ما رأيك فى الصداقة بين الجنسين؟

++menooo++ · 17 سبتمبر 2006

شوفت فى موقع اسقفيه الشباب سؤال بياخدوا فيه رأي الزوار قولت انقلهولكم هنا
و انا عامل استفتاء عايزيين نشوف رأى الأغلبيه

ما رأيك فى الصداقة بين الجنسين؟
زيها زى الصداقة بين الجنس الواحد
لاتصلح لأنها تنقلب الى ارتباط عاطفى
غير مقبولة اجتماعيا
ًُُُتساعد على ان يتعرف كل جنس على طباع الجنس اللآخر
تجعل الفرد سوى نفسيا

++menooo++ · 17 سبتمبر 2006

حتى الان انا الوحيد اللى شاركت فى الاستبيان ياريت الهتمام يا شباب ده موضوع مهم

Coptic Man · 17 سبتمبر 2006

انا من رايئ انها بتخلي الانسان سوي

ومش ينظر للاخر علي انه شئ غريب او علي الاصح مش يحب كل اللي يشوفه

يعني مطلوب علشان الولد او البنت يتعرف علي الجنس الاخر با اسلوب ظريف وسلسل وهادئ

لايضغط علي اعصاب احد

وافضل طريقة لكدا هي الصداقة

لذلك انا بعتبرها مفيدة جداا

قلم حر · 17 سبتمبر 2006

موضوع مهم ( خاصه في مجتمعاتنا ) و لقد رشحت أحد ألخيارات و ان كنت أرى ان جميع ألخيارات فيها شيء من ألواقعيه و ألمنطق !
فألصداقه شيء أقرب الى ألمثاليه --- نفتقده للأسف -- بدرجه معينه طبعا 0

artamisss · 17 سبتمبر 2006

بص يا مينو هى فعلا زى ماقال سمردلى ان خيارتك كلها مطلوبه يعنى اولا بتعمل توازن نفسى للانسان انه يتعرف على عالم الجنس الاخر بالذات للناس اللى مالهمش اخوات غير جنسهم
بالاضافه الى انها فعلا زى صداقه الجنس الواحد وافضل كمان بسسسسسسسسسس لما يكون كل طرف فاهم حقوقه وواجباته صح تجاه الشخص الاخر

انا مش شايفه اى مشكله اذا تطورت الصداقه لمشاعر حب بس لو كانت متبادله بين الطرفين لكن لو طرف واحد يبقى اكيد هايخسر الصديق والحب وكل شيئ

كونها حاجه كويسه لكنها غير مقبوله اجتماعيا هايكون فى ضحايا كتير لعدم فهم شكلا لعلاقه الصحيحه

ب انا احب اقول تعليق صغير لازم توضيجه هو ان علاقه الصداقه بين الجنسسسسسسسسسسين لالالالالالالالالالالالالالالالالالالالالالالالالالالالالالالالالالالالالالالالالالالالالالالالازم تكون م عروفه عند الاهل والمجتمع وتكون تصرفتنا قدام الناس تصرفات اصداقاء

ميرنا · 17 سبتمبر 2006

صداقه بحسها صعبه شويه بين شاب وبنت
لانى الصداقه اتنين قربين جدا لبعض ومفيش حدودو بينهم ممكن احتاجلها فى اى وقت اشوفها فى اى وقت معظم وقتنا مع بعض لما بخرج معاها لما بفرح معاها بحزن بردو معاها

هفترض انى ليا صديق شاب وده مستحيل للاسباب اللى قلتها
لو انا جه عليا وقت وارتبطت بشخص هيوافق بكده

مفتكرش كل ده ينفع يتعمل مع شاب
ممكن اصحاب
الاصحاب حاجه كده خفيفه علاقتنا سطحيه كلامنا مش كتير مع بعض وفى حدود وكل واحد عارف اخره

لكن صداقه بين شاب وبنت افتكر انها صعبه
انا اخترت لا تصلح اجتماعيا

artamisss · 17 سبتمبر 2006

وهو يزعل ليه لو اتقدملك واحد ايه المشكله انتو علاقتكو صداقه كانك بتتعاملى مع اخوكى بتحكيلو ويحكيلك وانتو الاتنين بالنسبه لبعض كل واحد شايف فى الطرف التانى وجه نظر بنى جنسه يعنى هو يشوف فى افكاراك وجه نظر البنات وانتى تشوفى فى افكارة وجه نظر الولاد حتى كمان علشان لو فعلا حد اتقدملك تكونى عارفه تقيييميه لان مش كل البنات ليها اخوات ولاد بل بالعكس صديقك الشاب لو هو فعلا محتؤرررررررررررم ودى من اساسيات الصداقه مع اى حد بنت او ولد هايكون اول مين يسعى علشان يسال عليه يشوف ايه نظامه وينفعك ولا لاءءءء

انا شايفه انها راحه نفسيه اولا واخيرا

ميرنا · 17 سبتمبر 2006

لا يا دودو

احنا فى مجتمع شرقى صديقك دا اللى بتحكيله امال خطيبك او جوزك ايه لزمته
اه وجه نظر اعرفها من اصحاب مش اصدقاء

لكن غير كده مينفعش

artamisss · 17 سبتمبر 2006

هو انتى هاتفضلى طول عمرك مخطوبه وبعدين مهما كانت درجه الصراحه بين الخطيبين مش هاتوصل للصراحه التامه لانه فى اى وقت ممكن تسيبه ده اولا ثانيا حكايه جوووزك لما تبقى تجوزى وبعدين علاقه الصداقه غير علاقه الزواج غير اى حاجه

طب مانتى ممكن تستغنى عن صاحبتك وتقولى ماهى ماما صديقتى اختى صديقتى صح بس لاء الصداقه ليها طعم كده حلو فى المشاعر

ميرنا · 17 سبتمبر 2006

مش مقتنعه انى يبقالى صديق شاب اصلا يا دودو يما انا اخرى نت بعد كده اللى بيمد ايده بسيبه وامشى

اما عن نقطه الخطوبه لو موصلتش للصراحه التامه يبقى اى لازمه الخطوبه اصلا مدام كلو واحد هيحط قناع يتجوزو على طول

ماشى ممكن يسيبها فى وقت بس على الاقل تكون صريحه وهوه هيحترم صرحتها ولو محترمهاش كانت امينه معاه للاخر
مش من حقه يسائل وانتى تردى وحقك انتى كمان

لكن مكنتش صريحه معاها وبعدين يفاجاء انى كننت مخبيه عليه حجات افتكر انها صعبه

artamisss · 17 سبتمبر 2006

مهممممممممممممممممممممممممممممممممممممما كانت علافتك بخطيبك مش هاتحكيله كل اسرارك اكيد هاتحتفظى بجزء لنفسك وهو كمان الحال لكن صديقك هايبقى مستشارك زى مابيقولوا على الاقل مشه ايبقى غيران منك زى صاحبتك

ميرنا · 17 سبتمبر 2006

مش عارفه ممكن احتفظ بجزىء ولا لاء بس هوه وزكائه يعرف يخلنى اتكلم يا معرفش

غيران ايه انا اللى قربين منى مش ممكن يغيرو لانهم بجد بنات بميت راجل

++menooo++ · 17 سبتمبر 2006

و هو حد قال انك ممكن يكونلك صديق ولد و مقابل الصديق الولد ده مش هيكونلك صديقات بنات خالص
انتى ممكن تكونى صديقه ليه و تتكلمى معاه فى مواضيع و تكلمى صحبتك فى مواضيع تانيه و لما تتخطبى انتى بتتكلمى كأنك بتعملى حاجه غلط ان ليكى صديق ولد
اذا كان اهلك عافريين كده و انتوا اصدقاء من زمان يبقى مفيش مشاكل هتستمر صداقتكم عادى جدا بس ممكن بعد الجواز تضعف الى حد ما لان ممكن وقتها يبقى جوزك هو صديقك و كمان هيبقى عندك مسؤوليات اهم
فممكن تبقى تليفونات يتطمن عليكى و كمان هو ممكن يكون اتجوز حد وقتها و تبقى صداقه اسريه و تبقى حاجه جميله

و على فكره انا اخترت نفس اختيار مينا هوت بعد ما عملت الموضوع لان حصلت معايا انا و مجموعه اصحابى مشكله و احنا مش عارفيين نحلها هى مش مشكله اوى بس فى المستقبل هتعتبر مشكله و هتزيد و تزيد لو متوصلناش لحل
هقولكم القصه بعد ما الكل يشارك

ميريت · 19 سبتمبر 2006

انا من رائي انه بتخلي العلاقه سويه بين الطرفين
لانها بتعرف كل نوع عن النوع التاني
يعنيمن معاملتي للولاد مثلا هشوف فيهم حجات واشوف بتتعالج ازاي

ومن معاملتي معاهم بكتشف طباع معينه
ومن معامله بنت لولد قدامي ممكن اكتسب منها خبرات من غير ما امر بيها
يعني بتخلي الواحد رزين اكتر
لانه بيتعامل مع فئات كتير من البشر
بيشوف منها الكويس والوحش

++menooo++ · 20 سبتمبر 2006

كلامك صحيح يا ميريت
ها حد هيشارك تانى يا جدعان ولا نقفله و اقولكم على قصه مسليه تنفع قبل النوووووووم

free_adam · 8 أكتوبر 2006

أحييك يا مينو علي الموضوع دة ...لأنه مهم فعلا و اراء الناس دايما بتختلف عليه
انا شايف ان الصداقة بين الجنسين بتخلي الفرد سوي نفسيا دة لو كانت طبعا قايمة علي اسس سليمة و محبة و احترام متبادل
لكن نظرا لطبيعة المجتمع اللي احنا عايشين فيه... فالموضوع دة يكاد يكون مستحيل بس عادة لو حصل فعلا بين ولد و بنت بيكونوا واخدين موضوع الصداقة دة كقناع للتعبير عن رغبة كلا منهم في اشاء علاقة مع الطرف الأخر لأن كل واحد فيهم بيكون جواه رغبة في التعرف علي الجنس الأخر ( حتي لو هوة مش حاسس بكدة ) و بالتالي بيكون عايز يعمل صداقة مع الطرف التاني لأنها في الحالة دي بتعتبر الحاجة الوحيدة اللي بتساعدة علي تحقيق رغبتة ( النفسية ) من الطرف الأخر

لو حد فهم حاجة من كلامي ييقولي لأني مش فاهم حاجة:yahoo:

KERO KINGOOO · 8 أكتوبر 2006

انا عندى الحل وصدقونى متجرب كويس
الصداقة بين البنت والولد كويسة وبتنفع بس فى حالة واحدة بس لما يكون الولد لية واحدة بيحبها وبتحبة والبنت كمان فى اللحظة دى فعلا هيبقوا اصدقاء

ميرنا · 11 أكتوبر 2006

free_adam جاب اللى عاوز اقوله

free_adam · 11 أكتوبر 2006

ميرنا قال:
free_adam جاب اللى عاوز اقوله

أي خدمة يا ميرنا ....أخيرا اتفقنا في حاجة:yahoo:

artamisss · 8 نوفمبر 2006

انا حبيت ابرز الموضوع ده تانى علشان الناتس تقراه تانى

ما رأيك فى الصداقة بين الجنسين؟

ما رأيك فى الصداقة بين الجنسين؟

زيها زى الصداقة بين الجنس الواحد

لاتصلح لأنها تنقلب الى ارتباط عاطفى

غير مقبولة اجتماعياًُُُ

تساعد على ان يتعرف كل جنس على طباع الجنس اللآخر

تجعل الفرد سوى نفسيا

حياتى لأسمك يا من فديتنى

حياتى لأسمك يا من فديتنى

ابن المـــــ†ـــــلك

المفدي بالنعمه

مشرف ديموقراطى جدااا

مشرف سابق

مشرف ديموقراطى جدااا

مشرف سابق

مشرف ديموقراطى جدااا

مشرف سابق

مشرف ديموقراطى جدااا

مشرف سابق

حياتى لأسمك يا من فديتنى

عضوة مباركة

حياتى لأسمك يا من فديتنى

Honest Man

لا يوجد فى الجحيم من يشكر

مشرف سابق

Honest Man

مشرف ديموقراطى جدااا