منتديات الكنيسة

منتديات الكنيسة (http://www.arabchurch.com/forums/index.php)
-   الترانيم (http://www.arabchurch.com/forums/forumdisplay.php?f=18)
-   -   موسوعة خدمة الكورال و التسبيح (http://www.arabchurch.com/forums/showthread.php?t=80551)

anosh 13-04-2009 09:57 PM

رد: موسوعة خدمة الكورال و التسبيح
 
مينا الكليب فعلا كويس
بس المشكلة فى اداء هبه و نبيلة ان فيه حروف مش باينه فى النطق يعنى تحس ان الحروف سايحه شويه
و فيه حروف ماتسمعش هى ايه بس الواحد بيشوفها من الكلام
يعنى مثلا مكتوب اشوف ابويا اشوف اخويا ولما تسمعها ماتعرفش هى اشوف و الا اشوفه لان الحروف و نهاية الكلام مش واضحه اوى

بالنسبة لترنيمة كونوا كاملين انا هاحاول اتصرف فى توزيعها
بس اهم حاجه يا مينا لما تنزل باى ترانيم فى المهرجان جديده تكتب مين الكاتب و مين الملحن علشان الناس تعرف بتاعت مين

بالنسبة لبرامج الصوت دور على النت على برنامج (Adobe Audition ) برنامج صوت كويس و فى نفس الوقت بسيط فى التعامل معاه
و حمله و انا هاشرحلك البرنامج خطوة خطوة
و لو ماعرفتش تحمله هاحاول ارفعهولك
و هاكتب لك تدريبات للكورال بس معلش
سامحنى اليومين دول لانى بجد مش فاضيه
ربنا معاك
و صلى من اجل ضعفى

بيشوى هانى 14-04-2009 08:56 PM

رد: موسوعة خدمة الكورال و التسبيح
 
بسم الثالوث الاقدس


انا اولا حب اشكر الجميع على المنتدى الرائع والاخلاص فى العمل والمحبة المنتشرة بين الاعضاء

ان ليا طلب مش عارف هيكون له قبول عندكم ولا لا
انا عندى كلمات ترانيمة محتاجه تتلحن وانا سمعت ان المنتدى ده نليان مواهب وابداعات كثيرة فى التلحين
فارجو من اراد المساعدة تلحين كلمات الترنيمة

الكلمات
مياه حياتى


يارب أعنى ولا تتركنى فى هذه الحياة
ما أنا سوا ورقة تجرفها المياه

فتمحى ما بها من ملامح وصفات
وتحولها إلى كثير من الفِتات

فإذا بالمياه تجرفنى كما تشاء
وتعلوا وتهبط بى فى الهواء

وأنا اسير فى تيارها
ذهاباً ومجيئاً بين أمواجها

فإذا رسيت على شاطئٍ أجد من المخاطر مئات
ومهما حاولت الهروب تلتفت إلى ألتفات

فلا تتركنى يارب وحيداً بين المياه
لا تتركنى أتعذب فى هذه الحياه


ارجو المساعدة

anosh 15-04-2009 12:33 AM

رد: موسوعة خدمة الكورال و التسبيح
 
اهلا بيك بيشوى وسط اخواتك
انا بالفعل اخدت كلماتك و هالحنها و فى اقرب وقت اخلصها فيه هابعتهالك بصوتى متلحنه

بس انا ليا تعليق بسيط كلمات الترنيمة ديه تنفع اكتر خواطر
لان فى الترنيمة بيكون فيه فكرة و افكار مرتبه و علاج للمشكلة
لكن انت هنا بتطرح مجرد خواطر و مشاعر و مخاوف من الحياة

على العموم ياريت تقبل منى النقد للاستفادة
استمر و ربناااااااااا معااااااااااااك و ينمى موهبتك و اهلا بيك مره تانية
و نحن فى انتظار ابداعاتك الكتابية
صلى من اجل ضعفى

mero_engel 15-04-2009 01:28 AM

رد: موسوعة خدمة الكورال و التسبيح
 
انا عجبتني اووي فكره الموضوع با انوش
بحيكي عليه فعلا
انا درست كتير في الموسيقي
واتمني استفيد وافيد

لانه فعلا ماسكه كورال اعدادي
ومشتركه في كورال
الحاجه اللي بسال عليها
ازاي اطلع الصوت من البطن مش من الزور
لانه مع الوقت زوري بيتعب وبينجرح

anosh 15-04-2009 01:44 AM

رد: موسوعة خدمة الكورال و التسبيح
 
اولا ميرسى على تشجعيك و مشاركتك
ثانيا انتى قولتى ( ان الحاجه اللي بسال عليها
ازاي اطلع الصوت من البطن مش من الزور
لانه مع الوقت زوري بيتعب وبينجرح )

بصراحه سامحينى انا اول مره اسمع سؤال زى ده
لان السؤال المفروض يكون ازاى اخرج صوتى من الزور او الحنجرة مش من الانف
لكن صوتك لازم هايخرج من الزور من الفم عادى يعنى هاتاخدى النفس و مع خروج الهواء من البطن بيخرج الصوت
و طبيعى اننا بنتكلم من الفم الصوت هايخرج من الفم عادى

معلش سامحينى ياريت لو انا مش فاهمه السؤال توضحيه اكتر

و ياريت لو انتى فعلا دارسه موسيقى ممكن نستفيد معاكى من دراستك و تنزلى موضوع كل فترة يفيد الكل

على العموم اهلا بيكى وسطينا و يارب تكونى عضوه مستمره معانا و ناخد بركه

و كل سنه و انتى طيبه يا سكر

mero_engel 15-04-2009 02:37 AM

رد: موسوعة خدمة الكورال و التسبيح
 
اولا حبيبتي بشكرك علي استجابتك السريعه
وردك الجميل
بس فعلا انوش دا مش كلامي
دا كلام استاذه كبار دارسين هارموني بجد
وهو انه ازاي الواحد يعرض صوته ويخرج صوت هواء فيه بيز من البطن بدون ما يجرح زوره او يحمل عليه بعيدا عن موضوع الانف خالص لاني مش دا المقصود من كلامي
ودا كان سؤالي

واكيد حبيبتي هكون متابعه معاكوا دايما
ووعد مني هنزل من المحاضرات اللي دراستها
حتي لو قدرت بيها اقدم افاده بسيطه
كل سنه وانتي طيبه

بيشوى هانى 15-04-2009 09:22 AM

رد: موسوعة خدمة الكورال و التسبيح
 
اقتباس:

المشاركة الأصلية كتبت بواسطة anosh (المشاركة 1288841)
اهلا بيك بيشوى وسط اخواتك
انا بالفعل اخدت كلماتك و هالحنها و فى اقرب وقت اخلصها فيه هابعتهالك بصوتى متلحنه

بس انا ليا تعليق بسيط كلمات الترنيمة ديه تنفع اكتر خواطر
لان فى الترنيمة بيكون فيه فكرة و افكار مرتبه و علاج للمشكلة
لكن انت هنا بتطرح مجرد خواطر و مشاعر و مخاوف من الحياة

على العموم ياريت تقبل منى النقد للاستفادة
استمر و ربناااااااااا معااااااااااااك و ينمى موهبتك و اهلا بيك مره تانية
و نحن فى انتظار ابداعاتك الكتابية
صلى من اجل ضعفى

انا اولا بشكرك جدا جدا على مساعدتك وشكر تانى علشان النصيحة الرائع
لان انا فعلا مكنش واخد بالى من الموضوع ده

reka_2m 15-04-2009 10:27 AM

رد: موسوعة خدمة الكورال و التسبيح
 
اقتباس:

ملحوظه : ياريت تغيرى النوع من ذكر لانثى فى بياناتك الشخصية لانك واضح انك لما سجلتى اسمك سجلتى النوع ذكر مش انثى
هههههههههههههه
انا بجد مش عارفه اغيرها
بس اختك ب 100 راجل
مرسيه اوى على النصايح
الفيديو دا انا كنت صغنونه خالص وخايفه جدا
بس شكرا لاهتمامك

anosh 15-04-2009 01:38 PM

رد: موسوعة خدمة الكورال و التسبيح
 
بصى ادخلى على لوحة التحكم من فوق على جنب بعد كده اختارى تعديل البيانات
هاتلاقى فى اخر الصفحه نوع الجنس علمى على الانثى بس سهله جربى كده و شوفى

anosh 15-04-2009 01:41 PM

رد: موسوعة خدمة الكورال و التسبيح
 
mero_engel
ده انا المفروض بقى انى اسالك السؤال ده لانك انتى اللى دارسه
انا بصراحه درست موسيقى بس درسات حره يعنى كورسات نوته و كده و بلعب عود و اورج علشان بحلن لكن حاولت اذاكر هارمونى لكن بصراحه ماكملتش
لكن سؤالك بصراحه انا ممكن اخرج الصوت ده من نفسى لكن علشان اقولك تخرجيه انتى ازاى مش عارفه ؟؟؟
هههههههههههههههههههههههههههههههه


الساعة الآن 06:39 PM.


دعم خاص من vBulletin لمنتديات الكنيسة
©2000 - 2020، Jelsoft Enterprises Ltd

جميع حقوق الطبع محفوظة لمنتديات الكنيسة