منتديات الكنيسة

العودة   منتديات الكنيسة المدونات zezza

قيم هذا الموضوع

شهادة التاريخ على قوة الصلاة و الصوم

وضعت 10-10-2011 في 08:23 PM بواسطة zezza

نا مش قارية كتير و عمرى الصغير لحد ما ماسمحليش انى اشهد ظروف و اضطهادات للكنيسة تستدعى الاجماع على الصوم و الصلاة
لكن من واقع ما اعرفه فهناك اكتر من موقف عن قوة الصلاة و الصوم فى وقت الازمات و الاضطهادات
الموقف الاول هو صيام الكنيسة ايام نقل جبل المقطم
اتعرضت الكنيسة لمحنة شديدة و ماكان على البابا غير انه يطلب من شعبه الصلاة و الصوم لتلات ايام و بعدها اتنقل المقطم و كانت المعجزة سبب فى رحم اقباط مصر من الموت

الموقف التانى و ده بابا حكاهولى
ايام السادات حب يطلع قانون بتطبيق الشريعة الاسلامية على المسيحيين فى كل امور حياتهم حتى الاحوال الشخصية
و اعلن نفسه انه حاكم مسلم لدولة مسلمة غير مراعى اى اعتبار لوجود فئة من الشعب على غير الدين الاسلامى
ساعتها قداسة البابا شنودة طلب من الشعب الصلاة و الصوم 3 ايام
بابا بيقولى الشعب كله صام حتى الاطفال و هو و اصحابه كانوا بيخرجوا من الجامعة على القداس
ساعتها وصل الامر لامريكا و الدول الاوربية و افتكروا ان المسيحيين عاملين اضراب عن الاكل و ان الرئيس السادات اعلن الاضطهاد على المسيحين
فى اليوم التالت و بعد ما بابا خلص محاضراته و طلع على القداس فى اخر القداس وصل الكنيسة بيان ان قرار الرئيس بتطبيق قانون الشريعة خلاص اتلغى
ساعتها اذاعوا البيان جوة الكنيسة و كانت فرحة كبيرة ازاى ربنا ادخل حتى قبل التلات ايام ما يخلصوا

الاحداث اللى فاتت ان ما عشتهاش لكن فى كل مرة كانت الكنيسة بتصلى و تصوم كان ربنا بيتمجد و المرة دى هشوف بعينى ربنا ازاى بيتمجد
مستنينك يا رب بعد تلت ايام مستنين نشوف مجدك
احنا خرافك و رعيتك اعن ضعف ايمانا و و رينا شئ من تدخلك ارفع عن ولادك الذل و الاضطهاد و الالام
مستنين يا رب بعد تلات ايام

معلش الموضوع طول بس حبيت اوصفلكم و اعرفكم ان الصلاة و الصوم مش هينين
اكيد الكنيسة استخدمت السلاحين دول فى مواقف كتيرة بس هما دول اللى متذكراهم او اعرفهم
يا ريت كلنا نصوم و نصلى بقلب واحد حتى اطفالنا نعلمهم يصوموا و يصلوا وقت المحنة
و ربنا يستجيب و يرفع عنا
اذكرونى فى صلواتكم
وضعت في قسم غير محدد
المشاهدات 2890 التعليقات 2 تعديل الكلمات الدلالية
Total Comments 2

التعليقات

  1. Old Comment
    الصورة الرمزية marcelino
    رائع يا زيزا
    وضعت 10-10-2011 في 11:11 PM بواسطة marcelino marcelino غير متصل
  2. Old Comment
    من التاريخ بتاع التوبيك ده واضح انه كان بعد ماسبيرو...

    ايه رايك بعد اكتر من سنة يا زيزا؟
    وضعت 24-12-2012 في 11:25 AM بواسطة Strident Strident غير متصل
 

الساعة الآن 04:11 AM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة