الشبشب‏ ‏المقلوب‏ ‏والمقص‏ ‏المفتوح‏:‏معتقدات‏ ‏بالية‏ ‏مازالت‏ ‏تهدد‏ ‏حياتنا‏!!

ميرنا

مشرف سابق
مشرف سابق
إنضم
15 أكتوبر 2005
المشاركات
22,034
مستوى التفاعل
562
النقاط
0
الإقامة
عند اقدامك اجثوا
ليليان نبيل
الشبشب‏ ‏المقلوب‏ ‏والمقص‏ ‏المفتوح‏:‏معتقدات‏ ‏بالية‏ ‏مازالت‏ ‏تهدد‏ ‏حياتنا‏!!


9371.jpg


ممنوع‏ ‏الكنس‏ ‏بالليل‏ ‏لحسن‏ ‏تزعج‏ ‏الملائكة‏...‏بلاش‏ ‏يكون‏ ‏الشبشب‏ ‏مقلوب‏ ‏لأنه‏ ‏بيجيب‏ ‏النحس‏...‏اوعي‏ ‏تشغل‏ ‏المقص‏ ‏عمال‏ ‏علي‏ ‏بطال‏ ‏لأنه‏ ‏فال‏ ‏وحش‏...‏وما‏ ‏تدخلش‏ ‏علي‏ ‏مراتك‏ ‏الوالدة‏ ‏بكيس‏ ‏لحمة‏ ‏علشان‏ ‏تكون‏ ‏الرضاعة‏ ‏طبيعية‏...‏وغيرها‏ ‏وغيرها‏,‏عادات‏ ‏ومعتقدات‏ ‏يتم‏ ‏ممارستها‏ ‏دون‏ ‏وعي‏ ‏من‏ ‏قبل‏ ‏شرائح‏ ‏مختلفة‏ ‏من‏ ‏الناحية‏ ‏العمرية‏ ‏والثقافية‏ ‏دون‏ ‏أن‏ ‏يتوقف‏ ‏أحد‏ ‏أمامها‏ ‏ويتأملها‏...‏ليسأل‏ ‏ما‏ ‏مرجعيتها‏ ‏ودلالاتها‏ ‏وجداوها؟‏.‏لذا‏ ‏قمنا‏ ‏بعمل‏ ‏استطلاع‏ ‏رأي‏ ‏لبعض‏ ‏الفئات‏ ‏للوقوف‏ ‏علي‏ ‏رأيها‏ ‏في‏ ‏هذه‏ ‏الظواهر‏ ‏والسلوكيات‏ ‏وإن‏ ‏كان‏ ‏جميعهم‏ ‏قد‏ ‏اتفق‏ ‏علي‏ ‏أنه‏ ‏يتم‏ ‏إتباع‏ ‏ذلك‏ ‏السلوك‏ ‏بصورة‏ ‏تلقائية‏ ‏وبعفوية‏ ‏دون‏ ‏إدراك‏,‏فما‏ ‏أصل‏ ‏هذه‏ ‏البدع؟‏ ‏وكيف‏ ‏تسللت‏ ‏إلي‏ ‏حياتنا‏ ‏بهذه‏ ‏الصورة‏ ‏في‏ ‏ظل‏ ‏القرن‏ ‏الحادي‏ ‏والعشرين‏ ‏ودخول‏ ‏عصر‏ ‏التكنولوجيا‏ ‏والإنترنت؟‏!‏
يقول‏ ‏الدكتور‏ ‏سمير‏ ‏عبد‏ ‏الفتاح‏ -‏أستاذ‏ ‏علم‏ ‏النفس‏ ‏جامعة‏ ‏عين‏ ‏شمس‏- ‏إن‏ ‏هذه‏ ‏المعتقدات‏ ‏قد‏ ‏شغلت‏ ‏العقل‏ ‏البشري‏ ‏منذ‏ ‏بدء‏ ‏تكوين‏ ‏المجتمعات‏ ‏الإنسانية‏ ‏وبالتحديد‏ ‏المدنية‏ ‏منها‏,‏ولازالت‏ ‏تحوم‏ ‏في‏ ‏ذهنه‏ ‏فالاحتياجات‏ ‏النفسية‏ ‏والفكرية‏ ‏والذهنية‏ ‏ومتطلباته‏ ‏الوجدانية‏ ‏المرتبطة‏ ‏بواقعه‏ ‏الحياتي‏ ‏تدفعه‏ ‏إلي‏ ‏البحث‏ ‏عما‏ ‏هو‏ ‏غير‏ ‏مادي‏ ‏ويكمن‏ ‏في‏ ‏الغيب‏,‏الأمر‏ ‏الذي‏ ‏يجعله‏ ‏يعيش‏ ‏حالة‏ ‏من‏ ‏الاغتراب‏ ‏بحيث‏ ‏يهرب‏ ‏من‏ ‏الواقع‏ ‏والضغوط‏ ‏التي‏ ‏يفرضها‏ ‏عليه‏.‏
يذكر‏ ‏الدكتور‏ ‏ثروت‏ ‏إسحق‏ -‏أستاذ‏ ‏علم‏ ‏الاجتماع‏ ‏جامعة‏ ‏عين‏ ‏شمس‏- ‏أن‏ ‏أسباب‏ ‏إتباع‏ ‏هذه‏ ‏العادات‏ ‏والتقاليد‏ ‏تتمثل‏ ‏في‏ ‏أنها‏ ‏تشكل‏ ‏جزءا‏ ‏من‏ ‏التراث‏ ‏الشعبي‏,‏ولهذا‏ ‏فهي‏ ‏قوية‏ ‏وراسخة‏ ‏في‏ ‏أذهان‏ ‏الكثيرين‏ ‏وليس‏ ‏من‏ ‏السهل‏ ‏اختفاؤها‏ ‏فجأة‏ ‏حيث‏ ‏يساعد‏ ‏علي‏ ‏استمرارها‏ ‏انتشار‏ ‏الغيبيات‏ ‏من‏ ‏أفكار‏ ‏سحرية‏ ‏ومعتقدات‏ ‏بالية‏ ‏داخل‏ ‏مجتمعنا‏ ‏الشرقي‏ ‏وبخاصة‏ ‏في‏ ‏الريف‏ ‏والمناطق‏ ‏الصحراوية‏ ‏والأحياء‏ ‏الشعبية‏ ‏في‏ ‏المدن‏.‏إضافة‏ ‏إلي‏ ‏زيادة‏ ‏معدل‏ ‏الأمية‏ ‏التي‏ ‏تعد‏ ‏العامل‏ ‏الأساسي‏ ‏فتتمثل‏ ‏عادة‏ ‏في‏ ‏النساء‏ ‏ربات‏ ‏البيوت‏ ‏اللاتي‏ ‏لا‏ ‏يحتككن‏ ‏بالمجتمع‏ ‏المستنير‏ ‏بصورة‏ ‏مستمرة‏,‏لذا‏ ‏يعتقدن‏ ‏في‏ ‏مثل‏ ‏هذه‏ ‏الغيبيات‏ ‏غير‏ ‏المبررة‏ ‏وغير‏ ‏المنطقية‏ ‏بصورة‏ ‏كبيرة‏ ‏مما‏ ‏يضمن‏ ‏استمرارية‏ ‏الموروث‏ ‏الشعبي‏.‏
ويضيف‏ ‏د‏.‏ثروت‏ ‏أن‏ ‏تاريخ‏ ‏المجتمعات‏ ‏العربية‏ ‏يشهد‏ ‏بأن‏ ‏العادات‏ ‏والتقاليد‏ ‏الموروثة‏ ‏بدأت‏ ‏منذ‏ ‏أن‏ ‏عاش‏ ‏الإنسان‏ ‏الأول‏ ‏علي‏ ‏الأرض‏,‏وبدأ‏ ‏في‏ ‏نسب‏ ‏إنفعالاته‏ ‏إلي‏ ‏مسببات‏ ‏خارجية‏ ‏دون‏ ‏إدراك‏.‏فقد‏ ‏كان‏ ‏القدماء‏ ‏المصريون‏ ‏علي‏ ‏سبيل‏ ‏المثال‏ ‏يتفاءلون‏ ‏باليمين‏ ‏باعتباره‏ ‏دليل‏ ‏القوة‏ ‏والسلطة‏ ‏ويتشاءمون‏ ‏من‏ ‏اليسار‏ ‏إيمانا‏ ‏منهم‏ ‏بأنه‏ ‏رمز‏ ‏للضعف‏,‏هذا‏ ‏وقد‏ ‏كانوا‏ ‏يؤمنون‏ ‏بالحسد‏ ‏ويعملون‏ ‏علي‏ ‏حماية‏ ‏أنفسهم‏ ‏وأسرهم‏ ‏منه‏ ‏من‏ ‏خلال‏ ‏استخدام‏ ‏الأموليت‏ ‏أي‏ ‏الحجاب‏ -‏في‏ ‏ذلك‏ ‏الوقت‏- ‏لاعتقادهم‏ ‏أنه‏ ‏يجلب‏ ‏الحظ‏ ‏الحسن‏ ‏ويبعد‏ ‏الشر‏.‏أيضا‏ ‏استخدام‏ ‏العين‏ ‏في‏ ‏منتصف‏ ‏كف‏ ‏اليد‏ ‏للحماية‏ ‏من‏ ‏الشر‏,‏ويبدو‏ ‏أن‏ ‏مثل‏ ‏هذه‏ ‏العادات‏ ‏القديمة‏ ‏قد‏ ‏توارثتها‏ ‏الأجيال‏ ‏دون‏ ‏الوعي‏ ‏بمدي‏ ‏صحة‏ ‏ذلك‏.‏
وعلي‏ ‏الرغم‏ ‏من‏ ‏أننا‏ ‏في‏ ‏عصر‏ ‏التكنولوجيا‏ ‏والإنترنت‏ ‏وفي‏ ‏القرن‏ ‏الحادي‏ ‏والعشرين‏ ‏إلا‏ ‏أن‏ ‏الكثيرين‏ ‏كما‏ ‏ذكرنا‏ ‏يؤمنون‏ ‏بهذه‏ ‏الغيبيات‏ ‏البعيدة‏ ‏كل‏ ‏البعد‏ ‏عن‏ ‏أصول‏ ‏العولمة‏ ‏والتكنولوجيا‏ ‏فهم‏ ‏فئات‏ ‏بعيدة‏ ‏عن‏ ‏الحداثة‏ ‏والتنمية‏ ‏الفكرية‏ ‏أي‏ ‏مازالوا‏ ‏يعيشون‏ ‏ويستأثرون‏ ‏بمعتقدات‏ ‏الزمن‏ ‏القديم‏,‏ولهذا‏ ‏يسهل‏ ‏استبقاء‏ ‏ذلك‏ ‏الموروث‏ ‏الشعبي‏ ‏من‏ ‏عادات‏ ‏وتقاليد‏ ‏وأعراف‏ ‏تتغير‏ ‏ببطء‏ ‏شديد‏.‏
ومع‏ ‏أن‏ ‏الكثير‏ ‏من‏ ‏هذه‏ ‏المعتقدات‏ ‏لا‏ ‏يتقبلها‏ ‏العقل‏ ‏ولا‏ ‏المنطق‏ ‏لكن‏ ‏بحكم‏ ‏صدورها‏ ‏عن‏ ‏كبار‏ ‏السن‏ ‏في‏ ‏العائلة‏ ‏فهي‏ ‏تصبح‏ ‏قوانين‏ ‏مقبولة‏,‏وهنا‏ ‏يتضح‏ ‏قول‏ ‏أحد‏ ‏علماء‏ ‏الاجتماع‏ ‏وليم‏ ‏اوجبران‏ ‏بإطلاقه‏ ‏علي‏ ‏هذه‏ ‏الظاهرة‏ ‏ما‏ ‏يعرف‏ ‏بالهوة‏ ‏الثقافية‏ ‏أي‏ ‏يكون‏ ‏الإنسان‏ ‏في‏ ‏تقدم‏ ‏من‏ ‏النواحي‏ ‏المادية‏ ‏والتكنولوجية‏ ‏لكن‏ ‏في‏ ‏الوقت‏ ‏نفسه‏ ‏لديه‏ ‏تخلف‏ ‏في‏ ‏النواحي‏ ‏المعرفية‏ ‏والفكرية‏.‏
ويختتم‏ ‏د‏.‏ثروت‏ ‏حديثه‏ ‏بأننا‏ ‏كلما‏ ‏اتجهنا‏ ‏لتحرير‏ ‏كل‏ ‏ما‏ ‏هو‏ ‏تقليدي‏ ‏سعيا‏ ‏وراء‏ ‏تحقيق‏ ‏رغبات‏ ‏ليست‏ ‏بالأمر‏ ‏الصعب‏ ‏يجب‏ ‏ألا‏ ‏ننظر‏ ‏لما‏ ‏تفرضه‏ ‏علينا‏ ‏طبيعة‏ ‏مجتمعنا‏ ‏الشرقي‏ ‏من‏ ‏عادات‏ ‏وتقاليد‏ ‏تجعلنا‏ ‏أسري‏ ‏هذه‏ ‏الخرافات‏.‏وأن‏ ‏يضع‏ ‏الإنسان‏ ‏هذه‏ ‏المعتقدات‏ ‏في‏ ‏موضع‏ ‏التفكير‏ ‏ويعلم‏ ‏أنها‏ ‏اعتقادات‏ ‏خاطئة‏ ‏تتناقل‏ ‏بين‏ ‏الأجيال‏ ‏من‏ ‏لا‏ ‏شئ‏!! ‏حتي‏ ‏لا‏ ‏نقع‏ ‏فريسة‏ ‏للخرافات‏ ‏والشعوذة‏. ‏




 

oesi no

GOGOƸ̵̡Ӝ̵̨̄&#4
مشرف سابق
إنضم
29 مارس 2006
المشاركات
16,962
مستوى التفاعل
1,990
النقاط
113
عادات واتعودنا عليها ومن الصعب تغيرها هنعمل اية بقى صعايدة
 

ميرنا

مشرف سابق
مشرف سابق
إنضم
15 أكتوبر 2005
المشاركات
22,034
مستوى التفاعل
562
النقاط
0
الإقامة
عند اقدامك اجثوا
‏لكن‏ ‏بحكم‏ ‏صدورها‏ ‏عن‏ ‏كبار‏ ‏السن‏ ‏في‏ ‏العائلة‏ ‏فهي‏ ‏تصبح‏ ‏قوانين‏ ‏مقبولة‏

دى الخلاصه بجد ميرسى لمرروك
 

oesi no

GOGOƸ̵̡Ӝ̵̨̄&#4
مشرف سابق
إنضم
29 مارس 2006
المشاركات
16,962
مستوى التفاعل
1,990
النقاط
113
ماشى كدة ممكن تتقبل بس مش كقوانين برضة
 

ميرنا

مشرف سابق
مشرف سابق
إنضم
15 أكتوبر 2005
المشاركات
22,034
مستوى التفاعل
562
النقاط
0
الإقامة
عند اقدامك اجثوا
امال هتتقبل ايه انا عن نفسى شيفاه حاجه مقدسه وفعلا بتتقالى الحجات دى ولما بسائل طب ليه الرد بيكون اتعلمنا كده او مش بيترد اصلا
 

oesi no

GOGOƸ̵̡Ӝ̵̨̄&#4
مشرف سابق
إنضم
29 مارس 2006
المشاركات
16,962
مستوى التفاعل
1,990
النقاط
113
ممكن نقبلها كنوع من العادات الغير مستحبة والتى يجب ان نبتعد عنها
 

girl_in_jesus

سامحنى يا مخلصى
مشرف سابق
إنضم
10 يناير 2006
المشاركات
3,433
مستوى التفاعل
27
النقاط
0
الإقامة
فى بيت ابويا المخلص
يا ميرنا دى بجد عادات انا عن نفسي مش حبها ومستغربه اننا مهتمين بيها وبنعملها

لكن للاسف منقدرش نغيرها غير لما احنا نخفيها من حياتنا ولو خفناها اكيد عائلاتنا مش هيرضو

بكده بس مع الوقت اكيد هتقل وبعدين تنتهى كمان كام قرن كده .
 

artamisss

مشرف ديموقراطى جدااا
عضو مبارك
إنضم
10 ديسمبر 2005
المشاركات
2,175
مستوى التفاعل
19
النقاط
0
الإقامة
In The Kingdom Of Heavens
على فكرة بقى الحاجات دى فعلا حقيقيه بجد انا وصغيرة كنت سمعت حكايه الشبشب المقلوب انه بيجيب النكد لصاحبه جربتها فعلا فى يوم وقلبت الشبشب بتاعى وقلت بقى اما نشوف ايه اللى هايحصل فعلا اتخانقت يومها مع اختى وفضلت متنكده لانى خاصمتها


ومرة تانيه عمى بيحكى لى بيقولى انه وهو صغير كانو بيقولوا بلاش تاكل حته مستكه وترميها فى النار علشان سنانك ماتضعفش جربها ولما كببر بقى 40 سنه كل سنانه وقعت فعلا بجد ومش بهزر مع ان العيله مفيهاش امراض وراثيه للعظم ابدا

مرة تانيه بيقولوا بلاش تخطى قشر التوم علشان مايجبش النقار فى البيت وماتنكسيش يوووم الاحد ولا ليله الاحد علشان حرام

وماتعيطيش ليله الجمعه ومعرفش ليييييييه !!!!!!!!!!!!! ومتعيطيش فى الحمام ولو اتخضيتى رشى ميه على شكل صليب مكان ما اتخضيتى واشربى بق ميه علشان الخضه وروحى اتناولى تانى يوم ودى انا واثقه منها لانى سمعت ان فى ناس كتير دخلتهم ارواح ننجسه بسبب كده
 

oesi no

GOGOƸ̵̡Ӝ̵̨̄&#4
مشرف سابق
إنضم
29 مارس 2006
المشاركات
16,962
مستوى التفاعل
1,990
النقاط
113
كلام جميل بس الشيطان بيخلينا نعتقد فى الحاجات دية
يعنى انتى متلا ما اتخنيقتيش مع اختك بعد كدة خالص
وعمك هو الوحيد اللى فى الدنيا اللى سنانه وقعت وهو عندة 40 سنة
يا ريت ما نحاولش نخلى الشيطان يضحك علينا
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
موضوع جميل يا ميرنا

بس انا عن نفسي شايف الموضوع ممكن يتعامل معاه

بطريقة سلسة يعني مش تتحول لتابو يعني مثلا مش لطيف لما الشبشب يبقي مقلوب

او اللعب بالمقص او او الي اخره

يعني اتعامل معاها كانها عادات مش مستحبة فقط

و دودو اختصرت الموضوع وكلامك سليم جدا في موضوع الخضة والبكاء
 

mary

عضوة مسكينة محتاجة للصلاة
عضو مبارك
إنضم
8 يونيو 2006
المشاركات
240
مستوى التفاعل
3
النقاط
0
بصراحة بصراحة أنا لا أؤمن بالعادات دى خاااااالص وبأتغاظ لما أشوف ولاد ربنا بيعتقدوا فى الكلام ده حتى لو كان فيه شىء من الشيطان برشمة الصليب بالتناول والإعتراف مفيش حاجة زى كده تقدر تأثر فينا وده رأى وربنا يكفينا شر حسد إبليس وحركاته
 

artamisss

مشرف ديموقراطى جدااا
عضو مبارك
إنضم
10 ديسمبر 2005
المشاركات
2,175
مستوى التفاعل
19
النقاط
0
الإقامة
In The Kingdom Of Heavens
ماقولناش حاجه بس احنا شفنا ناس جربوها وحصلتلهم كده ولو مكنش صح ماكانوش تواروثوها الاجيال دى كلها
وعلى فكرة اغلب العادات دى من اصول فرعونيييييييه بجد ومش بهزر الفراعنه كان عندهم حاجات كتير واتأثروا كمان بالشعوب اللى حواليهم وبيتهيائلى لو غلط ماكنوش هايستمروا فيها لانهم كده كده ماكنوش يعرفوا ان ربنا موجود اصلا لسه مع انهم وصلو للتوحيد بالهه مخلوقه لكنهم كان بيفهمو برضه وبعدين مش كل حاجه نرميها على الشيطان هو اللى بيحسدنا هو اللى بينتيل لا احنا لينا عقل برضه نفكر بيه


وان امع كلام مينا هوت ممكن نتعامل نعاها على انها عادات مش مستحبه يعنى انا افتكر مرة ان جدتى مرة كانت تقولى ماتناميش ساعه صلاة الجمعه ليه يا تيتا ؟؟؟؟؟؟؟؟ هو كده علشان ماتكسليش طول الاسبوع دى انا جربتها فعلا لكن لاقيت انها عادى يعنى مفيهاش حاجه لا بكسل ولا حاجه كل الموضوع ان الجدود يقولو عليها اصل الجمعه فيها ساععععععععععععه نحس اشمعننننننننننى اصل الساعه 12 للساعه 3 كان المسيح على الصليب علشان كده ساعه نحس
لو فكرنا بقى بعقلنا هانلاقى ان جدودنا كانو بسطاااااااء جدااااااااا فى تفكيرهم وفى ايمانهم انهم كانو بيذكروا نفسهم كل يوم جمعه وقت الساعه السادسه والساعه التاسعه ان المسيح اتصلب وعيب قوى انك تبقى نايم فى يوم تفتكر فيه ان المسيح اتصلب علشاااااااانك

لو فكرنا فى كل حاجه هانلاقيلها الف اصل واصل
 

ramyghobrial

The Love Faithful
مشرف سابق
إنضم
23 ديسمبر 2005
المشاركات
4,039
مستوى التفاعل
20
النقاط
0
الإقامة
Cairo
ايماني بالمسيح يخليني مايهمنيش اييييييي حاجة لاني في الاول والاخر ايماني كلة بية لكن تقولوي مش عارف اية ولو معملتش اية هايحصلك اية
وفين ايمانا بية
 

artamisss

مشرف ديموقراطى جدااا
عضو مبارك
إنضم
10 ديسمبر 2005
المشاركات
2,175
مستوى التفاعل
19
النقاط
0
الإقامة
In The Kingdom Of Heavens
هو الاخ مؤمن على راى محمد صبحى فى المسرحيه ههههههههه
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
عما اظن اني الاخ رامي :t33:
 

ramyghobrial

The Love Faithful
مشرف سابق
إنضم
23 ديسمبر 2005
المشاركات
4,039
مستوى التفاعل
20
النقاط
0
الإقامة
Cairo
اية ياجماعه فية حاجة !!!!!!!!!!!!! شايف اسمي بيتداول كتير:spor22:
 

o0oandro0o

New member
عضو
إنضم
8 سبتمبر 2006
المشاركات
68
مستوى التفاعل
2
النقاط
0
‏اوعي‏ ‏تشغل‏ ‏المقص‏ ‏عمال‏ ‏علي‏ ‏بطال‏ ‏لأنه‏ ‏فال‏ ‏وحش‏
انا بقى بكذب الموضوع دا يا جماعه بالدليل والبرهان .... انا من هواياتى .... اى مقص الاقيه قدامى اقعد ألعب بيه .. وافتحه وا اقفله ...... وناس كتير قالت فال وحش ... لكن مافيش أى حاجه حصلت
oesi_no vbmenu_register("postmenu_66168", true);
كلام جميل بس الشيطان بيخلينا نعتقد فى الحاجات دية
يعنى انتى متلا ما اتخنيقتيش مع اختك بعد كدة خالص
وعمك هو الوحيد اللى فى الدنيا اللى سنانه وقعت وهو عندة 40 سنة
يا ريت ما نحاولش نخلى الشيطان يضحك علينا
فعلا الشيطان يقولنا الشبشب بيعمل كذا ... والمقص ... وكل الحاجات دى ... وطبعا بيخلينا كمان نتخانق مع اى حد علشان المقوله تتحقق ... دا طبيعى منه علشان نصدق بكلامه .. وننشغل عن حياتنا بالمعتقدات الغلط دى
 
أعلى