أعياد ميلاد الجمال: حبو ـ مونيكا

[خادم البتول]

:Roses:
الجوهرة النفيسة الأخت الغالية والصديقة الجميلة
حبــــو أعدائكـــــم
عيــــد ميــــلاد سعيـــد
كل سنة وانتي طيبة وعقبال مائة سنة

طبعا أعياد الميلاد خارج اختصاصي تماما

(لم أفعلها في حياتي أبدا من قبل ـ لا بالعربي ولا بالإنجليزي)
ولكن فقط حتى لا تفوتنا المناسبة الحلوة والذكرى الجميلة
كما تفوتنا المناسبات هذه الأيام!

وعليه فهذه فقط هي الافتتاحية الموسيقية
وسأكون معك في انتظار التورته الحقيقية
من مصنع الحلوى كلها ـ يعني كاندي بالطبع
أو يمكن من رورو أو سول أو سوسو أو ماريا
أسماء الجمال وعناوين الحلاوة بهذا الموقع
أو يمكن تكون حتى تورته اسكندراني
بلمسات إيريني الساحرة

وأيضـــا

الأخت الغالية والسيدة الجميلة
مونيـــــــكا
كل عام وانتي طيبة
وكل يوم وانتي بنعمة الرب في كل سلام وفرح ومسرة

سامحينا لم نكتب في حينه منذ يومين
لأن هناك من كانوا أفضل منا بالطبع في ذلك
فقط شغلتهم الحياة أو الظروف (أو يمكن الفيسبوك

)
ولكننا بكل حال ذكرناكِ جميعا هنا وابتسمت إليك قلوبنا
ثم أرسلنا إليكِ أجمل التمنيات عبر الأثير
نفتقد صوتك المميز ونتمنى أن نراك دائما

سلام المسيح مع كل الجميلات العاطرات
ومع كل النبلاء الفرسان
والنعمة دائما معكم

* * *

​

 

[R.O.R.O]

حبو الجميلة اسم ع مسمي بجد
كل سنة وانتي طيبة حبيبتي وعقبال 100 سنة حلوة مع يسوع
والسنة دي تكون كلها افراح وتعويضات
ماما مونيكا كل سنة وحضرتك بالف خير
سنة مليانة بالفرح والسلام
جو سباق بالخير
اكيد حبو صعب ان كان عيد ميلادها يعدي من غير ما نحتفل بيه

​

 

[+إيرينى+]

كل سنة و انتى طيبة

يا حبو

و يا أستاذة مونيكا

و عقبال 100 سنة

أنا جبت صينية سليكون على شكل سبونج بوب

أبقى أعملها تورتة حاضر

بس بعد الامتحان الل جاى

أعذرونى

الوقت مش معايا خااااااااااااااااالص

مش ح أحرمكم من ذكريات الدراسات العليا فى مصر :hlp: :cry2:


و شكرا يا خادم البتول على اللفتة الجميلة

​

 

[paul iraqe]

كل عام وانتم بالف خير

ينعاد عليكم في كل سنة بالصحة والبركة والسلامة

متمنيا لكم اياما كلها اعياد وافراح ومسرات

مع تحقيق كافة الاماني

والشكر موصول ايضا لصاحب هذه المبادرة الحلوة ( خادم البتول )

 

[soul & life]

حبوا حبيبتى كل سنة و انتى طيبة وربنا يفرحك باولادك وتكون حيياتك كلها فرح وسعادة بدون كوارث ومفاجات غلسة ومش لطيفة

تاسونى مونيكا كل سنة وحضرتك طيبة عقبال مليوون سنة

شكرا ليك خادم البتول كلك زوء ربنا يعوض تعب محبتك

 

[عبود عبده عبود]

[FONT=&quot]"حبو" عملاق اللغة العربية فى المنتدى وكل المنتديات
[FONT=&quot]كل سنة وأنتى طيبة ...و​

​

​

[FONT=&quot]أُهديها بعض الأبيات الشعرية باللغة العربية :t33: (الفوحصى) :t33:[/FONT]​

[FONT=&quot]
أيا كارثة القارئ فى صبحهِ[/FONT]​

[FONT=&quot]أيا فقر الفقر فى تعليقهِ[/FONT]​

[FONT=&quot]أقرأ وما أدرى ما أنا بقارئٍ [/FONT]​

[FONT=&quot]وإلى قواميس العالم لآجئيٍ[/FONT]​

[FONT=&quot]تراكِ تراث المنتدى وقلبه[/FONT]​

[FONT=&quot]وفشته وكبده وكلاويهييهِ[/FONT]​

:smile02:smile02:smile02

*****
" مونيكا" ....كل سنة وأنتى طيبة ...

:flowers::flowers::flowers:​

[/FONT][/FONT]

 

[grges monir]

كل سنة وانت طيبة يا حبوا واستاذة مونيكا
سنة حلوة عليكم يارب

 

[حبو اعدائكم]

كل سنه و حضرتك طيبه ماما مونيكا-- و عقبال 1000000000000 سنه حلوه مع يسوووع

 

[حبو اعدائكم]

خادم البتول
اشكرك ازاى انا ؟---- هو كدا الناس الجواهر الى قلوبهم جميله بتشوف كل الناس جواهر نفيسه و حلوويات و حرنكشات ههههههههههههه حتى لو كانوا خنفسه سوده ملهمش اقل لزمه.....
اشكرك على محبتك و على معايدتك و على كلامك ... الى كالعاده بيبقى مستحقش حتى ربعه -- بس نعمل فيك ايه بئا هههههههههههه

 

[حبو اعدائكم]

رورو حبيبتى -- اول رساله جتلى على مبايلى كانت منك--
كنت فى وسط كارثه و محتاسه من الفجر-- و لقيت رسسالتك -- افتكرت انه عيد ميلادى النهرده ساعتها هههههههههههه
و معايده على البروفايل و هنا فى الموضوع-- يعنى مش سايبه حتى مش معيده عليا فيها هههههههههههههههههههه يا بختى هههه شكرا يا اجمل قلب-- اهو قلب زى قلبك هو الى ينفع يتقال عليه جوهره نفيسه ....


شكرا بجد

 

[حبو اعدائكم]

ايرو حبيبتى وحشانى-- شكرا يا غاليا و شكرا مسبقا على التورتا السبونج بوب هههههههههههههههههه-- بتعملى الالوان على الكريم شنتيه و لا بتجيبى فندام الوان ؟؟
ربنا معاكى فى الامتحان بالنجاح الساحق يا رب

 

[حبو اعدائكم]

استاذ paul
طبعا كتبت اسمك بالانجليزى لحسن كتبته بالعربى لقيته بيتقرى كلمه غريبه هههههههههههههههههههههههههههههه
اشكرك على معايدتك -- هو الصوره مش عارفا اشوفها هههههه حظى بئا-- لكن اكيد كلها ذوق عالى لانها جايه من شخص كله محبه و ذوق عالى ..
اشكرك على معايدتك

 

[حبو اعدائكم]

اشكرك نيفو على محبتك و على معايدتك---
و جملتك" بدون كوارث و مفاجئات غلسه جت على الجرح--
ازاى يعنى يفوت عيد ميلادى بدون كارثه -- بما ان العادى فيه -- يبقى عيد الميلاد لازم تبق مفاجئه من العيار الغلس ههههههههههههههههههههه
بيتى كان غرق من كام سنه و من ساعتها نص الحيطان بتاعت البيت كله قشرت و وقعت-- و اخيرا اخيرا-- بعد تحويش و اقناع و محايله مريره-- تم اتخاز قرار بياض البيت هههههههه
طبعا حوسه و بهدله--
و يدوووب يااادووب خلصت غرفه نومى بالحمام و الترقه--
و از انام و اصحى احط رجلى على الارض القى رجلى محطوته فى بحيره ههههههههههههههههههههههههههههه و رجعت كل حاجه غرقت تانى و الخزين الى تحت السرير بالهدوم و السجاجيت و البطاتين كله غرق-- و من 5 الصبح و انا عماله اشيل فى مايه لما صوابعى ورمت و نزق فى عفش و سراير و دواليب- و نشيل مراتب و بطاطين- لما وسطى و دهرى انقطم و كفين ايدايا فقفقوا من كتر عصر الخيشه و الشرشوبه -- ههههههههههه
و بعدين مش عارفا مين ساب باب الميكرويف مفتوح-- و انا بوطى اجيب حاجه من درج المطبخ روحت طالعه وواخده اجمل باطحه فى دماغى ههههههههههههههههه
روحت الشغل متئخر طبعا و دغدغه هههههه و اجمل انظار تاخير اخدته ههههههههههههههههههههههههههههههههههههههههههههههههههههه


و ربنا يعدى بقيت اليوم على خييييير

 

[حبو اعدائكم]

أيا كارثة القارئ فى صبحهِ

[FONT=&quot]أيا فقر الفقر فى تعليقهِ​

​

[FONT=&quot]أقرأ وما أدرى ما أنا بقارئٍ [/FONT]​

[FONT=&quot]وإلى قواميس العالم لآجئيٍ[/FONT]​

[FONT=&quot]تراكِ تراث المنتدى وقلبه[/FONT]​

[FONT=&quot]وفشته وكبده وكلاويهييهِ[/FONT]


هههههههههههههههههههههههههه
فكرتنى بواثقه فيك يا رب
كانت تنزل باشعار كدا بردوا--- بس طبعا مش زى الشعر المفاجئه دا هههههههههههههه
انا كارثه و فقر هههههههههههههههههههه
ماشى يا عبووووود---


بجد اشكرك على محبتك و معايدتك و شعرك الجميل و روحك الجميله
​

[/FONT]

 

[حبو اعدائكم]

جرجس -- ايها الاخ الزملكاااوى الجميييل هههههههههههههههه
امتى الماتش الجاى ها ؟؟
ههههههههههههه
اشكرك بجد على المعايده--

 

[aymonded]

كل سنة وانتم طيببين (حبو - مونيكا)
ودايماً مملوئين من سلام الله وفرحه ومعونته في كل وقت وكل حين
محافظاً على حياتكم ويبارك بيتكما ويهبكم ثباتاً وبنياناً في الحق والمحبة آمين

​

 

[BITAR]

كل سنه وانتما ( مونيكا ؛ حبو ) بكل خير
ويا رب كل ايامكم اعياد​

 

[خادم البتول]

رورو: "سباق للخير" فقط بوجودكم ومحبتكم وعطر حضوركم. وهو لولا المحبة التي تربطنا هنا كما قلت سابقا ما حضرت ولا كتبت ولا تابعتكم ولا حتى في صمت. الحقيقة بقا إن سبب وجودي في المكان ده وفي هذه اللحظة ـ طبعا بعد مشيئة الرب وتدبيره ـ هو "حبو" هذه تحديدا! أنا لم أكتب عن هذا أبدا من قبل: الحكاية ببساطة هي أني كنت ـ وأعتقد ما زلت ـ "منفصل" تماما عن مصر وإعلام مصر (لأسباب عديدة ولكن أهمها بالطبع إن الأخبار في معظمها تفوق قدرتي على التحمل).

المهم في يوم جاءتني "حبو" كعادتها بحكاياتها التي لا تنتهي فأخبرتني فجأة إزاي هي حزينة بسبب "الست بتاع المنيا" وإزاي عبود ليه وجهة نظر مختلفة وازاي هي ورورو اتفقوا وازاي وازاي ...... طبعا أنا: "إيه؟ مين؟ عروستي؟ إيه أصلا الست بتاع المنيا دي؟" طبعا هي فاكراني متابع وفاهم، وأنا ولا فاهم أي حاجة.. أخيرا قلت ما بدهاش بقا وجيت على هنا عشان أفهم.. واتاري الدنيا حريقة وانا اللي مش داري!....

بس يا ستي من ساعتها! يعني باختصار لولا الجميلة "حبو" وتواصلها المستمر معي ومع غيري ما فكرنا أبدا حتى في الاقتراب من هذا المكان خاصة بعد كل هذا الغياب! يبقا مين بقا اللي "سباق بالخير" وسر البركة كلها يا ست رورو؟

(ده يعني طبعا بافتراض إن وجودي ده فيه أي خير أو فايدة أو ليه حتى أي معنى.. احنا يعني بنقول كده بس "على قد القعدة" وعشان "الصحبة الحلوة"

إنما انا لا شيء أصلا)!

إيريني: ربنا معاكي يبارك وقتك وتعبك وبالتوفيق مع خالص أمنياتي القلبية.. ونعم سنكون بانتظار التورته من الصينية السليكون الجديدة.

إنتي فنانة بل مبدعة في المطبخ يا إيريني.. لا أنسى أبدا فيديوهاتك! أيضا بانتظار أخبار الدراسات العليا في مصر حاليا ("عسى خير" كما كان الملك عبد الله يقول عند كل مصيبة)!

باول: الروح الجميلة حقا كما رأيناه دائما.. العصفور بل البلبل الأكثر تغريدا وحركة ونشاطا وحياة بهذه الشجرة حاليا.. ربنا يبارك خدمتك وكلمتك ونشاطك ووقتك وشــكرا أخي الحبيب من القلب على تعبك وعلى كل هذه المقتنيات الرائعة التي ترسلها لنا بشكل مستمر.

سول: إنتي اللي كلك ذوق وإحساس. دخلت بسبب شريهان إلى قسم الكتابات مؤخرا فاكتشفت ـ فقط منذ أيام وبالصدفة البحتة ـ إنك أيضا كاتبة كبيرة جدا ولها أرشيف خاص بل ولها جمهور أيضا من المعجبين والمعجبات. يعني مش مجرد خواطر كده عابرة.. لا.. ده انتي محترفة يا هانم!

تحياتي للقلم المبدع والخيال الرائع وكل الكلمات والمشاعر الراقية. :16_4_10:

* * *
​

حبــو: بالعكس أنا لم أكتب أي شيء بعد.. بل انك ـ طبعا ـ أغلى وأجمل وأكتر بكتير من أي جوهرة نفيسة. الحقيقة كنت متردد لما كتبتها لأنه "عيب" أصلا أوصفك بالجوهرة وانتي بنت المحبة ذاتها ومرآتها وعلى صورتها! كل الجواهر والكنوز بالعكس هي اللي طموحها تكون حتى موطئ لأقدامك!

ثانيا إيه بقا يا ست البنات حكاية "خنفسة سودة" دي وقبلها كتبتي لي "زفت وقطران" وكل مرة تكتبي لي وصف "أروع" من اللي قبله؟

ده مش اتضاع يا أختي الجميلة ده بالعكس بيفسد العقل. تخيلي سيدنا لسان العطر راح للناس دي كلها وكان يقولهم: "أنا خنفسة.. أنا صرصار.. أنا عنكبوت.. أنا زفت"! هل ده كان يبقا اتضاع؟ معلمنا العظيم بولس بالعكس قالهم أنا شقيت وتعبت أكتر من أي حد، لكن من ناحية تانية: "لا أنا، ولكن نعمة الله التي معي"، وهكذا أنكر دائما الذات ليثبت دائما الله، حتى وصل للمنتهى وللقمة كلها أخيرا فأنكر حتى الحياة نفسها: "أحيا لا أنا بل المسيح يحيا فيّ"!

يعني منهجنا ليس إنكار الجمال وإثبات القبح في المقابل، وإنما هو بالعكس الاعتراف بالجمال ثم نسبه إلى الله! بعبارة أخرى قبح الإنسان لا يعلن مجد الله يا حبو (قال يعني مثلا بـ"دلالة المخالفة" كما يقول أهل اللغة)

لا مش كده.. ده مجرد خداع للذات: إعلان قبح الإنسان هو ما زال "إعلان عن الإنسان" وليس الله.. يعني الإنسان هو اللي لسه في الصورة وليس الله! السيد المسيح كان بالعكس بيقول: "أنتم ملح الأرض.. أنتم نور العالم.. فليضيء نوركم هكذا قدام الناس لكي يروا أعمالكم الحسنة ويمجّدوا أباكم الذي في السماوات"! يعني الأعمال "حسنة"، ونؤكد أنها حسنة، مش قبيحة! ويقول الرسول: "لكي تكونوا بلا لوم وبسطاء أولاد الله بلا عيب في وسط جيل معوجّ وملتوٍِ تضيئون بينهم كأنوار في العالم"، ويقول ذهبي الفم: "إنهم كما لو كانوا بأجنحة يعبرون كل الأرض أكثر سرعة من أشعة الشمس، ينشرون نور الصلاح"!

يبقا ايه ده يا حبو اللي طاير بجناحات ده؟ خنفسـة سـودة؟؟؟

* * *
​

يومك بدأ جميل ومؤثر فعلا

.. لكن معلش يا صاحبي هي بعض الأيام كده بتكون مش طبيعية! (وبعدين تلاقي يقولولك ـ بالصدفة البحتة ـ إن القمر كان داخل في زحل والمشترى كان تحت المريخ والشمس كانت طالبة الطلاق والدنيا كلها كانت مقلوبة فوق.. فاحنا بقا طبعا نقول: آآآآآآآآه عشان كده!)

فيمكن صحيح انتي برجك يا حبو كان فيه شوية "عكوسات" النهارده.. إنما تفاءلي على بليل ان شاء الله يكون اتصالحوا فوق والدنيا عندك بردو تـتـظبط كلها تحت!

سلامة إيدك والشكر لمحبتك ومرة تانية كل سنة وانت طيب يا جميل وعقبال 100 سنة كلها بنعمة الرب بركة ومسرة وسلام ومحبة. :Throbbing_Heart:

* * *
​

الشكر لكل الأحباء الذين شاركوا بلا استثناء وللأستاذ عبــود بوجه خاص على تقييمه العزيز ولكل من أكرموا ضعفي بالتقييم عموما.. كل سنة وانتم جميعا طيبين وينعاد عليكم ـ بلغة باول الجميلة ـ بالصحة والبركة والسلامة. :16_4_10:

* * *
​

​

 

[candy shop]

حبيبتى الجميله والقلب الطيب حبو
كل سنه وانتى طيبه
كل سنه وانتى منوره الدنيا كلها
عقبال 100 سنه​

 

[candy shop]

اختى الغاليه مونيكا
سعيد ميلاد سعيد عليكى
وكل سنه وانتى طيبه وبخير وسعاده يارب
وعقبال 100 سنه ​