موضووع للنقاش : - خوف الاهل

[R.O.R.O]

بابا صوت اكيد الخوف احد مظاهر الحب
وانا مش مختلفة مع حضرتك فى دى
بس زى ما قولت كدا ان الخوف ده بدل يقل بالتدريج لما كبروا
علشان كدا انا بتكلم فى النقطة دى لما كبرنا وبقى لينا حياتنا
ونقدر كويس نعتمد على نفسنا
لازم يعرفوا ده
اكيد انا هبقى مبسوطة ان جوزى بيخاف عليا او ماما
بس مش الخوف اللى يخنقنى ويقيدنى
نورت الموضوع يا باباتى
​

 

[R.O.R.O]

كل مظاهر الخوف والقلق ايا كانت اسبابها هي من ابليس يثيرها فيك لاي سبب

ايه دخل الخوف والقلق بانه من ابليس
دى مشاعر قوية فى قلب اى ام واب او زوج
بس اللى بنتكلم فيه انه ميبقاش خووف زيادة
يؤدى الى خلل فى شخصية الطفل او الحد اللى بتخافى عليه ده
​

 

[R.O.R.O]

انا فقط أحببت اقول كلام عام مش خاص، مع أن الأهل في مصر على الأخص وفي هذه الأيام خوفهم بقى أكبر بكتير مما سبق... لكن عليهم أن يعتدلوا ويجلسوا مع أولادهم ليشرحوا موقفهم ويوجههوم التوجيه السليم لأن لابد من ان يعلموا أنهم لن يحيوا للأبد ليستمروا في الدفاع عنهم أمام جميع المخاطر التي تحيط بهم، ولابد من الأبناء أن يتفهموا خوف الأهل عليهم بسبب محبتهم بالطبع...
​

استاذى الغالى
كلام حضرتك مظبوط
بس تعمل ايه بقى لو اتناقشت كتير وفهمتهم
انه ماينفعش الخوف الزيادة ده
وان كل الناس بتروح وتيجى
ماما مثلا متهيالها ان انا الوحيدة اللى ممكن اتخطف وانا ماشية او لو ركبت عربية السواق يخطفنى
بتحب الافلام العربى ماما هههههههههه
هقول تانى صدقونى انا عارفة انه خوفهم ده حب
بس انا بتكلم فى نقطة تانية خاالص
ان الخوف ده بيتحول لمرض عند الشخص نفسه
هى دى العواقب اللى خايفة منها نتيجة الخوف لزيادة ده
نورتنى يا استاذى ومرسى لرأيك
​

 

[R.O.R.O]

ايه يابنات انتوا فاكرينها فوضه ما بتسمعوش عن الخطف والتحرش والمظاهرات كل شويه انتوا عاوزين ترحوا ف الرجلين ولا ايه ؟؟؟؟
لالا ياحبايبي هو ده قلب الام مش مجرد خوف وخلاص او ديكتاتور في البيت ابدا خالص !!!!

احنا عارفين لكلام ده يا ماريا كوويس جدا
وبنسمع اكيد عن الخطف
بس الخطف ده بقى لو نزلتى مثلا متاخر بالليل ومشيتى فى حتة مقطوعة
او روحتى مكان بعيد ممكن تتعرضى للموقف ده
لكن مش لو مشيتى فى منطقتك فى عز النهار هههههههههه
ماما تقريبا مش عاوزانى امشى فى الشارع اصلا
معتقدش ان لما يبقى عندى ولاد هعمل كدا
هخاف اه بس مش كدا
​

 

[+إيرينى+]

الخوف اللى بيوصلك انك متقدرش تعمل اى حاجة لوحدك
​

ليه ما تقدريش ؟؟؟
إيه اللى هيحصل لو إنتى عملتى حاجة لوحدك ؟؟
و لا إنتى خايفة تعملى أى حاجة لوحدك ؟؟
و لا إنتى بتعتقدى إن الحاجة لمجرد إنك هتعمليها من غير ما تقوليلهم تبقى مصيبة سودة أو بمعنى أصح غلطة كبيرة ؟؟؟

​

وانا صغيرة كانت ماما بتخااف عليا جدااااااااااااااااااا
قولت اكيد لانى صغيرة ومش مدركة المخاطر وحقها
يوم مع يوم بقيت اكبر والمفروض اعتمد على نفسى
للاسف خوفها زاد اكتر بتخاف عليا اروح المعهد لوحدى
تخاف عليا امشى فى الشارع لوحدى
​

كنتى بتروحى المعهد لوحدك ؟​

للاسف جوزى اسخم وادل من ماما فى خوفه عليا
شايفنى البنت الصغيرة اللى ماينفعش تخرج لوحدها
طبعا خوفا عليا
​

لا جوزك مش مشكلة نشوف له حل
ههههههههههههههههههههههههههههه
​

المشكلة انى بقى جوايا انا الخوف
بقيت حاسة بعدم الامان من الشارع والناس
​

خايفة بأة من إيه ؟؟​

رغيت كتير انا عارفة
محتاجة اعرف رأيكم فى خوف الاهل الزيادة
وتحكمهم فى عدم الخروج
​

تحكم ؟؟؟
ما معنى كلمة تحكم ؟؟
يعنى بتاخدى الإذن من ماما (و إنتى متزوجة) قبل ما تخرجى ؟؟؟؟​

وازاى اسيطر على ده واعرفهم ان الخوف مش انى اتعود منزلش
وان بسبب خوفهم ده
انى هبقى انسانة منطوية وبتخاف تعمل اى شىء
​

هنشوف لك حل ما تقلقيش بس جاوبى عل الأسئلة​

حتى الازواج اللى مش بيرضوا يخلوا زوجاتهم ينزلوا لوحديهم
بحجة الخوف
​

مش بيرضى خاااااااالص ؟؟
و لا فى بعض المشاوير أوكيه و فى البعض الآخر لا ؟؟؟​

العيب فى مين فى المجتمع لانه مبقاش فى امان
ولا فى دماغ الاهل ولا فى ايه بالظبط
​

العيب فيكى
و هنحل المشكلة

بس جاوبى الأول ؟؟​

 

[R.O.R.O]

ليه ما تقدريش ؟؟؟
إيه اللى هيحصل لو إنتى عملتى حاجة لوحدك ؟؟
و لا إنتى خايفة تعملى أى حاجة لوحدك ؟؟
و لا إنتى بتعتقدى إن الحاجة لمجرد إنك هتعمليها من غير ما تقوليلهم تبقى مصيبة سودة أو بمعنى أصح غلطة كبيرة ؟؟؟

احبيبتى يا ايرووو احبك انا كدا
بصى يا ستى
بقى فيه رهبة يا ايرو
مش خايفة اعمل حاجة انا مبقاش عندى الشجاعة
لا يا بنتى انتى فهمتى غلط مش من وراهم لا
عارفة من كتر انك مش بتنزلى اى مكان لوحدك
هتلاقيها صعبة عليكى نفسك تنزلى ومش قادرة او متعودتيش
بس خدى بالك ده كااااااااااااااان​

كنتى بتروحى المعهد لوحدك ؟

بصى يا ستى انا كنت بروح مش شلة بنات اصحابى
بنتقابل عند موقف الاتوبيس اللى هو بينه وبين بيتى مافيس 10 دقايق
ولو مرحوش ماما ماكنتش ترضى تودينى ههههههههه
شوفتى المعاناة
مع العلم انى كنت رافضة ده
بس كانت بتصمم وتقولى اخاف تركبى الاتوبيس لوحدك​

لا جوزك مش مشكلة نشوف له حل
هههههههههههههههههههههههههههه​

خايفة بأة من إيه ؟؟​

جوزى خلالاص مع الكلام والاقناع ابتدى يسبنى نشكر الله ههههه
يا ايرو من كتر الخوف اللى اتزرع جوايا
وانا رايحة المعهد ماما تفضل تدينى الوصايا العشرة ههههههه
لو حد طلب منك طلب ووقفك ممكن يكون عاوز يخطفك
متقفيش لحد فى الشارع خالص
وخدى بقى وصايا كتير
فالبتالى بقى جوايا خووف ان ممكن اى حاجة تحصل
بس برضووا كاااان
دلوقتى لالالالا هههههههههه
بقيت شجاعة الى حدااا مااا​

تحكم ؟؟؟
ما معنى كلمة تحكم ؟؟
يعنى بتاخدى الإذن من ماما (و إنتى متزوجة) قبل ما تخرجى ؟؟؟؟

​

لا يا ايرو مش اقص التحكم بعد الجواز
اقصد انك تكونى نفسك تنزلى ما اصحابك مثلا تشترى حاجة والاهل يرفضوا
لمجرد انهم خايفين
لكن بعد الجواز طبعا مافيش ده
مش معقول يعنى قبل ما اخرج هروح اقول لماما انا خارجة ينفع ولا لاء ههههههه
​

مش بيرضى خاااااااالص ؟؟
و لا فى بعض المشاوير أوكيه و فى البعض الآخر لا ؟؟؟​

الاول كان خاااااااالص مالص بالص
مع كلامى معاه براحة ابتدى يفهم
بس ما زال فى مشاوير بيقول عليها لا
فى حين انه بيسبنى اخرج مع اصحابى اوووقات
واوقات تانى يرفض
لكن تعالى للسوق مثلا مش بينزلنى خاالص
تسالينى كيلو الطاطم بكام اقولك معرفش
مثلا عاوزة انزل اشترى حاجة من شبرا دى جنبنا اووى
وصاحبتى شغلها هناك هتقلبنى اروحلها
لا ماتركبيش تاكسى لوحدك
طب هركب ميكروباص لا ماينفعش :act19:
دى بعض المواقف اللى بتحصل
حللى انتى بقى ههههههه
​

العيب فيكى
و هنحل المشكلة

عارفة ان العيب كان فيا زمان لما كنت بسكت
بس دوقتى اعلنت التمرد هههههههه
حلى يا ايرو منتظرة حلولك ههههههههه
​

بس جاوبى الأول ؟؟

جاوبت يا افندم اهو

​

 

[+إيرينى+]

بصى أقولك على حاجة

بالنسبة لجوزك

مش بيخليكى تروحى السوق : بركة إن جت منك يا جامع هههههههههههههههههههههه إلبس يا مقدس

بيرضى بمشاوير و مشاوير تانية لأ : حقه يعنى هو أراجوز فى البيت و لا إيه ؟ ههههههههههههههههههههه

بس هو فيه نقطة مهمة : لازم تعرفى هو رفض ليه ؟؟ عشان ما تتخيليش إنه نوع من أنواع التحكم

جايز يكون شىء تانى فى باله

خدى و إعطى معاه فى الكلام _____________ بس من غير صداع : الراجل راجع تعبان من الشغل ههههههههههههههههههههههههههههههههه

_______________________

يعنى أنا شايفة إن جوزك طيب _ يعنى ما فيش حاجة _ الل بيعمله عادى

مثلا هو رضى إنك تنزلى إنك تروحى المشوار الفلانى

ما تبدأيش إنتى و تقترحى له : أركب تاكسى ؟؟ طب أركب ميكروباس ؟؟

لااااااااااااااااا

إبدأى بالسؤال : تحب أركب إيه ؟؟

سهلة ؟؟

أما مامتك بأة إتعاملى معاها بلا أى إندهاش هههههههههههههههههههههههههههههههه

بس إدينى مثال : بتعمل إيه هى بالظبط و إنتى برة مع صاحباتك أو مثلا بتشترى ملابس مثلا لنفسك ​

 

[R.O.R.O]

هههههههههههههههههههههههههههههه
فى الاخر طلع هو اللى طيب ماشى يا ايرو
عموما هو فعلا مقدرش انكر انه طيب وفى تقدم ملحوظ فى موضوع انه يسبنى اخرج لوحدى
اينعم فى حاجات بيصمم عليها وببقى مستغربة بس اهو مش مهم
هفضل وراه لغاية ما يوافق يانا يا هووو ههههههههه
انا لو قولتله عاوزة اروح المكان الفلانى وقالى لا
اول حاجة بقولها طب لا لييييييييييه
يرد يقولى ايه بقى خايف عليكى
طب ما انا رايحة مع اصحابى احنا خمسة مثلا
لا برضوا انا خايف
بالنسبة لماما خلالاص رمت طوبتى تقريبا
وابتدت تتعود انى بنزل وبروح وباجى وخرجت من السجن ههههههههه
ميرسى يا ايرو يا حبيبتى لحلولك وارائك الجميلة :*
​

 

[R.O.R.O]

بصى يا ستى ماما مثلا بالصدفة نكون بنتكلم فى الفون
واقولها انى نازلة بكرة مع اصحابى اجيب لبس علشان لو متصلتش بيكى
متقلقيش
ماما لو متصلتش بيها لحد الساعة 5 اخر النهار
يتهيألها ان جرالى حاجة فى الشقة هههههههههه
فتقولى هتنزلى لوحدك مع اصحابك اقولها ايوه يا ماما
تقولى طب خلى بالك من نفسك
واتصلى بيا او لما توصلى وكل شوية كلمينى
اقولها حاااضر يا ماما متخافيش هيجرالى ايه يعنى
يا بنتى الدنيا مبقاش فيها امان والخطف شغال
وولاد الحرام كتير
فاضل شوية وتشحت عليا هههههههههه
وتفضل متبعانى بالفون لحد ما ارجع البيت
موقف تانى من ضمن المواقف يا ايرو
اما بروح عندها ايهاب بيخلص شغل ويجى يخدنى لاننا بنروح متاخر بالليل
لو ايهاب بقى مش فاضى
فانا اضطر اروح بدرى علشان امشى لوحدى
تقولى لا هتمشى لوحدك لوحدى دى اصلا شارعين تلاتة بينى وبينها
فين وفين لما تقتنع انه مفهاش حاجة الساعة لسة 9 وان الشارع امان ومليان ناس
وتفضل ترن عليا وبتبقى صعبانة عليا
من كتر قلقها وخوفها اول ما اوصل قدام العمارة
ارن عليها واكلمها اقولها وصلت بالسلامة اهو محصليش حاجة
تفضل تكلمنى لحد ما انزل من الاسانسير وتطمن انى فتحت بابا الشقة لولا تهدى
هههههههههههههههه
وهذه مأساتى مع ماما حبيبتى

​

 

[+إيرينى+]

ريحيها يا رورو

هى مش متحكمة و لا حاجة

هى قلوقة شوية

معلش


الل إنتى بتعمليه معاها صح

و مش خنقة عليكى و لا حاجة

أنا مش شايفة أى خنقة (دا إنتى مفترية)

حسبت مامتك مارى منيب يا شيخة
​

 

[R.O.R.O]

أنا مش شايفة أى خنقة (دا إنتى مفترية)

حسبت مامتك مارى منيب يا شيخة
​

ههههههههههههههههههههههههههه
صدقينى مش مفترية ولا مضايقة من كدا
بس انا بتكلم عن امهات المستقبل يخدوا بالهم من كدا
لا ماما احن قلب فى الدنيا وخوفها ده من طيبة قلبها
وحبها لينا حتى على اخواتى الولاد
:new8::new8::new8:
​

 

[aymonded]

استاذى الغالى
كلام حضرتك مظبوط
بس تعمل ايه بقى لو اتناقشت كتير وفهمتهم
انه ماينفعش الخوف الزيادة ده
وان كل الناس بتروح وتيجى
ماما مثلا متهيالها ان انا الوحيدة اللى ممكن اتخطف وانا ماشية او لو ركبت عربية السواق يخطفنى
بتحب الافلام العربى ماما هههههههههه
هقول تانى صدقونى انا عارفة انه خوفهم ده حب
بس انا بتكلم فى نقطة تانية خاالص
ان الخوف ده بيتحول لمرض عند الشخص نفسه
هى دى العواقب اللى خايفة منها نتيجة الخوف لزيادة ده
نورتنى يا استاذى ومرسى لرأيك
​

مهو علشان كده قلت أن الخوف مشروع بس المهم مش يتحول لمرض، لأن ساعات من كثرة المبالغة في الخوف يتحول لمرض مزمن عند الأهل والابناء ودية مشكلة كبيرة، لأنها في النهاية بتخلي الأولاد يتمردوا على الوضع ويحدث انفجار ورفض نفسي تام لأي قيد، لأن المفروض الأهل لا يقيدون الأبناء بالخوف، لأن المشكلة أن الأهل بيظنوا أنهم بيدافعوا عن أولادهم مع أن في الحقيقة بيدافعوا عن مصدر تعزيتهم في الحياة، لأن عن دون قصد بيحدث ترابط مريض بين الأهل والأبناء ودية مشكلة كبيرة في المجتمع الشرقي على الأخص....
​

 

[soul & life]

بصى هو الخوف من ناحية الاهل موجود فى كل الاحوال يا رورو لكن الخوف يتواجد بعد متكبرى وتتجوزى دا بقا بيرجع على شخصية الانسان هتقبلى الوضع وتتعايشى ولا هترفضى وتعترضى زى ما انتى بتعملى كده
انتى ماشية فى طريق الاستقلال ههههه وكلنا بنساندك يا حبيبتى ربنا معاكى
عقبال اللى بالى بالك

 

[R.O.R.O]

تعيش رورو حرة مستقلة ههههههههههه
يارب يا نيفو يارب
ولو انى معتقدش انها هتتمرد ابدااا
​

 

[kawasaki]

مع احترامي للجميع
للكبير والصغير ​

قولوا اشكرك يارب ان فيه حد بيخاف عليا
اشكروا ربنا ​

اشكر ربنا ان فيه حد بيطمن عليك وانت نايم
اشكر ربنا ان فيه حد بيصحيك الصبح
اشكر ربنا ان فيه حد كل همه في الدنيا انك تكون بخير واحسن الناس
اشكر ربنا ان فيه حد بيرن عليك لو اتأخرت وممكن يقلب الدنيا لو غبت
اشكر ربنا ان فيه حد بيكلمك بياخد ويدي معاك في اي حاجه
اشكر ربنا انك بتسمع صوتك في بيتك وانتا بتتكلم مع حد من البيت .غيرك مفيش حد سامعه غير الحيطان
اشكر ربنا ان فيه حد لو تعبت يقدر يجري بيك .غيرك مش لو تعب ...دا لو السر الالهي طلع محدش هايدري بيه غير الريحه هاتفضحه .
اشكروا ربنا ان ليكوا بابا وماما واخوات وازواج وزوجات وابناء
غيركوا عايش كده بالبركه وبس ......​

 

[AL MALEKA HELANA]

اهو انا معاملتى مع ولادى :mus13: زى مامتك بالظبط يا رورو


شوفتى
حتى مامتك طلعتلك فى الموضوع عشان تطمن عليكى

:smile01:smile01:smile01:smile01:smile01:smile01

 

[R.O.R.O]

اهو انا معاملتى مع ولادى :mus13: زى مامتك بالظبط يا رورو


شوفتى
حتى مامتك طلعتلك فى الموضوع عشان تطمن عليكى

:smile01:smile01:smile01:smile01:smile01:smile01

حبيبتى يا ملكة
انتى اصلا ملالاك ربنا يخلهوملك
بس بحبحيها عليهم شوية :new8:
​

 

[tamav maria]

بصى يا ستى ماما مثلا بالصدفة نكون بنتكلم فى الفون
واقولها انى نازلة بكرة مع اصحابى اجيب لبس علشان لو متصلتش بيكى
متقلقيش
ماما لو متصلتش بيها لحد الساعة 5 اخر النهار
يتهيألها ان جرالى حاجة فى الشقة هههههههههه
فتقولى هتنزلى لوحدك مع اصحابك اقولها ايوه يا ماما
تقولى طب خلى بالك من نفسك
واتصلى بيا او لما توصلى وكل شوية كلمينى
اقولها حاااضر يا ماما متخافيش هيجرالى ايه يعنى
يا بنتى الدنيا مبقاش فيها امان والخطف شغال
وولاد الحرام كتير
فاضل شوية وتشحت عليا هههههههههه
وتفضل متبعانى بالفون لحد ما ارجع البيت
موقف تانى من ضمن المواقف يا ايرو
اما بروح عندها ايهاب بيخلص شغل ويجى يخدنى لاننا بنروح متاخر بالليل
لو ايهاب بقى مش فاضى
فانا اضطر اروح بدرى علشان امشى لوحدى
تقولى لا هتمشى لوحدك لوحدى دى اصلا شارعين تلاتة بينى وبينها
فين وفين لما تقتنع انه مفهاش حاجة الساعة لسة 9 وان الشارع امان ومليان ناس
وتفضل ترن عليا وبتبقى صعبانة عليا
من كتر قلقها وخوفها اول ما اوصل قدام العمارة
ارن عليها واكلمها اقولها وصلت بالسلامة اهو محصليش حاجة
تفضل تكلمنى لحد ما انزل من الاسانسير وتطمن انى فتحت بابا الشقة لولا تهدى
هههههههههههههههه
وهذه مأساتى مع ماما حبيبتى

​

حبيتي دي مش مأساه ابدا صدقيني هاتحزني قلب ماما جدا لو عرفت انك بتسمي حبها وخوفها عليكي مأساه

 

[R.O.R.O]

ماريا حبيبتى
دى كلمة بس بوضح بيها مدى خوفها هههههههه
ماما حبيبتى طبعا وروح قلبى وحياتى كلها
وعارفة ان خوفها ده نتيجة حب وعطف زيادة
بس اللى انا وصلتلوا هو اللى مضايقنى
بس نشكر ربنا انى خلاص غيرت كل ده

​

 

[tamav maria]

ماريا حبيبتى
دى كلمة بس بوضح بيها مدى خوفها هههههههه
ماما حبيبتى طبعا وروح قلبى وحياتى كلها
وعارفة ان خوفها ده نتيجة حب وعطف زيادة
بس اللى انا وصلتلوا هو اللى مضايقنى
بس نشكر ربنا انى خلاص غيرت كل ده

​

عموما المفروض ننظر للجانب المضئ من خوف الام علي ابنائها وليس الجانب المظلم