قرارات الرئيس مبارك فى مصر !!

قرارات الرئيس مبارك فى مصر !!

قرار جمهورى بتفويض المحافظين فى الترخيص باقامة كنائس
أصدر الرئيس حسنى مبارك اليوم قرارا جمهوريا بتفويض المحافظين فى الترخيص باقامة الكنائس او اجراء التعديلات والتوسعات عليها وفيما يلى نص البيان..

قرار رئيس جمهورية مصر العربية رقم 291 لسنة 2005

رئيس الجمهورية بعدالاطلاع على الدستور وعلى القانون رقم 106 لسنة 1976 فى شان توجيه وتنظيم اعمال البناء وعلى قانون نظام الادارى المحلية الصادر بالقانون رقم 43 لسنة 1979 وعلى قانون حماية الاثار الصادر بالقانون رقم 117 لسنة 1983 وعلى قرار رئيس الجمهورية رقم 13 لسنة 1998 بتفويض المحافظين فى بعض الاختصاصات وعلى قرار رئيس الجمهورية رقم 453 لسنة 1999 بشان اجراءات تدعيم وترميم دور العبادة قرر :

المادة الاولى يفوض المحافظون كل فى دائرة اختصاصه فى الترخيص للطوائف الدينية المسيحية بهدم كنيسة وباقامة كنيسة محلها فى ذات موقعها وباقامة بناء او اجراء تعديلات او توسعات فىى كنيسة قائمة ويجب البت فى طلب الترخيص بعد اخذ رأى الجهات المعنية - خلال ثلاثين يوما من تاريخ تقديمه مشفوعا بالاوراق اللازمة ولايجوز رفض الطلب الا بقرار مسبب .

المادةالثانية يكون الترميم او تدعيم منشات كنيسة قائمة بموجب اخطار كتابى من مسئول الكنيسة الى الجهة الادارية المختصة بشئون التنظيم فى كل محافظة .

المادة الثالثة يلغى قرار رئيس الجمهورية رقم 453 لسنة 1999 المشار اليه

المادة الرابعة ينششر هذا القرار فى الجريدة الرسمية ويعمل به من تاريخ نشره

انا فعلا قرايت القرار دة فى الاخبار
والحمد الله

بس الخوف من كلمة هدم

شكرا كيرلس

نشاطك حلو كبداية

ويارب يحمى شعبة

امين

شكرا استاذ مجدى ..
ويارب يحمى كل مسحيون مصر والعالم
+++اذكرنى فى صلاتك+++

تركها الرئيس للعبيد ياخوفي ليطلع سيدي انيل من ستي

بالرغم من كل التساؤلات الا انها تبقى مسألة ايجابية نوعا ما

بس ده شبه القرار رقم 13 لعام 1998

لكن للأسف امن الدولة وضعت لائجة تنفيذية حددت فيها جهة الأختصاص طبقا للقانون رقم 106 لسنه 1976 الخاص باحكام التنظيم و البناء هو وزير الأسكان بصفته المشرف العام على تطبيق القانون لتنطلق يد الأمن لترفض ايه اعمال ترميم او تدعيم لدواعى امنيه ! ههههههههههههههههههه



التلاعب بالقانون فن من فنون الدولة !

شكرا ليكم يا جماعة لكن
خلينا ورا الكذاب لحد باب الدار

mena_hot قال:

القانون ده بيضحكوا بيه علينا علشان مش نطالب بقانون البناء الموحد

ده مجرد حقنة تسكين علي راي ايزاك في الموضوع ده

هل من المعقول اننا ها نهدم كنيسة ونبينيها تاني ده اسمه استعباط

أنقر للتوسيع...

فعلا يا مينا دي الحقيقه لانه كان من المفروض صدور قرار موحد لبناء دور العباده

في الدوره البرلمانيه السابقه وفضلو يتلككو لغايه مخلصت الدور وقالو القانون

هيتناقش في البرلمان في الدوره الجديده يبقي ايه لازمه القرار العقيم ده

وبعدي لو تفتكرو ان السلطات دي بالفعل كانت في ايد المحافظ بعد حادثه الكشح

وكان القرار ده للتسكين برضو عشان مشكله الكشح وكان في قرار سري في

نفس الوقت بتفريغ القرار الاوال

هما عايزين يخدرونا لامتي لازم يعرفو ان الاقباط جسمهم خد مناعه من المسكنات

ايزاك

يعنى دة رائيك يا ايزاك

بحب اسمعها بس مش بهتم شويه بكل حاجه

لا لازم تهتم باى خبر يهم المسيحية

بقرار رئيس الجمهوريه رقم 291 لسنه 2005 اعلنت مصر بكل وقاحه الحقيقه الكامله فى التفرقه الدينيه فى مصر .. ففى هذا القرار تفرقه كامله بين المساجد والكنائس كما انه لم يتطرق للموضوع الاصلى الا وهو موضوع بناء الكنائس الجديده وهو شاغلنا الشاغل ... فى طيات هذا القرار كل ما يعانيه الاقباط من مراره الاضطهاد والتفرقه ...فمن المعروف ان المحافظين اكثر الناس تفرقه بين المسلمين والمسيحيين .. وان كل محافظ يخشى اعضاء مجلس الشعب عن محافظته وما اكثر النواب الاخوان المسلمين الان ....

ان هذا القرار يعنى بمنتهى الوضوح ان من حق المسيحين هدم كنائسهم القائمه الان ولكن عند البناء مره اخرى يعاد النظر .

فمحافظ القليوبيه صرح ان من حق المسيحيين اعاده بناء كنائسهم الا فى حاله خارج خط التنظيم او على حرم الطريق وخلافه !!!! علما بان القرار يقول ان الكنيسه سيعاد بنائها فى نفس المكان القديم !!! اذا هناك كنائس ستهدم ولا يعاد بنائها مره اخرى لاسباب تخطيطيه تنظيميه سيبتكرونها وياترى هل ستزال المساجد التى بنيت على الارض الزراعيه وعلى النيل

كنت اتخيل ان القرار سيصدر بمعامله دور العباده على قدم المساواه.. ولكن من الواضح ان حسنى مبارك يفترض فينا الغباء الشديد ..ان قرار حسنى مبارك سيترجم لجميع اللغات وسيرسل لجميع الجهات كوثيقه ادانه لهذا النظام العنصرى ... فلدينا الان وثيقه منهم على التفرقه والاضطهاد الدينى ومطالبنا يا مبارك بسيطه جدا

1- معامله دور العباده على قدم المساواه من حيث تراخيص البناء والترميم والهدم والتعديل ومايسرى على المساجد يسرى على الكنائس

2- اعلان الغاء الخط الهمايونى البغيض

3- لاسلطه للامن ولا تدخل منه فى موضوع بناء الكنائس

4- ان من حق كل قريه يتجاوز عدد العائلات المسيحيه خمسون عائله ان تبنى كنيسه لهم

5- ان تصريح بناء الكنائس تستخرج من المحليات كأى بناء اخر سيقوم فى مصر ولاسلطه للمحافظ او للامن او حتى لرئيس الجمهوريه فى هذا الموضوع

6- تشكيل محكمه خاصه او لجنه خاصه تنظر فى المنازاعات التى ستنشأ عند رفض تصاريح البناء وتكون لها الفصل فى الموضوع وتعين من قاضى بالنقض و عضويه مهندسين معماريين و يكون نصفها من الاقباط



هذا ان ارادت الحكومه انصاف شعبها المسيحى ولكن غير ذلك فهو ضحك على الدقون

شكرا على الكلام المهم دية نبيل

يريت عدل التوقيع تخلية لا الله الا الله يسوع هو الله

حاضر نبيل طلباتك اؤامر

kero Kingooo قال:

يعنى دة رائيك يا ايزاك

أنقر للتوسيع...

ده مش رائي دي الحقيقه يا كيرو

وربنا يرحمنا

اوك اللى تشوفة اخى الكبير

kero Kingooo قال:

اوك اللى تشوفة اخى الكبير

أنقر للتوسيع...

والمهم كمان رائيك يا حبيبي لانك واحد منننا ومن المتضررين من القرارات دي

لازم يكون ليك افكار واراء وتتناقش معانا وافتكر انك عندك نعمه من ربنا وهي

نعمه المعرفه والذكاء

الرب معك اخي الحبيب

كويس كويس معا إني مليش في الاخبار كتير بس مش كلها