"أَمَا تَعْلَمُونَ أَنَّكُمْ هَيْكَلُ اللهِ، وَرُوحُ اللهِ يَسْكُنُ فِيكُمْ؟"
طبعا الايه الجميله دى واضحه ومش محتاجه لشرح ودى حقيقه احنا متفقين عليها
طيب يا ترى احنا مقدرينها فعلا ؟؟
اكيد انتوا متفقين معايا اننا للاسف كتير بننساها او بنتناساها .. العالم بيلهينا باشياء كتير وبيأثر فينا .. حتى اسلوب كلامنا اوقات مش بيدل على اننا واعيين لقيمة الروح القدس الساكن فينا
كان قلبى بيفرح خالص لما بسمع من حد غير مسيحى اننا بيبان علينا اننا مسيحيين من طريقة كلامنا وعدم حلفاننا ومن امانتنا ومن ومن ومن
يا ترى احنا لسه زى ما احنا ولا تغيرنا ؟؟
هل احنا فعلا بعدنا عن ربنا وده سبب التغيير اللى حصلنا ولا برضه هنقول الدنيا هى اللى اتغيرت من حوالينا
هل بقينا بنخاف اوووى كده من العالم فبقينا بنتشبه بيه علشان نكسب مرضاة البشر وبنيجى على حق ربنا علينا
خلاص نسينا ان "الرَّبُّ لِي فَلاَ أَخَافُ. مَاذَا يَصْنَعُ بِي الإِنْسَانُ؟"
نفسى بجد نرجع لمسيحيتنا للكلمه الصادقه اللى هى عنواننا .. لامانتنا اللى كانت عهدنا
نفسى مننساش ان "الاحْتِمَاءُ بِالرَّبِّ خَيْرٌ مِنَ التَّوَكُّلِ عَلَى إِنْسَانٍ"
موضوع بقلمى واتمنى اسمع ارائكم
تحياتى :Love_Letter_Open:
