منتديات الكنيسة

منتديات الكنيسة (http://www.arabchurch.com/forums/index.php)
-   كتابات (http://www.arabchurch.com/forums/forumdisplay.php?f=82)
-   -   شخابيط .. بلا صدى !!!! (http://www.arabchurch.com/forums/showthread.php?t=107263)

Dona Nabil 31-10-2009 02:59 PM

شخابيط .. بلا صدى !!!!
 
يمكن تستغربوا من العنوان اللى اخترته لموضوعى ولكن أكيد فى سبب
السبب ان الموضوع ده هنخصصه للفضفضه بس فضفضه من نوع خاص
يعنى مش هتكون المشاركات تعليق او رد على الموضوع الاساسى لانه مش هيكون فى موضوع ثابت
حاجه كده شكل الخواطر وتفريغ الافكار اليوميه لكن مش هتكون خواطر شخصيه ولكن هنتكلم عن حاجات عامه .
مشاكل عامه أو احداث بنمر بيها أو او او زى ما تحبوووووووووا
يا رب الفكره توصلكم وتعجبكم ونشوف مشاركات ايجابيه لفضفضه تهمنا كلنا .. صحيح هى هتكون بلا صدى يعنى ممكن تكون مجرد كلام بدون تقديم حلول حقيقيه لاى مشكله هنتكلم عنها بس اهى فضفضه وساعات الفضفضه بتريح .
هحاول أمر يومياً وافضفض معاكوا ويا ريت الكل يشارك بس أهم حاجه وأحنا بنفضفض مع بعضنا مننساش القوانين
ممنوع سياسه .. ممنوع كلام طائفى .
تحياتى :Love_Letter_Open:

oesi no 31-10-2009 03:04 PM

رد: شخابيط .. بلا صدى !!!!
 
حلوة الفضفضة
واوحش حاجة فى الدنيا الانتظار
ساعات الواحد بيمل منه وساعت بييئس من نهاية فترة الانتظار
ولكنى منتظر


Dona Nabil 31-10-2009 03:06 PM

رد: شخابيط .. بلا صدى !!!!
 
أول حاجه أحب أبتدى بيها هى اللى بيحصلنا اليومين دول فى مصر
كل يوم احداث اضطهاد جديده باشكال مختلفه .. خطف بنات واسلمتهم او تلاكيك لاى مشكله ولو عاديه لتفريغ شحنات غضب مكبوت ضد الاقباط وبنشوف مشكله عاديه وهى بتتحول لاحداث شغب من ضرب وسرقة اموال وحرق واعتداء على كنائس وبيوت ووممتلكات اقباط .
أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص .
أكيد فى حل
من عندك بقى يا رب

KOKOMAN 31-10-2009 04:01 PM

رد: شخابيط .. بلا صدى !!!!
 
زهقت من الصمت
اصبح جزء اساسى من حياتى


ارووجة 31-10-2009 06:30 PM

رد: شخابيط .. بلا صدى !!!!
 
فكرة راائعة كما عودتينا...ربنا يبارك حياتك

رح شارك قريبا

النهيسى 31-10-2009 07:25 PM

رد: شخابيط .. بلا صدى !!!!
 
اقتباس:

أحياناً بشوف ردود من شباب مسيحى بيتهموا الاقباط بالسلبيه فى التعامل مع المشاكل دى وبيطالبوا برد عنيف لاننا مش ضعفا فبستغرب جدااااا
هو المطلوب مننا نطلع بسلاح وشوم وناخد حقنا بايدينا والا نكون سلبيين .. طيب وقتها هيكون ايه الفرق بيننا وبينهم وبرضه مقلتش نقعد ساكتين نتفرج وخلاص
.
أولا كما تعودنا موضوع جميل وفيه تنفيس وجدانى

أننى أرى

الحكمه ليست سلبيه أنا ممكن أتهور وأعمل مظاهرات ومشاكل فأتسبب فى قتل الكثيرين

وصاحب الرأى أن هذا سلبيه

لازم يراجع الكتاب

الرب يدافع عنكم

عينى عليكم من أول السنه لآخرها

من يمسكم يمس حدقه عينه

لكن السؤال هنا .؟ لماذا الرب يسمح بذلك ولماذا يتركنا ؟

الرب بيجرب أيماننا . زى ما جرب دانيال

بيشوفنا هنتحمل . هنتمسك
أم سنضعف

وآيه بحبها جدا

قاتل يارب مقاتلى . خاصم مخاصمى أمسك مجنا وترسا ودافع عنى

لما يكون الأنسان مع ربنا ويقول الآيه دى
يا سلام

وأنا ذقت تجارب لم يتحملها بشر
لدرجه أننى بكيت وقلت له ليه يارب سايبنى

لكنى عرفت أن ده عدم أيمان منى

تمسكت أكثر بالأعتراف والتناول

وزادت مع ذلك مشاكلى

لا تتعجبوا ربنا لسه بيختبرنى
بيجربنى
لكن تجارب الرب جميله

وفيها الفرح والسلام فى النهايه
لكن بالصبر والصلاه

مراره الرب أحلى من الشهد

موضوع مميز جدا

واعتذر للأطاله
( فضفضه )

صوفيا مجدى 31-10-2009 08:40 PM

رد: شخابيط .. بلا صدى !!!!
 
موضوعك جميل يا دونا يمكن الواحد لما يفضفض بيرتاح من الضغوط المحيطة بيه من كل الجوانب كملت كمان بالامراض اللى انتشرت ومش معروف لها علاج يمكن دة اللى قال لنا عنه السيد المسيح امراض واوبئة وهذه كلها مبتدئ الاوجاع ربنا يرحمنا ويحافظ على شعبه

Dona Nabil 01-11-2009 10:53 AM

رد: شخابيط .. بلا صدى !!!!
 
مبسوطه كتيير لتفاعلكم ولتفهمكم الفكره ولا داعى لاى اسف عن أى اطاله لاننا اتفقنا انها فضفضه .. كل واحد فينا بيفكر فى حاجات كتير ونفسه يعبر عنها ولو بكلمات بسيطه ودى فرصه حلوه اننا نعرف ونتبادل افكارنا مع بعض.

Dona Nabil 01-11-2009 12:15 PM

رد: شخابيط .. بلا صدى !!!!
 
كنا زمااااااااااان بنقول ان محدش بينام من غير عشا
اكتشفت ان اللى يقول كده دلوقتى يبقى مش واخد باله من الناس حواليه
لانه بجد فى ناس بتنام من غير عشا ويمكن من غير غدا كمان
فى مجموعة شباب نزلوا يعملوا ابحاث فى الاماكن المتواضعه اقتصاديا علشان يعرفوا الناس هناك بياكلوا ايه
اللى عرفته من النتيجه اللى وصلولها صدمنى
عرفت ان فى ناس بتجيب لولادها نواتج تنضيف الفراخ ويسلقوها واهى ظفر والسلام وعرفت ان فى منهم بيروحوا لبتوع الخضار يوصوهم يشتروا منهم الخضار الدبلان والبايظ علشان مش بيبان فى الدمعه واهى وجبه وخلاص .
طيب لو مبصناش للموضوع من ناحيه انسانيه وقلنا واحنا مالنا
مش الناس دى لو زادوا فقر اكتر من كده هيبقوا قنابل موقوته ممكن تعمل كتير اوووى فى مجتمعنا ولا احنا فاكرينهم بعيد عننا .

Alexander.t 01-11-2009 07:21 PM

رد: شخابيط .. بلا صدى !!!!
 
تعبت من الروتين

كل يوم شغل وشغل وشغل

ومن بكره هيبقى شغل ومعهد وشكرا
حتى النت بقى روتين
مش حاجه تخنق



الساعة الآن 02:21 AM.


دعم خاص من vBulletin لمنتديات الكنيسة
©2000 - 2018، Jelsoft Enterprises Ltd

جميع حقوق الطبع محفوظة لمنتديات الكنيسة