اليك الاسباب والمعتقدات التى تساعدك على اختيار شريك حياة خاطى !

lovely dove

الي متي يارب ؟
عضو مبارك
إنضم
2 سبتمبر 2007
المشاركات
3,256
مستوى التفاعل
65
النقاط
0
الإقامة
♥ في حضن بابا يسوع ♥
رد: اليك الاسباب والمعتقدات التى تساعدك على اختيار شريك خاطى !

عندك حق ياكريتك في كل كلمة بس للاسف كلامك جه متاخر علي الاقل بالنسبالي يارب كلامك يلحق ناس تانية قبل ما تندم
انا بأيد كل كلمة قلتها وبناء عن تجربة بس نشكر ربنا خلصت في الوقت المناسب
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

هما لو مش ناضجين .. يعنى صغيرين .. يعنى يلتفتوا لمذاكرتهم .. والمفروض ان يكون هناك رقابه اسريه ... ومعرفه
ثم اصلا .. لو طرفين غير ناضجين .. عدم نضجهم لن يرشدهم لفكرة التعارف .. بل سيقودهم الى الحب الجارف لارضاء هذا الشعور .. عدم النضج بيسد الطريق من قبل ما يبدأ ..
ليه بيستمروا فى علاقة غير ناضجة ؟ لانهم بيلاقى قبول من الاصدقاء و الاهل ؟ ليه : لان دول كمان عندهم نفس المبادئ بتاعة الافلام فبيباركوا العلاقة (الغير ناضجة) زودى بقا الجهل العاطفى و قلة القراية و شوف المجتمع فاشل ازاى فى موضوع الارتباط !
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

هههههه تلميذى مرة واحدة ؟ ده انا اللى تلميذتك يا كريتك
سامحنى مش قادرة اتناقش فى النقط اللى قولتها فى الموضوع
كفاية مرورك :94:
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

عندك حق ياكريتك في كل كلمة بس للاسف كلامك جه متاخر علي الاقل بالنسبالي يارب كلامك يلحق ناس تانية قبل ما تندم

انا بأيد كل كلمة قلتها وبناء عن تجربة بس نشكر ربنا خلصت في الوقت المناسب
بما ان التجربة خلصت يبقى انتى كمان لحقتى نفسك و لازم تباركى لنفسك :smil6:
المصيبة لما التجربة متخلصش او تنتهى بالجواز :act31:
ميرسى لمرورك الجميل
 

white.angel

فيلسوفه مسيحيه
عضو مبارك
إنضم
6 يوليو 2010
المشاركات
3,777
مستوى التفاعل
1,303
النقاط
0
رد: اليك الاسباب والمعتقدات التى تساعدك على اختيار شريك خاطى !


ليه بيستمروا فى علاقة غير ناضجة ؟ لانهم بيلاقى قبول من الاصدقاء و الاهل ؟ ليه : لان دول كمان عندهم نفس المبادئ بتاعة الافلام فبيباركوا العلاقة (الغير ناضجة) زودى بقا الجهل العاطفى و قلة القراية و شوف المجتمع فاشل ازاى فى موضوع الارتباط !
لنفترض ان العلاقه غير ناضجه .. بمجرد ما تبدأ الدراسه الناضجه .. ستكشف ان العلاقه كانت غير ناضجه وبالتالى ... الموضوع سينتهى لصالحهم ... المشكله فى الحياه مش الخساره فى علاقه او اتنين .. المشكله اننا نبقى عارفين ان فى خساره ونكمل ..
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

لنفترض ان العلاقه غير ناضجه .. بمجرد ما تبدأ الدراسه الناضجه .. ستكشف ان العلاقه كانت غير ناضجه وبالتالى ... الموضوع سينتهى لصالحهم ... المشكله فى الحياه مش الخساره فى علاقه او اتنين .. المشكله اننا نبقى عارفين ان فى خساره ونكمل ..
مواضيع كتير مش بتبدأش فيها الدراسة الناضجة غير بعد الزواج !
 

white.angel

فيلسوفه مسيحيه
عضو مبارك
إنضم
6 يوليو 2010
المشاركات
3,777
مستوى التفاعل
1,303
النقاط
0
رد: اليك الاسباب والمعتقدات التى تساعدك على اختيار شريك خاطى !


مواضيع كتير مش بتبدأش فيها الدراسة الناضجة غير بعد الزواج !
اذاً هذه علاقه كانت غير ناضجه .. لان النضوج بعد الزواج بيكون احد الاسباب التى تساعد فى فشله .. لانهم كلما نضجوا كلما اكتشفوا عظم خطأهم .. وازداد مع هذا الندم ... يعنى لو هتبدأ بعد الزواج يستحسن ميدرسوش .. ويكملوا حياتهم بدون دراسه لانها هتكون غير مجديه .. هتزيد من الندم وبس
 

SALVATION

فداكى يا كنستى
مشرف سابق
إنضم
28 مايو 2007
المشاركات
58,200
مستوى التفاعل
367
النقاط
0
الإقامة
Egypt/Alex
رد: اليك الاسباب والمعتقدات التى تساعدك على اختيار شريك خاطى !

يعنى من مضمون كلماتك ان اساس الارتباط والزواج الناجح يبنى على التفاهم والعقلانية بين الطرفين وان لمسة جمال هى الحب تأتى فى النهاية
لا محال؟
طيب لو فعلا كده تفتكر دى قاعده للخروج بعلاقة ناجحة ؟
متابع
 
التعديل الأخير:

lovely dove

الي متي يارب ؟
عضو مبارك
إنضم
2 سبتمبر 2007
المشاركات
3,256
مستوى التفاعل
65
النقاط
0
الإقامة
♥ في حضن بابا يسوع ♥
رد: اليك الاسباب والمعتقدات التى تساعدك على اختيار شريك خاطى !

لنفترض ان العلاقه غير ناضجه .. بمجرد ما تبدأ الدراسه الناضجه .. ستكشف ان العلاقه كانت غير ناضجه وبالتالى ... الموضوع سينتهى لصالحهم ... المشكله فى الحياه مش الخساره فى علاقه او اتنين .. المشكله اننا نبقى عارفين ان فى خساره ونكمل ..

عندك حق يا انجل لازم تبقي الدراسة ناضجة ولازم نحكم العقل الاهم في الموضوع ومتعديش المواقف الغلط عشان المركب تمشي لانها بالاسلوب ده عمرها ما هتمشي دي هتتكسر فوق دماغك
واصعب حاجه النقطة الاخيرة اللي انتي قلتيها للاسف جربتها وبنبقي مكملين عشان نقطة الاهل اللي قالها كريتك بس للاسف اكتشفت ان دماغي هي اللي كانت صح في الاول والاخر
حلو مناقشتك مع كريتك استفدت منها كتير يا شباب وجايه في وقت الواحد بيعيد حسباته فيه
متابعه معاكو
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

الطريقة الخامسة
الطريقة دى خطيرة ومن اضمن الطرق للفشل ودى مكرر بشكل مفزع فى مجتمعنا
خلى علاقتكم سطحية

حكاية 1
فلانة اتقدملها عريس لسا راجع من الخليج او امريكا (مستوى المادى البراق)
المشكلة ان الراجل هيخطب ويسافر بعد شهر !
البنت (و الاهل) _بقلة ادراك _بيوافقوا !

حكاية 2
فلان من اسكندرية اتعرف بالنت على فلانة من القاهرة واعجب بيها
راح عمل خطوة ايجابية و سافر و اتعرف عليها واتقدم لها (الراجل مشكور دخل البيت من بابه)
المشكلة انه فى فترة الخطوبة هيكون هو بيشتغل فى اسكندرية و هى كليتها فى القاهرة و هيتقابلوا مرة فى الشهر !
و كالعادة البنت وافقت

حكاية 3
فلان وفلانة من نفس المحافظة (مافيش العوامل اللى فاتت)
بيتقابلوا مرة فى الاسبوع علشان اجازة الشغل
محصلش بينهم اى جدل او مشكلة !
كل تركيزهم فى مقابلتهم على الكلام عن خطة الزواج و فستان الفرح و العفش والوصيفات و اسماء عيالهم هتبقى ايه !
متكلموش عن اى حاجة تانية كل اللى يعرفوه انه غرقانين فى بحر الحب والكلام الرومانسى !

حكاية 4
حكى لى اصدقائى عن حكاية بنفس سينارو رقم 1 لكن بعد السفر البنت بعتت للشاب و قالتله سورى مش هقدر اكمل

خلينا نوضح ايه المصايب الخفية فى الحكايات دى

فى الحكاية 1 و 2 بتكون فرص معرفة الطرفين عن بعض ضيقة جدا و متعرضوش مع بعض لمواقف كتير او ظروف مختلفة ومعنهمش اى علم عن تصرف الاخر فى الموقف الفلانى و جايز عندهم معلومات لكن عن جانب واحد او اتنين من شخصيته والباقى: مجهول !
و محدش يفتكر ان النت او التليفون ممكن يحل محل التعامل المباشر ! محال !
هتفضل حاسس ان الاخر بعيد عنك ومستحيل تعوض معرفة وخبرة التعامل وجها لوجه وبكدة ان بتعرض نفسك لمخاطرة اكتشاف عيوب قاتلة بعد الجواز

نفس الكلام فى القصة 3
عمالين يتكلموا فى امور ثانوية وفى الحقيقة كل واحد بعيد جدا عن الاخر محدش فيهم عارف ده بيحب ايه ومبيحبش ايه ولا اهتمامات طرف طرف و احتياجاته و طباعه وقت المشاكل
وبالتالى انت هتبنى قرارك على الورود مش العقل !

لكن خطورة الحالات دى انه صعب جدا تقنعهم يعيدوا التفكير !
هما مبهورين بلمعان الحب المقترن بالماديات ومش عايزيين يضايقوا نفسهم بالتفكير فى نواحى اعمق او ادراسة او تحليل وفاكرين ان عندهم كل مقومات نجاح العلاقة....فى الحقيقة ده مؤشر قوى على قلة النضج والفشل المتوقع !

النصيحة :
وسع خبرتك فى معرفتك عن الطرف الاخر واكتشف كل تفاصيل شخصيته
قضى معاه وقت فى الحديث عن نفسك وعن نفسه ...قضى معاه وقت ازمة ولاحظ تصرفه فى وقت المشاكل, لاحظ سلوكه فى البيت وازى بيتصرف فى الامور المالية ...حاول تكون عارف كل حاجة عنه قبل ما تتفاجئ بعد الجواز انك رسمت صورة خيالية لشخص وهمى !

و العلاقة اللى متسمحش اصلا بالمعرفة الواسعة بين الطرفين هى مخاطرة انت فى غنى عنها ونسبة الفشل فيها مرتفعة ...زى ما حصل فى حكاية 4 ...اينعم البنت وافقت من الاول وده مش صح لكنها لحقت نفسها وبكدة احييها ....

للحديث بقية...
 
التعديل الأخير:

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

يعنى من مضمون كلماتك ان اساس الارتباط والزواج الناجح يبنى على التفاهم والعقلانية بين الطرفين وان لمسة جمال هى الحب تأتى فى النهاية



لا محال؟
طيب لو فعلا كده تفتكر دى قاعده للخروج بعلاقة ناجحة ؟

متابع
من قال ان لمسة الحب تأتى فى النهاية ؟
لو لمسة الحب لم تأتى فى البداية اصلا مش هتبدأ العلاقة !
لكن لمسة الحب دى لا تضمن لك نجاح العلاقة فيما بعد ...هى دى ملخص القضية
 
التعديل الأخير:

bob

يجرح و يعصب
إنضم
7 مارس 2007
المشاركات
4,418
مستوى التفاعل
574
النقاط
0
الإقامة
تائها اجتاز في الصحراء
رد: اليك الاسباب والمعتقدات التى تساعدك على اختيار شريك خاطى !

الله عليك يا كبيرنا لما تتكتك كده و تفنن و تكتب
موضوع جامد كالعادة متابع
علشان الفاس متقعش في الراس تاني هههههههههه
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

الله عليك يا كبيرنا لما تتكتك كده و تفنن و تكتب
موضوع جامد كالعادة متابع
علشان الفاس متقعش في الراس تاني هههههههههه
ههههههههههههه الله يكرمك يا بوب


<B>

موضوع رائع
</B>
ميرسى ليكى و ميرسى للتقييم
 

بنت فبساوية

عضو نشيط
عضو نشيط
إنضم
6 يوليو 2010
المشاركات
386
مستوى التفاعل
7
النقاط
0
الإقامة
فى قلب يسوع
رد: اليك الاسباب والمعتقدات التى تساعدك على اختيار شريك خاطى !

فعلا يا كريتيك موضوع رائع ومفيد جداااا ويستاهل أحلى تقييم بجد أحلى موضوع قريتة النهاردة ربنا يعوضك..
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

الطريقة السادسة للفشل
خلى عندك توقعات وهمية

لقد وقعت فى الفخ !
ده التعليق اللى لازم تقوله بتحذير لشخص لو لاقيته بيقول :
"ان الحب بيعلينا لفوق و بيخلينا نرتفع فوق كل الاختلافات و المشاكل والاختلافات فى شخصيتنا و بيقضى على كل المخاوف و الاحزان ....حاسس انى طاير فى السما ...يالا بينا نتجوز الحياة ...الحياة حلوة ! "

ده اسمه "فخ النعيم" او "فخ الاوهام" و ده مصيبة من العيار التقيل لانه بعيد كل البعد عن ارض الواقع

الشخص فى الحالة دى بيبقى فريسة عدة معتقدات خاطئة :

1-ان الناس اللى بيحبوا بعض باخلاص عمرهم ما هيتخانقوا او يتعاركوا
لازم اى حد مقبل على الزواج يعرف ان الصراعات الزوجية حتمية حتى لو كان بينهم قصة حب اكبر من تيتانك !
و مدى نجاحكوا بيتوقف على الطريقة اللى هتتعامل بيها مع الاختلافات ما بينكوا
وكنا اتكلمنا عن النقطة دى فى الموضوع ده :
كيف تتعامل مع الاختلافات و الصراعات مع شريك حياتك

2-لو اتنين ارتبطوا فى علاقة حب حقيقى المصاعب والمتاعب مش هتأثر على العلاقة
هنا الشخص بيبقى فاكر ان الحب جبل شامخ فى وجه الرياح العاتية و انه بيقهر الصعاب
والنوع ده موجود فى الاغانى و الافلام و الاساطير بس !
يعنى اتخن علاقة حب هتبقى غير مستقرة ومصابة بالذنب و الاحباط لو الزوجين انجبوا طفل معاق (مثلا)
واتخن علاقة حب هتضعف لو فيه مشاكل مادية او انفصال بسبب سفر احد الطرفين لفترة طويلة !
لازم تعرف ان الحب معرض للالم والصدمات وقدام اى مشكلة اومصيبة تقيلة بيتهز !
3-ان الحب لو كان حقيقى هيدوم مدى الحياة من تلقاء نفسه وعمره ما هيروح
لا يا غالى مش هيدوم من تلقاء نفسه و لا هيكمل بالقصور الذاتى !
لو انت مبذلتش جهد علشان تحافظ عليه ومصنتهوش هيطير منك
مثال : زوج بيعمل سبع ايام ليل نهار و مش مخصص وقت لأسرته ...قل وداعا للحب !
اى طرف ممكن جدا يصاب بالتبلد بسبب مشاكل وضغوط الحياة
لو سبت الحب من غير اهتمام : هيموت !

لازم تحط قدامك ان فعلا هتواجه مشاكل وتحديات حقيقة والرومانسية مش هتحلهالك !
لما تبقى عامل حسابك انت هتواجه ايه ده هيجنبك الصدمة و هيديك فرصة افضل للتعامل مع المشكلة

اى اتنين مقبلين على الزواج بمرح لانهم توقعوا ان الحياة تكون مشاهد حب رائعة وتمشية على البحر وبهجة مدى الحياة بدون اى عقبات..... هيغرقوا !

للحديث بقية !
 
التعديل الأخير:

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

فعلا يا كريتيك موضوع رائع ومفيد جداااا ويستاهل أحلى تقييم بجد أحلى موضوع قريتة النهاردة ربنا يعوضك..
ميرسى جدا على التشجيع الجميع ربنا يخليكى :94:
 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

سابع طريقة (واضح ان اللى عايز يفشل مش هيغلب)

تجاهل المشكلات الشخصية والسلوكية فى الطرف الاخر

الحكاية الاشهر
شاب كويس جدا اتقدملى بس بيشرب سجاير وانا مش مكنتش عايزة كدة بس هو قالى انه هيبطل وبقالنا 4 شهور ومبطلش ولما كلمته قالى انه هيبطل بعد الجواز

وجايز تلاقى طرف عنده مخاوف من صفة اكتشفها (احذر الصفات اللى هنقولها دلوقت) :
بخل
عند
عنف (غضب منفجر)
غيرة زيادة عن اللازم (مش عايزها تشتغل ولا تكلم حد)
بيسكر
عنده طبع الكذب (وده خطير جدا لانه مش بيكون محل ثقة)
غير متحمل للمسئولية
بيلعب بديله
او سمة شخصي ثابتة (اسلوب متكرر زى حالة مزاجية سيئة على طول : متقلب مزاجيا)

لو لقيت نفسك انك داخل على الجواز وفيه عيوب خطيرة فى الطرف الاخر متحلتش يبقى اعمل : stop

لازم تسأل نفسك : هل انا مستعد اقضى باقى حياتى اتعامل مع السمة دى ؟ هل هستحمل الوضع ده ولا لا ؟

خلى بالك ان السمات الشخصية نادرا ما بتتغير
الخدعة الكبرى : انه هيتغير بعد الجواز
مش هيحصل !
والسبب : ان الدافع والحافز لتحسين سلوك اى طرف بيقل بعد الجواز ...ما اهو اتجوز خلاص يتغير ليه ؟!

لا ده كمان الوضع هيبقى اسوأ لان ضغوط الجواز هتخلى التعامل اصعب مع الصفة دى مع الوقت

يعنى لو راجل بخيل قبل الجواز ...ايه اللى مخليكى متوهمة ان الصفة دى هتروح بعد كدة ؟! ولو انتى مضايقة من الصفة دى دلوقت ...ايه اللى مخليكى فاكرة انك هتفرحى بيها بعد كدة ؟!! وايه اللى جابرك تكملى غير انك عايزة تعذبى نفسك ؟!!

يبقى يا اما تتأكد قبل الجواز ان المشكلة دى انتهت و انه تم التعامل معها و الانتهاء منها بشكل نهائى او تأجل الزواج لحد ما ده يحصل ...او فى النهاية لو محصلش تغيير تنفصل وانت فى غنى عن العذاب القادم

لانك لو ارتبط من غير ما تتأكد ان المشكلة انتهت او من غير ما تنتهى وتجاهلتها او تغاضيت عنها العواقب هتبقى وخيمة وهتعيش بائس

وللحديث بقية...
 

white.angel

فيلسوفه مسيحيه
عضو مبارك
إنضم
6 يوليو 2010
المشاركات
3,777
مستوى التفاعل
1,303
النقاط
0
رد: اليك الاسباب والمعتقدات التى تساعدك على اختيار شريك خاطى !

1-ان الناس اللى بيحبوا بعض باخلاص عمرهم ما هيتخانقوا او يتعاركوا

2-لو اتنين ارتبطوا فى علاقة حب حقيقى المصاعب والمتاعب مش هتأثر على العلاقة
3-ان الحب لو كان حقيقى هيدوم مدى الحياة من تلقاء نفسه وعمره ما هيروح


عجبنى اوى الثلاث اسباب السابقين ...
وبالفعل الحب ليس كل شئ ... هو مجرد بدايه ...
ولكنه لا يمنع الخلافات ..
ولا يستطيع ان يوفر حياه كريمه لزوجين ..
ولا يمكنه الاستمرار من تلقاء نفسه

موضوع رائع كريتك ..
واتمنى ان يتم تثبيته كمرجع لكل من هم مقبلون على الزواج ..

 

Critic

خًيْمتى ضعيفة !
إنضم
5 سبتمبر 2009
المشاركات
13,974
مستوى التفاعل
1,344
النقاط
0
الإقامة
فى البيداء وحدى
رد: اليك الاسباب والمعتقدات التى تساعدك على اختيار شريك خاطى !

عجبنى اوى الثلاث اسباب السابقين ...
وبالفعل الحب ليس كل شئ ... هو مجرد بدايه ...
ولكنه لا يمنع الخلافات ..
ولا يستطيع ان يوفر حياه كريمه لزوجين ..
ولا يمكنه الاستمرار من تلقاء نفسه
موضوع رائع كريتك ..
واتمنى ان يتم تثبيته كمرجع لكل من هم مقبلون على الزواج ..


[/CENTER]
اشكرك اختى الغالية على تشجيعك الدائم ومتابعتك :94:
 
أعلى