إزاى تقابلى العريس

[engy_love_jesus]

رد: إزاي تقابلي العريس لأول مرة؟

يخراشى كل ده ليه هو انا طالعة اخد صورة يحطوهالى فى مجلة

مش عاوزة اقولك انا عملت ايه اول مرة قابلت فيها عريس فى البيت

طبعا الليل كله كنت بوضب البيت وبنضف بقى تقولى الريس جاى

وكان جى فى صيام قمت الصبح عملت السمك لحد ما هو جه وطلعتله ببلوزة وبنطلون وشبشب البيت

ولامة شعرى اسمنى فى العادى عمرى ما لميته

ومن غير اى مكياج وطالعة اقابله وسلمت ودخلت كملت بقيت الاكل

ومحدش يضحك عليا ​

 

[ميرنا]

رد: إزاي تقابلي العريس لأول مرة؟

جامده يا بنتى من يومك دى بنات الصعيد ولا بلاش
ههههه

بس اخر جمله صح طبعا بيبقى يوم محرج خالص
خصوصا لما بيبقى فى البيت
هو مينفعش ميحصلش الكلام دة كله وتتجوزوا على طول
ههههه

فى البيت او برة يا فتوت بامانة الموضوع كله محرج ويسلام لما يكون حاجة كدا جرائة يعنى ينكش فيكى وانتى ولا الهوا جبل قاعد

 

[بنت موسى الاسود]

رد: إزاي تقابلي العريس لأول مرة؟

ايه كل ده ده انا لو رايحه امتحان مش هعمل كده ابدا
​

 

[mero_engel]

رد: إزاي تقابلي العريس لأول مرة؟

نصايح مهمه ومفيده فعلا لكل بنت
ربنا يفرح كل البنات والولاد
ميرسي علي النصايح
​

 

[جيلان]

رد: إزاي تقابلي العريس لأول مرة؟

جامده يا بنتى من يومك دى بنات الصعيد ولا بلاش
ههههه

بس اخر جمله صح طبعا بيبقى يوم محرج خالص
خصوصا لما بيبقى فى البيت
هو مينفعش ميحصلش الكلام دة كله وتتجوزوا على طول
ههههه

اه طبعا ينفع .. وينفع يتطلقوا بعدها على طول كمان ههههه

 

[AL MALEKA HELANA]

أكيد أي بنت في سن الجواز وهي في بيت أهلها مرت أو هتمر بالموقف اللي هقول لكم عليه دلوقت...

يرن جرس التليفون وتلاقي واحدة قريبة مامتك من بعيد بتتصل بيكم في البيت وبعد السلامات والتحيات والذي منه تلاقيها بتسأل مامتك السؤال ده...

هو بنتك اللي لسه مخلصة الجامعة اتخبطت طبعا مامتك هتقول لها لا والله لسه النصيب مجاش..

هتقول لها طيب كويس أنا ابني بشمهندس زي الفل وبندور له على عروسة وأكييييييييييد مش هنلاقي أحسن من بنتكم إيه رأيك ما تيجي نتقابل في أي نادي أو نيجي البيت عندكم والولاد يتعرفوا على بعض يمكن يحصل نصيب...

أكيد مامتك هترحب وتقول لها تشرفوا في أي وقت أهلا وسهلا...

وبعد كده هتقول لك اعملي حسابك إن فيه ناس جايين الأسبوع اللي جاي..

أنت في الوقت ده بتضايقي جدا وبتكوني مش عارفة تعملي إيه أو تلبسي إيه وخايفة ومكسوفة ومحتاجة حد يساعدك ويقول لك على اللي المفروض تعمليه في موقف زي ده..



ازاي تتصرفى في الموقف ده
علشان يعدي بسلام..


تعـــــالى شوفى هتتصرفى ازاى





هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير قوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير قوووي...

علشان كده عايزاك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب.

طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها...

ماتخافيش أنا دلوقتي همشي معاك خطوة خطوة وأقول لك تعملي إيه..



الخطوة الأولى
جهزي نفسك نفسيا ومظهريا

1- علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك.

2- حاولي على قد ما تقدري تخلي أعصابك هادية جدا وتبعدي عن أي مصدر قلق أو توتر علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي...

3- بعد كده ادخلي الأوضة عندك وابدأي في اختيار لبسك وعلى فكرة النقطة دي بتحير بنات كتيييييييير قووووي لأنهم بيحتاورا يلبسوا كلاسيك ولا لبس عادي...
بس بيني وبينك ياريت أول مرة دي تلبسي لبسك العادي اللي أنت بتلبسيه وأنت خارجة يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي قوووي وممكن تبينك أكبر من سنك ..

واوعي تنسي تختاري الألوان اللي تكون مناسبة عليك وتنور وشك.

4- لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم .

5- ياريت في اليوم ده ما تكتريش في المكياج علشان ما تبقيش عاملة زي البلياتشو ... وخليك بسيطة جدا في مكياجك يعني كفاية قووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي.

6-خليك متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي..

أعتقد إنك لو عملت الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده.



الخطوة التانية..
أثناء اللقاء نفسه 1-

بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليك واثقة من نفسك وأنت قاعدة وخدي الموضوع ببساطة علشان يعدي.

2- لو مامته جات معاه ياريت تخلي بالك وأنت قاعدة منها وبلاش تكشري في وشها وهي قاعدة خليك مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليك ذكية وفكري في كل كلمة قبل ماتقوليها.

3- وأنت قاعدة اتكلمي براحتك من غير تكلف وافتحي مجالات للكلام واسمعي ليه كويس وهو بيتكلم علشان تقدري تحكمي عليه.

4- لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك.

5- خليك جريئة ولو وجه لك الكلام ردي عليه بذوق من غير كسوف.

كمان خدي بالك قوووي..

1- لو سمحت الظروف وقعدتوا مع بعض ياريت تتكلمي معاه في أمور عادية جدا زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك... ولو تطور الكلام بينكم لأي مواضيع فيها جدل خليك ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه.

واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة.

2- لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه.


الخطوة الثالثة..
بعد انتهاء اللقاء

بعد ما يمشوا عايزاك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده لأن فيه حاجات حتى لو بسيطة هتكون بانت قدامك ولو مش قادرة تحكمي كويس يا ريت تطلبي لقاء تاني علشان تقدري تحكمي على أساس صح وربنا يوفقك..
​

 

[اوريجانوس المصري]

حسيت انه داخل يشتري عروسة مش يتزوج عروسة
​

 

[AL MALEKA HELANA]

حسيت انه داخل يشتري عروسة مش يتزوج عروسة
​

شكراً لمرورك يا باشا

بس الدخول هنا للبنات بس ههههههههههههه​

 

[AL MALEKA HELANA]

حسيت انه داخل يشتري عروسة مش يتزوج عروسة
​

شكراً لمرورك يا باشا :smi411:

بس الدخول هنا للبنات بس ههههههههههههه​

 

[Coptic MarMar]

ههههههههههه
انا شفت الفيلم ده قبل كده
بس موضوع الصينية ده لازم مش فاهمة لييييييه
ويسلام لو حصل والموضوع تم :hlp:
تدخلى بالصينية وتلاقى ميت زغروطة جنبك تصرعك
ده لو الصينية موقعتش من الخضة يعنى ههههههههه
ميرسى ياملكة وأحلى تقييم ليكى :smil16:​

 

[AL MALEKA HELANA]

ههههههههههه
انا شفت الفيلم ده قبل كده
بس موضوع الصينية ده لازم مش فاهمة لييييييه
ويسلام لو حصل والموضوع تم :hlp:
تدخلى بالصينية وتلاقى ميت زغروطة جنبك تصرعك
ده لو الصينية موقعتش من الخضة يعنى ههههههههه
ميرسى ياملكة وأحلى تقييم ليكى :smil16:​

ميرسى يا مرمر يا غالية

وأكيد الصينية لازم تقع ههههههههههههههههه​

 

[Kerlos-love-Jesus]

انا رأيي ياختي متقابليهوش خالص
بلا جواز بلا رجالة بلا هم :$

 

[$CinDrellA $]

طب واللى عايزة تطفش تقابله ازاى :smile02​

 

[AL MALEKA HELANA]

انا رأيي ياختي متقابليهوش خالص
بلا جواز بلا رجالة بلا هم :$

ههههههههههههههههه

مشاركة رائعة ​

 

[AL MALEKA HELANA]

طب واللى عايزة تطفش تقابله ازاى :smile02​

تنكش شعرها ههههههههههههههههه​

 

[Coptic MarMar]

انا رأيي ياختي متقابليهوش خالص
بلا جواز بلا رجالة بلا هم :$

لا أعترض أنا بقى ياكيرو
خد بالك هو اللى رايح لحد عندها
والبنت يعنى الذوق كلووووووووه :t30:
يعنى متقدرش متقابلهوش حتى لو مش عاوزاه
هو بقى لو مش عاوز يخليه قاعد فى بيتهم احسن 30:​

 

[Coptic MarMar]

طب واللى عايزة تطفش تقابله ازاى :smile02​

بسيطة تعمل كل النصايح دى
بالأضافة
وتوقع الصينية على رجله :hlp:​

 

[$CinDrellA $]

بسيطة تعمل كل النصايح دى
بالأضافة
وتوقع الصينية على رجله :hlp:​

ههههههههه السوع الموكوس برضو :new6:
ودى تيجى​

 

[Kerlos-love-Jesus]

لا أعترض أنا بقى ياكيرو
​

اعترض ياعم حد طايل :blush2:

خد بالك هو اللى رايح لحد عندها

عبيط بكرة يندم :11azy:

والبنت يعنى الذوق كلووووووووه :t30:

ذوق ؟
اتكلمي عن نفسك بس طيب

[/QUOTE]

عبيط بكرة يندم :11azy:

هو بقى لو مش عاوز يخليه قاعد فى بيتهم احسن 30:

اهي دي احلى حاجة قولتيها ف الرد كلو :t16:
​

 

[Coptic MarMar]

اعترض ياعم حد طايل :blush2:



عبيط بكرة يندم :11azy:

ذوق ؟
اتكلمي عن نفسك بس طيب

[/COLOR]

عبيط بكرة يندم :11azy:

اهي دي احلى حاجة قولتيها ف الرد كلو :t16:​

[/QUOTE]

ههههههههههههه
هو من جهة عبيط وبكرة هيندم فده اكيييييييد
انا متفقة معاك
بس هيندم لما يضيع عمره من غير مايرتبط :t30::t30:
وعلى فكرررررررررررة بقى يابنى انت
اللى بيبقى عامل زيك كده ويقول مش عاوز على طول
بيبقى نظام عينه فى البيعة ويقول يفتح الله :999:
ياسااااااااااتر منكم يارجاله انتوا :smil8:
وعموما يا كيرلس بكرة هنقعد جنب الحيطة :smil16:
هههههههه​