دعوة للعفانة

[+إيرينى+]

دعوة للعفانة

و أنا ماشية فى الشارع رايحة شغلى الساعة 8:00 الصبح

عاااااااااااادى جدا

شميت ريحة عفن

ريحة يعنى ما تتوصفش

بأبص كدة على مصدر الريحة

لاقيت راجل مشرد

آخر وسااااااااااااااااخة

طبعا بعدت عنه

عادى برضوا

______________

فضلت أراقب الراجل دا : سنة كاملة

حبيت أشوف بيلبس إيه ؟

طبعا المراقبة ديه كانت محدودة فى الفترة الصباحية الل بأصطبح بيه فيها :2:

____________

فى يوم كان فى فصل الشتاء

و المطر غزييييييييييير

و اسكندرية عايمة فى بحر المطر و المجارى

و كل واحد فى الشارع بيشوف له أى مدخل عمارة مفتوح (يستخبى فيه)

و الل بيعطس و الل بينف و الل مناخيره حمراء من البرد

و أنا بنطلونى إتغرق لغاية الركبة (و الماية تللللللللللج)

و الشراب كمان

و الحذاء روخر

و الجوانتى القماش إتغرق

و كنت لابسة بالطو : روخر إتغرق

و كنت كارهة نفسى لغاية ما قررت ما أروحش الشغل و أرجع البيت آخد دوش سوخن جدا

و أنا فى عز هذا القرار

إذ بالرجل المعفن يمر بجانبى و رجليه بجانب رجلى

فى بحر المجارى بالاسكندرية

رجل شبه عارى - البنطلون مقطع

و البلوفر : صيفى مقطع

هااااااااااار اسوح

دا مش عيان

و لا بيعطس و لا بينف و لا بيتنخم و لا سقعان

عايش إزااااااااااى ؟؟؟

دا أنا مش مستحملة خمس دقايق فى الجو دا !!

يتبع

​

 

[+إيرينى+]

فى يوم آخر من أيام الشتاء

كنت يومها مأمورية و كان لازم أمشى سكة تانية غير سكة الشغل

الساعة 9:00 صباحًا

تحت الكوبرى

اتنين صبيان نايمين حاضنين بعض على الرصيف

بس نايمين عكس بعض

يعنى راس الأولانى عند قدم التانى

يعنى كل واحد فيهم حاضن ساق التانى

ولدين فى حدود 12 -13 سنة

متغطيين ببطانية واحدة

و لم أرى سوى القدمين و جزء من رأسيهما

الشعر المتسخ و القدمين العاريتين

لكنهما نائمين فى عز هذا البرد

عجيب أمر هؤلاء البشر

يتبع

​

ا

 

[+إيرينى+]

فى يوم آخر من أيام الشتاء

أنا رايحة الشغل

ما كانش فيه أى مطر

لكن الجو برررررد _ ساقعة موت

لاقيت المواصلات واقفة تماما

و العربيات هاتك يا كلاكسات

فضلت أنا ماشية عادى جدا لغاية لما عرفت سبب شلل الحركة المرورية

السبب : هو الراجل المعفن

وقف فى وسط الشارع يتبرز و هو واااااااقف

أيوة صدقونى

شوفته بعينى

قلع البنطلون المقطع

و عملها و هو واقف

و طبعا ما اتشطفش

لبس البنطلون تانى

يعنى .............. متعاصة


يع

يتبع

​

 

[+إيرينى+]

فى يوم من أيام الصيف

و كانت موجة حاااااااااارة جدا

و الناس كلها بتهرب من الشمس و بيمشوا فى الظل

كل الناس ماشية على الرصيف (عشان الظل)

و عرقانين مااااااااية

لدرجة إن وشوشهم بتلمع لأنها مليانة عرق

دا غير رائحة العرق الكريهة

فى ذات نفس هذا الوقت

يمشى فى الشمس الراجل المعفن

لابس سويتر

اللا : يعنى عندك سويتر أهو

أومال ماشى شبه عريان ليه فى الشتا ؟!

و قادر تستحمل السويتر إزاى فى الحر دا ؟؟ و كمان ماشى فى الشمس ؟

و ما فيش ولا نقطة عرق واحدة !!!!

_______________

يعنى فى الشتا ما بيسقعش

و فى الصيف ما بيتحرش

يا حلولى

:thnk0001:
__________

يتبع

​

 

[+إيرينى+]

من ضمن الحاجات الل استغربتها جدا

إنى لاحظت إن الراجل لما تبرز كان إمساك

برغم إنى متأكدة إنه بياكل و إيده مش نضيفة

إزاى يعنى يعنى ؟؟

ما يجيلوش إسهال يعنى ؟؟

ما فيش مرة ياخد أنتينال طا ؟

يتبع


​

 

[+إيرينى+]

و أخيرا

وصلت لإجابة تساؤلاتى

:smil12:

لماذا هم يتمتعون بهذه الصحة ؟؟

أعتقد السبب الوحيد هو : العفانة

لذلك أدعو الشعب المصرى للعفانة

:yahoo:

و ذلك فى مواجهة الغلاء الل إحنا فيه

و بالمرة نوفر ماية و كهربا و أدوية و ملابس

:smil12:

​

 

[ابن يسوعنا]

هو اخد مناعة خلاص
من صغرة وهو عايش بنفس الطريقة
زي الخنزير وزي أي كائن عايش في بيئة مماثلة
وربنا يرحم

 

[paul iraqe]

أستني شوية يا باشمهندسة

المطلوب منك الترجمة

ما معنى الكلمات التالية :

و لا بينف و لا بيتنخم و لا سقعان
الجوانتى
البلوفر
هاتك يا كلاكسات
سويتر
أنتينال طا

:ab4:

 

[WooDyy]

لو ده هدف الموضوع و اللي كتبتيه ده كله

يبقي موضوع. ....

 

[+إيرينى+]

هو اخد مناعة خلاص
من صغرة وهو عايش بنفس الطريقة
زي الخنزير وزي أي كائن عايش في بيئة مماثلة
وربنا يرحم

المناعة مالها و مال العرق ؟

المناعة مالها و مال إنك ما تحسش بالساقعة ؟

لا ديه مش مناعة

دا تَكَيُّف على ما أعتقد

______________

بس سيبك إنت

كفاية إنك شاركت فى موضوعى بعد طول غياب

حمدالله ع السلامة

:flowers:

​

 

[+إيرينى+]

أستني شوية يا باشمهندسة

المطلوب منك الترجمة

ما معنى الكلمات التالية :

و لا بينف و لا بيتنخم و لا سقعان
الجوانتى
البلوفر
هاتك يا كلاكسات
سويتر
أنتينال طا

:ab4:

:thnk0001:
​

كل الكلمات ديه مش موجودة بالعراق ؟

ينف يعنى اللى بيطرد المخاط من انفه

يتنخم الل هو بيبقى عايز يطلع بلغم من بلعومه ومن جيوبه الأنفيه

و يقعد يسحب الهواء من أنفه (بصوت) لغاية ما ينزل المخاط من فمه

سقعان : يشعر بالبرد

الجوانتى : gloves

البلوفر : الل هو زى دا

السويتر الل هو زى دا :

الأنتينال

دا إسم دواء مطهر للأمعاء فى حالة حدوث إسهال

نورت الموضوع يا باول

:flowers:

​

 

[أَمَة]

ما هو البنسلين من "العفانة".
يعني دعوة للبنسلة / او لنتبنسل؟. ههههه!

 

[ابن يسوعنا]

المناعة مالها و مال العرق ؟

المناعة مالها و مال إنك ما تحسش بالساقعة ؟

لا ديه مش مناعة

دا تَكَيُّف على ما أعتقد

______________

بس سيبك إنت

كفاية إنك شاركت فى موضوعى بعد طول غياب

حمدالله ع السلامة

:flowers:

​

أولا الله يسلمك
بصي يا مهندسة
هو اتعود زي الأجانب في عز التلج بيلبسوخفيف
زي شورت مثلا

 

[+إيرينى+]

ما هو البنسلين من "العفانة".
يعني دعوة للبنسلة / او لنتبنسل؟. ههههه!

بجد ؟

البنسلين بيستخرج من العفانة ؟؟

يا حلولى

دا العلم بيقولنا : عفنوا :smil12:

ممكن يكونوا الناس المشردين : بيفرزا بنسلين كدة لوحدهم ؟



حى على العفانة

:new6::new6::new6:​

 

[+إيرينى+]

أولا الله يسلمك
بصي يا مهندسة
هو اتعود زي الأجانب في عز التلج بيلبسوخفيف
زي شورت مثلا

يعنى تَكَيُّف بأة

ما غلطش أنا :smil12:

​

 

[أَمَة]

بجد ؟

البنسلين بيستخرج من العفانة ؟؟

يا حلولى

دا العلم بيقولنا : عفنوا :smil12:

ممكن يكونوا الناس المشردين : بيفرزا بنسلين كدة لوحدهم ؟



حى على العفانة

:new6::new6::new6:​

:new6::new6::new6:
​

ضحكتيني بجد. شكرا.

البنسلين يا عزيزتي هو كما تعلمين مضاد حيوي موجود طبيعيا في عفن البنسليوم. عمرك شفتي برتقالة معفنة أو خبز معفن، و لون العفن أخضر... هو ده.

بس طبعا بتصنع في تعقيم كامل.

 

[ابن يسوعنا]

يعنى تَكَيُّف بأة

ما غلطش أنا :smil12:

​

تعود هو اتعود
طيب انا بقعد في الشمس اليوم كلة
مش بتجي ني ضربة شمس لية !!!!!
لو انتي في الشمس يبقي الله يرحمك
الجسم اخد مناعة ضد اللي بتعرض لة كل يوم

 

[سامى فكار]

التشرد بيزيد المناعه ...
فلمنج مكتشف البنسلين كان بيتسم (بالاهمال )... والإهمال كان سبب فى اكتشافه البنسلين ... ومن اهماله انسكب الوعاء اللى فيه فطر البنسلين على وعاء آخر فيه بكتريا فماتت البكتيريا ... ولو كان منظم لما اكتشف البنسلين
هدوء الأعصاب لدرجة (البرود ) يساعد الجسم على أداء وظائفه.
العادات السلبية مثل التشرد والإهمال والبرود و....الخ ...مهمة فى حياتنا واحنا مش واخدين بالنا

 

[عبود عبده عبود]

[FONT=&quot]نهارك مش باين له ملامح ​

​

[FONT=&quot]أنتي فتحتي الموضوع وأنا وأيمن مش موجودين ؟!​

​

[FONT=&quot]أتضح أنه موضوع إيجابي وأن الإهمال أدى إلي أكتشاف البنسلين [/FONT]​

[FONT=&quot]والفسيخ أيضاً[/FONT]​

[FONT=&quot]
لكن بركاتك يا إيريني أنتي تروحي تشتغلي مع الشيخة سماح أنور[/FONT]​

[FONT=&quot]في فك السحر وجلب (الحبيب) [/FONT]​

[FONT=&quot]دة أنتي جبتي أبن يسوعنا م الشبش الجواني[/FONT]​

[/FONT]

:fun_lol: ​

[FONT=&quot]
انتي فكرتيني بواحد زي اللي بتحكي عنه دة شفته زمااان .. ​

​

[FONT=&quot]كان ماشي سلبوتة كما ولدته أمه وسط شارع خالد بن الوليد في أليكس[/FONT]​

[FONT=&quot]مما يدل على وجود علاقة وثيقة بين ( الجنون ) و.....
[/FONT]
[FONT=&quot]( الأسكندرانية )
[/FONT]​

​

[/FONT][/FONT]

 

[سمعان الاخميمى]

بعد التوبيك العظيم ده خرجت ببعض التوصيات التوصيه الاولى منها انشاء هاشتاج يدعو للعفانه وليكن
#العفانه_هى_الحل