منتديات الكنيسة

العودة   منتديات الكنيسة المدونات bilseka

قيم هذا الموضوع

يا عاشقي الحرية...........

وضعت 07-05-2011 في 11:15 AM بواسطة bilseka

الحرية كلمة مطاطية كبيرة تحمل معاني كثيرة جدا في جعبتها فهي احدى الكلمات التي اختلف واتفق وتشاور ومات على جنباتها ملايين من الناس على مر العصور.... الحرية

في مصر مثلا قامت ثورة 23 يوليو لاجل الحرية والديموقراطية التي لو سألنا الشعب المصري كله يعني ايه حرية
لوجدنا انه لا يوجد اكثر من اتنين او تلاتة يتفقوا على تعريف محدد للحرية..... الحرية

انتم عايزين الحق .... احنا شعب مينفعش يعيش في حرية اصلاً........ز الكلام ده طبعا من وجهة نظري وهقولكم ليه

على سبيل المثال هات واحد كده وقوله مترميش حاجة على الارض علشان النظافة العامة والطرق والشوارع تبقى نضيفة ....
هيرد عليك ويقولك انا حر

ولو تتبعت الراجل ده هنلاقيه يرمي الزبالة في الشارع برحته ولما ينزل المترو ميرميش حاجة على الارض (الكلام ده طبعا لما كانوا الفرنسيين واول ايام المترو)
ولو سالناه انت ليه مبترميش في المترو زبالة على الارض هيقولك
علشان متدفعش الغرامة العشرة جنيه والاربعين قرش


هو ده مربط الفرس

احنا شعب مينفعش معاه غير الحديد والنار
القانون الذي له اليات حقيقية للتنفيذ
اليد المحركة والاخرى الماسة بالكراباج

احنا شعب متعود على كده

والدليل التاني لما اجدادنا الفراعنة المسئوليين حبوا يبنوا الاهرامات وابو الهول مقلوش يلا يا شباب يا حر من فضلوكم اذا حبيتوا تبنوا معانا الاهرامات تعالوا يلا بينا علشان نبني احدى عجائب الدينا السبعة...او لما جم يحفروا قناة السويس مقالوش يلا نحفر وصلة عظيمة بين البحر الاحمر والبحر المتوسط الوصلة ديه يا شباب هتدخل لمصر ملايين كتير قوي ....


طبعا كلنا عارفين مدى القوة والسخط التي بها استطاع المسئوليين بناء الاهرامات وحفر قناة السويس


احنا شعب ديه طبيعتنا مش عيب
احنا شعب مترباش على الحرية

ده بعد الثورة الناس من فرحتها بالحرية
بقت
تمشي عكس الطريق مهي البلد بقى فيها حرية
تهجم على قسم شرطة وتهرب المحابيس بالسلاح......... مهي البلد بقى فيها حرية
تعاكس بنت ولما ابوها ولا اخوها يتكلم يقتلوه ..............مهي البلد فيها حرية
جماعة تدعى سلفية مرة واحدة كده تظر والواحد مكنش يسمع عنها شيء وتعمل اعتصامات وتقيم الحدود على الناس براحتها ..........مهي البلد بقى فيها حرية

وضعت في قسم غير محدد
المشاهدات 2152 التعليقات 0 تعديل الكلمات الدلالية
Total Comments 0

التعليقات

 

الساعة الآن 09:04 PM.



دعم خاص من vBulletin لمنتديات الكنيسة
©2000 - 2019، Jelsoft Enterprises Ltd
جميع حقوق الطبع محفوظة لمنتديات الكنيسة