منتديات الكنيسة

العودة   منتديات الكنيسة المدونات max mike

قيم هذا الموضوع

مشاعر أبنك المحتاج لرحمتك

وضعت 11-06-2013 في 01:25 PM بواسطة max mike

مش عارف اقولك ايه بس انت عارف انا عايز اقولك ايه .. مش عارف ابدأ منين ولا حتى عارف هقول ايه واشكى لمين


عايز اشكى عايز احكى عايز ابكى

نفسى اشكيلك همى وتعب السنين وحمولى اللى تقلت على دهرى ومين غيرك هيشيل عنى مين
نفسى احكيلك عن ماضى اليم رميت نفسى فيه بعد ما كنت عايش معاك فى نعيم
نفسى ابكى ودموع التوبة تطهرنى يارب انا نادم ع اللى فات ارجوك مد ايدك غيرنى


عايز ابوح عايز اروح عايز انوح

نفسى ابوح باسرار ياما كتير كانت تعبانى وحجات اكتر جوايا دايما مآلمانى وغلبانى
نفسى اروح واترمى فى حضنك الحنين الدافى كلك حنان ونبع محبة ياربى قلبك صافى
نفسى انوح على ايامى اللى راحت وانا كنت عنك بعيد ايام مفهاش ولا لحظة سعيدة ما انا فى بعدك عمرى ما هبقى سعيد


عايز افضفض عايز انهض عايز ارفض

نفسى افضفض واقول كل اللى جوايا ما انا جوايا هم كبير .. جوايا ألم جوايا تعب جوايا مرار كتير
نفسى انهض واقوم من قبرى اللى انا عايش جواه مش معقول هفضل دافن نفسى فيه طول الحياة
نفسى ارفض اى شئ ممكن يبعدنى عنك واقبل اى شئ ممكن يقربنى منك

عايز اتكلم عايز اتعلم عايز اتألم

نفسى اتكلم واقول على كل اللى واجعنى ما انا شايل هم تقيل من تقله قرب يكسرنى
نفسى اتعلم منك كل شئ جميل ما انت ياربى ابويا احن اب وملكش مثيل
نفسى اتألم وأشاركك فى جراحك ما انت اللى فديتنى بدمك شلت عنى خطاياى هلاقى مين يحبنى قدك



مشاعر أبنك المحتاج لرحمتك

بقلمى
وضعت في قسم غير محدد
المشاهدات 2133 التعليقات 2 تعديل الكلمات الدلالية
Total Comments 2

التعليقات

  1. Old Comment
    الصورة الرمزية انت شبعي
    روعة جدا جدا
    ربنا يبارك قلمك
    وضعت 14-06-2013 في 11:40 PM بواسطة انت شبعي انت شبعي غير متصل
  2. Old Comment
    الصورة الرمزية max mike
    ميرسى جدااااااااااا لتشجيعك الجميل
    وضعت 18-06-2013 في 01:57 AM بواسطة max mike max mike غير متصل
 

الساعة الآن 11:09 AM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة