منتديات الكنيسة

منتديات الكنيسة (http://www.arabchurch.com/forums/index.php)
-   المنتدى العام (http://www.arabchurch.com/forums/forumdisplay.php?f=3)
-   -   هتشكر ربنا على إيه النهرده علشان تحس بالنعمه (http://www.arabchurch.com/forums/showthread.php?t=245721)

حبو اعدائكم 08-01-2014 10:53 AM

هتشكر ربنا على إيه النهرده علشان تحس بالنعمه
 

كتير مش بنحس بالنعمه اللى احنا فيها و اللى ربنا بيديها لنا--
كتير عيونا مش بتروح غير على اللى ناقصنا

اعتقد علشان كتير بننسى نشكر على حاجات احنا فاكرينها عاديه---
لكن لما نشوفها ناقصه عند حد تانى بنحس ساعتها ان احنا فى نعمه--
فكرت اعمل الموضوع ده علشان كلنا نبداء نشكر ربنا على عطاياه
كل يوم نشكره على حاجه جديده----

و يمكن مع بعض نفتح عيون بعض على حاجات نشكر ربنا عليها احنا مش واخدين بالنا منها

ياللا عايزه الكل يخش و يشكر ربنا على حاجه--
علشان كلنا نحس بالنعمه و محبه الرب لينا



حبو اعدائكم 08-01-2014 10:59 AM

افتكرت قريب ليا كان يعانى من الاورام فى الرئه
و قال لى اشكرى ربنا على النفس اللى خارج و داخل بدون الم--

اشكرك يا رب على النفس اللى بناخده يا رب بدون الم--
و احنا مش دريانين ان النفس ده فيه غيرنا بيتعذب و هو بياخده و ميقدرش ميخدوش--

اشكرك يا رب

R.O.R.O 08-01-2014 04:07 PM

موضووع جميل جدا يا حبو
فكرة حلوة اوووى
فعلا كتير بنشكر ربنا على نعم فى حياتنا
اشكرك يارب على كل حال ومن اجل كل حال
بشكرك على كل حاجة فى حياتى


sparrow 08-01-2014 08:36 PM

موضوع جميل يا حبوا
فعلا ربنا مدينا نعم كتير الحمدلله

حبو اعدائكم 08-01-2014 09:38 PM

أشكرك يا رب على عيونا إلى بنشوف بيها الدنيا و نشوف إبداع خلقك
فيه غيرنا معندهمش النعمه دى
نشكرك يا رب

حبو اعدائكم 09-01-2014 07:23 AM

اشكرك يا رب على ادايا و صوابعى الى بساعد نفسى بيها و بشتغل بيها
و بحس و بلمس بيها
افتكرت زميله اصغر منى فى المدرسه مكنش لها كفين-- كانت يدها تنتهى عند كوعها بدون يد و كف و اصابع--
كم هذا صعب-- كان خطها احلى من خطى و هى تكتب و ماسكه الالم بكيعنها!
اشكرك يا رب على نعمتك و انك خالقنى بيدين--و اصابع بكتب بيهم دلوقتى اهو :)

+إيرينى+ 09-01-2014 10:09 AM

اشكرك يارب على كل حاجة

صوت صارخ 09-01-2014 10:24 AM

أشكرك يا رب على كل ما حرمتنى منه ........
حتى تظل عيناى عالقة بك أنت ........

soul & life 09-01-2014 10:33 AM

برافو عليكى حبوا ..
كتير بننسى نشكر ربنا على نعمه وعطاياه الكثيرة لينا واحيانا بيكون تعاملنا مع ربنا زى ما يكون الصحة والستر والحياة اللى منحها لينا ربنا دا شىء عادى جدا وروتينى نكون بصحة جيدة ومستورين ومترفهين فى بيوتنا
لكن بمجرد ما انظارنا بتقع على شخص فاقد للصحة بيعانى من امراض او زى ما ذكرتى شخص مولود بنقص ما فى جسده بنشعر اد ايه نعم ربنا علينا كبيرة لا تعد ولا تحصى

اشكرك يارب على كل نعمك اشكرك على محبتك لينا احنا جنس البشر رغم ضعفنا وطبيعتنا الضغيفة وخطايانا الكتيرة اللى بنقع فيها دايما بتحبنا وواقف معانا بتسندنا وتقوينا
اشكرك على الصحة والستر ومحبة قلوبنا لبعضنا اللى بنستمدها من محبتك لينا ..
اشكرك يارب على كل حال وفى كل حال ومن اجل كل حال .آمين

+ماريا+ 09-01-2014 11:31 AM

لا عطيه بلا الزياده الا التى بلا شكر
اشكرك يارب على كل نعمك وعطاياك الكثيره
فكرتينى يا حبوا بقصه من كتاب التلمود
كان فى اتنين واحد فقير اوى قابل موسى النبى وقاله لما تقابل ربنا
قوله كفايه فقر بقى تعبت خالص
وةبعده جه واحد لموسى النبى غنى جدا وقاله قول لربنا كفايه غنى بقى
عندى خير كتير اوى كفايه كده عليا
فموسى لما كلمه ربنا فقاله الكلام ده
فربنا رد عليه طول ما الغنى بيشكر هزيده من نعمى وخيرى
وطول ما الفقير بيبص لغيره ويتذمر على كل حاجه بدهاله هيفضل فقير

موضوع جميل حبوا تسلم ايديكى

max mike 09-01-2014 12:13 PM

موضوووووووووع جميل ومميز يا حبو
اشكر ربنا على كل حاجة وكل نعمة فى حياتى وكل شئ اعطانى اياه
وبالأخص اشكره انه عدى معايا فترة الجيش بخير وسلام مواقف كتير حصلت معايا بالخطأ المفروض اتعاقب عليها بالجزاء او ممكن الحبس نتيجة الاهمال فى السلاح والخدمة لكن الله بتدبيره اللى يفوق كل شئ عدت المواقف دى بخير وسلام .

tamav maria 09-01-2014 12:14 PM

اشكرك يارب علي كل شئ ادتهوني
وكل كل شئ منعتوا عني لاجل منفعتي الروحيه

candy shop 09-01-2014 02:14 PM

موضوع راائع حبو
اشكرك يارب على كل شىء
على النعمه الصحه والستر
على حبك لينا بالرغم من خطايانا
وانت دايما بتسامح
قود سفينه حياتنا يا الله
سامحنى واغفر خطايانا خلينا نبتدى معاك سنه جديده تكون انت راضى عليّ
امين


+ ميلاد العجايبى + 09-01-2014 05:08 PM


اشكر ربنا لانه رغم انى كل يوم اغضبه بخطاياى ولكنه لايعاملنى بكثرة خطاياى ولكن يعاملنى برحمته
اشكر ربنا على كل احساناته لى رغم نفسى الطماعة التى ترغب فى المزيد
اشكر ربنا على كل عطاياه لى

اليعازر 09-01-2014 07:17 PM

اشكرك يا رب على نعمة معرفتك

فليس بعد هذه النعمه من نعمه.

.

روزا فكري 09-01-2014 11:03 PM


شكرا ياحبو علي موضوعك الجميل
الل هايدينا فرصه نفتكر كل النعم اللي ربنا
ادهالنا واهمهم نعمة الصحه
اشكرك يارب علي نعمه الصحه اللي في ناس كتير محرومه منها


انت شبعي 10-01-2014 03:58 AM

معاكي حق حبيبة قلبي
اشكرك يارب على كل شئ
اشكرك على ان ليا بيت بنام فيه و ان ليا عينين بشوف بيهم و ايدين بكتب بيهم
اشكرك يارب على محبتك لضعفي و عنايتك بيا
علمني اشكرك دايما يارب و احس بنعمتك ليا

sha2awet 2alam 10-01-2014 04:39 AM

افتكر موقف لا ينسى .. واحدة من اخوة الرب .. جوزها مشلول .. عندها ولد فى ثانوية عامة و بنت فى جامعة .. معاش جوزها ميكملش ال 200 جنيه و هى ربة بيت .. انا كنت كل ما اشوفها بلاقيها بتشكر ربنا بجد ! شكر من القلب مش مجرد اكلاشيهات .. كانت بتطلع ترابيزة و مكوة قدام باب بيتهم و تكوى للناس اى حاجة بجنيه عشان تساعد فى البيت :) ايدها اتبهدلت من المكوة . و ساعات اروح الاقى بيتها مفهوش لقمة ناشفة حتى و اسألها عاملة ايه تقولى " نشكر ربنا " .. عمرى ما فهمت هى بتشكر على ايه ! هى محيلتهاش حاجة .. لا فيه صحة ولا فيه فلوس ولا فيه مركز ولا فيه حتى راحة بال !

المهم زوجها اتوفى .. حزنت عليه جدًا و تقولى فى منتهى الحزن نشكر ربنا ! زعلانة ليه دة كان مشلول و انتى اللى بتخدمى طب لو زعلانة بتشكرى على ايه ! .. كانت زعلانة عشان بتحبه بالرغم من قسوة اهله - اللى مرتاحين ماديا و مش بيعبروهم - و بتخدمه بحب و بتشكر ربنا لانها اتعودت تشكره على كل حاجة برضا لامره .. البنت اتخرجت و اتجوزت راجل بيحبها جدًا و الولد دخل جامعة و اشتغل و احوالهم المادية بدأت تتصلح و دلوقتى عندها حفيد زى القمر :) و هى لسة بتشكر ربنا :) .. لا عمرها نسيته فى الفرح ولا عمرها نسيته فى الحزن ..

فانا بشكر ربنا على انى عرفت واحدة زيها تعلمنى يعنى ايه " فضيلة الشكر "

أَمَة 10-01-2014 05:24 AM

الكلام كثييييييييييييييير.
يكفيني اشكره لأنه أوجدني وبوجودي عرفته.

تسلم ايدك يا حبو على هذا الموضوع الرائع الذي لا يصدر سوى عن شخص رائع عيناه ترى الجمال في كل شيء.

حبو اعدائكم 10-01-2014 07:34 AM

أشكرك يا رب على رجليا إلى بمشي و بتحرك بيهم
فيه كتير يا رب مولودين منغير النعمه دى.
و فئ بسبب حادث. فقدوا النعمه دى
و فئ بدون حادث. فجئه بيلاقوا نفسهم صحيو مشلولين
نشكرك يا رب غلئ كل شئء

واثقه فيك يارب 10-01-2014 05:18 PM

اولا
اشكــــــ يــــــارب ــــــرك
علي كل حاجه في حياتي
اشكـــــــــرك علي اللي عندي
واشــــــكرك علي اللي مش عندي
اشكـــــــرك عالمر قبل الحلوو يـــــاربي
ثانيا
موضوعك جميل اوي ياحبو
رغم بستطه في الكلمات
انما عميق جدا في المعاني
صدقيني اي موضوع ليكي
ببقا عارفه اني هدخل وهخرج منه
وانا مستفاده جــــدا
تسلم ايديكي ياحبوو
واشكرك انك خلتيني اشكر ربنا في هذه اللحظة
ربنا يباركك:)

روزا فكري 10-01-2014 11:29 PM


اشكرك يارب لانك خلقتني علي نور اسمك
وايمانك

حبو اعدائكم 12-01-2014 08:48 AM

اشكرك يا رب انك حامينى---
بنزل كل يوم من بيتى و برجع اخر اليوم بيتى تانى--
فيه كتير بيخرج و مبيرجعش-- فيه كتير يخرج سليم و يرجع مصاب--
اشكرك على حمايتك لينا يا رب--

إيمليــآ 12-01-2014 09:42 AM

,.

حبو حبيبتى , ميرسى على آلمسآحة آلجميلة دى إللى هتدينآ فرصة فيهآ ننول نعمة آلشكر

من أسبوعين أو تلآتة تقريباً حصلى موقف غريب
كنت خآرجة من آلكلية جوآيآ كمية مشآعر كتير
كنت حآسة أوى أوى بتدخلآت ربنآ فى حيآتى
إيه يآ ربى كمية آلمحبة وآلتعزية إللى بتبعتهآلى دى
نآس كتير بتدينى من محبتهآ ونآس بتدآفع عنى من غير مآ أعرفهم أصلاً
وأيآدى بتطبطب بدون أى سبب
حتى فى آلكلية إتحلتلى مشآكل كتير من غير مآ أعرف إزآى , مش بس كدآ دآ أنآ إتوفر عليآ مجهود وتعب كتير كنت متوقعآهـ
كنت حآسة بإيد ربنآ محوطآنى بشكل عجيب
حبيت أروح أشكرهـ وأزور شفيعى إللى وحشنى , ففوت على طحونة آلبآبآ كيرلس فى طريقى
وللأسف عدو آلخير عرف يبدل فرحتى بربنآ دى لإحسآس بآلوحدة
كنت رآيحة مخنوقة بدموع آلفرحة , لآقتنى بدأت أكتئب ونفسى أدمع من آلوجع
وقتهآ لآقيت ست كبيرة كدآ وجميلة قآعدة فى ركن من آلمزآر وتقريباً بتكلم نفسهآ
بدون شعور قولتلهآ ممكن أقعد جنبكـ وببسآطة قعدت تحكيلى عنهآ - ودى مش عآدتى أقرب لنآس مآعرفهمش بسهولة -
آلست دى " أم مآيكل " إدتنى درس مش هعوضه فى حيآته .. ست بسيطة أوى وعندهآ كمية مشآكل وحمول تفوقنى 100 مرة
ومع ذلكـ جوآهآ سلآم ومحبة وتعزية خلتنى أخجل من نفسى ,,
حسيتهآ رسآلة من ربنآ بتفوقنى علشآن مآنجرفش مع آلأوجآع وأنسى كل إللى ربنآ بيقدمهولى

آلغريب إنى من سآعة مآ قريت قصة أستآذ هشآم " رحلة اللاعوده ..!!2 " ‏وأنآ متأثرة بآلموضوع
خصوصاً إنهآ بقت بتتصل بيآ كل فترة تطمن عليآ وكل مآ أحآول أكلمهآ مآحدش بيرد

بقيت بسأل نفسى هى أم مآيكل حقيقة فعلاً ولآ معجزة بعتهآلى ربنآ
على آلعموم هى فعلاً بمحبتهآ وآلسلآم إللى جوآهآ معجزة .. وكل إللى ربنآ بيقدمهولى من محبته يفوقنى ويفوق إللى أستحقه
ومهمآ شكرت مش هوفى جزء من محبته وتحننه






.،


max mike 12-01-2014 09:54 AM

اشكرك يارب على نعملة الصحة اللى انت اعطيتها لى .. اللى فى ناس كتير محرومة منها

حبو اعدائكم 12-01-2014 01:43 PM

اشكرك يا رب انك موفر لينا المايه!!
قد ايه المايه مهمه و فى ناس فى بلاد بتموت من العطش--
نشكرك يا رب على نعمتك-- و يا رب تدوم و تحمى نيلنا يا رب

Samir poet 12-01-2014 02:03 PM

شكرا على كل شى
سؤ كويس ليا او وحش
لتكن مشئية ربنا

حبو اعدائكم 13-01-2014 05:55 AM

كنت بتفرج على برنامج حوادث حريق
قد إيه النار بتأكل كل شئء
أشكرك يا رب انك بتحمينا
فى بيوت كتير. بتولع و تتحول لرماد و كل شئء يروح
أشكرك على حمايتك و محبتك

صوت صارخ 13-01-2014 08:32 AM

اشكرك يا رب ...... أشكرك على إنك إلهى .....

max mike 13-01-2014 10:21 AM

اشكرك يارب على نعمة المسيحية
اشكرك انى مسيحى

روزا فكري 13-01-2014 10:57 PM


اشكرك يارب انك عديت علينا النهار بسلام
وحميتنا من كل شر

Dona Nabil 13-01-2014 11:12 PM

اشكرك يا رب انك كشفت قدامى حقيقة اشخاص كنت مخدوعه فيهم لوقت طويل

حبو اعدائكم 14-01-2014 06:07 AM

أشكرك يا رب انك عديت الليل الطويل بسلام
و أشرقت بشمسك علينا بيوم جديد.

candy shop 14-01-2014 09:38 AM


+ماريا+ 14-01-2014 09:56 AM

اشكرك يارب لانك خلقتنى
فى هذا الدين السامى العظيم

صوت صارخ 14-01-2014 12:43 PM

اشكرك يا رب على أنك واخد مصر ومرجعها لأحضانك

حبو اعدائكم 14-01-2014 03:56 PM

أشكرك يا رب أن اليوم عدي بسلام و التصويت كان أمن
عقبال باقى اليوم و بكره كمان

حبو اعدائكم 15-01-2014 09:22 AM

اشكرك يا رب على انى لى بيت-- فيه غيرى ملهوش مكان ينام فيه ---

"فَيْلَسُوُفْ" 15-01-2014 09:40 AM

اشكرك يارب لانك بتخليني اشوفك فى كل شيء حواليا..ودا يخليني احس بمدي نعمتك فينا ومحبتك لينا..

اشكرك يا الهي المحب لاجل كل شيء اشكرك..

صوت صارخ 15-01-2014 09:52 AM

اشكرك يا سيدى لأفتقادك لى


الساعة الآن 09:05 AM.


دعم خاص من vBulletin لمنتديات الكنيسة
©2000 - 2020، Jelsoft Enterprises Ltd

جميع حقوق الطبع محفوظة لمنتديات الكنيسة