- إنضم
- 27 مايو 2006
- المشاركات
- 1,821
- مستوى التفاعل
- 9
- النقاط
- 0
فرح عجيب غريب
في مكان ما على وجه الأرض وبالتحديد في "التبت" بتبقى مستنية الفرج... والفرج ده يا سادة هو العريس اللي لازم يستحمل ضرب أهل العروسة اللي قاعدين مسلحين تحت الشجرة... يفضل يتضرب لغاية ما يقدر يوصل للعروسة فوق الشجرة ويمسك إيديها ويشيلها ويجري بيها بعيد عن ضرب الأهل... وهنا بس يعلن زواجهم رسمياً...
شكة دبوس:
لو واحد من شباب اليومين دول اتصل بيه والد حبيبته وقال له لو مابعدتش عن بنتي هابعت لك ناس يضربوك.. تفتكروا هيحصل إيه؟؟!!
حاجة من تلاتة:
1. يا إما هيسيب البنت.
2. يا إما هيسيب البلد.
3. يا إما هيتجوز واحدة تانية خااااالص.
ولاّ إيه رأيكم؟!!
أما بقى في جزيرة "جرين لاند" فالعريس المحترم بيروح بمنتهى الاحترام لغاية بيت العروسة، وبعد ما أهلها يوافقوا عليه يروح بمنتهى الاحترام برضه واخد المدام من شعرها ويوقعها على الأرض ويجرها من مكان بيت أهلها لغاية بيت الزوجية اللي الله أعلم مسافته تبعد قد إيه؟ ولاّ إذا كان على جبل ولاّ في غابة..؟!! هي وحظها بقى..
شكة دبوس:
لو بنت من بنات اليومين دول ماعملتش زفة من مكان الفرح لغاية بيتها بأحدث العربيات... تفتكروا هيحصل إيه؟!!
حاجة من تلاتة:
1. هتنكد على العريس بقية شهر العسل.
2. هتمسكها للعريس ذلة كل ما يتخانق معاها تفكره بالزفة إياها.
3. هتتطلق من أولها وتحمد ربنا إنها لسه ع البر.
ولاّ إيه رأيكم؟!!