منتديات الكنيسة

العودة   منتديات الكنيسة المدونات مجرد أفكار

Rating: 2 votes, 5.00 average.

ذكريات المدرسة غير السعيدة

وضعت 05-01-2016 في 07:29 AM بواسطة +إيرينى+

كنت تلميذة ذكية جدا

يعتمد تفوقى على شرح المدرس

لو لم يشرح : رسبت

لو شرح تفوقت

فلم يكن أحد فى البيت يساعدنى

أبى الذى يعمل مهندس ينزل من البيت (7صباحا) قبل أن أذهب الى المدرسة و يعود بعد عودتى (4~5مساء) بساعات منهك القوى

و أمى التى تعمل طبيبة تاخد يومين نوباتجية فى الاسبوع لتحسين الدخل فتبدأ 2 ظهرا لتعود تانى يوم الثامنة صباحا

و باقى الايام تنزل للعمل معى تقريبا عدا يوم الأحد و تعود فى حدود 2~3 العصر

لا يوجد حل سوى الاعتماد عل نفسى
وضعت في قسم غير محدد
المشاهدات 106587 التعليقات 143 تعديل الكلمات الدلالية
Total Comments 143

التعليقات

  1. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة grges monir View Comment
    اها يعنى كدة المنظومة التعليمية فاشلة من ايامنا احنا
    انتى بى شايفة ان العملية التعليمية دلوقت افضل ولا اسؤا من ايامنا
    هى زى ما هى

    نفس الفشل

    وضعت 27-02-2016 في 07:13 PM بواسطة +إيرينى+ +إيرينى+ غير متصل
  2. Old Comment
    الصورة الرمزية +إيرينى+
    طب ح أحكي لكم خبرتى لما جيت أقدم لإبنى فى المدارس

    طبعا عايزاه ياخد لغات ما يطلعش واتوزرونوم زى أمه

    سألت يمين و شمال _ هنا و هناك

    سمعت آراااااااااااء كتيييييييييييييييييييييير جدا جدا

    دخليه تجريبى لغات ديه زى الخاص بالظبط بس التكلفة أقل تقريبا تكلفتها 10% من الخاص

    لا يا شيخة دخليه تجريبى عربى : كل المواد بالعربى بس حياخد لغة انجليزى اضافى

    لا يا شيخة دخليه سان مارك (فرنساوى) ديه المدرسة الوحيدة للصبيان و رهبان فى اسكندرية _ تضمنى إن إبنك ح يبقى متربى

    فرنساوى ايه و بتاع ايه دخليه خاص إنجليزى إنتى مالك و مال الفرنساوى إنتى

    فدخلته : تجريبى لغات

    قولت يا بت الحكومة اتطورت و عملت لغات و انسى الل حصل معاكى من 25 سنة _ الزمن غير الزمن

    أخد kg1 و kg2 طلع منهم عارف لغاية حرف س فى العربى و حرف f فى الانجليزى _ و الأرقام لغاية 10 (خييييييييييييييييبة)

    مُدَرِسته تقولى : إبنك محتاج درس

    KG ?!!!!!!!!!!!!!!!! و أنا مهندسة !!!!!!!!!!! هزلت و زبلت و تنيلت

    دخل أولى إبتدائى

    كل يوم يرجع مضروب عصايتين على إيديه

    طبعا عفاريتى طلعت

    نقلته على طووووووووووووووووووول مدرسة خاصة لغات

    بلاش وجع دمااااااااااااااغ
    وضعت 28-02-2016 في 06:43 AM بواسطة +إيرينى+ +إيرينى+ غير متصل
  3. Old Comment
    الصورة الرمزية paul iraqe
    لا يا شيخة دخليه سان مارك (فرنساوى) ديه المدرسة الوحيدة للصبيان و رهبان فى اسكندرية _ تضمنى إن إبنك ح يبقى متربى

    --------------------------------------------------


    المدارس الخاصة (المسيحية تحديدا ) اجورها غالية عليكي ؟

    اسلوب التعليم فيها كويس ولا في ضرب زي الحكومي ؟

    وشكرا
    وضعت 28-02-2016 في 08:42 PM بواسطة paul iraqe paul iraqe غير متصل
  4. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    لا

    المدارس الخاصة (المسيحية تحديدا ) اجورها غالية عليكي ؟

    اسلوب التعليم فيها كويس ولا في ضرب زي الحكومي ؟

    وشكرا

    المدارس الخاصة (المسيحية تحديدا) أجورها متنوعة

    تبدا من 6000 جنيه فى السنة و آخرها 20 ألف جنيه فى السنة

    إبنى فى مدرسة مسيحية من أم 6000 : ديه معقولة بالنسبة لحالتى الاقتصادية

    _______________________

    أما عن أسلوب التعليم

    بصفة عامة : ما فيش ضرب

    و لو مدرس تجاوز و ضرب : من حق ولى الأمر يطلع ميتين الل خلفوه

    لكن

    و خد بالك من كلمة لكن ديه

    فيه بعض مدارس الراهبات الكاثوليك : تتميز بالانضباط الشديد فى تنفيذ التعليمات

    و الراهبات هن الل بيضربن التلميذات و ضربهن جااااااااااااااامد

    يعنى مثلا :

    لو التعليمات قالت : إن الشراب socks أبيض سادة

    لو بنت لبست شراب أبيض فيه خط أو فيونكة بمبى فاتح حتنضرب على بطن ساقها بالعصاية من الراهبة حتى لو كانت البنت فى kg

    مدرسة ال secret heart قى اسكندرية (مدرسة راهبات انجليزى مستوى رفيع) مشهورة بشدة رهيبة

    وضعت 29-02-2016 في 08:10 AM بواسطة +إيرينى+ +إيرينى+ غير متصل
  5. Old Comment
    الصورة الرمزية +إيرينى+
    فى يوم فى أولى إعدادى قررت أقعد فى الخلف بدل من الأمام عشان أبعد عن ميس تريزة الل بتفتف و هى بتشرح

    و ياريتنى ما رجعت وراء

    فضلت طول الحصة و أنا شمة ريحة خرة و يبدو إن بالوعة المجارى كانت فى آخر الفصل

    الرائحة لن أنساها

    فوضعت منديل حول أنفى حتى تقل حدة الرائحة

    و بدأت أكح و اتخنق _ الغريبة ان البنات اللى حواليا و لا حصلهم حاجة

    جاءت لى ميس تريزة لغاية عندى و سألتنى : حاطة ليه منديل على مناخيرك ؟؟

    تعجبت جدا من السؤال !!!!

    هى كمان مش شمة ؟؟

    هو أنا بس ؟؟

    قولت لها : فيه رائحة وحشة جدا

    عرفت وقتها هى ليه بتفتف

    لأنها يبدو ان عندها زكام دائم (لحمية يمكن) و يمكن عشان كدة ما شمتش حاجة

    وضعت 04-03-2016 في 04:36 PM بواسطة +إيرينى+ +إيرينى+ غير متصل
    Updated 04-03-2016 at 04:39 PM by +إيرينى+
  6. Old Comment
    الصورة الرمزية paul iraqe
    اقتباس:
    المشاركة الأصلية كتبت بواسطة +إيرينى+ View Comment

    المدارس الخاصة (المسيحية تحديدا) أجورها متنوعة

    تبدا من 6000 جنيه فى السنة و آخرها 20 ألف جنيه فى السنة

    إبنى فى مدرسة مسيحية من أم 6000 : ديه معقولة بالنسبة لحالتى الاقتصادية

    _______________________

    أما عن أسلوب التعليم

    بصفة عامة : ما فيش ضرب

    و لو مدرس تجاوز و ضرب : من حق ولى الأمر يطلع ميتين الل خلفوه

    لكن

    و خد بالك من كلمة لكن ديه

    فيه بعض مدارس الراهبات الكاثوليك : تتميز بالانضباط الشديد فى تنفيذ التعليمات

    و الراهبات هن الل بيضربن التلميذات و ضربهن جااااااااااااااامد

    يعنى مثلا :

    لو التعليمات قالت : إن الشراب socks أبيض سادة

    لو بنت لبست شراب أبيض فيه خط أو فيونكة بمبى فاتح حتنضرب على بطن ساقها بالعصاية من الراهبة حتى لو كانت البنت فى kg

    مدرسة ال secret heart قى اسكندرية (مدرسة راهبات انجليزى مستوى رفيع) مشهورة بشدة رهيبة




    بصورة عامة -

    الضرب ليس وسيلة تربوية للاطفال
    ويعطي الضرب دائما نتائج عكسية تظهر على نفسية الطفل فيما بعد

    نعم -

    بالنسبة لاجور الدراسة فانا اراها رخيصة جدا
    يعني 6000 جنيه مصري في السنة تعادل تقريبا 800 دولار اذا افترضنا الدولار الواحد 7 جنيه مصري


    مع الشكر والتقدير

    وسابقى متابع لكم
    وضعت 06-03-2016 في 07:24 AM بواسطة paul iraqe paul iraqe غير متصل
  7. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    بصورة عامة -

    الضرب ليس وسيلة تربوية للاطفال
    ويعطي الضرب دائما نتائج عكسية تظهر على نفسية الطفل فيما بعد

    نعم -

    بالنسبة لاجور الدراسة فانا اراها رخيصة جدا
    يعني 6000 جنيه مصري في السنة تعادل تقريبا 800 دولار اذا افترضنا الدولار الواحد 7 جنيه مصري


    مع الشكر والتقدير

    وسابقى متابع لكم
    ما تقارنهاش بسعر الدولار

    قارنها بمستوى المعيشة

    6000 جنيه مش رخيصة فى مصر
    وضعت 08-03-2016 في 05:32 AM بواسطة +إيرينى+ +إيرينى+ غير متصل
  8. Old Comment
    الصورة الرمزية +إيرينى+
    أولى اعدادى كانت أول سنة ناخدوا مادة الجبر

    ما كنتش فاهمة الميس ذات الأثداء الكبيرة و القفا الظاهر

    و لا فاهمة أيتها حااااااااااااااااااجة

    عملت امتحان

    و أنا جبت 29/42

    البت نيرمين و البت داليا جابو 39/42

    بابا شاف النمرة اتخض وقال : لى ايه دا ؟؟

    ماما قالت له : خلاص خلاص أصلا مادة الجبر صعبة

    و قالت باللهجة الصعيدة : الجبر كاج جبر ياخده

    يعنى : يارب مادة الجبر ياخدها القبر

    بس بعد كدة اجتهدت و وصلت ل 40/42 بعد عنااااااااااااااااااء شديد

    بأذاكر لوحدى من غير دروس و لا حد بيشرح فى البيت
    وضعت 08-03-2016 في 05:39 AM بواسطة +إيرينى+ +إيرينى+ غير متصل
  9. Old Comment
    الصورة الرمزية +إيرينى+
    دخلت تانية إعدادى

    إديتنى مُدَرسة عربى كانت غرييييييييييييييبة جدا

    كانت بتشرح بصوت خافت جدا كأنها بتوشوش نفسها

    كنا بنطلع من حصتها و هى واقفة بتشرح

    كانت مثال لغير الوجود

    كانت معايا بنت عمى فى ذات الفصل و كانت قاعدة جنبى

    و كانت معايا بنت متفوقة جدا اسمها وسام ديه غير وسام بتاعة المدرسة الابتدائى

    البنت كانت سمراااااااااااااااااااااااااا و شعرها ناااااااااااااااعم و اسود حاااااااااااااااااالك و طويييييييييييييييل
    و كانت ملامحها جميييييييييييييييييييييييييلة
    احببتها لطيبة قلبها

    لى معها موقف سأحكيه المرة القادمة

    وضعت 10-03-2016 في 01:22 PM بواسطة +إيرينى+ +إيرينى+ غير متصل
  10. Old Comment
    الصورة الرمزية +إيرينى+
    فى يوم كان فيه إمتحان

    و البت وسام غشت منى

    و بعدين هى الل جابت الدرجة النهائية و انا غلطت فى سؤال تانى

    قومت رايحة قيلالها : ما تفرحيش أوى إنتى طالعة الأولى بالغش

    قامت معيطة


    وضعت 12-03-2016 في 04:29 PM بواسطة +إيرينى+ +إيرينى+ غير متصل
  11. Old Comment
    الصورة الرمزية +إيرينى+
    فى فصل تانى غير فصلى

    بنت اسمها ايمان جالها تيفود

    و اخدت تلات شهور أجازة من المدرسة

    و باقى الفصل الل هى كانت فيه أخد حقنة (مش عارفة ديه كانت تطعيم و لا إيه)

    ما علييييييييينا

    آخر السنة جت

    امتحاااااااااااااااان العربى

    طبعا انا مش عارفة حاجة _ المُدَرسة كانت بتوشوش نفسها فى الحصة

    مش عارفة أحل أيتها حاجة

    هوب إذ فجأة جاءت مدرسة للغة العربية بتملينا الاجابات و أنا وراها على طول

    دا حصل فى لجنتى بس مش فى كل اللجان

    طب ليه ؟؟

    البت إيمان الل جالها التيفود معايا فى اللجنة (إيمان - إيرينى)

    و أتارى أبوها كان بيشتغل فى وزارة التربية و التعليم : موجه لغة عربية

    و هو الل وصى على بنته

    و من جاور السعيد يسعد



    وضعت 12-03-2016 في 04:38 PM بواسطة +إيرينى+ +إيرينى+ غير متصل
  12. Old Comment
    الصورة الرمزية paul iraqe
    عندنا في الاعدادي نأخذ عشرة دروس

    دي ما عدا (الرياضة والرسم )

    والدين الاسلامي - خاص للمسلمين ولا يشمل الطلبة غير مسلمين

    --------------------------------------

    كم درس انتو تاخذو في الاعدادي ؟
    وضعت 15-03-2016 في 09:10 AM بواسطة paul iraqe paul iraqe غير متصل
  13. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    عندنا في الاعدادي نأخذ عشرة دروس

    دي ما عدا (الرياضة والرسم )

    والدين الاسلامي - خاص للمسلمين ولا يشمل الطلبة غير مسلمين

    --------------------------------------

    كم درس انتو تاخذو في الاعدادي ؟

    يعنى الل فاكراه

    انهم 5

    عربى

    انجليزى

    علوم

    جبر و هندسة

    تاريخ و جغرافيا

    ______________

    و طبعا بالاضافة الى الدين و الرسم و الزراعة
    وضعت 16-03-2016 في 06:54 AM بواسطة +إيرينى+ +إيرينى+ غير متصل
  14. Old Comment
    الصورة الرمزية +إيرينى+
    فى يوم فى حصة الدين

    جت مُدَرِسة الدين الاسلامى و قالت المسلمات هن اللى ينزلوا خلى المسيحيات فى الفصل

    أول مرة تحصل : غنيت فى سرى أول مرة أأأأأأأأول مرة لعبد الحليم حافظ

    بس الصراحة الفضول أكلنى

    بأة تنزل 50 بنت من الفصل و يسيبوا 4 قاعدين ؟؟

    ليه يعنى ؟؟

    قومت استأذنت من مُدَرِسة الدين المسيحى و طلبت منها أروح دورة الماية

    و طبعا و لا روحت دورة الماية و لا حاجة

    أنا نزلت مع المسلمات

    و فضلت نازلة معاهم عل السلم

    إيه يا وسام رايحين فين ؟؟

    المسجد

    إشمعنى يعنى المرة ديه ؟؟

    ح تسمع لنا سورة البقرة

    بحالها ؟؟

    أنا عارفة ؟؟

    و انتى حافظاها طبعا

    لا طبعا

    ديه ماسكة عصاية

    ______________

    المهم روحت اتمشيت فى الحوش حبة

    و رجعت ابص عل المسلمات فى المسجد بصيت لاقيت عشرة برة المسجد

    منهن وسام

    سألتها : إيه كرشتك ؟؟

    لا أنا ما دخلتش

    ممممممممم يبدو إنك من الكفار هههههههههههههه

    قالت لى : على ايدك يمكن ابقى كافرة

    لابجد قولى ايه الل مخليكى واقفة برة

    قالت لى قولت لها انا عندى الدورة

    يا بت اللذينة
    طب احفظى بأة المرة الل جاية
    لاحسن تقوليلها دورة تانى _ مش ح تسكت لك


    قالت لى : لا برضوا دورة

    ليه هى دورة اسبوعية ؟؟

    يا ستى اتلخبطت شوية : احنا لسة فى سن البلوغ

    صااااااااااااااااااايعة

    دكتورة ان شاء الله

    و فعلا وسام بعد ما خلصت ثانوية عامة دخلت طب بشرى و بقيت طبيبة
    وضعت 18-03-2016 في 07:44 AM بواسطة +إيرينى+ +إيرينى+ غير متصل
    Updated 18-03-2016 at 09:37 AM by +إيرينى+
  15. Old Comment
    الصورة الرمزية +إيرينى+
    خلصت الاعدادية

    و انا جبت 251/280

    ابنى عمى جاب 253/280 و لا اتذكر اخته التوأم جابت كام

    و الحقيقة ان 90% = 252/280 بالظبط

    ابن عمى ادعى انه جاب 91% و أنا جبت 89%

    روحت على طول متصلة بيه

    و قولت له :يعينى على شطارتك 2/100 = 2/280 ؟؟ بينى و بينك الثانوية العامة



    وضعت 21-03-2016 في 08:48 AM بواسطة +إيرينى+ +إيرينى+ غير متصل
  16. Old Comment
    الصورة الرمزية paul iraqe
    طيب يا باشمهندسة

    في حاجة انتي لم تذكريها لا في الابتدائية ولا في الاعدادية

    (( الاكل ))

    الذي اعرفه حتى هنا في العراق المدارس الحكومية كان عندها (( تغذية مدرسية )) في تلك الفترة

    هل كانت عندكم تغذية مدرسية مجانية ؟

    ام ان ماما كانت بتعمليك سندويتشات ؟

    وهل كان عندكم ( حانوت او دكان مدرسي ) وباسعار مدعومة يعني رخيصة ؟

    وشكرا
    وضعت 22-03-2016 في 08:35 AM بواسطة paul iraqe paul iraqe غير متصل
  17. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة paul iraqe View Comment
    طيب يا باشمهندسة

    في حاجة انتي لم تذكريها لا في الابتدائية ولا في الاعدادية

    (( الاكل ))

    الذي اعرفه حتى هنا في العراق المدارس الحكومية كان عندها (( تغذية مدرسية )) في تلك الفترة

    هل كانت عندكم تغذية مدرسية مجانية ؟

    ام ان ماما كانت بتعمليك سندويتشات ؟

    وهل كان عندكم ( حانوت او دكان مدرسي ) وباسعار مدعومة يعني رخيصة ؟

    وشكرا
    أيامى : لا ما كانش فيه تغذية مدرسية و لا كان فيه دكان

    كانت ماما بتعمل لى السندويتشات

    فكرتنى لما فى يوم ماما عملت لى سندويتش فول (كان الصيام الكبير) - جاكلين صاحبتى بتحب الفول

    جاكلين (مامتها كانت عاملالها سندويتش جبنة بالجرجير ) - انا بحب الجبنة مع اى حاجة لونها اخضر (جرجير - فلفل - خيار ...........)

    فبدلنا السندويتشات

    و بعد ما خلصت السندويتش : قولت يا لهوى دا انا صايمة


    وضعت 23-03-2016 في 08:25 AM بواسطة +إيرينى+ +إيرينى+ غير متصل
  18. Old Comment
    الصورة الرمزية paul iraqe

    و بعد ما خلصت السندويتش : قولت يا لهوى دا انا صايمة





    وضعت 23-03-2016 في 10:08 AM بواسطة paul iraqe paul iraqe غير متصل
  19. Old Comment
    الصورة الرمزية grges monir
    وقفتى لية
    متكملى الذكريات
    وضعت 03-04-2016 في 12:07 PM بواسطة grges monir grges monir غير متصل
  20. Old Comment
    الصورة الرمزية +إيرينى+
    اقتباس:
    المشاركة الأصلية كتبت بواسطة grges monir View Comment
    وقفتى لية
    متكملى الذكريات
    ح أكمل حاتر

    بس اتلخمت فى المذاكرة
    وضعت 04-04-2016 في 09:06 AM بواسطة +إيرينى+ +إيرينى+ غير متصل
 

الساعة الآن 01:09 PM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة