منتديات الكنيسة

العودة   منتديات الكنيسة المدونات TULiP TO JESUS

قيم هذا الموضوع

اذا كان الرب معنا فلماذا اصابتنا كل هذة (تاملاتي)

وضعت 08-02-2011 في 05:39 AM بواسطة TULiP TO JESUS

اهلا اصحابي
مستغربين العنوان بتاع الموضوع ؟
عارفين مين قال كدة ؟ وقال العبارة دي لية ؟
طيب يا تري انت شايف ان دة تهكم علي الهنا لة كل المجد والكرامة ؟


اصحابي
تعالو معايا نشوف جدعون قال اية لربنا

 
   
  أقتباس كتابي
يا سيدي اسالك اذا كان الرب معنا فلماذا اصابتنا كل هذة واين كل عجائبة التي اخبرنا بها اباؤنا قائلين الم يصعدنا الرب من مصر والان قد رفضنا الرب وجعلنا في كف ميديان


 
 
     

جدعون كان شاب صغير من شعب بني اسرائيل


قال كدة لربنا لية :-
اقولك
ربنا لما خلص شعب بني اسرائيل من العبودية وانقذهم وشق البحر الاحمر ونجاهم
حصل حوالي اربعين سنة هدوء وسلام ومفيش حروب ولا الم
ولما الناس ارتاحت قوي المفروض انهم يعيشو حياة التقوي والصلاة لكن اللي حصل كان العكس
حصل ان الناس عملوا الشر في عيني الرب واصبحوا يتجرعون الاثم كالماء
زي انا وانت لما بنبقي من غير ضيق او تجربة فترة طويلة بدل ما نصلي ونشكر ربنا بننساة وبنحيد عن طرق الرب
ومش بنفتكرة الا لما تيجي التجربة ونصرخ لية



تعالوا خليكوا معايا متزهقوش
خلينا في حدوتنا من سفر القضاة الاصحاح السادس ومتناموش مني
لما صنعوا الشر ربنا جازاهم بانة تركهم ليدي اعدائهم المديانين
ايوة ربنا سابهم ليد مديان سبع سنين وكانت حالتهم يرثي لها بلدهم وخيراتها وارضهم ومواشيهم وزروعهم وكل شيء استولت علية ميديان


وبعدين ربنا من حنانة ادبهم ولكن للموت لم يسلمهم
جة في صورة ملاك
كان جدعون صديقنا قاعد بيضرب حنطة مع ابوة يواش علشان بيعملوها سرقة من وراء المديانين لكي ياكلو
جالة ربنا بصورة ملاك وقالة

 
   
  أقتباس كتابي
الرب معك يا جبار الباس


 
 
     

قام رد علية وقالة العبارة اللي هي عنوان موضوعنا دة
حاجة مهمة قوي
جدعون صديقنا استغرب
انا شاب صغير وضعيف وفقير وقليل الحيلة والملاك بيقولي يا جبار الباس



علشان كدة انا وانت مش لازم نستهين بقوتنا
اصلها مش مننا
قوتنا من ربنا
لان ربنا رد علية وقالة


 
   
  أقتباس كتابي
فالتفت الية الرب وقال لة اذهب بقوتك هذة وخلص اسرائيل من كف مديان اما ارسلتك

 
 
     

متحسش انك ضعيف
انت بربنا قوي قوووي وهتادر تنتصر بس ثق في كلام ربنا وقوتك الممنوحة منة

شوف جدعون قال اية :-
فقال لة اسالك يا سيدي بماذا اخلص اسرائيل ها عشيرتي هي الذلي في منسي



انا عارفة انكم بتزهقوا من الموضيع الطويلة
بس كانت فرصة اني بقرا معاكم وانا بحضر الموضوع
في الاخر
ربنا قال لجدعون انا معاك متخفش وجدعون طلب علامة او دليل من ربنا
فذبح وصنع مذبحا وقدم امام الرب فقبلها الرب الذبيحة فكانت علامة لجدعون ان الرب معة وانة سيضرب المديانين وينتصر ويخلص شعبة
حاجة تانية لما جه جدعون يختار ناس يحاربو معاة اختار عدد كبير ولكن ربنا قالة لالالالا مش كل دول انا عاوزك تختار الناس ومش مهم الكثرة
دي حاجة نقف عندها ان مختارين الرب مش بالكثرة
ولما كان بيختار الناس ربنا قالة اعمل اختبار بسيط
هنا نطلع ان ربنا لا يسر لا بفرس وخيول وان القوة مش بساقي الرجل وقوتة البدنية ولكنها قوتة الروحية
وانا بشوف انة مش تهكم علي ربنا ولا حاجة لما نكلمة ونقولة لية حصل كدة
لانة هو اللي قال هلما نتحاجج يقول الرب
ولان كلنا اولادة صنيع يدية وغالين علية ولانة تاديباً يؤدبنا والي الموت لم يسلمنا


سامحوني
بحاول اشجع نفسي وادرس الكتاب تاني وابطل كسل وبشجع نفسي باني انزل موضوع باللي بدرسة حالياً وانا معاكم
سلام المسيح
اختكم رجعا ليسوع
وضعت في قسم غير محدد
المشاهدات 3696 التعليقات 2 تعديل الكلمات الدلالية
Total Comments 2

التعليقات

  1. Old Comment
    الصورة الرمزية grges monir
    الرب معنا فى كل حين
    لكن هناك سماح من اللة ببعض التجارب لاولادة حتى يرى مدى ايمانهم وثقتهم فى وعودة
    موضوع مميز راجعة
    وضعت 08-02-2011 في 09:18 AM بواسطة grges monir grges monir غير متصل
  2. Old Comment
    الصورة الرمزية TULiP TO JESUS
    عندك حق يا جرجس
    مرسي علي المشاركة الجميلة
    وضعت 11-02-2011 في 07:39 PM بواسطة TULiP TO JESUS TULiP TO JESUS غير متصل
 

الساعة الآن 12:17 PM.



دعم خاص من vBulletin لمنتديات الكنيسة
©2000 - 2017، Jelsoft Enterprises Ltd
جميع حقوق الطبع محفوظة لمنتديات الكنيسة