منتديات الكنيسة

العودة   منتديات الكنيسة المدونات مجرد أفكار

Rating: 2 votes, 5.00 average.

ذكريات المدرسة غير السعيدة

وضعت 05-01-2016 في 06:29 AM بواسطة +إيرينى+

كنت تلميذة ذكية جدا

يعتمد تفوقى على شرح المدرس

لو لم يشرح : رسبت

لو شرح تفوقت

فلم يكن أحد فى البيت يساعدنى

أبى الذى يعمل مهندس ينزل من البيت (7صباحا) قبل أن أذهب الى المدرسة و يعود بعد عودتى (4~5مساء) بساعات منهك القوى

و أمى التى تعمل طبيبة تاخد يومين نوباتجية فى الاسبوع لتحسين الدخل فتبدأ 2 ظهرا لتعود تانى يوم الثامنة صباحا

و باقى الايام تنزل للعمل معى تقريبا عدا يوم الأحد و تعود فى حدود 2~3 العصر

لا يوجد حل سوى الاعتماد عل نفسى
وضعت في قسم غير محدد
المشاهدات 101019 التعليقات 143 تعديل الكلمات الدلالية
Total Comments 143

التعليقات

  1. Old Comment
    الصورة الرمزية +إيرينى+
    كان فيه ولد اسمه محمد عطية

    كان بلييييييييييييييييد جدا

    فى يوم اتمد من ابلة فوزية عشان جاب صفر فى المواد الاجتماعية

    كانت بتمد الولاد ازاااااى ؟؟

    كان بيقعد على التختة (desk) فى الجزء الل بتكتب عليه

    كانت أول تختة الل جنب الحائط

    العيل يقعد بالطول و يسند ظهره عل الحائط و يفرد ساقه

    و ييجى عيلين تانيين يرموا جسمهم على ساقه المفرودة

    بحيث ان العيل الل بيتمد ما يقدرش يحرك ساقه أو حتى يتنى ركبته

    يادوب القدم تتحرك من الألم

    كنت مش بأطيق العيلين اللى بيرموا جسمهم دول

    كنت بأعتبرهم أكثر تخلفا من أبلة فوزية و بأعتبرهم عديمى الاحساس

    الغريبة انهم ممكن يضحكوا فى اثناء ما زميلهم بيتمد

    كان شراب محمد عطية وسخ و ريحته وحشة

    و كان لما بينضرب على قدمه كانت بتعفر تراب

    أبلة فوزية تقول له : شرابك ريحته وحشه

    لكنها ما رحمتهوش

    اديته 10عصيان على قدمه و هو هاتك يا صراخ

    لن أنسى منظر وجهه و هو يتألم ما حييت

    سأحكى لكم حوارى مع أمى عندما عدت الى البيت بعد هذا اليوم

    بعد غد إن شاء الله




    وضعت 23-01-2016 في 08:01 AM بواسطة +إيرينى+ +إيرينى+ غير متصل
  2. Old Comment
    [CENTER]:t11::t11:

    [FONT=Arial][B][SIZE=5]ياكااافرة أنا أصلا مقدرتش أكمل الصفحة الأولى من كتر الضحك
    صحيييييح
    وأعدوا لهم
    :t11::t11:

    الكفااااااااااااااررر

    [/SIZE][/B][/FONT]
    [/CENTER]
    وضعت 23-01-2016 في 08:28 AM بواسطة عبود عبده عبود عبود عبده عبود غير متصل
  3. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة عبود عبده عبود View Comment


    ياكااافرة أنا أصلا مقدرتش أكمل الصفحة الأولى من كتر الضحك
    صحيييييح
    وأعدوا لهم

    الكفااااااااااااااررر




    دا كان يوم غريب

    كانت ركبى بتخبط فى بعضها




    وضعت 24-01-2016 في 03:34 AM بواسطة +إيرينى+ +إيرينى+ غير متصل
  4. Old Comment
    الصورة الرمزية +إيرينى+
    ح نكملوا بكرة يا جماعة

    عشان النهاردة اليوم العائلى

    من الفجر بنجهزوا
    وضعت 24-01-2016 في 03:35 AM بواسطة +إيرينى+ +إيرينى+ غير متصل
  5. Old Comment
    الصورة الرمزية +إيرينى+
    رجعت لأمى حكيت لها المشهد كله بالتفصيل

    ثم سألتها : هو عشان ابقى مُدَرِسة أسهل من إنى أبقى دكتورة و لا أصعب ؟؟

    قالت لى : ازاى بقى _ دا عشان تبقى دكتورة لازم تذاكرى جاااااااااااااامد جدا

    طب يعنى المدرسين دول كانوا شاطرين و هم أدى ؟؟

    لا طبعا كانوا خايبين

    خايبين ؟؟ - أبلة فوزية كانت خايبة ؟؟

    ديه أكيد معلمات _ استحالة تكون كلية تربية أو أداب إستحااااااااااالة - شكلها معلمات

    ايه المعلمات ديه ؟؟

    ديه خمس سنين بعد الاعدادية

    يا نهاااااااااااار مش فايت _ أومال هاريانا ضرب ليه ؟

    أعتقد عشان تقديراتها

    و عاملة نفسها قلبها علينا - يخخخخخخخخخخخخخخخخخربيت كدة

    كانت صدمة بالنسبة ليا و قولت فى سرى دا يبقى أكيد أبلة فوزية إنضربت و هى صغيرة أكيييييييييييييييييييييد بس الضرب ما جابش نتيجة


    وضعت 25-01-2016 في 09:11 AM بواسطة +إيرينى+ +إيرينى+ غير متصل
  6. Old Comment
    الصورة الرمزية +إيرينى+
    المهم فى يوم أبلة فوزية وزعت علينا ورقة امتحان المواد الاجتماعية

    و قالت : اللى مش واخد الدرجة النهائية حينضرب 10 عصيان

    أخدت الورقة و كنت جايبة 34.5/35

    طبعا ح إنضرب

    قعدت فى الحصة أعيط أعيط من كتر الرعب

    و هى واخدة واحد واحد تضرب فيه 10 عصيان

    و يبدو إنها لما شافتنى معيطة حسبت إنها ضربتنى

    لأنى كنت متشحتفة عياط

    فما إنضربتش

    وضعت 25-01-2016 في 09:17 AM بواسطة +إيرينى+ +إيرينى+ غير متصل
  7. Old Comment
    الصورة الرمزية +إيرينى+
    كان فيه مدرس جديد لسة متعين إسمه رمضان

    كانت لما أبلة فوزية تتعب من الضرب تبعت له يكمل علينا

    أستاذ رمضان كان مدرس مادة الزراعة

    كان شكله صايع و عينيه زايغة

    دايما بيببص على المدرسات و عينيه بتيجى على حتت مش كويسة

    كنت بألاحظه جدا

    كان ضربه مبرح جدا

    أسوأ من أبلة فوزية

    كان لما يضرب يعمل ايه

    يمسك العصا بيده اليمنى ثم يرفعها الى أعلى و يرفع ساقه اليسرى و هو تانى الركبة ( اليسرى) و ينزل بكل قوته على يد التلميذ

    (تحس إنه حيحدف كورة لمسافة 100 متر مثلا)

    كان مفترى

    كسر قبل كدة ذراع ولد (ذراعه إتجبس)

    و كان يفتخر بذلك

    له معى موقف

    يتبع
    وضعت 25-01-2016 في 09:26 AM بواسطة +إيرينى+ +إيرينى+ غير متصل
    Updated 25-01-2016 at 09:29 AM by +إيرينى+
  8. Old Comment
    الصورة الرمزية +إيرينى+
    أستاذ رمضان سألنى فى حصة الزراعة عن طريقة عمل مربى (مش فاكرة أنهو فاكهة)

    طبعا و لا حافظة حاجة

    ما عرفتش أجاوب

    فقال : إفتحى إيدك _ عشان يضربنى بالعصى

    فبصيت بعينى ناحية البيت ( البيت الل انا عايشة فيه كان فى وش المدرسة على طول)

    أنا بصيت لأنى ما كنتش عايزة حد من البيت يشوفنى و أنا بأنضرب

    و فتحت إيدى

    شافنى بصيت ناحية البيت فقال لى أقعدى

    اللا ؟ يعنى إنت عارف إنك بتعمل حاجة غلط ؟؟

    دا انت واطى أوى
    وضعت 26-01-2016 في 06:29 PM بواسطة +إيرينى+ +إيرينى+ غير متصل
  9. Old Comment
    الصورة الرمزية +إيرينى+
    ولد زميل فى الفصل إسمه صبرى

    كان أبوه نجار و كان بيضربه بالخرطوم على وركه

    طب انا عرفت ازاى ؟؟

    كان الصبيان بيلبسوا شورت فى حصة الالعاب فشوفت مكان الضرب

    كان مزرق

    لما لاقانى بصيت _ حكى

    الولد دا كان بلييييييييييييييييييييييييد و كان طخين _ بكرش _ أردافه كانت كبيرة - كان ليه ثديين من كتر طخنه

    تحسه إنه واحدة ست

    صبرى دا جه و انا خارجة من المدرسة : مسك راسى و باسنى على خدى

    فزقيه _ ما بيتزقش ( كتلة من الجيلى ) ماسك فيا

    إبعد يا مؤرف _ فبعد

    العيال شافوه لما باسنى

    تانى يوم العيال قالوا لأستاذ رمضان

    مش كان يضربه طا ؟

    لا ما ضربهوش بس قال له : إنت يالا صغير ع الحاجات ديه

    بس كدة ؟؟_ أومال كنت ح تضربنى على المربى ؟ يا جذمة !
    وضعت 26-01-2016 في 06:45 PM بواسطة +إيرينى+ +إيرينى+ غير متصل
    Updated 26-01-2016 at 06:49 PM by +إيرينى+
  10. Old Comment
    الصورة الرمزية +إيرينى+
    بكرة بأة نبدأ فى سنة 5

    ابلة ناهد و ابلة فتحية الوكيل و أستاذ صابر
    وضعت 26-01-2016 في 06:47 PM بواسطة +إيرينى+ +إيرينى+ غير متصل
  11. Old Comment
    الصورة الرمزية +إيرينى+
    أخيرا دخلنا سنة 5 و خلصت من أبلة فوزية

    أبلة ناهد كانت بتدينا عربى و مواد اجتماعية

    أبلة فتحية الوكيل كانت بتدينا حساب و علوم

    أستاذ صابر اتعين جديد فى أثنا السنة الدراسية و أصبح يدينا عربى بدل أبلة ناهد

    و المستمر معنا : أستاذ رمضان للزراعة _ و أبلة جميلة للدين المسيحى

    _______________________

    أبلة ناهد زوجة أستاذ فتحى اللى ح يدينا الحساب فى سنة 6

    أبلة ناهد كانت طوييييييييلة و كان جسمها شبه كتاب سلاح التلميذ

    تحس إنها دولاب بضلفة واحدة و كان ليها سمك thickness زى كتاب سلاح التلميذ بتاع العربى

    كانت محجبة : و لأول مرة أرى مُدَرِسة محجبة

    كنت بأحسب إنها قرعة أو فى أى حاجة فى شعرها عشان كدة هى غطته

    كانت الجيبة طويييييييييييييييلة لغاية الأنكل بتاع القدم

    أول مرة برضوا أشوف حاجة كدة _ فين أبلة كوارع !!

    كانت بتشرح حلو جدا _ عمرى ما شوفتها ماسكة عصاية و مع كدة الفصل كان سكتم بكتم


    ____________________________

    أبلة فتحية الوكيل

    كانت نحيييييييييييفة و وشها مكرمش

    كنت دايما بأحس إنها عجوزة من كتر الكرمشة الل فى وشها

    كانت برضوا محجبة

    و كانت الجيبة طوييييييييييييييييلة لغاية الأنكل بتاع القدم

    كانت أردافها غريبة _ كانت الأرداف مع الضهر عاملين زاوية قايمة

    أيوة بجد كانت 90 درجة بالضبط

    و كانت مشيتها غرييييييييييييييبة بسبب الارداف ديه

    يتبع
    وضعت 27-01-2016 في 07:04 AM بواسطة +إيرينى+ +إيرينى+ غير متصل
  12. Old Comment
    الصورة الرمزية grges monir
    يخرب عقلك
    فاكرة الحاجات دى كلها
    وكمان مكنتوش اطفال زينا كنتوا قرود عارفين دة بيبص على اية وعلى مين
    وضعت 27-01-2016 في 09:28 AM بواسطة grges monir grges monir غير متصل
  13. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة grges monir View Comment
    يخرب عقلك
    فاكرة الحاجات دى كلها
    وكمان مكنتوش اطفال زينا كنتوا قرود عارفين دة بيبص على اية وعلى مين
    هى ديه حاجات تتنسى ؟؟
    وضعت 28-01-2016 في 06:30 AM بواسطة +إيرينى+ +إيرينى+ غير متصل
  14. Old Comment
    الصورة الرمزية +إيرينى+
    قبل ما اتكلم عن المواقف الل حدثت مع المدرسين

    ح إتكلم عن حاجة كدة حصلت فى السنة ديه

    قرر وزير التربية و التعليم وقتها إن دخول المدارس يبقى أول سبتمبر

    و إحنا كان أيامنا دخول المدارس أول أكتوبر

    فيه موجة حارة دايما بتيجى على مصر فى الاسبوع التانى من سبتمبر

    جت الموجة الحارة شدييييييييييييييييييدة جدا فى السنة ديه

    و كان يومها وقفنا كتير فى الطابور ( الحقيقة مش فاكرة ليه تقريبا كان يوم إذاعى_ مش مهم السبب)

    و إذ فجأة عيل وراء التانى يقع و يغم عليه فى الطابور

    حوالى نص المدرسة أغم عليها ( من غير مبالغة)

    موقف لن أنساه ما حييت

    طبعا طلع باقى العيال للفصول (منهم أنا)

    و الل أغم عليهم : ما اعرفش عملوا ايه معاهم لكن ما رجعوش على فصولهم

    و ديه كانت أول و آخر مرة ندخلوا المدارس فى أول سبتمبر
    وضعت 28-01-2016 في 06:38 AM بواسطة +إيرينى+ +إيرينى+ غير متصل
  15. Old Comment
    الصورة الرمزية +إيرينى+
    كنت طالعة الأولى على الفصل

    الأول بياخد خمس نياشين بخمس ألوان

    كانت أمى فصلت لنا المرايل عند خياط محترم

    كانت القماشة بتاعة المريلة غسيل و لبس يعنى لا تحتاج لمكواة

    كنت بالبس جذمة فيرنيه يعنى ما تحتاجش تلميع هى تتمسح كدة بقطعة قماشة

    قبل الطابور _ العيال بيجروا فى الحوش عفروا تراب _ التراب جه عل الجذمة

    ما أخدتش بالى إن الجذمة مش بتلمع

    جت أبلة فتحية الغياب بتمر فى الطابور فقالت لى : جذمتك مش متلمعة ليه ؟ إطلعى برة

    برة ديه : يعنى أقف تحت التاندة عشان ح انضرب من الناظر الل ضربه مبرح جدا

    وقفت تحت التاندة

    فلمعت الجذمة فى البنطلون و أنا واقفة

    طبعا رجعت تلمع تانى

    جه الناظر و ف إيده العصاية الطويلة

    لقى تلميذة شيك لبسها مكوى و خمس نياشين و أظافر مقصوصة و جذمتها بتلمع

    حاجة آخر ألاجة

    فسألنى : انتى طلعتى برة ليه ؟؟

    قولت له : الجذمة ما بتلمعش

    بص عل الجذمة لقاها بتلمع

    طبعا ما حبش يضربنى و ما حبش يزعل أبلة فتحية

    فطبطب بالعصا على كف يدى

    و طلعت الفصل
    وضعت 28-01-2016 في 06:50 AM بواسطة +إيرينى+ +إيرينى+ غير متصل
  16. Old Comment
    الصورة الرمزية paul iraqe
    اقتباس:
    المشاركة الأصلية كتبت بواسطة ياسر رشدى View Comment
    مستنيين اهو .. لما نشوف العقد والشراشيب ..

    مع ان واحد صاحبي كان في مدرسة حكومة في اعدادي وكان فيها مدرس رياضة بدنية مسيحي اسمه منير عزت كان عاملهم رعب في طابور الصباح

    واللي يجي متأخر يدفيله ايديه بخرزانة طولها 2 متر والدنيا تلج الصبح

    عمري ما سمعته بيقول عليه اصله عشان مسيحي فبيضطهد العيال ويطلع فيهم عقده وغله

    عموما ده شعور الاقليات وهو شعور طبيعي هههههههه

    كملي وطلعي اللي جواكي ولا يهمك يا ايريني




    مافيش حاجة اسمها شعور اقليات هنا

    في حاجة اسمها صح وحاجة تانية اسمها غلط

    ((العلم هو الفيصل ))
    وضعت 28-01-2016 في 08:42 AM بواسطة paul iraqe paul iraqe غير متصل
  17. Old Comment
    الصورة الرمزية paul iraqe
    اختي الكريمة ايريني

    ما معنى كلمة (مرايل )

    وما معتى كلمة (فيرنيه )


    ما هو اصلي مش كويس زيكم باللهجة المصرية ههههههههههههه
    وضعت 28-01-2016 في 08:46 AM بواسطة paul iraqe paul iraqe غير متصل
  18. Old Comment
    [CENTER][B][FONT=Arial][SIZE=5]فكرتينى بالجزمة الفرنية دهين
    مرة أخدت فلوس من أبويا علشان اشترى ولا مؤاخذة جزمة
    لقيت (اللميع) دى اللى بيسموها فرنية
    أشتريتها لأنى البياع قالى دى ما بتدهنش ورنيش :t33:
    روحت البيت وأنا فرحان أأوى ...
    وداعااااااااااا (للكرة) أسم علبة الورنيش الصفيح بتاعة زمااان
    أبويا قالى : أية الخرة اللى أنت جايبه دة ؟
    ( ما أحنا فى مدونة بقى نكتبوا براحتنا )
    :new6:
    قالى دة هتقشر ...لأ مش هتقشر ..لأ هتقشر وتبقى ززززفت
    المهم أكتشفت فعلا أن أبويا كان عنده حق
    وأن الفرنية لا تصلح بتاتاً للأولاد ..
    لأن العيل من دولى لما بيخرج من المدرسة مروح بيتهم
    أول حاجة بيعملها أنه بيشوط أى طوبة فى طريقة
    وطبعا اللميع اللى فى بوز الجزمة بيطير
    :new6:
    كملى كملى
    [/SIZE][/FONT]
    [/B][/CENTER]
    وضعت 28-01-2016 في 08:58 AM بواسطة عبود عبده عبود عبود عبده عبود غير متصل
  19. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    اختي الكريمة ايريني

    ما معنى كلمة (مرايل )

    وما معتى كلمة (فيرنيه )


    ما هو اصلي مش كويس زيكم باللهجة المصرية ههههههههههههه


    فيرنيه الل هى بتلمع من نفسها مش محتاجة تلميع

    و مرايل الل هى الزى المدرسى
    وضعت 28-01-2016 في 04:19 PM بواسطة +إيرينى+ +إيرينى+ غير متصل
  20. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة عبود عبده عبود View Comment
    فكرتينى بالجزمة الفرنية دهين
    مرة أخدت فلوس من أبويا علشان اشترى ولا مؤاخذة جزمة
    لقيت (اللميع) دى اللى بيسموها فرنية
    أشتريتها لأنى البياع قالى دى ما بتدهنش ورنيش
    روحت البيت وأنا فرحان أأوى ...
    وداعااااااااااا (للكرة) أسم علبة الورنيش الصفيح بتاعة زمااان
    أبويا قالى : أية الخرة اللى أنت جايبه دة ؟
    ( ما أحنا فى مدونة بقى نكتبوا براحتنا )

    قالى دة هتقشر ...لأ مش هتقشر ..لأ هتقشر وتبقى ززززفت
    المهم أكتشفت فعلا أن أبويا كان عنده حق
    وأن الفرنية لا تصلح بتاتاً للأولاد ..
    لأن العيل من دولى لما بيخرج من المدرسة مروح بيتهم
    أول حاجة بيعملها أنه بيشوط أى طوبة فى طريقة
    وطبعا اللميع اللى فى بوز الجزمة بيطير

    كملى كملى


    حاتر ح نكملوا اهوه


    بس انا جذمتى ما كاتش خرة ديه جذمتك انت



    هو فعلا الفرنيه لا يصلح للصبيان

    وضعت 28-01-2016 في 04:22 PM بواسطة +إيرينى+ +إيرينى+ غير متصل
 

الساعة الآن 11:14 PM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة