منتديات الكنيسة

العودة   منتديات الكنيسة المدونات مجرد أفكار

Rating: 2 votes, 5.00 average.

ذكريات المدرسة غير السعيدة

وضعت 05-01-2016 في 06:29 AM بواسطة +إيرينى+

كنت تلميذة ذكية جدا

يعتمد تفوقى على شرح المدرس

لو لم يشرح : رسبت

لو شرح تفوقت

فلم يكن أحد فى البيت يساعدنى

أبى الذى يعمل مهندس ينزل من البيت (7صباحا) قبل أن أذهب الى المدرسة و يعود بعد عودتى (4~5مساء) بساعات منهك القوى

و أمى التى تعمل طبيبة تاخد يومين نوباتجية فى الاسبوع لتحسين الدخل فتبدأ 2 ظهرا لتعود تانى يوم الثامنة صباحا

و باقى الايام تنزل للعمل معى تقريبا عدا يوم الأحد و تعود فى حدود 2~3 العصر

لا يوجد حل سوى الاعتماد عل نفسى
وضعت في قسم غير محدد
المشاهدات 101019 التعليقات 143 تعديل الكلمات الدلالية
Total Comments 143

التعليقات

  1. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة grges monir View Comment
    تنفعى سينارست يا هندسة
    اسلةبك مشوق
    تقريبا انتى وعبود نفس المدرسة
    منتظرين باقى الحكاية
    ويارييييت تبقى بالتفصيل الممل وبلاوش كروتة

    حاتر
    وضعت 17-01-2016 في 04:59 AM بواسطة +إيرينى+ +إيرينى+ غير متصل
  2. Old Comment
    الصورة الرمزية +إيرينى+
    فى رابعة ابتدئى

    كنا بناخدوا بداية ظهور الاسلام

    و الرسول اتولد فين و هاجر لفين و غزا مين

    كنت بأتلخبط

    كنت بأقول فى نفسى : و أنا مالى أنا غزا مين و لا صاحب مين

    مااااااااااااااالى ياربى

    المهم في يوم دخلت أبلة فوزية و معاها العصاية الطويييييييييييييييلة

    و كان يوم أسئلة شفوى

    الل ح يجاوب غلط ح ينضرب

    المهم

    العيال كلها مذاكرة

    انا مش عارفة احفظ خاااااااااااااااااااااالص

    كل ما تسأل سؤال

    العيال يرفعوا ايديهم و يصرخوا : أنى يابلة أنى يابلة (إنا يا أبلة)

    عملوا دوشة جامدة جدا

    أبلة فوزية قالت : الل ح يقول أنى يابلة مش ح أختاره

    العيال هديت إلا أنا

    قولت فى نفسى لو قولت أنى يا بلة و أزعجتها مش ح تختارنى (دا كلامها)



    فأزعجتها فعلا : أنى يا بلة - أنى يا بلة - أنى يا بلة

    فقالت لى طب قووووووووووووووووولى

    فرديت و قولت : ما أعرفش

    لاقيتها ماتت على روحها من الضوحك

    حتى إنها ما ضربتنيش

    بس أول مرة كنت أشوفها بتضحك بالطريقة ديه
    وضعت 17-01-2016 في 05:11 AM بواسطة +إيرينى+ +إيرينى+ غير متصل
  3. Old Comment
    الصورة الرمزية +إيرينى+
    فى يوم تانى

    دخلت أبلة فوزية و معاها ذات نفس العصايا الطوييييييييييييلة

    و كان يوم أسئلة شفوية برضوا

    فسألت : أين وُلِدَ الرسوول ؟؟

    شاورت عليا عشان أجاوب

    رديت و قولت : المدينة المنورة (طبعا غلط)

    قالت لى : نعم يا حبيييييييييييبتي أومال سموا مكة -المكرمة - ليه ؟؟

    قومت أنا رديت : ماهى المدينة مسمينها منورة برضوا

    لاقيتها ضحكت برضوا جامد زى المرة الل قبلها

    لكنها برضوا ما ضربتنيش

    قالت لى أقعدى بأة

    وضعت 18-01-2016 في 05:20 AM بواسطة +إيرينى+ +إيرينى+ غير متصل
  4. Old Comment
    الصورة الرمزية +ماريا+
    ايه الذاكره الفولاذيه دى يا ايرينى شكلك بتشربى قهوه كتير
    فاكره كل المواقف دى وبالتفصيل ايه ده يا بنتى
    انا اوقات مش بفتكر ايه اللى حصل امبارح
    اللهم لا حسد هههههههههههه
    وضعت 18-01-2016 في 09:17 PM بواسطة +ماريا+ +ماريا+ غير متصل
  5. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة +ماريا+ View Comment
    ايه الذاكره الفولاذيه دى يا ايرينى شكلك بتشربى قهوه كتير
    فاكره كل المواقف دى وبالتفصيل ايه ده يا بنتى
    انا اوقات مش بفتكر ايه اللى حصل امبارح
    اللهم لا حسد هههههههههههه


    لسة لسة استنى بعد كدة ذكرياتى مع العرسان

    وضعت 19-01-2016 في 05:02 AM بواسطة +إيرينى+ +إيرينى+ غير متصل
  6. Old Comment
    الصورة الرمزية +إيرينى+
    يوم حصة الاملاء

    كان الموضوع عن نهر النيل

    و كان فيه كلمة : مياهِهِ

    أبلة فوزية بتقول : مياااااااااااااااااااااااااهِهِ

    و كانت واقفة جنبى و بتبص على كراستى

    كتبت فى الأول : مياه ه و بعدين قولت إيه دا ! فشطبتها و كتبت مياهه

    تانى يوم

    أبلة فوزية صححت الإملاء

    طلعت وسام (الل اقترحت هروبنا للمسجد) و مها (الل طبطبت على أبلة نجاة السنة الل قبلها ) برة عند السبورة

    و ضربت كل واحدة فيهم 10 عصيان

    عشان كتبوا مياه ه

    كانت بتضرب مها و بتقولها : إنتى بالذات أنا قولتهالك قبل كدة موضوع هِهِ دا

    (يبدو إنها كانت بتاخد درس عندها)

    و البنت تتحايل بعد كل عصاية : معلش يا أبلة معلش يا أبلة

    وسام ما إتحايلتش : أخدت العشر عصيان ورا بعض

    و قعدوا هم الاتنين يعيطوا بنحيب : كأن فيه ميت

    إديتهم ال 10 عصيان بكل ما فيها من قوة لدرجة ان إيديهم إحمرت جدا جدا

    (مها : تعليم متوسط _ وسام : طبيبة)


    وضعت 19-01-2016 في 05:13 AM بواسطة +إيرينى+ +إيرينى+ غير متصل
    Updated 19-01-2016 at 05:16 AM by +إيرينى+
  7. Old Comment
    الصورة الرمزية +إيرينى+
    كان فيه مسئولة عن الحضور و الغياب للتلاميذ يوميا

    إسمها : فتحية

    كانوا مسمينها : أبلة فتحية الغياب _ عشان كان فيه فتحية تانية إسمها فتحية الوكيل

    أبلة فتحية الغياب

    كانت بيضاء و جميلة و شيك

    لكن كنت بأحس إنها بايخة

    كانت عندها بنت معانا فى الفصل إسمها : عزة

    عزة كانت سودة مش بيضا زى امها بس كانت ملامحها جميلة و شعرها طويل و ناعم

    فى يوم

    دخلت أبلة فتحية الغياب عندنا ف الفصل عشان تاخد الغياب فى حصة أبلة فوزية

    و طلبت من أبلة فوزية إنها تمد بنتها عزة أودام الفصل كله

    أبلة فوزية قالت للبنت يلا إقلعى الجذمة

    و البنت تتحايل و تعيط و تمسك بطنها من الخوف

    إشتغلوا عليها (عزة) هم الاتنين (أمها و أبلة فوزية )

    طبعا ما انضربتش - ديه كانت اشتغالة عشان تذاكر

    كان يومها أول يوم بالنسبة لى أشوف بعينى إن الأم ممكن تشترك فى الضغط العصبى على أولادها

    يومها أبلة فتحية الغياب : نزلت من نظرى جدا
    وضعت 20-01-2016 في 07:40 AM بواسطة +إيرينى+ +إيرينى+ غير متصل
  8. Old Comment
    الصورة الرمزية +إيرينى+
    محجوز لحكاية القمل

    وضعت 20-01-2016 في 07:42 AM بواسطة +إيرينى+ +إيرينى+ غير متصل
  9. Old Comment
    الصورة الرمزية paul iraqe
    اختي ايريني

    موضوع (نزع الجزمة ) عشان الضرب كان موجود في

    العراق قبل يمكن 70 سنة في المناطق الريفية مع

    الفلاحين اكتر شئ - مش في المدارس (سواء الاهلية منها او الحكومية )

    كان يوجد رجل كنا نسميه نحن العراقيين (الاقطاع )

    وهو مالك للارض الزراعية وكل ما فيها - ويشتغلوا

    عنده العوائل الفلاحية الفقيرة جدا - كان قلسي الى

    حد يستعمل مع الفلاحين الضرب بالعصا او السوط

    وعلى الاقدام بعد خلع الجزم وهذه العملية تسمى

    في العراق (الفلقة )

    لكنني لا اعتقد انها مورست مع الطلاب او الطالبات اطلاقا


    مشكورة لجهدكي الطيب - وسأبقى متابع معكم
    وضعت 20-01-2016 في 11:32 AM بواسطة paul iraqe paul iraqe غير متصل
  10. Old Comment
    الصورة الرمزية paul iraqe
    إشتغلوا عليها (عزة) هم الاتنين (أمها و أبلة فوزية )

    طبعا ما انضربتش - ديه كانت اشتغالة عشان تذاكر

    كان يومها أول يوم بالنسبة لى أشوف بعينى إن الأم ممكن تشترك فى الضغط العصبى على أولادها

    يومها أبلة فتحية الغياب : نزلت من نظرى جد




    اول مرة في حياتي اسمع بأن ام تقف بهذا الشكل ضد بنتها - والبنت بتعيط

    كنت اتصور بأن الام دائما تتعاطف وتحن مع الابنة حتى اكثر من الولد !!!!!

    شئ غريب فعلا
    وضعت 20-01-2016 في 11:35 AM بواسطة paul iraqe paul iraqe غير متصل
  11. Old Comment
    اقتباس:
    المشاركة الأصلية كتبت بواسطة +إيرينى+ View Comment
    يمكن عشان كنت مدرسة خاصة

    المدارس الحكومية غير كدة

    استنى بس باقى الحواديت
    مستنيين اهو .. لما نشوف العقد والشراشيب ..

    مع ان واحد صاحبي كان في مدرسة حكومة في اعدادي وكان فيها مدرس رياضة بدنية مسيحي اسمه منير عزت كان عاملهم رعب في طابور الصباح

    واللي يجي متأخر يدفيله ايديه بخرزانة طولها 2 متر والدنيا تلج الصبح

    عمري ما سمعته بيقول عليه اصله عشان مسيحي فبيضطهد العيال ويطلع فيهم عقده وغله

    عموما ده شعور الاقليات وهو شعور طبيعي هههههههه

    كملي وطلعي اللي جواكي ولا يهمك يا ايريني
    وضعت 21-01-2016 في 02:43 AM بواسطة ياسر رشدى ياسر رشدى غير متصل
  12. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    اختي ايريني

    موضوع (نزع الجزمة ) عشان الضرب كان موجود في

    العراق قبل يمكن 70 سنة في المناطق الريفية مع

    الفلاحين اكتر شئ - مش في المدارس (سواء الاهلية منها او الحكومية )

    كان يوجد رجل كنا نسميه نحن العراقيين (الاقطاع )

    وهو مالك للارض الزراعية وكل ما فيها - ويشتغلوا

    عنده العوائل الفلاحية الفقيرة جدا - كان قلسي الى

    حد يستعمل مع الفلاحين الضرب بالعصا او السوط

    وعلى الاقدام بعد خلع الجزم وهذه العملية تسمى

    في العراق (الفلقة )

    لكنني لا اعتقد انها مورست مع الطلاب او الطالبات اطلاقا


    مشكورة لجهدكي الطيب - وسأبقى متابع معكم
    شوفت بأة إنك قولت عليه قاسى ؟؟

    يعنى مش أنا بس الل حسيت إن الضرب قسوة

    قول لياسر بأة

    وضعت 21-01-2016 في 04:53 AM بواسطة +إيرينى+ +إيرينى+ غير متصل
  13. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    إشتغلوا عليها (عزة) هم الاتنين (أمها و أبلة فوزية )

    طبعا ما انضربتش - ديه كانت اشتغالة عشان تذاكر

    كان يومها أول يوم بالنسبة لى أشوف بعينى إن الأم ممكن تشترك فى الضغط العصبى على أولادها

    يومها أبلة فتحية الغياب : نزلت من نظرى جد




    اول مرة في حياتي اسمع بأن ام تقف بهذا الشكل ضد بنتها - والبنت بتعيط

    كنت اتصور بأن الام دائما تتعاطف وتحن مع الابنة حتى اكثر من الولد !!!!!

    شئ غريب فعلا
    هى مش غريبة عندنا فى مصر

    أنا شوفت أمهات بتتصل بالمدرسين قبل ميعاد الدرس الخصوصى لأبنائهم

    و بيوصوا المدرس إنه يضرب عيالهم عشان ما عملوش الواجب أو عشان ما ذاكروش أو عشان نقصوا نص درجة فى امتحان ما

    أنا شوفت بعينى ما حدش قال لى
    وضعت 21-01-2016 في 04:56 AM بواسطة +إيرينى+ +إيرينى+ غير متصل
  14. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة ياسر رشدى View Comment
    مستنيين اهو .. لما نشوف العقد والشراشيب ..

    مع ان واحد صاحبي كان في مدرسة حكومة في اعدادي وكان فيها مدرس رياضة بدنية مسيحي اسمه منير عزت كان عاملهم رعب في طابور الصباح

    واللي يجي متأخر يدفيله ايديه بخرزانة طولها 2 متر والدنيا تلج الصبح

    عمري ما سمعته بيقول عليه اصله عشان مسيحي فبيضطهد العيال ويطلع فيهم عقده وغله

    عموما ده شعور الاقليات وهو شعور طبيعي هههههههه

    كملي وطلعي اللي جواكي ولا يهمك يا ايريني
    ما فيش عقد يا ياسر

    هو أنا رديت على paul و قولت أصلهم مسيحيين فحلوين كيوت و أصل المسلمين مفتريين ؟؟

    و لا قارنت بين الحكومة و الخاص ؟؟

    أنا قولت إن أبلة فوزية بتضرب المسيحيين و سايبة المسلمين ؟؟

    أو قولت إنها مفترية عشان هى مسلمة ؟؟

    إنت ح تقولنى يا ياسر ؟؟

    على فكرة مها و وسام مسلمات و إنضربوا ضرب مبرح

    دا غير إن صاحبك فاكر اسم المدرس اللى بيضرب

    لأنه كان بيضرب جامد

    يعنى مش كون إنى فاكرة حكايات المدرسة الابتدائى معناه إنى معقدة

    مش كدة و لا إيه رأيك ؟؟


    وضعت 21-01-2016 في 05:06 AM بواسطة +إيرينى+ +إيرينى+ غير متصل
    Updated 21-01-2016 at 05:10 AM by +إيرينى+
  15. Old Comment
    الصورة الرمزية +إيرينى+
    حنجهزوا بأة عشان أوصل الواد إبنى للامتحان

    بكرة نحكوا حكاية القمل

    وضعت 21-01-2016 في 05:09 AM بواسطة +إيرينى+ +إيرينى+ غير متصل
  16. Old Comment
    اقتباس:
    المشاركة الأصلية كتبت بواسطة +إيرينى+ View Comment
    ما فيش عقد يا ياسر

    هو أنا رديت على paul و قولت أصلهم مسيحيين فحلوين كيوت و أصل المسلمين مفتريين ؟؟
    و لا قارنت بين الحكومة و الخاص ؟؟
    أنا قولت إن أبلة فوزية بتضرب المسيحيين و سايبة المسلمين ؟؟
    أو قولت إنها مفترية عشان هى مسلمة ؟؟

    إنت ح تقولنى يا ياسر ؟؟

    على فكرة مها و وسام مسلمات و إنضربوا ضرب مبرح
    دا غير إن صاحبك فاكر اسم المدرس اللى بيضرب
    لأنه كان بيضرب جامد
    يعنى مش كون إنى فاكرة حكايات المدرسة الابتدائى معناه إنى معقدة
    مش كدة و لا إيه رأيك ؟؟

    رأيي ان مافيش منك اتنين انسانة دوغري وذكاء وطيبة
    وبعدين مش انت اللي قلتي
    المُدرسة مكانتش بتضربني
    لما مش بعمل الواجب
    في اشارة منك انها مش
    عايزاكي تبقي متفوئة لانك
    ماركة مسجلة
    ...
    المهم خشي بقي علي موضوع القمل .. بموت في
    الحاجات اللي فيها فلايات
    وبيرسول وحشرات .. اصل وانا في
    ابتدائي كنت باعذب الدبان
    من كتر غيظي منه ومش
    هاقولك ازاي بقي
    نخلص القمل وبعدين نخش علي العرسان
    بما فيهم ابو الولة ههههه
    ...
    يالا عشان احكيلك حكاية نشوي
    واولي مراحل المراهقة الفاسدة

    ...
    بالمناسبة انا في حاجات مش ممكن
    انساها خصوصا لو اللي بيحكيها عزيز عليا او بيحكيها بطريقة جذابة ..
    وضعت 22-01-2016 في 06:18 AM بواسطة ياسر رشدى ياسر رشدى غير متصل
  17. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة ياسر رشدى View Comment

    رأيي ان مافيش منك اتنين انسانة دوغري وذكاء وطيبة
    وبعدين مش انت اللي قلتي
    المُدرسة مكانتش بتضربني
    لما مش بعمل الواجب
    في اشارة منك انها مش
    عايزاكي تبقي متفوئة لانك
    ماركة مسجلة
    ...

    أيوة قولت

    بس أنا كنت فرحانة بكدة

    مش بأعتبره إضطهاد



    اقتباس:
    المشاركة الأصلية كتبت بواسطة ياسر رشدى View Comment

    المهم خشي بقي علي موضوع القمل .. بموت في
    الحاجات اللي فيها فلايات
    وبيرسول وحشرات .. اصل وانا في
    ابتدائي كنت باعذب الدبان
    من كتر غيظي منه ومش
    هاقولك ازاي بقي
    نخلص القمل وبعدين نخش علي العرسان
    بما فيهم ابو الولة ههههه
    ...
    يالا عشان احكيلك حكاية نشوي
    واولي مراحل المراهقة الفاسدة

    ...
    بالمناسبة انا في حاجات مش ممكن
    انساها خصوصا لو اللي بيحكيها عزيز عليا او بيحكيها بطريقة جذابة ..

    شكرا على الاطراء

    حاضر ح أكمل

    وضعت 22-01-2016 في 06:39 AM بواسطة +إيرينى+ +إيرينى+ غير متصل
  18. Old Comment
    الصورة الرمزية +إيرينى+
    عشان أنا قصيرة القامة

    كنت بأقف أول الطابور

    الطابور كان إتنين إتنين

    طبعا الل واقفة جانبى كانت قصيرة زيى

    كان إسمها نورا

    الحقيقة إسمها ما كانش له علاقة بشكلها

    كانت شبه نوفل


    كان شعرها خفييييييييييييييف جدا و كان منحول من أودام

    كان ديل الحصان الل هى عاملاه : لا يمت الصلة لديل الحصان بشىء

    كان حاجة كدة شبه بربور الخايبة

    و كان فى شعرها نقط بيضا

    قولت لأمى البت نورا اللى بتقف جنبى فى الطابور كيت و كيت و فيه نقط بيضا فى شعرها

    لاقيت أمى شهقت و حطت إيدها على صدرها و قالت لى دا سبان

    سبان ؟؟ ايه السبان دا ؟؟

    دا بيض القمل

    ايه القمل دا ؟؟

    ديه حشرة بتيجى فى الراس من الوساخة

    اومال اتخطيتى ليه ؟ هو انا وسخة ؟؟

    لا ممكن يحصل عدوى

    طب ايه الحل طا ؟؟

    اما ح أضطر أفليكى كل يوم أو تحلقى شعرك

    إيه أفليكى ديه ؟؟

    يعنى أسرحلك شعرك بالفلاية _ يطلع القمل فى الفلاية _ أوم أنا أقتله

    مممممممممممممممممم

    ورينى إيه الفلاية ديه


    تانى يوم أشترت أمى فلاية



    و ديه ينفع تسرح الشعر ديه ؟؟ طب جربى كدة

    و يادوب بدأت تجرب

    و أنا أأأأأأأأأأى أأأأأأأأأأأأأأأأى بتشدى شعرى أأأأأأأأأأأأأأى أأأأأأأأأأأأأأأأاى

    طب يعنى تحلقى ؟؟

    أحلق أيوة

    ح تحلقى زى أخوكى

    أحلق أرحم

    تحلقى ؟؟؟؟؟؟؟؟؟؟

    أحلق أحلق

    متأكدة ؟؟

    تمام التأكد

    و يبدو أن ماما ما كانتش عايزانى أحلق

    فعادت السؤال مرة أخرى

    ح نحلق لك عند الحلاااااااااااااااق _ ها ؟ رأيك إيه ؟؟

    جزى شعرى مش تحلقيه

    ماما أتضايقت

    و سمعتها بتكلم بابا و بتقول : تصدق البت ايرينى عايزة تحلق شعرها ؟؟

    تصدقى ان البت ديه بتفهم عننا ؟؟ فيه دكتورة تقعد تفلى عيالها ؟؟

    احلقى لها هى و اختها بلاش وجع دماغ



    اختى إتجننت و قالت أنا عندى إستعداد أتفلى كل يوم

    اختى شعرها غزيييييييييييييييييير جدا و خشن جدا جدا

    صعب تفليته

    بابا قال لها : دا انتى الل تحلقى مش اختك

    لأن أنا شعرى ناعم و سهل التسريح

    بابا طلع طلعته الجوية : البيت كله يحلق

    قامت اختى قالت له : وماما كمان ؟؟

    بابا كانت عفاريته ح تطلع

    و فعلا البيت كله حلق شعره ماعدا ماما طبعا

    و فضلت أنا على هذه العادة لغاااااااااااااااااية الاعدادية

    بدأت أطول شعرى من أولى ثانوى

    موضوع الحلاقة دا : كان سبب خلاف بينى و بين أختى

    الل فى الروحة و اللجاية تقول لى : إنتى السبب


    وضعت 22-01-2016 في 07:30 AM بواسطة +إيرينى+ +إيرينى+ غير متصل
  19. Old Comment
    الصورة الرمزية +إيرينى+
    كان معايا ولد فى الفصل اسمه : باسم

    الولد دا كان ابيض جدا _ شعره ناعم جدا - نحيف جدا

    تحسه ان ما عندوش عضلات

    الجلد فوق العضم

    تحس ان مفاصله ح تطلع من المريلة من كتر ما هى بارزة

    و مشيته كانت مش طبيعية

    ممكن تقرف تتكلم معاه _ برغم انه نضيف جدا

    بس احساس ان هيكل عظمى متحرك كان يصيبنى بالغثيان

    الولد دا كان لما يتكلم يقول كل كلمة مرتين

    يعنى مثلا لو قولت له قول : صباح الخير

    يقول : صباح صباح الخير الخير

    كان فيه رعشة فى صوته

    كان مستوااه متوسط او ممكن تقولوا تحت المتوسط بشوية

    فى يوم انضرب من أبلة فوزية على ايده

    كان صعبان عليا

    لأنى كنت حاسة إنه حيتكسر

    كان اسمه باسم _ لكن عمرى ما شوفته باسم

    دائما على وجهه العبوس

    الى ان علمت ان امه توفيت و أن أبيه تزوج بأخرى

    علمت هنا سبب حزنه

    الل من غير أم حاله يغم

    لكن أذكر لأبلة فوزية أنها من يوم علمت أن باسم والدته متوفية

    لم تضربه نهائى بل كانت فى الروحة و اللجاية تحن عليه
    وضعت 23-01-2016 في 07:21 AM بواسطة +إيرينى+ +إيرينى+ غير متصل
  20. Old Comment
    الصورة الرمزية +إيرينى+
    كان فيه ولد تانى اسمه ابرام

    كان ألدغ فى حرف الراء كان بيقولها ياء

    يعنى لو سألته إسمك إيه ؟؟

    كان يقول : إبيام

    و كان طبعا بينادينى : إييينى

    كان شكل شفايفه ملفته للنظر

    كان شبه الصورة ديه



    كنت احيانا أنظر الى شفايفه و ابحلق فيها



    كنت بأعتقد إنها السبب فى اللدغة الل عنده

    وضعت 23-01-2016 في 07:30 AM بواسطة +إيرينى+ +إيرينى+ غير متصل
 

الساعة الآن 11:14 PM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة