سنه أولى مطبخ..!!!!

[Dona Nabil]

ههههههههههه ريا مين ؟؟
انا ماما بتعمل حاجات معينة و انا راشقة فى كل محلات الحلويات اللى فى اسكندرية المفروض يتعملى ديسكاوند دة انا بقيت زبون دائم
اييييييييييييييه ده انتى متعرفيش ريااا
ده احنا حتى ضيوف عندها ههههههههه
ريااااا الشهيره بكاندددددى

يا خبرررر للدرجه دى بتحبى الحلويااات
انا ليا كام صنف بحبهم وفى حاجات ماليش فيها خااااالص وحتى لما باكل حاجه بحبها بتبقى كميات صغيره خالص علشان انا بميل للحوادق اكتر

فيه كمان جنب سلطة الطحينة .. العيش البلدى العادى دة بيقلى زى البطاطس كدة بيحمر و بيبقى محرمش .. مش فاهمة ايه المنطق بس بيبقى طعمه حلو اوى و طبعًا البوم فريت مفروغ منها

اااه العيش ده كمان تحفففففففه وياسلام لو بالزبده ومعاه فصين توم ....

 

[Desert Rose]

طيب انا كده لسه مش عارفه استفيد اوى لانى مش بحب اللحوم والكبدة مش بطيق حتى ريحتها

ادخلى بقا على الفراخ يادونا والمكرونات كمان لانى بموت فيها :Love_Mailbox::Love_Mailbox:

لو عندك طريقة الفراخ المقرمشة ديه زى بتاعت كنتاكى وتبقا تقرمش كده زيهم يبقا جميل اوى :Love_Mailbox:

 

[Dona Nabil]

طيب انا كده لسه مش عارفه استفيد اوى لانى مش بحب اللحوم والكبدة مش بطيق حتى ريحتها

ادخلى بقا على الفراخ يادونا والمكرونات كمان لانى بموت فيها :Love_Mailbox::Love_Mailbox:

لو عندك طريقة الفراخ المقرمشة ديه زى بتاعت كنتاكى وتبقا تقرمش كده زيهم يبقا جميل اوى :Love_Mailbox:

ما هو مش مهم تكونى بتحبيها ولا حتى بتطيقى ريحتها المهم تعرفى تعمليها :a82:
الله يكون فى عونه :new2:
يعنى فى المستقبل القريب لو طلب منك صنف من اصناف اللحوم هتقوليله ايه ..كل برررره
المشاركه الجايه هقولك على طريقة فراخ كنتاكى مُجربه وحكاااايه

 

[Desert Rose]

ما هو مش مهم تكونى بتحبيها ولا حتى بتطيقى ريحتها المهم تعرفى تعمليها :a82:
الله يكون فى عونه :new2:
يعنى فى المستقبل القريب لو طلب منك صنف من اصناف اللحوم هتقوليله ايه ..كل برررره
المشاركه الجايه هقولك على طريقة فراخ كنتاكى مُجربه وحكاااايه

الله هو بمزاجه ؟ :ranting::ranting:
ههههه لا اللحوم العادية ممكن اعملها عادى يعنى انا ممكن اجرب اعمل البفتيك
بس الكبدة لا مستحيل صعبة جدا لانى بجد برجع من مجرد ريحتها
يعنى حتى لو طلبها وقررت اعملها هقرفه قبل ما ياكلها هههههههه هيحرم يطلبها اصلا

ماااااشى انا مستنية طريقة الفراخ ديه :Love_Mailbox:

 

[Dona Nabil]

الفراخ على الطريقه الكنتاكيه ...
++بتجيبى الفرخه بتقطعيها لقطع يُفضل تكون صغيره
++بتغسليها وترشيها بالملح وتسيبيها فتره وترجعى تغسليها كويس ..انا ضد غسيلها بالخل بصراحه بحس طعمها اتغير ممكن تستعملى دقيق
++ تغسليها كويس وتسيبيها لما تصفى ميتها خاااالص وتبدأى فى تحضير الخلطه
++بصل مبشور+ واحدة طماطم مبشوره(ممكن الاستغناء عنها ) +نص ليمونه+ملح+ فلفل اسود+ بهارات فراخ
++تحطى قطع الفراخ وتخليها مغموسه كويس اوووى فى الخليط وتحطيها فى التلاجه لحد قبل ميعاد الاكل بشويه
++بعد كده بتنفضيها من الخليط وقطعه قطعه تغمسيها فى الدقيق وترصيها على صينيه وتحطيها نص ساعه فى الفريزر
++ بعد كده بتطلعيها بتكونى محضره بيض مخفوق ومعاه معلقتين لبن ورشة ملح وزيهم فلفل وقطعه قطعه تغمسيها فى البيض وبعده فى البقسماط الناعم وممكن تضيفى ليه الفيجتار الحار حسب المزاج
++ طاسه وفيها زيت وقطعة زبده واول ما تسخن ترصى قطع الفراخ وتسوى وش وش لحد ما لونها يبقى دهبى غامق بسيط وتطلعيها وبالهنا والشفااا
المشاركه الجايه هقولك ممكن تقدمى جنبها ايه
ملحوظه ..لازم تنقضيها كويس من خليط البصل علشان البصل لو ماسك فيها هتفك منك فى القلى

 

[Desert Rose]

ميرسى اوى يادونا :Love_Mailbox:

هو سؤال اكيد اكيد غبى بس معلش لازم تستحملى غبائى شوية
هى بهارات الفراخ ديه اسمها كده فعلا ؟ بتشتريها جاهزة كده ؟

 

[Dona Nabil]

الله هو بمزاجه ؟ :ranting::ranting:
ههههه لا اللحوم العادية ممكن اعملها عادى يعنى انا ممكن اجرب اعمل البفتيك
بس الكبدة لا مستحيل صعبة جدا لانى بجد برجع من مجرد ريحتها
يعنى حتى لو طلبها وقررت اعملها هقرفه قبل ما ياكلها هههههههه هيحرم يطلبها اصلا

ماااااشى انا مستنية طريقة الفراخ ديه :Love_Mailbox:

صدقينى هتعملى الكبده وبانواعها كمان وبكره هفكرك :smil12:
تعرفى انا كنت قبل الجواز لو شوفت كوسه عند بتاع الخضار أو فى البيت لو ماما بتعملها مثلا كنت مستحيل اتواجد معاها فى مكان واحد
واما طلبها جوزى منى اول الجواز لانى اكتشفت الحقيقه المره انه كان مخبى عنى حقيقة أنه بيحبها وانها الخضار المفضل عنده :t32:
كنت بمسكها واعملها وانا مدوره وشى الناحيه التانيه هههههههه
دلوقتى بعملها بكل اصنافها وببدع فيها كمان :yahoo:

 

[Dona Nabil]

ميرسى اوى يادونا :Love_Mailbox:

هو سؤال اكيد اكيد غبى بس معلش لازم تستحملى غبائى شوية
هى بهارات الفراخ ديه اسمها كده فعلا ؟ بتشتريها جاهزة كده ؟

لالالا عادى اسألى براحتك يا قمررر
بصى عند اى عطار هتلاقى فى 3 أنواع من البهارات واحده للطيور وواحده للحوم وواحده للاسماك
انتى وانتى بتشتريها بتحددى اللى انتى عاوزاه منهم ولو هتجيبيهم التلاته تخليه يكتبلك على الكيس انواعهم
نصيحه ..متجيبيش كميات طازه بطازه افضل

 

[Desert Rose]

صدقينى هتعملى الكبده وبانواعها كمان وبكره هفكرك :smil12:
تعرفى انا كنت قبل الجواز لو شوفت كوسه عند بتاع الخضار أو فى البيت لو ماما بتعملها مثلا كنت مستحيل اتواجد معاها فى مكان واحد
واما طلبها جوزى منى اول الجواز لانى اكتشفت الحقيقه المره انه كان مخبى عنى حقيقة أنه بيحبها وانها الخضار المفضل عنده :t32:
كنت بمسكها واعملها وانا مدوره وشى الناحيه التانيه هههههههه
دلوقتى بعملها بكل اصنافها وببدع فيها كمان :yahoo:

هههههههههه صدقينى مش عارفه
اصل الكبدة ديه حاولت معاها لسبب لان انا فى فترة كان عندى انيميا وماما عايزة تأكلنى كبدة بالعافية علشان فيها حديد يعنى الست تعبت تعبت معايا وانا كل ما اشوف الكبدة ولا اجر اقرب منها بطنى توجعنى ومعدتى تتقلب
عندى فوبيا منها

 

[Desert Rose]

لالالا عادى اسألى براحتك يا قمررر
بصى عند اى عطار هتلاقى فى 3 أنواع من البهارات واحده للطيور وواحده للحوم وواحده للاسماك
انتى وانتى بتشتريها بتحددى اللى انتى عاوزاه منهم ولو هتجيبيهم التلاته تخليه يكتبلك على الكيس انواعهم
نصيحه ..متجيبيش كميات طازه بطازه افضل

فهمت انا افتكرت ديه خلطة انتى بتعمليها
تصدقى اول مرة اسمع عن البهارات ديه
اللى يعيش يا ما يشوف

 

[Dona Nabil]

هههههههههه صدقينى مش عارفه
اصل الكبدة ديه حاولت معاها لسبب لان انا فى فترة كان عندى انيميا وماما عايزة تأكلنى كبدة بالعافية علشان فيها حديد يعنى الست تعبت تعبت معايا وانا كل ما اشوف الكبدة ولا اجر اقرب منها بطنى توجعنى ومعدتى تتقلب
عندى فوبيا منها

عارفه لو جربتى تاكليها بانيه هتدمنيهااااا وهى مفيده جداااا فعلا فى حالات الانيميااا
هبقى انزلك طريقتها سهله وشهيه جدااااا بس ابقى فكرينى

 

[Desert Rose]

عارفه لو جربتى تاكليها بانيه هتدمنيهااااا وهى مفيده جداااا فعلا فى حالات الانيميااا
هبقى انزلك طريقتها سهله وشهيه جدااااا بس ابقى فكرينى

لا انا مجربتهاش بانية خالص
كل اللى جربت اكله كانت المحمرة العادية ديه او الاسكندرانى والاتنين فشلت انى اقدر اقر منهم حتى

اوكى هبقا افكرك

 

[Dona Nabil]

بالنسبه للفراخ الكنتاكى انا دايمااا بحب اقدمها مع سلطه من سلطات المايونيز ..
على فكره المايونيز ده مهم جداااا ودايمااا فى تلاجتى لانه بيتعمل منه اكتر من صنف ولانه بيسعف لو جالك ضيوف فجأه بتعملى منه حاجات كتير او لو حابه تعملى اكله سريعه تتاكل لوحدها
++نبتدى مثلا بالخضار بالمايونيز
++بتسلقى كيس خضار مشكل ..اللى هو بيبقى بسله وجزر وفاصوليا
بتسخنى ميه مع رشة ملح وبتحطى الخضار وبتراقبى السوا لانه بيكون متوسط يعنى مش كامل السوا الجزر بيستوى بدرى المهم تشوفى البسله والفاصوليا يكونوا ماسكين نفسهم أوعى تهريهم
++ فى مصفاه بتصفى الخضار كويس وممكن ترشيه بميه من الحنفيه واما بيبرد خاااالص بتحطيه فى طبق غويط وعليه رشة فلفل اسود وملح بسيط (مش ضرورى ) وبعدها تضيفى المايونيز وتقلبى كويس بيبقى تحفففففففه

 

[Dona Nabil]

لا انا مجربتهاش بانية خالص
كل اللى جربت اكله كانت المحمرة العادية ديه او الاسكندرانى والاتنين فشلت انى اقدر اقر منهم حتى

اوكى هبقا افكرك

الكبده البانيه ..صنف بسيط ولذيذ وبيتقدم سخن
++ شرائح من الكبده + فصين توم مطحونين+ بصل مفروم (يمكن جدااا الاستغناء عنه )+ رشة ملح +رشة فلفل اسود + بهارات كبده (نسيت اقولك عليها يا روز ) + عصير نص ليمونه ++ طبق مفروش بالبقدونس المفروم للتقديم
++ بعد غسيل شرايح الكبده وتصفيتها بتحطيها فى الخليط ده وتتركيها مده لحد ميعاد الاكل
++وكالعاده بتنفضيها وتكونى محضره البيض والبقسماط الساب شرحهم
++طاسه فيها قليل من الزيت وقطعه من الزبد وتقدحيهم وتحطى شرايح الكبده
ملحوووظه هامه جدااااا ..مش بتاخد وقت فى السواااا ..يعنى وقت تسويتها اقل بكتير من البفتيك ولو نشفت طعمها بيبقى مش حلووو..بالهنا والشفاا ويا ريت بجد تجربيها

 

[Strident]

ما هو مش مهم تكونى بتحبيها ولا حتى بتطيقى ريحتها المهم تعرفى تعمليها :a82:
الله يكون فى عونه :new2:
يعنى فى المستقبل القريب لو طلب منك صنف من اصناف اللحوم هتقوليله ايه ..كل برررره
المشاركه الجايه هقولك على طريقة فراخ كنتاكى مُجربه وحكاااايه

يا ريتها يا دونا تيجي على انها تقول له برررررره بس! دي هتعمل فيه عمايل...
دي هتب.... وﻻ بﻻش...

انا مليش دعوة خليني في السليم

قال يطلب منها قال ^_^

 

[Strident]

انا كده تهت شوية...

بصي يا دونا....

بﻻش البانيهات والكنتاكي وكده ﻷني من أكلتين كنتاكي زدت ييجي 3\4 كيلو كنت مقهور أوي....

فخلينا في الحاجات المطبوخة او المشوية....اخرها شاورما وتتعمل بمعلقة زيت وﻻ حاجة...


الكبدة الاسكندراني كمان حلوة أوي انا لسه ما قريتش الوصفة بس كنت ناسيها خالص....دي تتعمل بأي شكل هتبقى حلوة وصحية برضو

بس اي تنويعات كبدة تانية زي الكبدة المشوية مش باحبها

 

[Dona Nabil]

يا ريتها يا دونا تيجي على انها تقول له برررررره بس! دي هتعمل فيه عمايل...
دي هتب.... وﻻ بﻻش...

انا مليش دعوة خليني في السليم

قال يطلب منها قال ^_^

ايووووووون خليك فى السليم يا جونى وابعد من قدام القطر :t33:

 

[Dona Nabil]

انا كده تهت شوية...

بصي يا دونا....

بﻻش البانيهات والكنتاكي وكده ﻷني من أكلتين كنتاكي زدت ييجي 3\4 كيلو كنت مقهور أوي....

فخلينا في الحاجات المطبوخة او المشوية....اخرها شاورما وتتعمل بمعلقة زيت وﻻ حاجة...


الكبدة الاسكندراني كمان حلوة أوي انا لسه ما قريتش الوصفة بس كنت ناسيها خالص....دي تتعمل بأي شكل هتبقى حلوة وصحية برضو

بس اي تنويعات كبدة تانية زي الكبدة المشوية مش باحبها

ما هو انت مش لوحدك فى المدرسه دى يا جونى لازم نرضى كل الاذواق ونتخن اللى عاوز يتخن ونخسس اللى عاوز يخس وكده هههههه
هديك وصفه فى المشاركه الجايه للدايت وعلى عكس اغلب وصفات الدايت شهيه جدااا وانا بحبهاا اوووى على فكره

 

[Dona Nabil]

فويل الخضار فى الفرن بقطع اللحم او الفراخ ..
++ وصفه شهيه اووى وسريعه فى تحضيرها وطعمها يجنن
+++عدد 1 او 2 واحدة بطاطس طرنشات + قرن فلفل حراء+ فلفل رومى الوان (يمكن الاستغناء عنه)+ بصله طرنشات+ 1 طماطم طرنشات+فصين توم قطع صغيره+ لحم بتلو كميه بحسب المزاج أو قطع صغيره من الفراخ بدون عضم+ملح+فلفل اسود+ بهارات .......
++++بنحضر المكونات ونخلطها فى طبق غويط ونفرد الفويل ونحط فيه الخليط ومعاه نقط بسيطه من الزيت ونلف الفويل كويس ونحطه فى صينيه بيها قليل من الماء ونكون مسخنين الفرن ونحط الصينيه ونتابع الميه وبعد 20 دقيقه نكشف الفويل ونشوف اخبار السوا لو احتاجت وقت اكبر بنقفل ونحط شوية ميه تانى فى الصينيه
وبالهنا والشفاااا

 

[Strident]

ايووووووون خليك فى السليم يا جونى وابعد من قدام القطر :t33:

ههههههههههههههههههههههه



(انا كده اصﻻً خلاص محكوم عليا بالإعدام....خبي السكينتين اللي على الترابيزة دول يا دونا قبل ما هي تيجي اعملي معروف )

ما هو انت مش لوحدك فى المدرسه دى يا جونى لازم نرضى كل الاذواق ونتخن اللى عاوز يتخن ونخسس اللى عاوز يخس وكده هههههه
هديك وصفه فى المشاركه الجايه للدايت وعلى عكس اغلب وصفات الدايت شهيه جدااا وانا بحبهاا اوووى على فكره

هههههههه شكلها جت عليا بخسارة اني قلت لك نعمله عام ^_^

دايت وشهية؟ الاتنين؟ ايووووة بقى كده.....اديني مستني اهو....