منتديات الكنيسة

منتديات الكنيسة (http://www.arabchurch.com/forums/index.php)
-   المنتدى العام (http://www.arabchurch.com/forums/forumdisplay.php?f=3)
-   -   حملة لافتقاد الاعضاء الغايبين (http://www.arabchurch.com/forums/showthread.php?t=252525)

grges monir 02-08-2014 12:12 AM

اقتباس:

المشاركة الأصلية كتبت بواسطة Dona Nabil (المشاركة 3632877)
طبعا انا تابعت الموضوع من بدايته ولاهميته انا ثبته..قريت مشاركه مشاركه.. واحترم كل الاراء والان كما وعدت ان اضع ردي ف الوقت المناسب..
نعم.. لا ننكر غياب الكثيرين.. لكن لا يجب ان ننكر تعدد الاسباب
فمثلا كتير غابوا بسبب تغير اوضاعهم الاجتماعيه بسبب الزواج او الهجره
البعض ظروف عمله اتغيرت
البعض اصبح مدمن للفيس بوك..البعض قد ترك المنتدى بسبب تجارب عاطفيه فاشله
البعض قرر المغادره بسبب إصراره علي فرض رأيه عالاداره او عالاعضاء
اماا من غاب نتيجة لعقاب اداري..فمن العار مجرد التخيل ان الاداره تتعمد الظلم تجاه اي عضو مهما فعل!!
الاداره تضع قوانين تنظيميه والمشرفين بيحرصوا علي تطبيقها لصالح المنتدى والاعضاء واعتقد ده دورهم الطبيعي..!
وفوق المشرفين رقابه علي رأسها الزعيم.. ومش معقول هيكون له مصلحه
ف تطفيش الاعضاء لاي سبب
هو السؤال اللي بيحيرني فعلا
اما تيجي انت كعضو تدافع عن شخص معاقب وتطالب برجوعه
رغم عن أنف الاداره والمشرفين
طيب سألت نفسك عن الجزء الخفي من القصه.. يعني مخمنتش مثلا انه ممكن يكون ف شيء خفي عنك
للاسف كل الحالات اللي ذكرتها من اسباب غياب ليها امثله حاضره بذهني
لكن من غير اللائق ذكرها ف غياب اصحابها
ولبعض المخالفات وجوها اخري ولها ايضا امثله ولكن للاسف لا يجوز ذكرها
ان كان من اللائق رجوع شخص سب الدين عالخاص او العام او استخدم شتائم من النوع القذر ..فليرجع
ان كان من اللائق ترك الفكر الألحادي يسري فالمنتدي..فلنتركه
ان كان من اللائق ترك الساحه للشجار الحر وتخليص الحسابات فليكن
ان كان من اللائق ترك مشاركات مكتوبه بأسلوب جارح او طائفي او خارج فلندعها وشأنها
اعتقد اننا بحاجه لمزيد من الثقه المتبادله
اعتقد اننا بحاجه للمزيد من التقدير والتماس الاعذار
اعتقد اننا بحاجه لمزيد من الجهد والاهتمام ومحاولة استرجاع المحبه المفقوده بدلا من الاكتفاء بتوزيع الاتهامات
صدقوني لو كل شخص رجع يحب المنتدى بجد.هنعمل علشانه كتير
سلام ومحبه للجميع..

تعليق بسيط
من يترك المنتدى او من انضم الية لدافع شخصى او مصلحة معينة فهذا مرفوض
ومن ينسحب لانتهاء الغرض الذى اشترك لة فمع السلامة
الانضمام لمنتدى مسيحى وخصوصوا منتدى كان ومازال ومتميز بهذا الشكل وان كان ينقصة النشاط والحيوية يجب ان يكون دافعة المكان ومايحتيوية من مواضيع تشبع احتياجاتة سواء روحية وا وثقافية او غيرها

R.O.R.O 02-08-2014 12:42 AM

دودو موقف جيه فى بالى دلوقتى
افتكرته لما قولتى كلامك
بصى فى عضو كان معانا من ادب ما يكون واطيب ما يكون
حد بتاع ربنا جدااااااااااا وجدع فوق ما تتخيلى
الشخص ده اتهان من عضو كان جديد معانا هنا واتشتم باقزر الالفاظ
لما جيه اشتكى للادارة محدش رد او عاقب العضو اللى شتمه
كل اللى اتعمل اتمسح موضوع الشتيمة اللى كان معمول فى العام
طبعا العضو ده صعب عليه جدا
وضاف ان الادارة ماجبتش حقة وان بعت لاكتر من حد
اضطر يرد بنفسه على الشخص ده
بعد ما رد الادارة اتهمته انه شخص ماينفعش يبقى فى مكان مسيحى
وانهم مش متوقعين منه كدا
وانه وانه وانه كتيرررررر
الشخص اللى شتمه العقوبة اللى خدها اتفصل 3 اسابيع
رغم ان عضو جديد وكان ليه اكتر من مشكلة توضح انه حد مش كويس
الادارة وقتها ضحت بشخص بيقدم كل يوم خدمة للمنتدى علشان شخص
تانى كل اللى بيعملوا بيضيع وقت
العضو الجميل ده قرر ميدخلش المنتدى تانى
من وقتها مدخلش
مستنية ردك يا دودو

Dona Nabil 02-08-2014 12:56 AM

بنتكلم يا رورو ف موقف كتير مننا فاكرينه وفاكرين تفاصيله.. وانا متفقه معاكي جدااا ف وصفك للعضو وأكثر كمان.. وحتي ف نظر الاداره انه كان عضو رائع.. بل انه كان مرشح محتمل للاشراف
واعتقد ان ده كان سبب ف صدمة من موقفه.. نعم هو اتعرض للاهانه وللحظ
كان ف غياب اداري ف الوقت ده لكن لا مبرر ف رد الخطأ بخطأ اكبر بالنزول لمستوى لا يليق حتي بقدر العضو ولا بالمنتدي
كان لازم يكون ف صبر لحين التصرف واتخاذ اللازم
ومع ذلك اهتمينا بمراسلته ومحاولة احتواء الموقف لكن للاسف هو أصر عالغياب
وبكل أمانه احنا فعلا مفتقدينه وللان بنتمني رجوعه

R.O.R.O 02-08-2014 01:02 AM

يا دودو كلنا معرضين للخطأ
وخصوصا اما نتعرض للاهانة
للاسف الادارة على حد قوله كانت موجودة
ولما بعت اكتر من مرة ومحدش رد عليه او اخد حقه
رد على الشخص لانه كان متمادى فى الغلط
عاوزة اقولك ان هو كمان زعل جدا من نفسه اما نزل للمستوى ده
بس اما الاهانة وصلت للكلام على مامته مقدرش يمسك نفسه
ورد
انا مقدرش اقول الادارة تعمل ايه ومتعملش ايه
بس انا لو مكانه واتعرضت للاهانة ولقيت مافيش رد
هنسحب من المكان دى من غير اى تفكير
حتى لو غالى عليا



R.O.R.O 02-08-2014 01:05 AM

كان لازم يكون ف صبر لحين التصرف واتخاذ اللازم

ولما يبقى التصرف ده فصل العضو 3 اسابيع ويرجع كان مافيش حاجة حصلت
اكيد مش هيرضى العضو اللى اتهان يا دودو




Dona Nabil 02-08-2014 01:14 AM

لا يا رورو فعلا كان ف غياب اشرافي وقتها وانا أولهم :)
وصدقيني لو مكانش رد كان العقاب اختلف..رد الفعل المشابه للفعل جعل الخطأ مشترك وهبط من قيمة العقاب للاسف
وانا كمان متأكد ه انه زعل من نفسه لانه فعلا مش كده خالص
وكنت أتمنى ان يتعدى الموقف ويستمر معانا ولسه الامل موجود ا

R.O.R.O 02-08-2014 01:18 AM

اقتباس:

المشاركة الأصلية كتبت بواسطة Dona Nabil (المشاركة 3632927)
لا يا رورو فعلا كان ف غياب اشرافي وقتها وانا أولهم :)
وصدقيني لو مكانش رد كان العقاب اختلف..رد الفعل المشابه للفعل جعل الخطأ مشترك وهبط من قيمة العقاب للاسف
وانا كمان متأكد ه انه زعل من نفسه لانه فعلا مش كده خالص
وكنت أتمنى ان يتعدى الموقف ويستمر معانا ولسه الامل موجود ا

كان فى غياب ليكى اه يا دودو لكن روك كان موجود
واتبعتت ليه المشكلة اكتر من مرة

يعنى سبب رده هو اللى خلى عقاب الشخص اللى غلط قليل
لو ماكنش رد كان هيتفصل شهر مثلا شهرين
برضوا مش كفاية واحد قذر زى ده اقل ما يكون
يتفصل خالص لانه مالوش مكان فى مكان زى ده

وهو بالاخلاق دى
معتقدش يا دودو ان فى امل خلالاص انا فقدته :(


Dona Nabil 02-08-2014 01:25 AM

لا يا رورو روك كتيرررر بيكون متواجد كاسم بدون متابعه فعليه لانه بيكون ف عمله او مسافر.. يعني مش بالضروره يكون استلم الرسائل ومتابع الامر والدليل ان الحوار فضل لوقت طويل بدون حذف
مين قال كده!! ولا شهر ولا شهرين
انا شخصيا لو كنت موجوده او كان هو أنتظرني لحد ما ارجع كنت فصلته فصل نهائي وبكل ارتياح
لا متفقديش الامل يا رورو نصلي وربنا يتصرف

R.O.R.O 02-08-2014 01:41 AM

اقتباس:

المشاركة الأصلية كتبت بواسطة Dona Nabil (المشاركة 3632929)
لا يا رورو روك كتيرررر بيكون متواجد كاسم بدون متابعه فعليه لانه بيكون ف عمله او مسافر.. يعني مش بالضروره يكون استلم الرسائل ومتابع الامر والدليل ان الحوار فضل لوقت طويل بدون حذف
مين قال كده!! ولا شهر ولا شهرين
انا شخصيا لو كنت موجوده او كان هو أنتظرني لحد ما ارجع كنت فصلته فصل نهائي وبكل ارتياح
لا متفقديش الامل يا رورو نصلي وربنا يتصرف

ياريتك كنتى موجودة يا دودو
ماكنش حصل كل ده :(
امين ربنا يتصرف ويرجع كل الغايبين


القسيس محمد 02-08-2014 07:00 AM

سلام ونعمة
انا افتكر اول ما دخلت المنتدى فى 2008 وبعد كده حصلت حجات كتير معايه فى المنتدى مرت كتير من مشاكل وانتقادات وثناء وتوبيخ وحجات كتير الان تمر امامى كشريط سينمائى كنت انا سبب كبير فى هذه المشاكل وقتها كنت مضطر اعمل حجات انا غير راضى عنها لكن الظروف وبسبب اخطائى ناس كتير هنا فقدت الثقة فى وفى كلامى لكن برضه اصريت على البقاء ومعاهم حق طبعا الخطاء كان خطئى من البداية لانى كنت فى غموض كبير، واشكر الرب ان فيه ناس هنا امناء فى محبة الرب وشعب الرب وكنيستة ويمكن لانشغالى بالدراسة فى كلية اللاهوت وخدمتى على البال توك انشغلت عن المنتدى ولكن بدخل كتير اتصفح المنتدى واقراء المواضيع الرائعة من الاعضاء اشكر الرب ان اتعمل موضوع مثل هذا الموضوع لكى يكون جسر تواصل بين الغائبين والمتواجدين ليذكروهم حتى وان لم يروا الغائبين المشاركات لسبب عدم تواجدهم لكن يكفى انهم يذكروا فى غيابهم.
شكرا للرب على الخدمة الرائعة للمنتدى سواء اعضاء مشرفين محاورين ادرايين والرب يبارك حياتهم وتكونوا دائما منارة تضىء وسط ظلام العالم المادى الملىء بكل ما يحاول ان يحارب به ابليس كنيسة الرب وشعبة
=-==================
لكم كل تقدير وتحياتى للجميع.
isaac_102 ( سمعان القيروانى سابقا)



الساعة الآن 02:13 AM.


دعم خاص من vBulletin لمنتديات الكنيسة
©2000 - 2020، Jelsoft Enterprises Ltd

جميع حقوق الطبع محفوظة لمنتديات الكنيسة