منتديات الكنيسة

العودة   منتديات الكنيسة المدونات ياسر رشدى

قيم هذا الموضوع

الخليفة

وضعت 03-02-2016 في 04:01 AM بواسطة ياسر رشدى

[CENTER][COLOR=Blue][SIZE=5]من فترة ليست بالقصيرة كل يوم صباحا استيقظ واذهب الي الحمام وانظر في المرآة ثم .. اضحك ..

ثم اصدر تعبيرات بعيناي وحاجباي وكل عضلة في وجهي
ثم .. اضحك

كم كنت ساذجا في فهم الرسالة الالهية في عشرينات عمري .. بل كم كنت متسرعا ربما لقلة الخبرة وحيوية واندفاع الشباب

كنت اتخيل ان الخالق سيعيد خلق الكون مرة اخري

كون جديد وارض جديدة مليئة بالنفوس الصافية والملذات التي لا اثم فيها

ولكني شاهدت فيلما عن تحرك مجرتنا في الفضاء الشاسع

فادركت اننا صغار .. اصفار لا عدد ولا حصر لها علي يمين الواحد

بل يمكن ان اكون انا نفسي مجرة مستقلة .. فلم يعرف احد حتي حينه هل هناك اصغر من نواة الذرة في جسدي .. فربما كانت عليها حياة اخري ولا ادري

فكما نحن اصفار في المالانهاية .. يمكن ايضا ان نكون اشياء كبيرة لحيوات اخري بداخلنا

اذا ما هو اصغر عنصر في الكون عامة وليس بالنسبة لنا

يتبع
[/SIZE][/COLOR][/CENTER]
وضعت في قسم غير محدد
المشاهدات 1813 التعليقات 3 تعديل الكلمات الدلالية
Total Comments 3

التعليقات

  1. Old Comment
    الصورة الرمزية grges monir
    متابعك يا فلسفة
    وضعت 04-02-2016 في 04:39 PM بواسطة grges monir grges monir غير متصل
  2. Old Comment
    الصورة الرمزية +إيرينى+
    فكرتنى بالواد ابنى لما عرف ان الأرض كورة

    كان عمره فى حدود 5 سنين

    سألنى : ليه مش حاسين ان الأرض كورة

    عشان احنا أصغر من النملة بالنسبة للبلاطة على سطح الكورة

    عايزة تقولى إن الأرض كورة كبيرة أوى أوى

    طبعا طبعا و أكبر مما إنك تتخيل

    (عندنا كورة أرضية فى البيت فسالته فين إنت ؟

    و لا أعرف ؟؟

    طب فين بيتنا ؟؟

    و لا أعرف

    مش باين من صغره

    مش بااااااااااين ؟؟ دا ربنا دا اللى عمل الكورة ديه لوحده ؟؟

    ايوة و عمل كور تانية كتير

    فتحت له موقع على النت فيه شكل المجرات و فهمته إن الكورة الأرضية مش باينة وسطهم

    قال : يا دهوتى دا ربنا دا قوى جدا جدا جدا

    معقولة فيه قوة كدة ؟؟ ما ينفعش أبقى زيه ؟؟



    وضعت 07-02-2016 في 07:31 AM بواسطة +إيرينى+ +إيرينى+ غير متصل
  3. Old Comment
    ايريني الشربات هههههه هي والولة
    وكمان جرجس الفيلسوف الكبير
    نكمل مع بعض
    ......
    المهم كنت ساعات كتير باسرح مع نفسي واقعد اسأل اسألة كل ما اشوف حاجة ماتخشش مخي او افهمها فهم منطقي او حتي شبه منطقي

    يعني مثلا .. لما زرت الهرم ووقفت جنب الحجر .. وتخيلت ان الحجر ده وزنه من 3 الي 7 طن يعني 7000 كيلو جرام ويجي واحد يقولي اصلهم قطعوه بازاميل نحاس وبعدين صنفروه عشان يبقي ناعم كده .. هاقوله يا راجل احترم نافوخي .. الهرم فيه ولا مليون حجر والحجر الواحد عايز تقعد تنقر فيه يجي شهرين تلاته عشان تساويه بس فما بالك بتقطيعه وقد ايه ازاميل محتاجينها عشان التقطيع وكام مرة الازميل ده هايتسن .. وكل ده عشان ينسبوا الاهرامات لقدماء المصريين ونتفشخر بيهم ان احنا من نسلهم .. وده جبروتنا وقوتنا وعظمتنا ..

    طبعا بعد كده نفضت الكلام ده من نافوخي خالص .. الارض عمرها ملايين السنين .. ومقارنة بالانسان اللي جد عليها (هانقول عشرات الاف السنين) بالهيئة اللي احنا عليها لان علميا لم يثبت ابدا تطور فصيلة الي اخري ..
    يعني مثلا محدش شاف قرد امرد من غير شعر علي جسمه هههههه

    الانسان ربنا خلقه مباشرة .. طيب كان فيه خلق قبله .. في راي الشخصي .. اكيد
    طب راحوا فين !! وليه ما استمروش
    هل هلكوا بظواهر طبيعية .. نيازك انفجارات زلازل او المياه غطت الكرة الارضية فغرقوا وماتوا .. طيب فين اثارهم فين حضارتهم هل اندفنت علي اعماق كبيرة في البحر !! فلسه مكتشفنهاش !!

    المهم ان اللي بنا الاهرامات كان يمتلك حضارة ميكانيكية وده شبه مؤكد ..

    الحجر الواحد نسبة الخطأ فيه من حيث الزوايا والبروز والعالي والواطي واحد في الالف .. ومافيش حاجة تعمل ده الا آلة او مكنة سي ان سي ..

    يعني اكيد كان فيه ناس متقدمة وتمتلك الادوات والعلم .. فاين هم ؟؟؟

    كل اللي عمله قدماء المصريين انهم رسموا علي الجدران وكتبوا وكانهم هما اللي بنوا هذا الصرح .. سرقة وتزوير ..
    ولا حقيقة بس احنا مش مستوعبين
    يتبع
    وضعت 18-02-2016 في 05:28 AM بواسطة ياسر رشدى ياسر رشدى غير متصل
 

الساعة الآن 11:01 PM.



دعم خاص من vBulletin لمنتديات الكنيسة
©2000 - 2017، Jelsoft Enterprises Ltd
جميع حقوق الطبع محفوظة لمنتديات الكنيسة