منتديات الكنيسة

منتديات الكنيسة (http://www.arabchurch.com/forums/index.php)
-   المنتدى العام (http://www.arabchurch.com/forums/forumdisplay.php?f=3)
-   -   حملة لافتقاد الاعضاء الغايبين (http://www.arabchurch.com/forums/showthread.php?t=252525)

soul & life 29-07-2014 01:55 PM

اقتباس:

المشاركة الأصلية كتبت بواسطة tamav maria (المشاركة 3632183)


تعرفي يانيفو انا حسيت فعلا بقيمة الافتقاد لما غبت وما لاقتش حد افتقدني الا رساله واحده حسيت ان وجودي زي عدمه في المنتدي تعرفي انا استنتجت ايه دلوقتي ان بمجرد ما العضو يسجل خروج من المنتدي كأن ما حدش يعرفه بعد كده عاوز يدخل براحته اهلا وسهلا ولو مش عاوز يدخل انشالله ما دخل ههههههههههههه

بصراحة هى بتوجع اوى وانا حاساها اكتر من مرة وباخد على خاطرى خصوصا لما بكون تعبانة وغيابى غصب عنى وبرجع بكون فرحانة جدا لرجوعى بس لما بتدخلى وتلاقى محدش اخد باله من غيابك وسال عنك بتزعلى وممكن كمان تبطلى تشاركى فترة لانك محبطة
بس انا كنت بحاول و بلتمس العذر الدنيا تلاهى وكل واحد هنا له حياته ودنيته واحنا بنحاول على اد مبنقدر نكون اسرة واحدة ونفتكر بعض ونقف جانب بعض فى كل المواقف فرح او تعب فلازم نعذر بعض
لكن فكرة الافتقاد دى ضرورية ومهمة جدا جدا لازم تكون منظمة معرفش ازاى
بس ممكن يكون فى متابعة لتواجد الاعضاء واللى يغيب اكتر من 3 ايام مثلا تتبعتله رسالة افتقاد ونبلغ باقى الاعضاء ربما يكون فى حد على تواصل معه ويطمنا عليه ويبلغه سؤالنا عنه

عبود عبده عبود 29-07-2014 03:50 PM

اقتباس:

المشاركة الأصلية كتبت بواسطة عبود عبده عبود (المشاركة 3631791)
لماذا لم يطرح منكم أحد موضوع ( ميرى نعيم ) ؟
العزيز ماى روك ...حضرتك جانبك الصواب فى معالجة هذا الموضوع

الموضوع كان كله تهريج وضحك بين الأعضاء
تدخلك بطريقة عصبية أدى الى أختفاء واحدة من أنشط الأعضاء فى منتدانا
وأنا واثق من حكمتك وأخلاقك فى معالجة تقدير خاطئ غير المقصود


peace_86 29-07-2014 04:28 PM

أنا أشدد على رأي العزيز كاميلو ..

فكرة الإنفزبيليتي أو الإخفاء هي في الوقت الحالي غير جيدة على الإطلاق..
على الأقل في الوقت الحالي والمنتدى في حالة ركود ..

ياريت لو الإدارة تمنع هذه الخاصية فقط لهذه الفترة..
وبعدين لما المنتدى يتنشط نرجع هالخاصية..

على الأقل يحب يشوف خمسين أو ستين عضو في وقت واحد زي ماكنا زمان ..
الرب يبارككم

kalimooo 29-07-2014 06:16 PM

الفرح بيجيب الفرح...

النق بيجيب النق...

والناس بتجيب الناس...

والاعضاء الظاهرين بيجبوا الاعضاء...
=======
وممكن الزوار لما يلاقوا زحمة يسجلوا

kalimooo 29-07-2014 09:23 PM

برأيي كل واحد يذكر اعضاء مفتقدهم هنااااااا
اكيد هم موجودين كزوار ويقرأوا المشاركات
التي تهمهم

تانيا كل عضو يعرف عضو اخر موجود على الفيس او الميل فليكلمه او يضعه بالجو الذي يجري وبأن الجميع مهتم لهم ولسبب غيابهم

Desert Rose 29-07-2014 10:31 PM

انا مفتقدة اعضاء كتير اولهم ايمليا

peace_86 30-07-2014 02:53 AM

أنا تقريباً قلت كل اللي أقدر عليه.
لكن أكثر من كذا صعب .. ومش حابب أشيل هم المنتدى أكثر من المشرفين والإداريين..

سلام ..

واثقه فيك يارب 31-07-2014 01:58 AM

موضوع رائع جداُ ياميرا
تسلم ايديكي حبيبتي

وبالنسبه لأفتقاد الغايبين
فا انا ممكن اكتبلك اسماء ناس كتير اوي غايبين من بدري
بتمني يرجعوا ينورا المنتدي بوجودهم ونشاطهم وخدمتهم

الناس دول اما دخلت سجلت في المنتدي من سنتين بالظبط
كانوا من انشط مايكونوا كانوا عاملين جو وبهجه وخدمه في المنتدي غير طبيعيه
يعني افتكر منهم
شقاوة قلم
مينا البطل
هشام المهندس
ايمليا
موكي
بنت الكنيسة

جوون
بنت العدرا
خادم البتول
مارتينا فوفو
مايكل
مارسلينو
يسطس الانطوني
بوب كمبيوتر

يوليوس 44
بايبل 333
حبة خردل
عادل نسيم


وناس تاني كتير بس دول اللي جم علي بالي
انا مش عارفه بقا سبب غياب الناس دول ايه
مشغولين ؟ ولا زعلانين ؟
ولا يمكن بيدخول متأنفرين ؟
انا بجد مش عارفه
بس اللي عارفاه كويس اوي
انهم وحشونا جداُ جداُ
وانهم اكيد مهما غابوا عننا
اكيد مسيرهم هيرجعوا لبيتهم التاني
منتدي الكنيسة

ـــــــــــــــــــــــــــــــــ
معلش افتكرت حاجه بمناسبة الافتقاد وكنت عايزة اقولهالكم
في عضو جميل وعبقري معانا ومش هقول اسمه
بقاله كتير جداُ مش بيدخل المنتدي
واما سألتوا انت ليه بطلت تدخل المنتدي ؟
عارفين قالي ايه ؟
وربنا شاهد علي كلامي
قالي ادخل ليه ولمين ؟ ...!
اما انا بكتب مواضيع ومش بلاقي حد بيعبرني برد واحد او كلمة شكراُ حتي
دا غير اني اما بغيب عن المنتدي محدش بيسأل عني ولا بيفتقدني ..!!
الحقيقه كلامة اثر فيا كتير
علي فكرة انا قصدت اني مكتبش اسمه من ضمن الاسماء اللي ذكرتها فوق دي
لاني بعد ماأقنعته بالدخول تاني للمنتدي وعدني انه هيدخل قريب جداُ
وكلنا منتظرينه اكيد

بعتذر طولت عليكم
بس حبيت اقولكم ان الافتقاد هو عمود اساسي من اعمده المنتدي .



Dona Nabil 02-08-2014 12:32 AM

طبعا انا تابعت الموضوع من بدايته ولاهميته انا ثبته..قريت مشاركه مشاركه.. واحترم كل الاراء والان كما وعدت ان اضع ردي ف الوقت المناسب..
نعم.. لا ننكر غياب الكثيرين.. لكن لا يجب ان ننكر تعدد الاسباب
فمثلا كتير غابوا بسبب تغير اوضاعهم الاجتماعيه بسبب الزواج او الهجره
البعض ظروف عمله اتغيرت
البعض اصبح مدمن للفيس بوك..البعض قد ترك المنتدى بسبب تجارب عاطفيه فاشله
البعض قرر المغادره بسبب إصراره علي فرض رأيه عالاداره او عالاعضاء
اماا من غاب نتيجة لعقاب اداري..فمن العار مجرد التخيل ان الاداره تتعمد الظلم تجاه اي عضو مهما فعل!!
الاداره تضع قوانين تنظيميه والمشرفين بيحرصوا علي تطبيقها لصالح المنتدى والاعضاء واعتقد ده دورهم الطبيعي..!
وفوق المشرفين رقابه علي رأسها الزعيم.. ومش معقول هيكون له مصلحه
ف تطفيش الاعضاء لاي سبب
هو السؤال اللي بيحيرني فعلا
اما تيجي انت كعضو تدافع عن شخص معاقب وتطالب برجوعه
رغم عن أنف الاداره والمشرفين
طيب سألت نفسك عن الجزء الخفي من القصه.. يعني مخمنتش مثلا انه ممكن يكون ف شيء خفي عنك
للاسف كل الحالات اللي ذكرتها من اسباب غياب ليها امثله حاضره بذهني
لكن من غير اللائق ذكرها ف غياب اصحابها
ولبعض المخالفات وجوها اخري ولها ايضا امثله ولكن للاسف لا يجوز ذكرها
ان كان من اللائق رجوع شخص سب الدين عالخاص او العام او استخدم شتائم من النوع القذر ..فليرجع
ان كان من اللائق ترك الفكر الألحادي يسري فالمنتدي..فلنتركه
ان كان من اللائق ترك الساحه للشجار الحر وتخليص الحسابات فليكن
ان كان من اللائق ترك مشاركات مكتوبه بأسلوب جارح او طائفي او خارج فلندعها وشأنها
اعتقد اننا بحاجه لمزيد من الثقه المتبادله
اعتقد اننا بحاجه للمزيد من التقدير والتماس الاعذار
اعتقد اننا بحاجه لمزيد من الجهد والاهتمام ومحاولة استرجاع المحبه المفقوده بدلا من الاكتفاء بتوزيع الاتهامات
صدقوني لو كل شخص رجع يحب المنتدى بجد.هنعمل علشانه كتير
سلام ومحبه للجميع..

ابن يسوعنا 02-08-2014 01:11 AM

كلام جميل جدا
بس يا ريت توضحوا للعضو برسالة خاصة سبب الحزف او الانزار
والمخالفة اللي ارتكبها العضو واختراق قانون المنتدي
علشان ما يحسش انة الادارة بتعلق علية علي الفاضي
دة رجاء محبة
واحنا كلنا عايزين اللي غايب يراجع نفسة
ويراجع ما هو اصلح للمنتدي


الساعة الآن 08:26 PM.


دعم خاص من vBulletin لمنتديات الكنيسة
©2000 - 2020، Jelsoft Enterprises Ltd

جميع حقوق الطبع محفوظة لمنتديات الكنيسة