يا شباب يا نايمين : عايز اعرف رأيكم فى موضوع الحب بعد الجواز
مين بيعترف بالكلام دة ؟ وعلى اى اساس تاخد اول خطوة فى الارتباط لو انت تؤمن بموضوع الحب يجى بعد الجواز دى
مال ها اخطب وارتبط واتجوز على اساس ايه ؟ اضحك وافرح وابقى طبيعى واقول اة دة الحب جاى بعد الجواز ؟ طب ازاى ؟
انا عن نفسي مش عارف اخد اول خطوة غير على اساس أو مبدأ
ازاى هقرب من واحدة واقول هبقى احبها بعدين !! طيب ايه الدافع انى اقرب لها اصلا ؟؟ ازاى هعيش لحظات ما قبل مرحله ( اللى بعد الجواز اللى مفروض يشرف فيها الحب ؟)
محدش يقولى فى حاجه اسمها القبول !!!
قبول ايه ؟ اى حد فينا بيكون عنده قبول من ناس كتير وساعات بينتهى القبول دة والواحد يزهق ويحب يبعد عن اللى كان معجب بيه او متقبل وجودة يعنى
غير لما يكون بيحبه ومشاعر الحب بتميز الاشخاص اللى بنحبهم عن اللى معجبين بيهم .. الاعجاب دة بينتهى فى اى وفت لكن الحب بيدوم وبيستمر
من ناحيه تانيه بقى .. الايام المنيله اللى احنا فيها دى صعب الواحد يوصل لفتاة احلامه او العكس البنت توصل لفتى احلامها
كل واحد فيه حاجات نفسه يشوفها او يلاقيها فى اللى هايرتبط بيه علشان يبقى نتيجه الارتباط سعادة وحياة كويسه يكون مستمتع بيها ..
طيب لما تبقى الدنيا مقفله والشخص دة مش لاقيينه نعمل ايه ؟
نشوف اى حد مناسب وخلاص ونقول الجمله الشهيره (الرخمه) الحب هايجي بعد الجواز ؟
طيب وسؤالى (الدائم بقى) : ولنفترض ان الجواز ما شرفش بعد الجواز !!!
نعمل ايه ؟؟ حظ اوفر المره القادمه ؟
ولا عادى مش فارقه دة سنه الحياة جواز وخلفه وعيال ومسؤليه .. الخ الخ
قابلت شباب كتير كل همهم يتجوزا وبس المهم يتجوز اى واحدة بقى وخلاص المهم يتجوز .. بس علشان يرضى الرغبه الجنسيه اللى جواة !!!!!
بجد دة حقيقى وبشوف بعيني ..
عايز يتجوز وخلاص المهم يرضى رغبته .. اى حاجه بقى بعد كدة بتبقى سهله (فى نظره) وليها حلول
مش مهم ان كان متوافق مع اللى هايرتبط بيها ولا لا
مش مهم ان كان بيحس ناحيتها شعور حب حقيقى بعيد عن ميل الشهوة اللى ممكن يبقى ناحيه اى انثى
مش مهم ان كان هو نفسه أد مسؤليه الجواز ولا لا
مش مهم ان كان فى عيوب تظهر فى اللى متقدملها وهو مخدش باله منها فى الاول لانه كان مركز على حاجه معينه
وحاجات كتير مش هاتخلص ..
الموضوع معقد وبايخ ..
نروح يمين ولا شمال الاتنين مقفلين
بس اكتر حاجه مش عجبانى ومش مقتنع بيها هى جمله : الحب بيجى بعد الجواز ..
فى جزء تانى من الكلام بس دة ها احتفظ بيه لنفسي
