــلوم حتــى في الهتــــافات

والمنهج ده كمان مش عـــادي
شالوا تاريخ أهلي وأجـــــدادي
حاسس إني غريب في بــلادي والـعـربـي بـقـى كُـلُّـه آيــــات

والـخـط الـهـمـايـونـي أذانــــي
ده قانـون مـِ العـصـر العُثماني
لو هاأبني كنيـــــسه يحاربوني والإمضـــا بـتــاخــد سنـــوات

يا حقوقنا يا ضايعه يا مهـدوره
الدقن آهي بانِت في الصــــوره
مجلس شعب ومجلــس شورى بقى مـتـعـشّـَق بـالـجــــَماعات

يالله يا قـــبطي التـيــار جـــامِد
ولإمتي هـتـفـضـل كـده قــاعِد!
خلِّيــك في الأحــداث مُتـــواجِد وإتـرشـــــــح للإنـتـخـــــابـات

إبـعــت إنـت يـا رب حُــــــلول
ده مـــــلف الأقـبـــاط مـقـفــول
والقبـــطي الغـلـبـان مـقـتــــول ويــخاف لـو كـان عـنـدُه بنات

لو عِشـــنا بــــكلام إنـجـيـــــلنا
وإنهـــــزامـيـــتــــنا وتأجيــلنا-
- سـيـــبناهُم. حقِّنا هيــجيـــلنا- وهَنـــرتــاح طـول الأوقــــات
كلمات الشمَّاس رمزي بشاره
لإرسال التعليقات وإبداء الأراء
ramzybeshara******.com

My Rock
24-05-2006, 08:17 PM
كلمات تحمل بين طياتها الكثير من المعنى و الاهات...
شعر جميل لحالة مؤسفة... ربنا يرد المسلوب اضعاف يا مسيحيي الشرق

الرائحة الذكية
24-05-2006, 08:26 PM
:lightbulb: :lightbulb: :lightbulb: كلمات حلوة يا بيرو :lightbulb: :lightbulb: :lightbulb:

:99: :99: :99:

pola
24-05-2006, 08:36 PM
شعر جميل جدااااااااااا يا بيرو

معلش ربنا يسطر و يقوينا

beromessiah
25-05-2006, 02:15 AM
شكرا ليك يا روك و ربنا يرد المسلوب اضعاف يا مسيحيي الشرق بجد و صليلنا كتير ,

و شكرا ليكى يا الرائحة الذكية (http://www.arabchurch.com/forums/member.php?u=1273)

وشكرا يا بولا

و طبعا أنا نقله و اسم الشماس اللى مؤلفة تحت الشعر .......... بس شكرا

><)))))*>
08-06-2006, 07:02 PM
شعر جميل يا بيروو شكرااااااا

beromessiah
08-06-2006, 07:36 PM
ألعفوو يا شيرو .... وشكرا على مرورك

tony1982
09-06-2006, 02:57 PM
ان عقدة الاضطهاد لهى من اخطر الامراض النفسية
والاستسلام لهذا الشعور هو نوع من الانتحار النفسى
فى كل مجتمع يوجد مشكلات ولكن اخذها بمحمل الحساسية المتبع والعقدة الاضطهادية هو خطأ كبير
هو يقول:

نــخرج أنا وزمــايلي يا عـيني في الشـهر يـجي أربــع مرّات
الأســتاذ يشـخـــط فـي ودانـــنا
ويـقـول برَّه دي حِصِّة ديــــننا
ومـفـيـــش حِصِّة ديـن علشاننا حتى فـ مدرستي إضطهادات


مش عارفمن اين اتى بتلكم المعلومة منين فنحن تربينا فى المدارس الحكومية المصرية وكما كان هناك حصة دين اسلامى كان يوجد حصة للمسيحى بالطبعوبالمناسبة انا لسة خريج جديد يعنى ملحقوش يغيروها!!!!!!
اما قولة ان المدرس بيشخت فيكى ويقولك اطلعى برة فهذا قول فية اجتراء على الحق لانة لايجرؤ على فعل هذا وان اراد حتى بنفس مريضة اى ان لو نفسة سولت لة ذلك فلن يستطيعولو فعل لاتجة الى مهنة اخرى غير التدريس
وقال ايضا:
يا حقوقنا يا ضايعه يا مهـدوره
الدقن آهي بانِت في الصــــوره
مجلس شعب ومجلــس شورى بقى مـتـعـشّـَق بـالـجــــَماعات
يالله يا قـــبطي التـيــار جـــامِد
ولإمتي هـتـفـضـل كـده قــاعِد!

انا مش فاهم وبغض النظر عن السخرية الواضحة منة وهو يصرخ مطالبة بعدم الاضطهاد فهو يسخر من احدى السنن عند المسلمين ماعلينا
هو يعيب على شعب مصر اختيارة ل88 عضو اخوانى !!!!
ماذابسمى مايفعل هل هو ديمقراطية ام ديكتاتورية راى
اما دعوتة للقبطى (وبالمناسبة قبطى ليست ديانة لان قبطى تعنى مصرى وساتيك بالبحث الذى يثبت ذلك فى القريب ان شاء ربى)فانا لم افهم الدعوة ارجو التوضيح
فانا بالطبع غير متصور انةينادى بحرب اهلية تدور رحاها فى خير بلاد الدنيا (من وجهة نظرى)مصر
ومقولتة :
شالوا تاريخ أهلي وأجـــــدادي

هو لم يحدد اية فترة التى ازيلت من كتب التاريخ اذا كان يقصد فترات التعذيب والاضطهاد عل يد الرومان فانى متفق معك فى المطالبة بعودتها حتى يفهم التلميذ لماذا رحب المصريون بالفتح الاسلامى لمصر
وفى النهاية وبصفتى من محبى الادب والشعر ومن كتابة البسطاء ايسضا فانى ارى ذلك الزجل كنص ادبى بداية جيدة ان كان يرغب صاحبة فى استمرار كتابة الزجل

وللحديث بقية ان كان فى العمر بقية

على اسم مصر التاريخ يقول ماشاء
انا مصر عندى احب واجمل الاشياء