عييييييييييييييييييييب

[هيفاء الهاشمي]

لو دي دروس رقص بين الستات و بعضيها يبقي العيب فين ولا هوا خلاص التخلف طرقع و جاب اخره معاكم؟

ما دريتي الحين كل شوي طلعو بنغمه جديده وانتي صادقه كانو الناس قديما يحتفلون وينبسطون في الاعراس وغيره من غير تكليف وبحدود المعروفه لكل الناس وكانت العادات دام النسوان مع بعض عادي يحتفلن ويرقصن و بايقاعات او غيره ماهو عيب او حرام لكن الناس غاويه تشدد وتكبت نفسها على فاضي
وعلى ذا الحركات الجديده.. مره وحده عزمتني على عرس بس قالت لي ذا عرس اسلامي.. اول مره اسمع بذا المصطلح عرس اسلامي.. اشلون بالله يعني اعراسنا السابقه كانت اعراس كفار! المهم تحمست بالزياده ابغي اشوف وش بيسون فيه وش يختلف عن غيره.. دخلت القاعه وشغلو اناشيد مدح العروس واهلها وكذا وقصائد شعريه .. وبعدها دخلت وحده مسكت المايك وبدات تخطب تذكر مواعظ دينيه ماشي ده حاجه كويسه وبعدين؟ فين باقي مظاهر العرس؟
قامو تعشو وخلص الفرح ..قلت لها عسى ماشر ذي خطبه لصلاة الجمعه ولاعرس ليه كلفتم على انفسكم وعملتو فرح في قاعه من الاساس! ليه حفلتكم مافيها طقطقه ومظاهر الفرح ليه كذا ميت كانه عزا مو عرس

وش نقول بس ..

 

[Desert Rose]

معلش عيوني هو مقيم فن عالميا مش لان مانستهويه نحن نطلعه من ضمن اطار الفن والباليه حتى ناس كثيره تشوفه عيب وانه مو فن لكن مع ذلك يظل فن.. انا شخصيا ماعندي شئ ضد اي رقص في عالم واللي ما احبه ما احكم عليه انه مو رقص لمجرد اني مابحبه.. الرقص الشرقي فن وفن عالمي ويدرس عالميا صار حاله حال الباليه
الرقص الشرقي اذا بدلته تعيبه فهي مش مفروضه على احد ومش شرط
كل من ترقص تلبس بدله .. مثل ما اللي تترقص باليه مش مفروض عليها زي معين مثل ابو قطعتين هذاك اللي بعض يترقصن فيه.. وفي ناس كثيره تشوفه عيب اقصد حركات الباليه
الرقص بشكل عام احتياج انساني طبيعي بدليل ان كل الشعوب في العالم عندها رقصات صارت جزء من تاريخهم وحتى في البلد الواحد فيه كذا رقصه..
شقاوه سالت سؤال وتم تأويله وكمان الحكم على الناس صدر من استنتاجات الحين بذمتكم هل كان من تعلمت الرقص ترقص قدام الخلق؟ ناس كثيره تتعلم لاغراض اخرى وبالمره نمتنع عن كلاسات الرياضه بانواعها المختلفه لان معظم الحركات تعتمد على تحريك ذا الجسم سواء بموسيقى او غيره

حبيبى ياهيفاء , الناس تصنف عالميا براحتها والعالم بيصنف حاجات كتير على انها فن وجميلة وهى فى نظرى مش فن ومش جميلة انما بيصنفها لاغراض تانية
زى مثلا مصارعة الثيران ديه يعتبروها رياضة وحاجة fun لكنها شئ بشع فى نظرى تعذيب حيوان بالشكل ده علشان احنا نضحك ونتبسط

ده رأيى الشخصى فى الرقص الشرقى والتصنيف العالمى ليه هما احرار فيه لكن انا مش مٌلزمة اقتنع بيه

حبيبتى انا مش حكمت على حد خالص ولا جبت سيرة اخلاق اى واحدة بترقص ولا حتى بتمشى على دماغها
وبقول كل واحد حر يختار حياته وانا كمان حرة اشوف الرقص الشرقى فن ولا مش فن , جميل ولا مش جميل
انا بتكلم على رأيى انا اللى بطبقه على نفسى بس مش بفرضه على الاخرين

ولا حبيبتى هيفاء لبس الباليه ممكن يكون قصير ومفتوح لكن مش كل قصير ومفتوح بيكون مستفز
اما الرقص الشرقى فاللبس بتاعه مستفز والغرض منه الاثارة
وحتى لو الرقاصة ( انا بتكلم هنا عن رقاصات محترفات للمهنه ) مش لبسوا بدل رقص هتلبس ايه ؟ جلابية ضيقة ومفتوحة فتحات بطريقة معينة والغرض بردو واحد , فديه بردو مستفزة
فى النهاية كله استفزاز فى رأيى

 

[sha2awet 2alam]

15 صفحة بتتكلمو لدرجة ان انا شخصيًا نسيت السؤال كان ايه :smi411:

اولا سعيدة باسلوب حواركم الناضج فى معظمه و عاجبنى الطريقة انا بجد استفدت منكم كلكم .. و استمتعت بالرقى اللى فيه

ثانيًا قبل الرد على الكل احب اوضح كام نقطة صغننين ..

فى بداية كلامى سألت عن ان كان الرقص عيب ولالا و ليه ؟؟ و سألت عن ان كان العيب بيختلف باختلاف انواع الرقص ؟؟

و اختلفت الردود و كان اغلبها بيتكلم عن الرقص الشرقى خااااصة و ان عيب جدًا !! و السبب انه مثير .. و انه مسبب للعثرات ..

طب و التانجو مثلا ؟؟ التانجو بيعتمد على فردين ولد و بنت تقريبًا بيرقصو فى حضن بعض بشكل انا شخصيًا شيفاه اكثر اثارة مليون مرة من الشرقى .. ليه اعتبرنا التانجو فن مع انه مثير و الشرقى مش فن ؟؟

طب و هو تقدير اى حاجة و اعتبارها فن من عدمه بحسب معايير شخصية ولا عالمية ؟؟ هل مثلا الرسم التجريدى مش فن لمجرد اننا مش بنفهمه ؟؟ او الاوبرا مش فن عشان الناس صوتها عالى و بيصوتو ؟؟ تقديرنا الشخصى و ارائنا الشخصية لا تنفى الصفة الفنية لعمل ما ..

الرقص شئ جسدى و نفسى بحت .. مش معترضة طبعًا .. فيه بعض الناس تقدر تستغنى عنه طبعًااا بس فيه ناس بتحبه .. هل تعتبر خطية ؟؟ .. على حسب معثر ولالا .. و هو فعلا معثر ؟ حسب نوعه و مين اللى بيشوفه .. واحدة بترقص لنفسها عشان هى مبتحبش الرياضة و عايزة تخس بيه اعتبره خطية ؟؟ واحدة راحت تتعلم الرقص السلو عشان اما تسافر مع جوزها متبقاش جاهلة قدام الناس و تدوس على رجله تهرسها اعتبرها خطية ؟؟ واحدة عايزة تتعلم رقص تانجو لمجرد الاستمتاع مع جوزها بيه و يرقصو لوحدهم فى شقتهم تعتبر خطية ؟؟ الحكم على عنوان الموضوع من غير تفاصيله فى حد ذاته غلط ..

هل الشبع الروحى يغنى عن الحاجة الجسدية و النفسية .. اوقات اة و اوقات لا .. الانبا بولا شبعه الروحى خلاه يعيش على نص رغيف فى اليوم لسنين طويلة .. فى حين قديسيين تانيين كانو بياكلو اكتر منه .. بولس الرسول متجوزش و شبع بربنا .. بطرس كان متجوز و هو صخرة الكنيسة .. الرهبان شبعانين بربنا و مش بيتعرضو للى بنتعرض له نهائى ولا رقص ولا جواز .. بس احنا مش رهبان ولا قامتنا الروحية ادهم .. مفيش مجال للمقارنة .. حتى كتابنا المقدس مقالش ان حد افضل من حد .. مادامت لا تحتسب خطية فليه اشيل الناس هموم فوق همومهم ؟؟ لو دى حاجة بتفرحهم و مش بتعثر حد ليه امنعهم ؟؟

خلينى اكملكم القصة المبتورة اللى حكيتها فى الاول ... البنت كانت عايزة تاخد دروس رقص اسمه fit dancing و اللى ميعرفهوش دة حاجة شبه الايروبكس كدة .. مشكلة الناس فى انها من انواع الرقص و خلاص مادام فيها كلمة دانسينج يبقى غلط و عيب و حرام و ميصحش .. و ازيدكم من القصيدة بيتًا انها بتبقى مجموعات بنات بس و المدربة كمان بنت و مع ذلك لازالت المشكلة القائمة فى كلمة دانسينج .. فكان دة السؤال اللى دار فى دماغى هو اى رقص يبقى غلط ؟؟ لمجرد كلمة رقص ؟؟

كان ردى على البنت ان مادام بنات و بس و مادام مفيهاش حاجة غلط .. تروح تاخدها و اما حد يسألها بتاخد دروس ايه تقول ايروبكس او رياضة على الموسيقى مادام احنا شعب بيجيله حساسية لفظية .. و تكون مفهمة اهلها انه اسمه فيت دانسينج بس هو رياضة على الموسيقى و توريهم حركة او اتنين منهم ..

رأيى انا الشخصى فى الرقص .. زيه زى اى فعل بنعمله كل يوم .. زى المشى زى الكلام .. الرقص فى حد ذاته باختلاف انواعه مش حرام .. لكن اما يتحول الهدف منه عن قصد لاثارة غرائز او متاجرة بالجسد زى الرقاصات يبقى كدة غلط و عيب و ميصحش و حرام و غيرها من الكلمات .. زى الكلام المغرى و المشى المثير و غيرهم .. كل انسان حكيم نفسه .. انا شخصيًا مقبلش انى ارقص و احس ان حد بيتفرج عليا ولا حتى امشى و احس حد بيتفرج عليا .. ببساطة مبحبش احس انى فرجة لاى سبب .. و لو فى يوم قررت اخد دروس رقص هيبقى سلو او تانجو بس البارتنر بتاعى يبقى جوزى عشان مش عايزة ارقص فى حضن حد غيره و هبقى مرتاحة اكتر معاه دة غير انها هتبقى حاجة بتجمعنا و وقت ضحك و هزار نفضل فاكرينه عمرنا كله ..

اسفة لو طولت عليكم .. ليا عودة و رد مفسر على شخص شخص باذن المسيح .. بس حاولو متزيدوش عن 15 صفحة عشان اقدر ارد بس :99:

 

[Desert Rose]

طبعا انا موافقاكى ياشقاوة مش علشان الموضوع فيه كلمة رقص يبقا غلط
هى الكلمة ارتبطت عندنا كشرقيين بأنها حاجة عيب
لكن لا طبعا لو هى عايزة تاخد دروس fit dancing ولا zumba علشان تخس ايه المشكلة ؟ مفيش خطية هنا يعنى
ولاهى هتاجر بجسمها ولا هتخلى الناس تتفرج عليها وعلى جسمها
ولو عايزة تاخد دروس رقص شرقى هى حرة بردو فى اختيارها

بالنسبة للجزء الفنى , بصى ياشقاوة مش كل التصنيفات العالمية للحاجات اللى بيسموها فن بتبقا فن فعلا , او بمعنى اصح انا مش مٌلزمة انى اشوفها فن
طيب ايه رأيك ان افلام البورنو بتتصنف فى بعض الاوقات على انها فن ؟ وبياخدوا علها جوايز كمان ؟ هل انا اقدر اقتنع ان افلام زى ديه فن ؟ علشان هما صنفوها عالميا على انها فن ؟

الفن فى نظرى انا هو الحاجة اللى بعد ما تشوفيها او تسمعيها او تمارسيها تحسى انك عليتى لفوق مش نزلتى لتحت تحسى انك حصلك نوع من انواع ال sublimation او التسامى

انا لما بشوف الرقص الشرقى مش بحس انى عليت . بحس بالاستفزاز , زى بردو ما بحس بالاستفزاز لما بشوف فيلم للمبى اهو ده بيسموه تجاريا فن , لكن هل انا لازم اقتنع انه فن فعلا ؟

العالم ياشقاوة بيعمل ساعات تصنيفات لحاجات كتير لاقناع الناس بفكرة معينة لاغراض تانية خالص وغالبا بتكون الاغراض مادية

 

[sha2awet 2alam]

طبعا انا موافقاكى ياشقاوة مش علشان الموضوع فيه كلمة رقص يبقا غلط
هى الكلمة ارتبطت عندنا كشرقيين بأنها حاجة عيب
لكن لا طبعا لو هى عايزة تاخد دروس fit dancing ولا zumba علشان تخس ايه المشكلة ؟ مفيش خطية هنا يعنى
ولاهى هتاجر بجسمها ولا هتخلى الناس تتفرج عليها وعلى جسمها
ولو عايزة تاخد دروس رقص شرقى هى حرة بردو فى اختيارها

بالنسبة للجزء الفنى , بصى ياشقاوة مش كل التصنيفات العالمية للحاجات اللى بيسموها فن بتبقا فن فعلا , او بمعنى اصح انا مش مٌلزمة انى اشوفها فن
طيب ايه رأيك ان افلام البورنو بتتصنف فى بعض الاوقات على انها فن ؟ وبياخدوا علها جوايز كمان ؟ هل انا اقدر اقتنع ان افلام زى ديه فن ؟ علشان هما صنفوها عالميا على انها فن ؟

الفن فى نظرى انا هو الحاجة اللى بعد ما تشوفيها او تسمعيها او تمارسيها تحسى انك عليتى لفوق مش نزلتى لتحت تحسى انك حصلك نوع من انواع ال sublimation او التسامى

انا لما بشوف الرقص الشرقى مش بحس انى عليت . بحس بالاستفزاز , زى بردو ما بحس بالاستفزاز لما بشوف فيلم للمبى اهو ده بيسموه تجاريا فن , لكن هل انا لازم اقتنع انه فن فعلا ؟

العالم ياشقاوة بيعمل ساعات تصنيفات لحاجات كتير لاقناع الناس بفكرة معينة لاغراض تانية خالص وغالبا بتكون الاغراض مادية

حبيبى انتى مش ملزمة باى حاجة ولا انا ملزمة باى حاجة .. انا مثلا عارفة ان الاوبرا فن بس مش بفهم منهم حاجة فمش معقول هدخلها !! الموضوع شخصى بحت فى تقديرك .. و تقديرك على دماغى طبعا .. لكن هو فى العالم اسمه ايه ؟ فن .. حتى لو لاسباب تجارية بحتة .. مادام تصنيف عالمى .. هو فن .. بس احبوووش :t30:

 

[Desert Rose]

حبيبى انتى مش ملزمة باى حاجة ولا انا ملزمة باى حاجة .. انا مثلا عارفة ان الاوبرا فن بس مش بفهم منهم حاجة فمش معقول هدخلها !! الموضوع شخصى بحت فى تقديرك .. و تقديرك على دماغى طبعا .. لكن هو فى العالم اسمه ايه ؟ فن .. حتى لو لاسباب تجارية بحتة .. مادام تصنيف عالمى .. هو فن .. بس احبوووش :t30:

انا احبوش هو, بس احبك انت ياشقاوة ياعيونى :Love_Letter_Open::Love_Letter_Open:
اه طبعا وانا كررتها كتير ان ده رأيى الشخصى فى الرقص الشرقى ومش بفرضه على حد طبعا ولا قولت ولا هقول على اللى بيحبه انه مش محترم
اه فعلا هو مٌصنف عالميا على انه فن , بس الدوافع والاسباب وراء التصنيفات العالمية بتفرق ياشقاوة وبتأثر ,على الاقل فى رأيى انا

 

[چاكس]

يا جماعة .. هو فيه زى الرقص الشرقى ^_^
من احلى الفنون .. و النيعمة ده اسمه فن .. اللى متمكن فيه يا بخته

 

[عبود عبده عبود]

مره وحده عزمتني على عرس بس قالت لي ذا عرس اسلامي.. اول مره اسمع بذا المصطلح عرس اسلامي.. اشلون بالله يعني اعراسنا السابقه كانت اعراس كفار! المهم تحمست بالزياده ابغي اشوف وش بيسون فيه وش يختلف عن غيره.. دخلت القاعه وشغلو اناشيد مدح العروس واهلها وكذا وقصائد شعريه .. وبعدها دخلت وحده مسكت المايك وبدات تخطب تذكر مواعظ دينيه ماشي ده حاجه كويسه وبعدين؟ فين باقي مظاهر العرس؟
قامو تعشو وخلص الفرح ..قلت لها عسى ماشر ذي خطبه لصلاة الجمعه ولاعرس ليه كلفتم على انفسكم وعملتو فرح في قاعه من الاساس! ليه حفلتكم مافيها طقطقه ومظاهر الفرح ليه كذا ميت كانه عزا مو عرس
وش نقول بس ..

هههههههههههههههههههههههههههههههههههههههه
والعروسة ما خدتش قلمين على صداغها وهى قايمة ؟
ولا العريس كل شلوت ؟
لالالالالالالالا ...شلوت أية ..... شلوت وقفا ​

 

[rania79]

رقص اية وهباب اية ع دماغ صاحبتك دى
ههههههههههههههه
انا مش بحب البنت اللى بترقص ف الافراح والهبل دة
عثرة من الاخر وقلة ادب ف نظرى

 

[grges monir]

رقص اية وهباب اية ع دماغ صاحبتك دى
ههههههههههههههه
انا مش بحب البنت اللى بترقص ف الافراح والهبل دة
عثرة من الاخر وقلة ادب ف نظرى

بلاش افكار السلفيييين دى يا رانيا وارد المرقسية هههههههه

 

[GoGo No Way]

رقص اية وهباب اية ع دماغ صاحبتك دى
ههههههههههههههه
انا مش بحب البنت اللى بترقص ف الافراح والهبل دة
عثرة من الاخر وقلة ادب ف نظرى

ومين قال انها هترقص فى افراح اصلا هههههههه

 

[sha2awet 2alam]

Desert Rose .. وردتنا الجميلة .. كلامك جميل و متفقة مع اغلبه بس كان اعتراضى فى جزئية الرقص الشرقى فن او مش فن .. هو مصنف عالميًا كفن .. و دة لا يشترط ولا يلزمك بحبه و بطلى فضول .. اخرته وحشة :t30:

+Sameh+ .. هشوفهالك عنيا :99: .. مش الفكرة انى مش عارفة الاجابة .. انا بس كنت بجمع الاراء باختلافها يمكن نتفق على انه لأ بس تختلف اسبابنا

+بنت الكنيسة+ .. ايوة فاكرة كلامك و كلام ابونا .. و لازلت مستغربة موضوع ممنوع الرقص لوحدها دة :11azy:!! لكن فى فرح كلنا معاكى قلبًا و قالبًا

GoGo No Way ... عجبانى ارائك يا جوجو و ردودك حلوة بتدل انك انسان مثقف .. و احترم رأيك فى الرقص الشرقى بسخافته بس غيرك بيحبه !! بس بالنسبة لـ

الى المعطردين !!

هل فيه صلة قرابة بينك و بين حبو ولا افهم انها عدوى و انتشرت ؟؟ :99: .. بهزر بس .. و تحياتى لارائك شكلنا هنبقى اصدقاء

+إيرينى+ .. ايوة هو مربط الفرس فى ليه دى .. الفكرة فى الهدف و الغرض و التفاصيل دى مش الحكم بالعموم .. احبك انتى و فيديوهاتك يا مظبطانى 30: .. بس بلاش تنشرى بدل ما ابلغ عنك :closedeye

tamav maria .. اسمع كلامك اصدقك اشوف امورك استعجب

Coptic4Ever2 .. عجبتنى حتة الالمام بالمهارات دى :t33: .. و بالنسبة للى هتيجى توريك سطر سطر .. شد حيلك و جمع باقى الاصوات انت بس و انا وعد اتصل بزوجاتكم و ربنا يقدرنى على فعل الخير :t33:

هيفاء الهاشمي .. اهيوووووووووف .. حبيبى اللى بيشجعنى على الانحراف :t33: .. موتينى ضحك بالعرس الاسلامى و قهرتينى على تمن القاعة كانو طلعو عملو عمرة بيهم أوفر :yahoo: .. اعملى انتى بس المدرسة و هتلاقى عليكى زباين اد كدة :w00t: .. انا واثقة فى جودة المنتج الى هتقدميه الحقيقة :99:

إيمليــآ .. كالعادة ذكية .. فعلا كان قصدها حاجة تانية خالص غير الخناقات دى اللى حصلت leasantr .. و ادينى فيدتك بمعلومة قوية ايوة يا ستى فيه مدارس رقص شرقى فى مصر .. شاورى عقلك بقا :yahoo:

AL MALEKA HELANA .. امى الغالية .. كلامك من الانجيل و كل الايات على راسى من فوق .. بس المقارنة صعبة شوية .. مش كل حاجة مش مذكورة فى الكتاب المقدس عثرة .. لو البنت بترقص مع جوزها سلو فى مكان هادى هل دة عثرة و خطية ؟؟ حتى لو بترقص شرقى لجوزها هل عثرة و خطية ؟؟ يمكن انتى شيفاها تفاهة انها تعمل كدة .. بس هى دة بيفرحها مادام حاجة بتفرحها و مش خطية حتى لو فى وجهة نظرنا تافهة مانسيبها طيب تعملها .. العنوان يمكن يخض لكن التفاصيل هى اللى بتفرق .. يمكن واحدة مبتعرفش ترقص اصلا بس بتمشى فى الشارع مشية مقصود بيها اعثار الشباب و لفت النظر ساعتها خطية و عثرة مفيهاش كلام .. بالرغم العنوان انها كانت ماشية فى شارع بس كدة !
الله فاحص القلوب و الكلى هو ساعتها يقدر يحكم مين كان قصده ايه بالفعل دة .. هل هى بتعمله لفرحها الشخصى ولا للفت النظر و عثرة الناس ؟؟

لكن اكيد لو الموضوع مقصود به العثرة .. كلام الكتاب واضح فيها مش محتاج كلام ولا تأويل ..

حبو اعدائكم .. حبيبى اللى عامل اعلى شغل فى الموضوع .. انا قولتلها فعلا روحى اتعلمى .. اكتر مشاركات اشوفهالك فى موضوع واحد .. امسك الخشب بقا .. و الاخطاء الاملائية كمان قليلة .. حبو تطورت اوعى وشك :yahoo: .. كلامك جميل و متفقة معاه حرف حرف و نقطة نقطة مفيش شك

+sano+ .. بالظبط يا سانو المشكلة فى العادات و عشان كدة هى سألت .. اوقات بتترسخ فى عقولنا حاجات انها غلط من غير ما نستفسر عن سر الغلط اللى فيها ايه ؟؟ مش يمكن اما نسأل عليها نعملها بضمير مرتاح او فعلا منعملهاش عن اقتناع مش عن مجرد حافظ مش فاهم عيب و خلاص !

 

[sha2awet 2alam]

چاكس .. لا مادام بتفهم و دماغها كويسة عشان هتتعلم الرقص يبقى اروح اتعلم معاها و منكم نستفيد برضه :t33:

حبيب يسوع .. استاذى بلاااااااش .. خليك فاكر انى قولتلك بلاش .. الرقص السياسى اللى بيرقصوه دلوقتى فرج علينا العالم كله و بعدين دة بالذات مش عثرة .. دة كفر سيئات الشعب كله :t33:

صوت صارخ .. الاجابة يا استاذى " عشان بتفرح بكدة " .. و هل الفرح بالشكل البسيط دة عيب ؟؟ مادام لوحدها او فى ظروف مناسبة ؟؟ .. كلنا بندور على الفرح فيه حد بيفرح بباكو شيكولاتة و كوباية نسكافيه و حد بيفرح اما بيسمع ام كلثوم و حد بيفرح اما بيتعلم السواقة و يسوق على البحر و حد بيفرح اما يرقص .. حاجات صغيرة بتغير الموود و بتساعد الواحد يلاقى فرحة مؤقتة يبقى ليه لا ؟

REDEMPTION .. شكر الله سعيكم :kap:

عبود عبده عبود .. بعد مشاركة نص متر تطلع بتفتى يا مولانا ؟؟ جزاك الله خيرًا .. اهو لو اصبت ليك ثوابين و بالنص بقا :closedeye

white.angel .. ايه تاميلى و تعبد الرجل دة على اعتبار انه ايه ؟؟:t9: يلا منكم نستفيد .. انتى وحشانا اكتر بمشاركاتك اللى فى الجون دى .. و بالنسبة للتعديل .. يلا مش هسيحلك اللى ستره ربنا مفضحهوش ابدًا :new6:

!! Coptic Lion !! .. عياد احب اقولك انك المفروض تبوس ايدى عشان انت اخدت فى الموضوع دة تقييمات اكتر من اللى انا شخصيًا اخدتها و متقوليش بمجهودك عشان مردش عليك هنا :99:
و اول مرة اقرالك كلام عاقل .. فعلا كل حاجة عندنا تقريبًا بقت عيب ..

Dona Nabil .. كملى كملى وفقك الله :new6: و بعدين خليكى صريحة قولى مراقبة مش متابعة :smil15: ربنا يخلينا ليكى و نعملك دوشة اكتر و اكتر قادر يا كريم

هشام المهندس .. استاذى اظن ردى كان كافى و وافى فى موضوع حضرتك و غطيت كل اسئلة حضرتك و اعتراضك .. نورتنى و كلامك على دماغى

اوريجانوس المصري .. شكرًا لنقلك و اضافتك بالرد الكنسى الكامل .. كنت احب اسمع رأيك الشخصى

+GOSPEL OF TRUTH+ .. و سمعنى احلى ضرب نار للى هتجيبلى ابواب الموضوع :new6: .. منورة يا جوسب .. الله عليكى و انتى متألقة انا عارفة سايبة ورايا رجالة فى الموضوع مش سايبة هى .. بصى يا عيب قصدى يا جوسب .. زى ما السوسة قال كل حاجة بقت عيب .. المشكلة ان دلوقتى فكرة انك تسألى هى عيب ليه اصلا بقت عيب :new6: مجرد السؤال بقا عيب :closedeye


اخيرًا .. استمتعت بمناقشتكم حقيقى .. و تعبتونى انى اجمع المشاركة الطوووووووووووووووويلة دة .. انتظرونى فى موضوع جديد و خناقة جديدة بأذن المسيح :closedeye

 

[AL MALEKA HELANA]

15

صفحة بتتكلمو لدرجة ان انا شخصيًا نسيت السؤال كان ايه :smi411:

اولا سعيدة باسلوب حواركم الناضج فى معظمه و عاجبنى الطريقة انا بجد استفدت منكم كلكم .. و استمتعت بالرقى اللى فيه

ثانيًا قبل الرد على الكل احب اوضح كام نقطة صغننين ..

فى بداية كلامى سألت عن ان كان الرقص عيب ولالا و ليه ؟؟ و سألت عن ان كان العيب بيختلف باختلاف انواع الرقص ؟؟

و اختلفت الردود و كان اغلبها بيتكلم عن الرقص الشرقى خااااصة و ان عيب جدًا !! و السبب انه مثير .. و انه مسبب للعثرات ..

طب و التانجو مثلا ؟؟ التانجو بيعتمد على فردين ولد و بنت تقريبًا بيرقصو فى حضن بعض بشكل انا شخصيًا شيفاه اكثر اثارة مليون مرة من الشرقى .. ليه اعتبرنا التانجو فن مع انه مثير و الشرقى مش فن ؟؟

طب و هو تقدير اى حاجة و اعتبارها فن من عدمه بحسب معايير شخصية ولا عالمية ؟؟ هل مثلا الرسم التجريدى مش فن لمجرد اننا مش بنفهمه ؟؟ او الاوبرا مش فن عشان الناس صوتها عالى و بيصوتو ؟؟ تقديرنا الشخصى و ارائنا الشخصية لا تنفى الصفة الفنية لعمل ما ..

+ أقرى السطر الأزرق ده ...........وقوليلى هى الإثارة بتتجزأ وبتتنوع :act23: .. !!!!!!!!!!!!!
+طبعاً الفن بيتحسب بمعايير عالمية .. بس المشكلة فى ( هل هذا الفن يُناسبك كبنت للملك أم لا )
يعنى نفترض إنك بتحبى التمثيل جدااااااااااااااا جداااااااااا
إنتى شايفة إن هذا الوسط يُناسبك ( كبنت للملك ) !!!! ؟؟؟؟
ماتقوليش بقا إنك
هتبعدى عن مشاهد العثرة ومش هتحضرى حفلات ومش هتشربى ومش هتلبسى عريان ( سواريه ) :mus13:
علشان لو قولتى كدة يبقا بتضحكى على نفسك :smile01
وبالتالى
لا العثرة بتتجزأ ........ ولا ينفع تزاولى أى فن مهما كان ..... طالما هويتك مسيحية وبنت ملك الملوك

الرقص شئ جسدى و نفسى بحت .. مش معترضة طبعًا .. فيه بعض الناس تقدر تستغنى عنه طبعًااا بس فيه ناس بتحبه .. هل تعتبر خطية ؟؟ .. على حسب معثر ولالا .. و هو فعلا معثر ؟حسب نوعه و مين اللى بيشوفه ..

لو اتكلمتى عن حُبنــــــــــــــا للشــــــــــىء ...
هقولك كُلنا سواء بنات أو ولاد ، كبار أو صغيرين ، ناضجين أو مراهقين ، بنحب الحاجة اللى تبسطنا وتفرحنا لأنها بترضى شهواتنا وجسدنا
مفيشولد هتقوليلة تعالى أفرجك على رقاصة وهيقولك لأ
مفيش بنت هتقوللها قومى أرقصى وهتقولك لأ
لكن
فيه ولد عقلة ناضج وراجح ( روحياً ) وعارف إنه إبن الملك ولا يصح إن يرى مثل هذة المشاهد
( هيرفض..... ويقولك طيب أنا لية ألوث عينى وبالتالى هلوث فكرى وقلبى ؟؟؟؟)

وفية بنت عقلها ناضج وراجح ( روحياً ) وعارفة إنها بنت الملك ولا يصح أن تُعرى جسدها أو تهزة أمام الناس ( هترفض وتقولك طيب أنا لية اجرح قلب إلهى وأجعل هيكلة سبب عثرة للآخرين ؟؟؟)

لكن السؤال بقا
هل كل حاجة بنحبهــــــــا ........ بالضــــــــــرورى نمارســـــتها ؟ ... هل يصح مسيحياً ؟؟ ..
كدة هتبقا لخبطة وهيصة ، ولا بقا فية حكمة ولا بقا فيه إفراز ،
ولا بقا فيه فرق بين (ولاد ربنا ،، وولاد العالم )

+
+
جسدنا عامل زى الحصان الجامح ،، إذ لم يتم ( لجامه ) هيتعبنا لإنه هيطلب أكتر وأكتر

+
+
سامحونى واستحملونى ، مين عارف مش جايز تقنعونى :smile01
أناعندى لسة كلام كتير
بس محتاجة وقت

 

[AL MALEKA HELANA]

15 و هو فعلا معثر ؟ حسب نوعه و مين اللى بيشوفه ..
واحدة بترقص لنفسها عشان هى مبتحبش الرياضة و عايزة تخس بيه اعتبره خطية ؟؟
واحدة راحت تتعلم الرقص السلو عشان اما تسافر مع جوزها متبقاش جاهلة قدام الناس و تدوس على رجله تهرسها اعتبرها خطية ؟؟
واحدة عايزة تتعلم رقص تانجو لمجرد الاستمتاع مع جوزها بيه و يرقصو لوحدهم فى شقتهم تعتبر خطية ؟؟ الحكم على عنوان الموضوع من غير تفاصيله فى حد ذاته غلط ..

إنتى اللى غلطانة سيبتينا من غير تفاصيلة :act23:

إنتى سألتى سؤال عن الرقص ........ وقولتى هل هو عيب أم لأ ؟؟؟

طبعاً عيـــــــــــــــــــــــــــــب لبنات الملك علشان جسدهم بقا هيكل للرب طالما هما هلى إسمة
وممسوحين بالمسحة المُقدسة بزيت الميرون الذى هو بديل لوضع اليد لحلول الروح القدس علي المعمدين (أع 19 : 8 - 14)

++ لكن إنتى دلوقتى فهمتينا هدفك من الرقص
إذا كان علشان جوزك ..... مفيش مشاكل ،، رقصك لجوزك مش خطية طالما هو اللى طلب ،،
بس نفترض إن هو مش عايزك ترقصى ، هترقصيلة بالعافية ههههههههههههههههههههههههههههههههه
بس الحكاية دى مش محتاجة دروس ولا حاجة ، :act23:
ولا إنتى بقا غاوية تصرفى فلوسك :smile01 ،،،
بس طالما عاملة حساب لرجلة هههههههههه يبقا عندك حق فى الدروس ،
+++++++++++++
بس أنا هقولك على حاجة إنتى هنا بتفترضى
عنى إحتمال أة ............ وإحتمال لأ

يعنى نفترض لو هتسافرى برة .....
تفتكــــــــــــــــــــــــــــــــــرى .........
++ هتلاقوا وقت تروحوا حفلات ترقصوا فيها ( أنا ذكرت حفلات ، علشان إنتى ذكرتِ خجلك من لخطأ فى ( الرقص قدام الناس ) )...............
++ولا هيكون همكم ( العمل فقط ) ،،

دى طبعاً حاجة تتحكم فيها ( حالتكم الإقتصادية )

وساعتها الترفيه هيكون فى البيت
وبالتالى الرقص هيكون فى البيت وكدة بقا مش محتاجة لدروس ( لإن مفيش بنت ما بتعرفش ترقص ) :smile01

خاصة وإن الدروس دى بتاخدها البنت اللى عايزة تحترف الرقص وتاكل بيه عيــــــــــــــــــــش

وبعدين طبيعى جداااااااا لما تسافروا برة هيكون مبسوط أكتر لما يرقص مع واحدة غير مراتة ههههههههههه
علشان هيكون قرف وشبع منك فى البيت هههههههههههههههههههههههههههه

أنا بتضحك طبعاً .......ربنا يفرح قلبك دايماً
هى طبعاً كلها أحلام بنات ... ومشروعة ......... ماتزعليش :59:
بس بلاش ترقصى مع غير جوزك طبعاً ولا إية :act23:؟؟؟؟
وإذا رقصتى معاه فى شقتكم إبقى أطبخى
( دكر بط سمين وحلة محشى كبيرة وصنيتن رقاق باللحمة المفرومة )
علشان بعد الرقصة هتتهدوا و هتحتاجوا تاكلوا كتير :smile01:smile01:smile01:smile01

 

[AL MALEKA HELANA]

نسيت أقولك
هى حكاية واحدة بترقص لنفسها دى حاجة مش طبيعية ،، ومش مُريحة خااالص

أوبترقص علشان عايزة تخس ،،،
مزوالة الرياضة وأخذ الأعشاب أفضل بكتير وبعدين دكاترة الرجيم كتير يعنى

لكن ترقص علشان تخس يا دكتورة !!!!!!!!......... طيب ما تعمل عمل أحسن هههههههههههههههههه

 

[!! Coptic Lion !!]

علي فكره بقي الموضوع ده الكلام فيه
بقي
عييييييييييييييييييييييب: D
​

 

[sha2awet 2alam]

+ أقرى السطر الأزرق ده ...........وقوليلى هى الإثارة بتتجزأ وبتتنوع :act23: .. !!!!!!!!!!!!!
+طبعاً الفن بيتحسب بمعايير عالمية .. بس المشكلة فى ( هل هذا الفن يُناسبك كبنت للملك أم لا )
يعنى نفترض إنك بتحبى التمثيل جدااااااااااااااا جداااااااااا
إنتى شايفة إن هذا الوسط يُناسبك ( كبنت للملك ) !!!! ؟؟؟؟
ماتقوليش بقا إنك
هتبعدى عن مشاهد العثرة ومش هتحضرى حفلات ومش هتشربى ومش هتلبسى عريان ( سواريه ) :mus13:
علشان لو قولتى كدة يبقا بتضحكى على نفسك :smile01
وبالتالى
لا العثرة بتتجزأ ........ ولا ينفع تزاولى أى فن مهما كان ..... طالما هويتك مسيحية وبنت ملك الملوك

مبدئيًا بالراحة عليا .. و اقرى تانى الكلام وهتعرفنى انك فهمتينى غلط .. انا مقولتش ان الاثارة بتتجزأ بالعكس .. انا بقول اننا منبقاش بمكياليين .. كذا حد من الاعضاء شايف الرقص الشرقى مش فن عشان فيه اثارة مع انهم منبهرين بالتانجو .. فقولت لو على الاثارة يبقى التانجو كمان مثير فبالتالى لو معياركم فى الفن مدى اثارته يبقى زى ما بتنفو الصفة الفنية للرقص الشرقى تنفوها للتانجو ..

و رأيى الشخصى فى الرقص سبق ذكره فى المشاركة التوضيحية الاولى .. و لو واحدة بتحب التمثيل على حد تعبير حضرتك ليه تلجأ للعرى و غيره مادام متوفر انها تمثل فى الكنيسة ؟؟

ليه بندور على المثال المشين دايما .. بتحب التمثيل يبقى تمثل طبعًااااااا جوا كنيستها و مفيش اكتر من الفرق المسرحية و الافلام الدينية اللى بتتعمل .. احنا فى زمن الميديا يا ماما

طبعًا العثرة لا تتجزأ .. و محدش جاب سيرة العثرة هنا نهائى .. و اظن ان فى كل الامثلة اللى ضربتها لانواع رقص مفيهاش شبهة عثرة !

لكن جزئية مادام بنت الملك مينفعش ازاول اى فن مهما كان ؟؟؟ يالهوى ؟؟ اذا كان الانجيل نفسه محللهالى و بيقولى تحل لى .. بس ليس كل الاشياء تليق و مش كلها تبنى و لا يتسلط عليا شئ ... احرم انا اللى حلله ربنا ليه ؟؟

حضرتك بتتكلمى كأنى بقول يا بنات البسو بدل رقص و انزلو ارقصو فى الشوارع !!!!!!!!!!!!!!!!! بجد انا لو قريت كلام حضرتك من غير ما اكون عارفة ردى كنتى شككتينى فى نفسى
كلامى بالنص :

واحدة بترقص لنفسها عشان هى مبتحبش الرياضة و عايزة تخس بيه اعتبره خطية ؟؟ واحدة راحت تتعلم الرقص السلو عشان اما تسافر مع جوزها متبقاش جاهلة قدام الناس و تدوس على رجله تهرسها اعتبرها خطية ؟؟ واحدة عايزة تتعلم رقص تانجو لمجرد الاستمتاع مع جوزها بيه و يرقصو لوحدهم فى شقتهم تعتبر خطية ؟؟ الحكم على عنوان الموضوع من غير تفاصيله فى حد ذاته غلط ..

حضرتك تغاضيتى تماما عن الجزئية دى و كأنها مش موجودة ..

مفيش حاجة فى المسيحية حراااااااااام .. و مفيش لينا مفتى يفتى لكل انسان بالصح و الغلط .. الكتاب نفسه قال " هو كامل السن اسألوه " و الكتاب نفسه قال " كل الاشياء تحل لى لكن ليس كل الاشياء توافق " .. من الاخر كل انسان حكيم نفسه .. عارف ايه اللى يليق بيه و ايه اللى لا يليق بيه ..

القديس سمعان الخراز نفسه اما شاف منظر معثر خلع عينه .. الانبا انطونيوس اما شاف منظر معثر قال دى اشارة ربنا انى ادخل البرية الجوانية مخلعش عينه .. فى حين ان الكتاب نصه ثابت ..

لو اتكلمتى عن حُبنــــــــــــــا للشــــــــــىء ...
هقولك كُلنا سواء بنات أو ولاد ، كبار أو صغيرين ، ناضجين أو مراهقين ، بنحب الحاجة اللى تبسطنا وتفرحنا لأنها بترضى شهواتنا وجسدنا
مفيشولد هتقوليلة تعالى أفرجك على رقاصة وهيقولك لأ
مفيش بنت هتقوللها قومى أرقصى وهتقولك لأ
لكن
فيه ولد عقلة ناضج وراجح ( روحياً ) وعارف إنه إبن الملك ولا يصح إن يرى مثل هذة المشاهد
( هيرفض..... ويقولك طيب أنا لية ألوث عينى وبالتالى هلوث فكرى وقلبى ؟؟؟؟)

وفية بنت عقلها ناضج وراجح ( روحياً ) وعارفة إنها بنت الملك ولا يصح أن تُعرى جسدها أو تهزة أمام الناس ( هترفض وتقولك طيب أنا لية اجرح قلب إلهى وأجعل هيكلة سبب عثرة للآخرين ؟؟؟)

لكن السؤال بقا
هل كل حاجة بنحبهــــــــا ........ بالضــــــــــرورى نمارســـــتها ؟ ... هل يصح مسيحياً ؟؟ ..
كدة هتبقا لخبطة وهيصة ، ولا بقا فية حكمة ولا بقا فيه إفراز ،
ولا بقا فيه فرق بين (ولاد ربنا ،، وولاد العالم )

+
+
جسدنا عامل زى الحصان الجامح ،، إذ لم يتم ( لجامه ) هيتعبنا لإنه هيطلب أكتر وأكتر

+
+
سامحونى واستحملونى ، مين عارف مش جايز تقنعونى :smile01
أناعندى لسة كلام كتير
بس محتاجة وقت

واضح انك مستعجلة فعلا :smile01 بدليل انك مش قريتى باقى الجملة صدقينى كنتى عرفتى انى معاكى فى نص اللى قولتيه تقريبًا ..
لا طبعًا مش كل حاجة بنحبها بنعملها بس تانى سؤال سألته هى غلط ولا لا ؟؟ خطية ولا مش خطية ؟؟ معثرة ولا مش معثرة ؟؟ ..
انا اللى خلانى سألت اصلا بنحبها ولالا .. عشان لو مش بنحبها من الاول اصدع نفسى ليه فى انى افكر هى تليق ولا لا تليق ما انا كدة كدة مش عايزة اعملها !!!!! .. لكن لو بحبها و طلعت تليق و مش خطية يبقى ليه امنع نفسى عنها ؟؟؟؟ ايه المبرر ؟؟؟

معاكى طبعًا اننا نلجم جسدنا .. بس بالعقل .. لو بيطلب حاجة مش غلط الجمه فيها ليه ؟؟ سادية مثلا !!
بتحبى الشيكولاتة و احنا فى فطار ماكلهاش لييييييييه ؟؟ لكن اما يبقى يطلبها فى صيام ساعتها الجمه و اسكته ..

الفكرة فى الاتزان .. لان لجام الجسم الزايد عن اللزوم هيعمل كبت احنا فى غنى عنه و المسيحية بريئة منه ..

إنتى اللى غلطانة سيبتينا من غير تفاصيلة :act23:

إنتى سألتى سؤال عن الرقص ........ وقولتى هل هو عيب أم لأ ؟؟؟

طبعاً عيـــــــــــــــــــــــــــــب لبنات الملك علشان جسدهم بقا هيكل للرب طالما هما هلى إسمة
وممسوحين بالمسحة المُقدسة بزيت الميرون الذى هو بديل لوضع اليد لحلول الروح القدس علي المعمدين (أع 19 : 8 - 14)

++ لكن إنتى دلوقتى فهمتينا هدفك من الرقص
إذا كان علشان جوزك ..... مفيش مشاكل ،، رقصك لجوزك مش خطية طالما هو اللى طلب ،،
بس نفترض إن هو مش عايزك ترقصى ، هترقصيلة بالعافية ههههههههههههههههههههههههههههههههه
بس الحكاية دى مش محتاجة دروس ولا حاجة ، :act23:
ولا إنتى بقا غاوية تصرفى فلوسك :smile01 ،،،
بس طالما عاملة حساب لرجلة هههههههههه يبقا عندك حق فى الدروس ،
+++++++++++++
بس أنا هقولك على حاجة إنتى هنا بتفترضى
عنى إحتمال أة ............ وإحتمال لأ

يعنى نفترض لو هتسافرى برة .....
تفتكــــــــــــــــــــــــــــــــــرى .........
++ هتلاقوا وقت تروحوا حفلات ترقصوا فيها ( أنا ذكرت حفلات ، علشان إنتى ذكرتِ خجلك من لخطأ فى ( الرقص قدام الناس ) )...............
++ولا هيكون همكم ( العمل فقط ) ،،

دى طبعاً حاجة تتحكم فيها ( حالتكم الإقتصادية )

وساعتها الترفيه هيكون فى البيت
وبالتالى الرقص هيكون فى البيت وكدة بقا مش محتاجة لدروس ( لإن مفيش بنت ما بتعرفش ترقص ) :smile01

خاصة وإن الدروس دى بتاخدها البنت اللى عايزة تحترف الرقص وتاكل بيه عيــــــــــــــــــــش

وبعدين طبيعى جداااااااا لما تسافروا برة هيكون مبسوط أكتر لما يرقص مع واحدة غير مراتة ههههههههههه
علشان هيكون قرف وشبع منك فى البيت هههههههههههههههههههههههههههه

أنا بتضحك طبعاً .......ربنا يفرح قلبك دايماً
هى طبعاً كلها أحلام بنات ... ومشروعة ......... ماتزعليش :59:
بس بلاش ترقصى مع غير جوزك طبعاً ولا إية :act23:؟؟؟؟
وإذا رقصتى معاه فى شقتكم إبقى أطبخى
( دكر بط سمين وحلة محشى كبيرة وصنيتن رقاق باللحمة المفرومة )
علشان بعد الرقصة هتتهدوا و هتحتاجوا تاكلوا كتير :smile01:smile01:smile01:smile01


[/B]

تانى ؟؟ انتى بتعممى تانى ؟؟ :act23: هقرّع على ايدك حرام عليكى و انا لسة فى عز شبابى ..

لا للتعميم .. مش كل الرقص حرام يا ناااااااااس هموت يا ناااااااااس :bud: ... و بعدين واحدة فاضية و عندها فلوس و عايزه تصرفه على الرقص احنا مالنا :smile01 .. رزق الهبل على المجانين يا ستى :smile01 .. المهم انه مش عيب و حرام و غلط و الحاجات الكتير اللى بتقفل اى حد و نظام لا تناقش ولا تجادل يا أخ على ..
واحدة هتسافر و اة هيرقصو فى حفلات .. هنحجر عليهم مثلا ؟؟ ماهى حرة هى و جوزها و حتى لو عايزه تتعلم لروحها و لجوزها لوحدهم احنا مالنا ؟؟؟ اللى معاه قرش محيره يجيب حمام و يطيره او ياخد دروس رقص :59:

بالنسبة لاخر سطرين ... مبتكلمش فى السياسة ولا الطبيخ :smile01

نسيت أقولك
هى حكاية واحدة بترقص لنفسها دى حاجة مش طبيعية ،، ومش مُريحة خااالص

أوبترقص علشان عايزة تخس ،،،
مزوالة الرياضة وأخذ الأعشاب أفضل بكتير وبعدين دكاترة الرجيم كتير يعنى

لكن ترقص علشان تخس يا دكتورة !!!!!!!!......... طيب ما تعمل عمل أحسن هههههههههههههههههه

للاسف اة فيه دايت بالرقص .. شوفتى دكاترة آخر زمن .. لو معندكوش منه .. ممكن ابعتلك انتى تؤمرى معنديش اغلى منك اخدمه الخدمة دى :smile01

ملحوظة : الله يباركلك ياااااارب تظبطى بعد كدة التنسيق بتاع مشاركاتك عشان انا طلع عينى فى ظبط المشاركة دى بالمنظر دة

 

[x_philosopher]

هل الرسم عيب؟
هل النحت عيب؟

كلاهما يمكن أن يثير الغرائز أيضاً مثل النحت العاري (نوع من الجمال حيث يظهر في التناسب)

لماذا الرقص بالذات نقول عنه عيب؟

الإثارة هي بالأكثر في العقل المريض

 

[+GOSPEL OF TRUTH+]

نسيت أقولك
هى حكاية واحدة بترقص لنفسها دى حاجة مش طبيعية ،، ومش مُريحة خااالص

ها؟

و مين فينا يا بنات و هي صغيره علي الاقل ما قفلتش عليها الباب و رقصت

مش طبيعي ازاي يعني؟​